Од денес до 18 септември во Чешка, Грузија, Италија и Германија ќе се игра Евробаскет 2022. Ова е 41. континентален шампионат на кој ќе учествуваат 24 репрезентации поделени во четири групи.

А-групата ја сочинуваат: Белгија, Бугарија, Грузија, Црна Гора, Шпанија и Турција.

Б-група: Босна и Херцеговина, Франција, Германија, Унгарија, Литванија и Словенија.

Ц-група: Хрватска, Естонија, Велика Британија, Грција, Италија и Украина.

Д-група: Чешка, Финска, Израел, Холандија, Полска и Србија.

Во првиот натпревар денес од 13:30 часот ќе играат Шпанија и Бугарија.

Другите двојки за денес се:
БиХ – Унгарија (14:30 часот)
Турција – Црна Гора (16:15)
Словенија – Литванија (17:15)
Белгија – Грузија (19:00)
Франција – Германија (20:30).

Најмногу злата, вкупно 14 има поранешниот Советски сојуз, СФР Југославија има пет, Југославија, Литванија и Шпанија по три, Италија и Грција по две. Летонија, Чехословачка, Египет, Унгарија, Германија, Русија, Франција и Словенија по еднаш биле на европскиот кошаркарски трон

The post Почнува ЕП во кошарка: Дончиќ и Јокиќ главни звезди appeared first on Република.

Специјализираниот кошаркарски портал „Еурохупс“ објави листа на десет големи кошаркарски ѕвезди кои ќе го пропуштат Европското првенство 2022.

На оваа листа се наоѓаат:

1. Богдан Богдановиќ, Србија

2. Данило Галинари, Италија

3. Серхио Љуљ, Шпанија

4. Рики Рубио, Шпанија

5. Торнике Шенѓелија, Грузија

6. Никола Вучевиќ, Црна Гора

7. Мо Вагнер, Германија

8. Милош Теодосиќ, Србија

9. Виктор Вембењама, Франција

10. Паоло Банкеро, Италија.

Сè уште не се знае со сигурност дали домаќинот Чешка во својот тим ќе го има Томаш Саторански, кој минатата недела се повреди во квалификациите за Мундобаскет 2023.

Евробаскет 2022 ќе се игра од 1 до 18 септември во Чешка, Грузија, Италија и Германија.

The post Oвие ѕвезди нема да играат на кошаркарското ЕП appeared first on Република.

Македонската кошаркарска репрезентација ја победи Словачка со 79:75 во 2. коло од претквалификациите за Евробаскет 2025.

Во најголем дел од натпреварот одигран вечерва во СРЦ „Кале“ во Скопје, гостите беа во водство, но „црвено-жолтите“ беа упорни и на три минути до крајот семафорот покажуваше 69:69. Следуваше серија од 7:0 за конечна победа на македонската селекција.

Најефикасни во победничкиот тим беа Ненад Димитријевиќ со 20, Андреј Јакимовски и Војдан Стојановски додадоа по 15.

На вториот натпревар од Д-групата во претквалификациите Норвешка ја победи Данска со 99:75.

По две кола, Македонците како и Норвежаните имаат по две победи, Словаците и Данците се без триумф.

The post Втора победа за македонските кошаркари во претквалификациите за Евробаскет 2025 appeared first on Република.