Елон Маск вети дека ќе го однесе на Марс „секој што сака да патува таму“, но истакна дека тоа нема да се случи ако Камала Харис стане претседателка на САД.

Маск синоќа на X објави дека ќе испрати пет вселенски бродови на Марс за само две години. „На крајот ќе има илјадници Старшип кои ќе одат на Марс. Тоа ќе биде прекрасна глетка“, рече Маск.

Сепак, американскиот мултимилијардер и поддржувач на Доналд Трамп изјави дека уште еден мандат на демократите на чело на државата ќе ја „уништи“ програмата за патување на Марс. „Никогаш нема да стигнеме на Марс ако победи Камала“, рече Маск претходно овој месец.

Такво тврдење повторува и самиот Трамп. Републиканскиот кандидат вети дека ќе испрати луѓе на Марс за време на неговиот мандат. „Ќе разговарам со Илон. Илон, придвижи ги ракетите“, рече Трамп на свој митинг, пренесува Скај њуз.

SpaceX зазема пристап со висок ризик-висока награда во истражувањето на вселената. Компанијата стана главен превозник на НАСА до Меѓународната вселенска станица. Пред само две недели, таа му помогна на американски милијардер да стане првиот човек што учествувал во ризична приватна прошетка во вселената.

The post Маск ќе го однесе на Марс „секој што сака да патува таму“, само ако Камала не победи appeared first on Република.

Американскиот милијардер Илон Маск го нарече шеф на Фондот за отворено општество Џорџ Сорос мизантроп, кој во основа го мрази човештвото на фундаментално ниво.

Сорос во основа го мрази човештвото и ги поддржува плановите кои ја нагризуваат структурата на цивилизацијата, рече Маск во интервју за американскиот публицист Џо Роган.

Маск истакнува дека клучната вештина на Сорос е „воочување можности за арбитража“.

Сорос виде дека подобро враќање на инвестицијата е да се потрошат огромни суми пари на локални трки, бидејќи ако можете да го промените начинот на кој се применуваат законите, нема потреба да ги менувате законите. Тој е 100 отсто во право, рече Маск.

Маск го нарече Сорос „главниот донатор на Демократската партија“ во САД.

Претходно, Маск изјави дека има намера да ја тужи Фондацијата Отворено општество за да го запре сузбивањето на слободата на говор од страна на организацијата.

The post Маск: Сорос го мрази човештвото appeared first on Република.

Си-ен-ен, синоќа повикувајќи се на извадоци од новата биографија на Валтер Исаксон за ексцентричниот милијардер со наслов Илон Маск, објави дека тој минатата година тајно им наредил на своите инженери да ја затворат сателитската комуникациска мрежа Старлинк на неговата компанија во близина на брегот на Крим, за да се спречи таен украински напад врз руската поморска флота.

Одлуката на Маск, која ги натера украинските власти да го молат повторно да ги вклучи сателитите, беше поттикната од стравот дека Русија на украинскиот напад на Крим ќе одговори со нуклеарно оружје, страв што беше поттикнат од разговорите на Маск со високи руски претставници, наведува Исаксон во книгата што треба да биде објавена на 12 септември.

Маск на X дека потврди дека го саботирал големиот украински напад, но истакнува дека не го исклучил Старлинк, туку одбил да го вклучи.

Тој одговарајќи на објавата на X со наслов „ИЛОН СПРЕЧИ НУКЛЕАРНА ВОЈНА?“, Маск напиша: „Старлинк не беше активиран во наведените региони. СпејсХ (SpaceX) не деактивираше ништо“.

Тој тврди дека ги одбил украинските молби за вклучување на Старлинк.

Имаше итно барање од државните тела да се активира Старлинк сè до Севастопол. Очигледната намера беше да се потопи поголемиот дел од руската флота. Ако се согласев на нивното барање, тогаш СпејсХ ќе беше експлицитен соучесник во голем воен чин и ескалација на судирот, напиша Маск.

Тој додаде дека „двете страни треба да се согласат на примирје“.

Откако Русија оневозможи добар дел од украинските комуникации, Маск донираше Старлинк на Киев. Системот набрзо стана клучен за украинската одбрана. Но, кога Украина почна да го користи Старлинк за офанзивни напади, Маск почна да ја доведува во прашање неговата одлука, се посочува во книгата.

„Како ми е во оваа војна?“ Маск го прашува Исаксон и додава дека „Старлинк не требаше да биде вклучен во војни. Таму е за луѓето да можат да гледаат Нетфликс и да се релаксираат и да се поврзат со училиште и да прават добри мирни работи, а не за напади со беспилотни летала“.

Високиот советник на украинскиот претседател Володимир Зеленски, Михајло Подољак по веста го обвини милијардерот за убиство на деца.

Понекогаш грешката е многу повеќе од обична грешка, Михајло Подољак порача на Твитер.

Со тоа што не дозволи украинските беспилотни летала да уништат дел од руската воена (!) флота преку попречување на Старлинк, Маск и дозволи на оваа флота да истрела ракети „Калибр“ кон украинските градови. Затоа страдаат цивили и деца, тоа е цена на коктел на незнаење и големо его. Сепак, сè уште останува прашањето, зошто некои луѓе се толку очајни да ги бранат воените злосторници и нивната желба да извршат убиство? И дали сега сфаќаат дека прават зло и поттикнуваат зло?, истакна Подољак.

The post Маск призна дека саботирал голем украински напад, Подољак го обвини за убиство на деца appeared first on Република.

Tвитер изгуби повеќе од половина од својата вредност во претходните шест месеци, односно откако Маск ја презеде сопственоста на компанијата. Маск во допис до вработените предложи дека Tвитер сега се проценува на помалку од 20 милијарди долари, што е значително помалку од 44 милијарди долари колку што Маск плати за купување на Tвитер во октомври минатата година, пишува „Гардијан“.

Големата девалвација на вредноста на компанијата следеше по турбулентното преземање на Маск. Неколку големи огласувачи ја напуштија платформата, а главниот извор на средства за купување на компанијата од страна на Маск, инвестициската компанија „Фиделити“ ја намали вредноста на својот удел за 56 отсто.

Маск во дописот исто така истакна како компанијата била само четири месеци од тоа да остане без пари, пред да им подели серија отпуштања на високо позиционирани вработени. Според бројките што ги претстави Маск во декември, бројот на вработени е намален од околу 7.500 на околу 2.000 вработени.

„Гледам јасен, но тежок пат до проценување (на вредноста) на повеќе од 250 милијарди долари“, рече Маск, што би значело десеткратно зголемување на вредноста на акциите

The post Газда Маск ја урна цената на Твитер appeared first on Република.

Платформата Твитер ќе се посвети на елиминација на терористичка и екстремистичка содржина на Интернет, изјави францускиот претседател Емануел Макрон при посетата на САД и средбата со сопственикот на таа социјална мрежа Елон Маск. Макрон се сретна со новиот сопственик на Твитер за време на посетата на САД и имаше „јасен и искрен разговор“, напиша францускиот премиер во петокот на Твитер.

Макрон рече дека Елон Маск го потврдил учеството на Твитер во иницијативата „Christchurch Call“ започната по терористичките напади во Нов Зеланд. Никаде нема место за терористичка и насилна екстремистичка содржина“, рече Макрон.

Макрон и Маск разговараа и за „транспарентните кориснички политики, значително зајакнување на умереноста на содржината и заштита на слободата на говорот“, рече Макрон. „Твитер мора да вложи напори за усогласување со европските регулативи“, додаде тој.

Откако Маск го презеде Твитер, постои голема загриженост дека повеќе говор на омраза би можел да заврши на платформата под негово водство и по масовните кратења на работните места што ги спроведе. Самиот Маск изрази таква загриженост со постојани критики дека Твитер има премногу ограничена слобода на говор на платформата.

Макрон и новозеландската премиерка Џасинда Ардерн ја започнаа иницијативата „Christchurch Call“ во 2019 година, во која светските лидери се здружија со технолошките компании, вклучувајќи ги „Фејсбук“, „Јутјуб“ и „Гугл“ за да се справат со терористичката и екстремистичката содржина на интернет.

Иницијативата е именувана по градот во Нов Зеланд каде вооружен маж уби 51 лице во напади на две џамии во 2019 година. Тој ги пренесуваше нападите во живо на Фејсбук 17 минути пред социјалната мрежа да го прекине преносот, а клиповите од видеото потоа станаа вирални.

The post Макрон по средбата со Маск: „Твитер ќе се бори против екстремистичката содржина“ appeared first on Република.

Елон Маск синоќа најави дека од следната недела повторно ќе ги отвори суспендираните профили на Твитер „под услов да не го прекршиле законот или праќале безвредни електронски пораки на срамен начин“.

„Народот зборуваше, амнестијата почнува следната недела“, напиша Маск на Твитер додавајќи порака на латински јазик „Гласот на народот е гласот на боговите“ (Vox Populi, Vox Dei).

Маск пред два дена објави анкета со прашањето „Дали Твитер треба да понуди општа амнестија за затворени профили?, под услов корисниците да не го прекршиле законот и да не користат скандалозни „спам пораки“? Да/Не“.

Пет часа подоцна п ристигнаа одговори од околу два милиони корисници, кои во огромно мнозинство гласаа „за“ повторно активирање на затворените профили.

The post „Гласот на народот е гласот на боговите“: Маск најави враќање на суспендираните профили appeared first on Република.