Капитенот на македонската фудбалска репрезентација, Енис Барди поради повреда заработена на последниот натпревар за својот клуб Трабзонспор, не е во можност да игра на натпреварите против Хрватска и со Чешка.

Истегнување на лигаментите на зглобот на десното рамо е повредата здобиена на мечот од последното коло во турското првенство која го спречува македонскиот репрезентативец да биде дел од подготовките и контролните натпревари кои следуваат.

-Барди веќе ја започна рехабилитацијата, но за жал не е во можност да биде дел од тимот на Македонија за натпреварите на 3. јуни во Ријека против Хрватска и на 10. јуни против Чешка во Храдец Кралове, соопшти ФФМ.

Селекторот Благоја Милевски не планира да повикува дополнителен фудбалер како замена за Енис Барди

The post Барди се повреди, нема да игра против Хрватска и Чешка appeared first on Република.

Стрелецот на голот за Македонија, со кој „црвено-жолтите“ израмнија 1-1 против Италија, на Националната арена „Тодор Проески“ Енис Барди е горд на себе,но и на неговите другари во репрезентацијата.

Мислам дека беше тежок меч. И нормално кога играш против една Италија. Мислам дека ние бевме тие кои имаа почисти шанси. Второ полувреме почнавме со гол за Италија, бевме деконцентрирани. Сепак, се вративме многу брзо. Горд сум на овие момци. Ние сме мала земја, но овде има многу “лавови“. Чест ми е што ја носам капитенската лента. Има доста играчи што ми помагаат во тоа да сум капитен“ изјави Барди по вечерашниот меч.

The post Барди: Горд сум, ние сме мала земја која има многу „лавови“! appeared first on Република.

Македонската фудбалска репрезентација на утрешниот евроквалификациски дуел во Скопје против европскиот првак Италија ќе ја предводи на теренот Енис Барди, кој ја презема капитенската лента по неодамнешното повлекување од националниот тим на Стефан Ристовски.

-Ова за мене е голема чест, како и мотив. Да се биде капитен на репрезентација значи многу за мене. Тука има доста капитени кои немаат лента. Има многу лидери кои заслужуваат да имаат таква улога како мене. Како што претходно сум играл со Пандев и Ристовски, чест ми е што и јас ќе бидам капитен, изјави Барди на денешната официјална прес – конференција во Скопје.

Новиот македонски капитен посочи дека атмосферата во репрезентацијата е одлична, a играчите се подготвени за предизвикот.

-Ова е нов предизвик за мене. Атмосферата е одлична, доаѓаме по подготовки. Многу играчи се во добра натпреварувачка форма. Секогаш кога доаѓаме да играме за Македонија имаме многу мотив. Секој треба да преземе одговорност и да даде свој максимум, додаде Барди

The post Барди нов капитен на македонската репрезентација appeared first on Република.

Информациите од Италија велат дека Торино сака ова лето да го ангажира Енис Барди, последниот збор ќе го има Трабзонспор.

Торино сака оваа сезона да го добие Барди на позајмица, а идното лето комплетно да го откупи.

Италијанскиот клуб чека одговор од Турците дали една таква понуда е прифатлива за нив.

Барди сака да остане во Трабзон, барем така најавуваа турски медиуми, има уште две години договор откако ланското лето дојде за три милиони евра од шпански Леванте, но Трабзон поради кратење на буџетот за добра сума на пари сакаат да го продадат, а еден од ланските џиновски засилувања веќе спогодбено раскина – Марк Бартра.

Барди вчера даде гол од слободен удар за Трабзон во подготвителниот период за новата сезона.

The post Торино има понуда за Барди, се чека одговор од Трабзонспор appeared first on Република.

Македонскиот фудбалски репрезентативец Енис Барди ќе го напушти Трабзонспор во зимскиот преоден рок, а за неговите услуги се заинтересирани клубови од Шпанија и Италија, јавија денеска турските медиуми.

Повикувајќи се на извори од Трабзонспор, весникот „Фанатик“ објави дека шпанскиот прволигаш Мајорка доставил конкретна понуда за трансфер на 27-годишниот Барди, а дел од медиумите претходно наведоа дека интерес за македонскиот репрезентативец има и од калчолигашот Торино.

Барди на почетокот на оваа сезона се пресели во Турција од редовите на шпански Леванте за три милиони евра, и според турските медиуми, тоа е сумата за која Трабзонспор би се согласил предвреме да ја раскине соработката со македонскиот играч за врска.

Причината поради која Барди е на трансфер листата е намерата на Трабзонспор да ги намалите трошоците во буџетот за оваа сезона.

Турскиот прволигаш претходно ја раскина соработката со Еврард Куаси, Јусуф Ердоган и Емрехан Чедикли.

Барди сезонава одигра 11 натпревари за Трабзонспор и постигна три голови.

The post Барди во Торино? appeared first on Република.

Maкедонскиот репрезентативец Енис Барди, кој игра во редовите на турски Трабзонспор, вчера физички се пресмета со фудбалерот Валентин Розие од Бешикташ.

Барди влезе на теренот во второто полувреме од дербито, и брзо заврши во дуел со гостинскиот фудбалер кај аут-линијата. Причината за ваквото однесување на Барди беше неспортска реакција на Розие.

Valentin Rosier & Enis Bardhi arasında yaşanan gerginlik 📸#BJKvTS pic.twitter.com/s36qrCgrKM

— TRT Spor (@trtspor) October 16, 2022

По овој старт Барди го грабна за врат Розие, но и играчите и судијата реагираа брзо и ја смирија тензијата, но жолт картон заработија и двајцата фудбалери.

Мечот заврши нерешено со 2:2.

The post Барди се фати за гуша со фудбалер на Бешикташ appeared first on Република.

Нашиот репрезентативец Енис Барди постигна прекрасен гол од слободен удар во победата на Трабзон против Монако со 4-0.

Погледнете ја оваа магија.

:

The post Maгија на Енис Барди: Каков гол од слободен удар appeared first on Република.

Македонскиот фудбалски репрезентативец Енис Барди се надева дека македонските напаѓачи утре ќе имаат свој ден, на мечот со Бугарија, но вели дека тие се нови, млади и треба да се има трпение со нив.

По тој пораз со таква игра, беше тешко. Фудбалот се игра на резултат, не е добро кога ќе загубиш, ама одиме напред. Имаме уште една шанса, да покажеме дека тој резултат во Грузија не беше вистинска слика и со три бода можеме да извадиме позитивен момент“, вели Барди.

Сметам дека сите сме нови тука, потребно е време да се запознаеме со дел од тимот. Како што гледам, сите даваат голови за клубовите, а тука или не ни оди или не не сака топката. Мора да сме трпеливи, ќе дојде нашиот момент. Ја знаеме сопствената цел, тоа е Европското првенство. Мора да чекаме, потребно им е време да се адаптираат на младите. Ние постарите имаме искуство, а останатите се под мала тензија. Потребна е поддршка, сметам дека сме добра генерација и ќе направиме големи работи“.

The post Барди: Сметам дека сме добра генерација и ќе направиме големи работи appeared first on Република.

Македонскиот фудбалски репрезентативец Енис Барди е на чекор до трансфер во атински Олимпијакос, пренесуваат грчките медиуми повикувајќи се на информации од Шпанија.

Според медиумите, Олимпијакос за трансферот на Барди од Леванте е подготвен да плати три милиони евра плус дополнителни 1.5 милиони евра во бонуси.

Леванте изминатата сезона го загуби прволигашкиот статус, а Барди го врзува договорот со клубот од Валенсија до јуни 2024 година.

Олимпијакос изминатата сезона ја освои шампионската титула во Грција, но претрпе елиминација во Лигата на шампиони од израелски Макаби Хаифа и во продолжението ќе се обиде да обезбеди утешно место во групната фаза во Лига Европа.

The post Барди пред трансфер во Олимпијакос appeared first on Република.

Дипломатски пасоши од Министерството за надворешни работи ќе добијат двајца фудбалски репрезентативци Александар Трајковски и Енис Барди, како и селекторот Боби Милевски, соопшти на денешниот брифинг со новинарите министерот за надворешни работи Бујар Османи.

Тие се нашите најважни амбасадори во моментов и го заслужуваат пасошот, како одделен доказ за нивните успеси. Им посакувам успех и во Португалија, истакна Османи.

Македонската фудбалска репрезентација завчера оствари победа над Италија во Палермо, со што обезбеди место во финалето од баражот за пласман на Светското првенство 2022.

The post Трајковски, Барди и Милевски добиваат дипломатски пасоши од МНР appeared first on Република.

Во пресрет на финалниот бараж меч со Португалија, Енис Барди, еден од клучните фудбалери во македонскиот состав, испрати јасна порака – ако победиме, веднаш нека ни ја дадат светската титула.

Можеби немавме среќа на ждрепката кога паднавме во најтешката група, ама ние сме горд тим, кој верува во сѐ што прави. Да ја победиш Италија на домашен терен е нешто неверојатно, а сега ни доаѓа Португалија, исто така на нивни терен и знаеме дека ќе биде тешко, ама мора да веруваме дека можеме. Фудбал се игра 90 минути, сѐ може да се случи… Така што, ако ја победиме Португалија, нека ни го дадат пехарот и ќе си одиме дома. Нема потреба да патуваме во Катар, ќе си седиме во Македонија, изјави на шега Барди, пренесува Екипа.

The post Барди: Ако ја победиме и Португалија, нема потреба да одиме во Катар, дајте ни го пехарот и ќе си одиме дома appeared first on Република.

Со попладневниот тренинг на комплексот на Фудбалската федерација на Македонија во Скопје, македонската фудбалска репрезентација денеска ги почна мини подготовките за полуфиналниот бараж против Италија, на 24 март во Палермо, за историски пласман на Светското првенство, чиј домаќин на крајот од оваа година ќе биде Катар.

Репрезентативецот од средниот ред, Енис Барди, посочи оти во модерниот фудбал не постојат фаворити и оти на дуелот против актуелниот европски првак, „црвено-жолтите“ ќе мораат да бидат сконцентрирани во секој момент од натпреварот.

Сите знаеме колку тежок натпревар ќе ни биде. Најважно за нас е да бидеме сконцентрирани во секој момент од мечот. Во денешниот фудбал фаворитите нè победуваат секогаш, можат и тие да имаат лош ден. Од друга страна, ние покажавме дека можеме да се надигруваме со сите. Мислам дека ќе одлучуваат детали, секоја секунда и секоја топка ни е важна. Мораме да се подготвиме и психолошки против Италија, изјави Барди.

The post Барди: Детали ќе го одлучат баражот против Италија appeared first on Република.

Македонскиот репрезентативец Енис Барди забележа асистенција во денешната победа (2:0) на Леванте на домашен терен против Мајорка. За тимот од Валенсија ова беше прва победа сезонава во Ла Лига.

Барди му асистираше на Роберто Солдадо во 47. минута при водечкиот гол на домаќините. Конечните 2:0 ги постави Моралес во 90+7. минута.

По 20. коло, Леванте е последен на табелата со 11 бода, Мајорка остана на 20 бода, доволни за во моментов 15. место

The post Барди се разигра по повредата appeared first on Република.