Катарскиот емир Тамим бин Хамад изјави дека самоодбраната не го оправдува, како што го опиша, „геноцидот извршен од израелските сили во Појасот Газа“, пренесува ДПА.

Самоодбраната не се однесува на окупацијата, според меѓународното право, и не дозволува геноцидни злосторства извршени од Израел, рече тој обраќајќи се на самитот на Заливот во Доха.

Тој рече дека израелските сили „ги прекршиле сите религиозни, етички и хуманитарни вредности со извршување на злосторства против човештвото“.

Катарскиот емир ги повика Обединетите нации да спроведат меѓународна истрага за „масакри извршени од израелските окупациски власти врз палестинскиот народ“.

The post Емирот на Катар го критикува Израел за „геноцид“ во Газа appeared first on Република.

Катарскиот емир, шеикот Тамим бин Хамад ал Тани, е првиот светски лидер кој допатува во Туркије по разорните земјотреси што потресоа 10 турски области во јужниот дел од земјата, известува Анадолу.

Турскиот претседател Реџеп Таип Ердоган го пречека катарскиот емир Ал Тани во истанбулската палата Вахдетин Ќошќу, каде без присуство на претставниците на медиумите, одржаа состанок заедно со нивните делегации.

Два разорни земјотреси, првиот со интензитет од 7,7 степени по Рихтер, во понеделникот наутро во 4:17 часот по локално време, со епицентар во округот Пазарџик, и вториот во 13:24 часот, со интензитет од 7,6 степени по Рихтер, со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш.

Бројни спасувачки екипи сè уште ревносно работат на пребарување и спасување на луѓето затрупани во урнатините на зградите.

извор:Анадолу.

фото: Мустафа Камаџи Анадолу.

The post Катарскиот емир Ал Тани е првиот светски лидер кој допатува во Турција по разорните земјотреси appeared first on Република.