Вечерва со почеток во 20:30 часот на програмата на тв „Алфа“ започнува со емитување на новата естрадно-забавна емисија „Stars“, на која автор и водител е Ивана Јанковска.

Емисијата ќе биде од забавен карактер, а во неа ќе имате прилика да ги слушнете и запознаете одблиску најголемите балкански, но и домашни ѕвезди.

Покрај водителката Ивана, во емисијата свои улоги и задачи ќе имаат и двете млади инфлуенсерки, Јана Станојевиќ и Марија Лазаревска.

Ќе се обидеме да понудиме нешто ново, на публиката да им дадеме ексклузивни информации за познатите. Ќе ги прашаме се она што другите или избегнуваат или не сакаат да ги прашаат, вели водителката Јанковска.

Инаку во првата емисија која ќе се емитува вечерва во 20:30 часот, гостинка е познатата српска пејачка Сања Вучиќ и нашата музичка ѕвезда Антониа Гиговска.

 

View this post on Instagram

 

A post shared by 🌟S T A R S 🌟 (@stars_tvshow)

The post „Ќе ги прашуваме ѕвездите тоа што другите не смеат“, ветуваат од новиот естраден магазин „Старс“ кој почнува вечерва appeared first on Република.

Советот на ЕУ и Европскиот парламент постигнаа привремен договор за регулативата за намалување на емисиите на штетни гасови од автомобилите, комбињата, автобусите и камионите и за издржливост на батериите на електричните возила, позната како „Евро 7“.

Како што јави дописникот на МИА од Брисел, со овој акт се задржува истото ниво на максимални количества на емисии на издувни гасови од автомобилите и комбињата како и во претходната регулатива што го уредуваше овој сектор „Евро 6“, но се намалуваат дозволените лимити на емисии од автобусите и камионите и се воведуваат ограничувања за испуштените честички од сопирачките и гумите и се бара подолго времетраење на батериите кај електричните возила.

Регулативата „Евро 7“ треба да ја замени „Евро 6“, со која се утврдени правилата за емисии на штетни гасови од автомобилите и комбињата, како и „Евро VI“ со која се регулира овој сегмент за камиони и автобуси.

Со „Евро 7“ се воведува единствен сет на правила за ограничувања за емисиите и за лесни и за тешки возила, односно за автомобили, комбиња, автобуси и камиони.

Регулативата „Евро 7“, која Европската комисија ја претстави на 10 ноември 2022 година, е дел од Стратегијата за одржлива и паметна мобилност на ЕК од 2020 година и Акцискиот план за нулто ниво на загадување за 2021 година.

Овој законски текст се надоврзува на Регулативата за зајакнување на стандардите за емисии јаглерод диоксид од новите патнички возила, усвоена на 19 април 2023 година, со која се предвидува целосна забрана на производство на автомобили и комбиња со мотори со внатрешно согорување од 2035 година. Од друга страна, производството на камиони, автобуси и други тешки возила со мотори со внатрешно согорување ќе биде дозволено и по овој датум.

Привремениот договор постигнат меѓу Европскиот совет и парламент сега треба да биде одобрен и формално усвоен од двете институции.

The post Постигнат договор за текстот на регулативата „Евро 7“ за емисии на штетни гасови од возилата appeared first on Република.

Со нов концепт кој гледачите за првпат ќе имаат можност да го видат и искусат во Македонија во февруари стартува најгледаниот ТВ магазин „Голден Карпет” на Канал 5 телевизија, концепт кој гарантира забава со најпознатите јавни личности од регионот, најавуваат оттаму.

По разделбата со Ведрана која од оправдани причини го напушта магазиниот, „Голден Карпет“ продолжува со нов уникатен концепт на овие простори - во секоја емисија со нова водителка. Секоја недела ќе ги замениме улогите со една јавна личност од понежниот пол која ќе ја добие можноста да биде од другата страна на микрофонот и да се испроба во водителскиот свет, вели водителот Миро.

Секоја недела на Канал 5 телевизија во „Голден Карпет“ заедно со Миро прашањата ќе ги поставува позната личност од македонскиот шоу-бизнис и модниот свет.

„Голден Карпет” или „Џ - Карпет” започна во 2020 година, во екот на пандемијата, и за овие 3 години стана препознатлив и еден од најгледаните ТВ магазини со одличен рејтинг, кој несомнено остави свој белег во македонскиот етер. Одлична забава, смеење, ексклузивни приказни, феноменални гости и несекојдневни содржини, овој пат ќе бидат спакувани за вас во нов концепт.

Гледајте „Голден Карпет” секоја недела во 19:30 часот на Канал 5 телевизија.

The post По разделбата со Ведрана, манекенки, пејачки, спортисктки, инфлуенсерки ќе добијат улога на водители на „Голден карпет“ appeared first on Република.