Емир Кустурица, познатиот српски режисер бил хоспитализиран на Институтот за ортопедија во Бањица. Според информациите тој скршил нога на Мокра Гора. За Спутник изјавил дека се чувствува добро и го чека операција.

„После авиони, хеликоптери, камиони, стотици илјади километри, 950 концерти и сѐ што ми се случило во животот, ми се случи несреќа на обични скали. Иронијата на животот е дека на последното скалило се лизнав и десниот зглоб ми отиде 180 степени. Офкав од болка“, изјавил познатиот режисер.

Тој додаде дека во моментов нема никакви болки и дека очекува по утрешната операција полека да се врати во нормален живот.

The post Кустурица хоспитализиран – утре ќе биде опериран appeared first on Република.

Режисерот Емир Кустурица смета дека војната во Украина е војна против православието и оцени дека би било подобро претседателите од Запад да присуствувале на претходните Паради на победата во Москва наместо „сега да ја гледаат парадата во живо“.

-Војната во Украина, за која можеме со сигурност да кажеме дека е одамна подготвена со помош на Пентагон, всушност е војна против православието и сето она што една автентична култура го претставува како главна пречка за трансхуманизмот – претворање на луѓето во она што е проверено, рече тој во беседа по повод Светисавската повелба што ја доделува српското просветно-културно друштво „Просвета“, а која му беше врачена денеска во храмот Свети Сава во Белград.

The post Кустурица: Војната во Украина е одамна подготвена со помош на Пентагон appeared first on Република.

Емир Кустурица ја прифатил понудата да стане генерален директор на Централниот театар на руската армија, соопшти портпаролката на Министерството за одбрана на Русија, Росиана Марковска.
Според неа, Шојгу се сретнал со Кустурица во понеделникот.

Министерот ги посочи долгогодишните пријателски односи со Кустурица, неговиот талент и големата работа што доаѓа од срце. Нагласувајќи ја улогата на Кустурица во зачувувањето и развојот на најдобрите традиции на руската култура, Шојгу му ја понуди функцијата главен директор на Централниот академски Театар на руската армија, рече Марковска.

Таа додаде дека режисерот изразил надеж дека „ќе биде успешна работа“ и нагласи дека „во свет во кој вредностите многу брзо се менуваат“, ќе се обиде да ги задржи класичните вредности.

The post Емир Кустурица ја прифатил понудата да стане генерален директор на Централниот театар на руската армија appeared first on Република.