Претседателот на СДСМ и пратеник во Собранието на Република Cеверна Македонија, Венко Филипче, заедно со координаторот на пратеничката група на СДСМ Оливер Спасовски и со пратеникот Фатмир Битиќи, одржаа средба со претседателка на Собранието на Република Албанија Елиса Спиропали, која е во официјална посета на државата, се вели во соопштението од Социјалдемократскиот сојуз.

На средбата, како што информираат од СДСМ, се разговарало „за добрососедските односи помеѓу Cеверна Македонија и Албанијa, како и за идните политики во делот на забрзување на евроинтеграцискиот процес на двете држави“.

Филипче и Спиропали, се согласиле дека „Cеверна Македонија и Албанија мора заедно да продолжат по европскиот пат, со фокус на исполнување на обврските и размена на искуства во рамки на процесот на пристапување кон Европската Унија,што е важно за иднината на граѓаните на двете држави“.

Во тој контекст, Филипче посочил дека загрижува политиката на актуелната власт во однос на евроинтеграцискиот процес на државата.

Актуелната власт не презема конкретни чекори во однос на забрзување на процесот на евроинтеграција на државата и покрај тоа што ветуваа дека дека ќе ја подобрат преговарачката позиција. Во моментов имаме ситуација кога патот кон ЕУ е доведен во ризична состојба, а со тоа и иднината на државата, рекол Филипче.

На средбата била потврдена досегашната соработка помеѓу двете земји и важноста од зајакнување и унапредување на регионаланата соработка како на економско така и на билатерално ниво.

Воедно, на средбата, Филипче ја истакна соработката со сестринската Социјалистичка партија на Албанија, на билателарно ниво и во рамки на Партијата на европски социјалисти.

The post Филипче-Спиропали: Cеверна Македонија и Албанија треба заедно да продолжат по европскиот пат appeared first on Република.

Претседателот на Собранието Африм Гаши денеска во законодавниот дом оствари средба со претседателката на албанското Собрание Елиса Спиропали, која е во официјална посета на земјава.

Гаши и Спиропали одржаа заедничка прес-конференција, но за изјавата на Спиропали немаше обезбедено соодветен превод.

Гаши истакна дека двете земји на меѓународен план имаат исти цели и интереси, а тоа се полноправното членство во Европската унија, соработката во областа на одбраната во рамките на НАТО Алијансата, како и продлабочување на регионалната соработка.

– На средбата искажавме очекување и надеж дека нашите две земји заеднички ќе го продолжат својот пат кон европската интеграција. Сметаме дека тоа е многу важно како за нашите две земји така и за останатите земји од регионот, бидејќи заедничка ни е посветеноста за сеопфатен развој на Западниот Балкан. Укажавме дека проширувањето е една од најдобрите политики на Унијата како геостратешка потреба и е долгорочна инвестиција за цела Европа во политичка, безбедносна и економска смисла. Тоа е добар механизам за напредок и награди, што нé мотивира како земји да ги спроведуваме бараните реформи, чиј краен резултат би требало да биде полноправното членство во Унијата, рече Гаши.

The post Имаме исти цели, полноправно членство во ЕУ, соработка во рамки на НАТО и продлабочување на регионалната соработка appeared first on Република.

Денеска (23.09.2024) во официјална посета на Република Македонија ќе присуствува Претседателката на Парламентот на Р. Албанија, г-ѓа Елиса Спиропали.

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.

СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

The post Посебен режим на сообраќај во Скопје appeared first on Република.

Претседателката на Собранието на Албанија, Елиса Спиропали денеска ќе ја посети Македонија, каде ќе се сретне со дел од водечките политички фигури во земјава. Прес-службата на албанскиот Парламент соопшти дека Спиропали ќе оствари повеќе средби.

Предвидено е Спиропали да се сретне со нејзиниот македонски колега Африм Гаши и со лидерот на ДУИ, Али Ахмети.

Предвидени се средби и со поранешниот претседател на Собранието и член на ДУИ, Талат Џафери, како и со лидерот на опозициската СДСМ, Венко Филипче.

По средбата е предвидено соопштение за медиумите.

The post Претседателката на Собранието на Албанија денеска во Скопје, ќе се сретне со Гаши, Џафери и Филипче appeared first on Република.

Претседателката на парламентот на Албанија, Елиса Спиропали, во својот кабинет го прими македонскиот амбасадор во Тирана, Данчо Марковски, информираат од нејзиниот кабинет.

Амбасадорот Марковски упатил честитки за изборот на Спиропали за прв човек на Собранието и ја изразил „подготвеноста на амбасадата да придонесе во соработката на Парламентот и институциите на Македонија со Албанија“.

Претседателката Спиропали нагласила дека соработката со Македонија, Албанија ја смета за приоритет на надворешната и регионалната политика и ја изразила подготвеноста на Собранието и институциите на Албанија за интензивирање на билатералната соработка.

Таа посочила дека Собранието на Албанија ќе ја интензивира одличната соработка со македонското собрание и оти парламентарната соработка ќе ги унапреди односите и сеопфатната соработка меѓу двете земји.

Албанија и Македонија, како партнери во НАТО и во напорите и достигнувањата за членство во ЕУ, ќе продолжат да соработуваат и да придонесуваат за развојот, стабилноста и мирот во регионот и пошироко, истакна претседателка Спиропали, стои во соопштението од кабинетот.

Спиропали, која од 2019 година беше државна министерка за односи со парламентот, во владата на премиерот Еди Рама, за претседателка на законодавниот дом беше избрана на 30 минатиот месец

The post Македонскиот амбaсадор во Тирана на гости кај претседателката на албанскиот парламент appeared first on Република.

Во тензична ситуација, создадена од демократите на Сали бериша, со уфрлување навредливи зборови, фрлање хартија и блокирање на собраниската говорница, за што мораше да интервенира и обезбедувањето, доцна папладнево албанскиот парламент избра нова претседателка на законодавниот дом и четворица  министри во владата на премиерот Еди Рама.

Сите беа избрани со гласовите на владејачкото мнозинство, апстинираа пратениците од Партијата за национално единство(партија на Чамите), а против гласаа дел од опозициските пратенци, дел ја науштија салата.

Прв парламентарец од денеска е Елиса Спиропали (41), која доби поддршка од 75 пратници. Од 2019 година до денеска беше државен министер за односи со парламентот, каде ја заменува Таулант Бала, кој една година беше министер за внатрешни работи, претходно координатор на пратеничката група на Социјалистичката партија и генерален секретар на партијата. На негово место е  избран Ервин Хоџа, кој доаѓа од местото генерален директор на Националниот инспекторат за заштита на територијата.

Нов министер за одбарана е Пиро Венгу, директор на пристаништето Драч, кој на оваа фукција го заменува Нико Пелеши, кој сега е координатор на пратеничката група на СП.

Нов човек има и во министерството за финансии, каде доаѓа  Петрит Малај, извршен директор на Националната агенција за природни извори, кој на ова функција го заменува  Ервин Мете.

Предлозите на носителите на овие фунции Рама, како лидер на партијата ги објави на партискиот Конгрес, одржан во неделата, на кој изјави дека очекува најисториска победа на парламенарните избори во 2025 година и освојување четврт мандат“.

The post Елиса Спиропали е новата претседателка на албанскиот Парламент, изгласани и новите министри appeared first on Република.