Фудбалерите на последните два европски клупски шампиони, Манчестер Сити и Реал Мадрид, имаат најмногу награди за најдобар играч во досегашните 44 натпревари на ЕП 2024 пред да се одиграат четвртфиналните дуели на турнирот, се вели во извештајот на АС.

И „лос бланкос“ и „граѓаните“ можат да се пофалат дека нивните играчи освоиле пет од наградите што УЕФА ги доделува по завршувањето на секој натпревар на ЕП во Германија. Тоа значи дека во 22% од случаите наградата оди кај играч од еден од двата клуба.

Англичанецот Џуд Белингем има две награди за најдобар играч од Реал Мадрид, додека Турчинот Арда Гулер, Хрватот Лука Модриќ и Германецот Антонио Рудигер имаат по една. Што се однесува до претставниците на Манчестер Сити, Белгиецот Кевин Де Бруин има две награди, а по една Шпанецот Родри, Швајцарецот Мануел Аканџи и Португалецот Бернардо Силва.

Што се однесува до лигите, шпанската Ла Лига и англиската Премиер лига го делат првото место во овој поглед со по 10 играчи прогласени за најдобар играч на ова издание на турнирот. Покрај петте наградени од Реал Мадрид, тројца од Барселона - Германецот Илкај Гундоган, Французинот Жил Кунде и Шпанецот Феран Торес - како и по еден од Атлетик Билбао и Валенсија, Шпанецот Нико Вилијамс и Грузиецот Џорџи Мамардашвили.

Наградените на Манчестер Сити може да се додадат на двете награди на Данецот Кристијан Ериксен од Манчестер Јунајтед, двете на Холанѓанецот Коди Гакпо од Ливерпул и една на Данецот Пјер-Емил Хојберг од Тотенхем.

На третата позиција по Ла Лига и Премиер лигата е германската Бундеслига со 7 награди, а зачудувачки е што саудискиот шампионат со своите 4 награди има повеќе од францускиот и португалскиот, кои имаат по 2, односно 1, додека холандскиот нема ниту една награда.

The post Фудбалерите на Реал Мадрид и Манчестер сити најмногу се истакнуваат на ЕП 2024 appeared first on Република.

Фудбалерите на Романија го завршија Европското првенство во Германија со пораз од Холандија (3-0) во осминафиналето, но ги воодушевија сите љубители на фудбалот со нивниот потег по натпреварот на Алијанц арената.

По примерот на Јапонците го средиле домот на фудбалерите на Баерн и ја оставиле соблекувалната буквално во состојбата во која ја пронашле.

Романците дури и на домаќините им оставиле порака на романски и германски јазик.

ЕУРО 2024 за секого од нас беше едно од најважните фудбалски искуства досега. Мило ни е што беше токму во Германија. Секој натпревар, секоја емоција, секое искуство направи да ја почувствуваме магијата на фудбалот. Заминуваме од Германија со мисла дека дадовме се за Романија и благодарни сме за сè што доживеавме додека бевме тука. Беше чест да се биде дел од големото семејство на европскиот фудбал. Ви благодарам што направивте да се чувствуваме како дома, пишува во пораката која ја оставиле Романците во соблекувалната.

This is how Romania's locker room looked like when they left the Allianz Arena in Munich following their defeat against Netherlands. Class! #EURO2024 pic.twitter.com/hk83rvFhaP

— Emanuel Roşu (@Emishor) July 3, 2024

The post Сите зборуваат како Ромаците ја оставија соблекувалната зад себе appeared first on Република.

Голманот на Португалија, Диого Кошта синоќа одбрани три удари во пенал рулетот (3:0) против Словенија во осминафиналето на Евро 2024 против.

УЕФА го прогласи португалскиот голман за играч на натпреварот.

Кошта стана првиот голман во историјата кој сопрел три шута во пенал-серија. Воедно, тој стана и првиот голман во историјата на европските првенства кој не примил пенал во „престрелката“ по натпреварот.

Во четвртфиналето на Евро 2024, репрезентацијата на Португалија ќе се сретне со селекцијата на Франција. Натпреварот ќе се одигра на 5 јули.

The post Кошта единствен голман кој не примил гол во пенал-серија на ЕП appeared first on Република.

Дваесет и петгодишен маж е приведен откако нападнал со нож навивачи во фан зоната во Штутгарт за време на натпреварот од Европското фудбалско првенство меѓу Чешка и Турција, јави денеска агенцијата ДПА.

Три лица се повредени во инцидентот што се случил во средата вечер додека навивачите на голем екран во фан зоната го следеле натпреварот од групната фаза меѓу Турција и Чешка.

Напаѓачот е обвинет за обид за убиство, соопшти обвинителството.

Тројцата повредени мажи се 19-годишен Германец и двајца турски државјани, на возраст од 38 и 60 години.

Турција ја совлада Чешка со 2:1 и се пласираше во осминафиналето на ЕВРО2024.

The post ЕВРО2024: Тројца избодени со нож во фан зона во Штутгарт appeared first on Република.

Со одигрување на натпреварите од последното коло во групната фаза, познати се сите учесници во плејофот за ЕП 2024.

Двојки за осминафиналната фаза на Европското фудбалско првенство:

Шпанија (1Б) - Грузија (3Ф)
Германија (1А) - Данска (2С)
Португалија (1F) - Словенија (3C)
Франција (2D) - Белгија (2E)
Романија (1E) - Холандија (3D)
Австрија (1D) - Турција (2F)
Англија (1C) - Словачка (3E)
Швајцарија (2А) - Италија (2Б).

Првите два натпревара ќе се играат в сабота (29 јуни). Осминафиналето ќе го отворат Швајцарија и Италија (18 часот), а во терминот од 21 часот ќе се соочат Германија и Данска.

The post Формирани двојките за осминафиналето на Евро 2024 appeared first on Република.

Ана Брнабиќ, поранешната српска премиерка и актуелна претседателка на српскиот парламент, изјави дека претседателот Александар Вучиќ бил очаен бидејќи српската фудбалска репрезентација отпатувала на Европското првенство во Германија со хрватски авион.

„Тоа е вистинска приказна. Штета е, Вучиќ беше крајно лут. Ние имаме своја „Ер Србија“ и сите патуваме со таа компанија. Кога ќе слета авионот, можете да ја видите „Ер Србија“ и тоа е наша гордост”, рекла Брнабиќ за време на гостување на Хепи ТВ.

„Треба да утврдиме кој е одговорен“
Таа истакна дека на оваа тема не се разговарало претходните денови за да не се префрли фокусот на јавноста од поддршката за репрезентативците. Брнабиќ истакна дека „апсолутно е неопходно да се утврди како се случило и кој е одговорен“ за тоа што српските репрезентативци патувале со хрватски авион, пренесува Нова.рс.

Телеграф пишува дека Фудбалскиот сојуз на Србија ги испратил фудбалерите во авион со хрватска „шаховска табла“. Инаку, српската репрезентација вчера ремизираше со Данците и со тоа го заврши натпреварувањето на последното место во групата со само два освоени бода.

The post Вучиќ беше очаен бидејќи фудбалерите отпатуваа на ЕП со хрватски авион appeared first on Република.

Претседателката на Собранието на Србија Ана Брнабиќ денеска изјави дека српската фудбалска репрезентација на Европското првенство во Германија заминала со хрватски авион и посочи дека претседателот на Србија Александар Вучиќ кој се качил во авионот за да ги испрати играчите, бил очаен и лут поради тоа, јави дописникот на МИА од Белград.

Брнабиќ за ТВ Хепи изјави дека за ова се премолчело и дека било тајна за да не се вознемири нашата репрезентација пред патувањето, како и да не се истакне чија е одговорноста.

Таа изјави дека апсолутно лично очекува да се откријат одговорните за тој пропуст, како и кој е одговорен што српските репрезентативци патувале со хрватски авион и со хрватско знаме.

Очекувам да се откријат одговорните и да се види зошто тоа се случи. Имаме своја „Ер Србија“, сите секогаш патуваме со „Ер Србија“, претседателот Александар Вучиќ патува и на долги патувања, како на пример во Република Кина. Исто така, кога ќе слета авионот, се гледа „Ер Србија“, тоа е нашата гордост. Не знам зошто тоа се случи, но знам дека тоа се случи и дека не се зборуваше за да не ја сменат повторно темата за поддршка на нашата репрезентација и мислам дека тоа беше правилна одлука. Дека ова е срамота, срамота е, а Вучиќ беше очаен поради тоа и очекувам одговорните да бидат идентификувани, порача Брнабиќ.

The post Вучиќ „очаен и лут“ што српската репрезентација била вратена дома во хрватски авион appeared first on Република.

Селекторот на Англија, Герет Саутгејт го коментираше однесувањето на англиските навивачи на натпреварот со Словенија (0:0) на Евро 2024 година.

Навивачите на Англија по натпреварот свиреа и фрлаа пластични чаши кон тренерот.

Јас го разбирам тоа. Сепак, нивните постапки нема да ме оддалечат. Најважно е да останеме тим. Го разбирам чувството против мене. Се создава необична атмосфера околу тимот, изјави Саутгејт за „Дејли мејл“.

Селекцијата на Англија со пет бода го освои првото место во Ц-групата.

The post Навивачите на Англија фрлаа чаши кон селекторот Саутгејт appeared first on Република.

Барнабас Варга, несреќниот фудбалер на Унгарија, кој се здоби со тешка повреда на натпреварот против Шкотска, беше опериран во Германија.

Варга заврши на земја по судир со голманот на Шкотска и од првиот момент ситуацијата изгледаше прилично лоша.

По подолг период на асистенција, фудбалерот беше изнесен од теренот, а набрзо имаше информации за тешки повреди. Неговата сопруга се огласи по операцијата на Варга, објавувајќи слика од болница со коментар дека тој е добро и сега ќе закрепнува.

Ден по натпреварот проговори агентот на Варга, Питер Пауно.

– Тој особено не се сеќава на инцидентот – рече Пауно.

За повредата проговори и Гергељ Панич, докторот на унгарската репрезентација.

– Барни се здоби со потрес на мозокот при ударот и изгуби свест. Кога стигнал во итната медицинска помош, тој веќе се освестил, по што бил однесен во клиника во Штутгарт, каде по прегледот бил изготвен тераписки план според кој ќе биде опериран. Нашиот напаѓач се здоби со повеќекратни фрактури на черепот на лицето, неколку помали и поголеми коски беа скршени, а некои беа дури и дислоцирани. По операцијата тој ќе биде задржан два дена, а доколку се биде во ред ќе биде пуштени во среда, изјави репрезентативниот доктор.

Тој беше прашан и за брзината на реакцијата на лекарите во важните први моменти по судирот.

– Во однос на германскиот протокол и прва помош, не сакам да коментирам, бидејќи не го знам детално и не сум одговорен за тоа. Сепак, можам да кажам дека имав можност да го посетам Барна во болницата и видов дека е во професионални раце и добива големо внимание, истакнува Панич.

The post Варга не се сеќавал на инцидентот, успешно е опериран appeared first on Република.

Еден од фаворитите за титулата Англија и на вториот натпревар на ЕВРО2024 одигра под очекувањата, ремизирајќи 1-1 против Данска вечерва во Франкфурт во рамки на групата Д.

Англичаните дојдоа во водство преку капитенот Кејн во 18 минута, а Данска израмни во 34 минута со голот Хјулманд.

Во завршното трето коло сите четири репрезентации во групата Д влегуваат со шанси за пласман во осминафиналето.

Англија е лидер во групата со 4 бодови, пред Данска и Словенија со 2, а Србија е на последното место со 1 бод.

Третото коло на програмата е во вторник кога Англија ќе игра против Словенија, а Данска против Србија.

The post Англија и Данска одиграа нерешено appeared first on Република.

Репрезентациите на Србија и Словенија одиграа попладнево нерешено 1-1 во Минхен во натпревар од второто коло во групата Д на ЕВРО2024.

Словенците беа на чекор до победа откако со голот на Камичник во 69 минута поведоа со 1-0 и беа во предност до завршните секунди од натпреварот кога Јовиќ по нафрлената топка од корнер со глава го совлада Облак во петтата минута од судиското продолжение.

Ремито ги остави двете репрезентации во игра за пласман во осминафиналето од групата Д во која вечерва играат Англија и Данска.

The post Србија во последниот напад извлече бод против Словенија appeared first on Република.

Поранешниот вицепремиер Артан Груби во Германија ја бодри репрезентацијата на Албанија на Европското првенство во фудбал. Вчера го следеше мечот на Албанија против Хрватска, на кој еден од играчите ги пцуеше Македонците.

https://republika.mk/sport/fudbal/novo-video-ushte-edna-navreda-od-albanskite-navivachi-za-makedontsite-gi-narekuvaat-shkiji/

Таму се и неговите „Шверцери“, навивачите на ФК Шкупи од Македонија, кои ја бодреа англиската репрезентација кога таа играше против Србија.

На вчерашниот меч, пак, покрај извиците „Убиј Србина“, која ги спои албанските и хрватските навивачи, фудбалерот Мирлинд Даку по мечот на разглас извикуваше „Qifsha Maqedonien“ додека навивачите ракоплескаа.

https://republika.mk/sport/fudbal/ffm-pobara-albanskiot-reprezentativets-da-se-izvini-za-navredite-ke-se-zhalat-i-vo-uefa/

The post Груби ја бодреше Албанија на мечот на кој се пцуеја Македонците appeared first on Република.

Во Германија стравуваат дека терористички напади како оној на концертната сала Крокус може да се случат на Евро 2024 година. Германските власти објавија закана слична на терористичкиот напад во Москва.

- Европа, а со неа и Германија, се под мета на џихадистичките организации, особено ИСИС и „Вилајат Хорасан“, рече германската министерка за внатрешни работи Ненси Фесер.

Официјалните лица забележуваат дека еврото може да стане атрактивна цел за џихадистичките терористи.

Можното сценарио е координиран напад од големи размери како оној што неодамна го видовме во Москва. „Вилајат Хорасан“ е дефинитивно најопасната група, смета Томас Халденванг, шеф на Федералната канцеларија за заштита на уставот на Германија.

Особено, пропагандата на „Вилајат Хорасан“ неодамна објави колаж на кој е прикажан милитант со митралез на фудбалски стадион. Насловот на фотографијата гласеше: „Постигнете го последниот гол!

Халденванг истакна дека „Вилајат Хорасан“ ги испрати своите поддржувачи во Западна Европа под маската на луѓе што ја напуштаат Украина.

- Најголемата безбедносна закана се „волците-сами“, додаде Халденванг.

Тој како пример го наведе 25-годишниот маж од Авганистан кој уби полицаец и рани пет други со нож во Манхајм на почетокот на јуни.

The post Германските власти стравуваат од терористички напади на ЕП 2024 appeared first on Република.

Воведниот натпревар на Европското фудбалско првенство во Германија во кој домаќинот синоќа ја совлада Шкотска со 5-1 во Минхен, собра 22,49 милиони гледачи пред германскиот јавен сервис ЗДФ.

Ова е надминување на бројката од 17 милиони гледачи кои ги следеа натпреварите меѓу Германија против Шпанија и Костарика за време на Светското првенство во Катар 2022 година.

Во 2022 година, најголема гледаност од 18 милиони гледачи постигна женската репрезентација во финалето на Европското првенство против Англија.

За време на последното ЕВРО2021, четири од натпреварите на Германија надминаа 20 милиони гледачи, со максимум од 27,36 милиони за осминафиналето во кое германската репрезентација загуби од Англија.

The post Воведниот натпревар на ЕП 2024 го следеле 22 милиони телевизиски гледачи во Германија appeared first on Република.

Германската полиција соопшти дека ќе воведе рестрикции за алкохол на натпреварот од првото коло од групата Ц на Европското фудбалско првенство меѓу Англија и Србија, што се игра во Гелзенкирхен.

Германската полиција излезе со соопштение дека на стадионот во Гелзенкирхен ќе биде забрането точење на обично пиво кое содржи меѓу четири и пет проценти алкохол, туку ќе се служи само светло пиво со јачина од 2,5 проценти алкохол.

Продажбата ќе биде ограничена на две пива по лице.

Организаторите ги објаснија рестрикциите како мерка на претпазливост за навивачите на Англија.

Англија и Србија се сместени во групата Ц на Европското првенство, каде ривали им се Данска и Словенија.

Натпреварот меѓу Англија и Србија е закажан за в недела од 21 часот.

The post Само по две пива со помалку алкохол за навивачите на Србија и Англија на мечот во Гелзенкирхен appeared first on Република.

Фудбалската репрезентација на Англија синоќа беше поразена со 1:0 од селекцијата на Исланд во пријателски натпревар одигран на „Вембли“ во Лондон.

Стрелец на единствениот гол на оваа средба беше Јон Дагур Торштајнсон во 12. минута.

На 3 јуни Англија ја совлада репрезентацијата на Босна и Херцеговина со резултат 3:0.

Следниот пријателски натпревар на Исланд е в понеделник (10 јуни) против Холандија.

Репрезентацијата на Англија предводена од селекторот Герет Саутгејт ќе игра на Европското првенство во 2024 година во Германија и важи за прв фаворит за трофејот.

Евро 2024 ќе се одржи од 14 јуни до 14 јули. з

The post Англија загуби од Исланд во пресрет на Евро 2024 appeared first on Република.

Македонската ракометна репрезентација вечер ќе го има својот последен настап на Европското првенство во Германија. Противник на избраниците на селекторот Кирил Лазаров, ќе биде репрезентацијата на Швајцарија.

Во првите две кола, Македонците забележаа очекувани два пораза, од Франција и од Германија, додека Швајцарците успеаја да им откинат бод на фаворизираните Французи.

Од А-групата, Германија веќе обезбеди пласман во следната фаза, додека Франција само чудо може да ја спречи да не оди понатаму. Швајцарците ќе се надеваат на победата над Македонија со голема разлика и на што повисок пораз на „триколорите“ па со евентуална подобра гол-разлика да ги поминат на табелата.

Македонците кои се без ниту теоретски шанси за да ја поминат групата, посакуваат со позитивен резултат да го завршат ЕП и како третопласирани во групата да си обезбедат подобра позиција во мундијалските квалификации.

Натпреварот ќе се игра во Берлин вечер со почеток во 18 часот. Од 20:30 часот третото коло во А-групата ќе го заокружат Франција и Германија.

The post Македонските ракометари против Швајцарија во последниот свој натпревар на ЕП 2024 appeared first on Република.

Македонската ракометна репрезентација, денеска попладне треба да го има првиот собир во Скопје, со што и официјално ќе ги почне подготовките за настап на Европското првенство (ЕП) во Германија, во јануари в година. Неодамна селекторот Кирил Лазаров го објави списокот на 19-те повикани ракометари на кои смета за ЕП 2024, но има и осум резерви, кои може да се приклучат во секој момент, доколку има потреба за тоа. Боите на репрезентацијата ќе ги бранат тројца интернационалци, голманот на португалски Порто, Никола Митревски, бекот на португалска Бенфика, Филип Талески, и левото крило на чешкиот Талент Плзен, Никола Костески. Другите ракометари се од три домашни клуба, Алкалоид (седум), Еурофарм Пелистер (шест) и Вардар (три).

Црвено-жолтите досега одиграа две подготвителни средби пред ЕП, забележувајќи по едно реми (29-29) и победа (23-22), на двете пријателски средби со Грција во Солун. Предвидени се уште еден меч со Црна Гора во декември и два меча во јануари, со Грција. Македонија на ЕП е во група заедно со домаќинот Германија, потоа со Франција и со Швајцарија. Првите две селекции од осумте групи, како и најдобрите четири меѓу третопласираните репрезентации, ќе обезбедат пласман во следната групна фаза.

Состав: Никола Митревски, Мартин Томовски, Марко Кизиќ, Филип Талески, Филип Кузмановски, Томислав Јагуриновски, Мартин Велковски, Давид Савревски, Иван Џонов, Марко Митев, Игор Ѓоргиев, Никола Маркоски, Жарко Пешевски, Милан Лазаревски, Едвин Омерагиќ, Ненад Костески, Никола Костески, Петар Атанасијевиќ, Цветан Кузманоски.

The post Лазаров денеска прозива: Македонија почнува со подготовки за ЕП 2024 appeared first on Република.

Стенкање се слуша во позадина додека трае ждрепка во Хамбург за групите за Европското првенство во фудбал. Во моментот кога се влечеа топчињата, во позадина се слушнаа звуци од порно филм.
Сите во салата збунето гледаа, по што водителот искоментира дека се слуша врева, наскоро истата запре.

Esto ha pasado en el sorteo de la #EURO2024. El vídeo de los gemidos. ESTO QUÉ ES JJJJSJSSJ pic.twitter.com/eYLXeQdmjc

— Luis Calabor Núñez (@LuigiCalabor) December 2, 2023

Someone is playing sex noises at the Euro 2024 draw😭😭😭😭😭 #EURO2024 pic.twitter.com/f7hzqT1kSF

— Ryy (@AFC_Ryy) December 2, 2023

The post Звуци од порно филм се слушаа за време на ждрепката за ЕП appeared first on Република.

Во Хамбург на свечена церемонија на УЕФА беа извлечени групите за ЕП во Германија. Во најинтересната, групата Б се најдоа екипите на Шпанија, Хрватска, Италија и Албанија.
Од Балканот Словенија и Србија се најдоа во иста група и ќе играат со еден од главните фаворити Англија.
ЕП ќе стартува на 14. Јуни и ќе трае еден месец.

Извлечете ги групите за Европското фудбалско првенство 2024 година.
Група А
1. Германија
2. Шкотска
3. Унгарија
4. Швајцарија
Група Б
1. Шпанија
2. Хрватска
3. Италија
4. Албанија
Група Ц
1. Словенија
2. Данска
3. Србија
4. Англија
Група Д
1. Холандија
2. Бараж А
3. Австрија
4. Франција
Група Е
1. Белгија
2. Словачка
3. Романија
4. Бараж Б
Група Ф
1. Турција
2. Бараж В
3. Португалија
4. Чешка

The post ЕП 2024: Србија во група со Англија, Хрватска против Шпанија и Италија appeared first on Република.