СДС и Ковачевски се кумови на непотизмот. На седница на влада со која раководи Димитар Ковачевски е доделено државно земјиште за фотоволтаици на неговата сопруга по цена од 1 евро за метар квадратен, oбвини ВМРО-ДПМНЕ.

Додека Ковачевски беше заменик министер за финансии и мандатар на состав на влада, неговиот кум Паунов преку фирмата Пиксел груп добивал државна помош.

Партијата која произвела таков непотизам треба да се сокрие и да се срами од народот, кој со години со ограбува.Исто времено добро би било да одговорат како ВМРО-ДПМНЕ фатило врски за вработување на една од посочените во училиштето Кочо Рацин во општина Центар во Скопје, кое е под надлежност на Горан Герасимовски од СДС?

Дали Ковачевски, Кузеска или некој од СДС му се јавиле на Герасимовски и прашале како тој лобирал една од посочените на пресконференцијата на СДС за непотизам во Охрид да биде вработена во институција со која тој раководи? Дали СДС знае што зборува или можеби станува збор за некаков внатрешен судир и пресметка?

Навистина е жално што СДС и на празникот Прочка решија да ги сквернават чувствата на граѓаните и да шират лаги и да манипулираат.

Со право народот вели дека немаме држава, време е да ја вратиме.

The post СДСМ и Ковачевски се кумови на непотизмот appeared first on Република.

Поранешниот антикорупционер Воислав Зафировски вели дека очекувал на „црната листа“ на САД да се најдат „крокодили, а не рипчиња“ и смета дека со случајот на Рамиз Мерко се направи дефокус од проблемите поврзани со американско-турскиот конзорциум Бехтел и Енка.

https://republika.mk/vesti/ekonomija/strujata-e-novata-marihuana/

За него изразите коруптивност има во случајот на премиерот Димитар Ковачевски бидејќи тој дозволи на неговата сопруга да ѝ биде продадено државно земјиште за изградба на фотоволтаични централи.

https://republika.mk/vesti/makedonija/zafirovski-ochekuvav-krokodili-na-tsrnata-lista-na-sad-a-ne-ripchina-kako-ramiz-merko/

Зафировски вели дека САД остануваат цврсто посветени на борбата против корупцијата и дека тоа се однесува и на амбасадорката Анџела Агелер. Според него, црната листа ги размрда институиците во Македонија бидејќи допрва  обвинители ќе испитуваат зошто предмети за Мерко се чувале во фиока. Но тој смета и дека тој случај направи дефокус во јавноста и повеќе не се борува за Бехтел и Енка.

https://republika.mk/vesti/makedonija/so-potpis-na-grubi-firmata-na-soprugata-e-na-premierot-na-chekor-do-izgradba-na-fotovoltaichna-tsentrala/

Зафировски очекувал да го види името на премиерот на листата.

„Очекував премиерот Ковачевски да биде на листата бидејќи сопругата со свои пари влезе во бизнисот на електрична енергија. Во бракот имотот е заеднички и премиерот учествува во таа приказна. Тој дозволи на неговата сопруга да ѝ биде продадено државно земјиште за изградба на фотоволтаични централи“, вели Зафировски.

https://republika.mk/vesti/makedonija/dali-kompanija-od-solarniot-kartel-na-kovachevski-so-drzavna-pomosh-gradi-fabrika-za-paneli-koi-potoa-kje-gi-prodava-na-fec-oslomej-kaj-shto-drzavata-ima-udel/

The post Мислев дека и премиерот ќе биде на црната американска листа, вели поранешниот антикорупционер Зафировски appeared first on Република.

Претседателката на Антикорупциската комисија Билјана Ивановска денеска во одговор на прашање дали постои сомнеж за корупција со оглед на тоа што премиерот Димитар Ковачевски ги поведе своите деца на работна средба во Вашингтон изјави дека тој треба да покаже кој го платил патувањето.

Значи треба да покаже кој го платил патувањето бидејќи вака остава лош впечаток, лоша перцепција се создава дека ако е таткото некој функционер може цела фамилија да оди. Не е единствен случај, за жал таа перцпеција треба да се промени, но тоа ќе се промени со фактичка состојба. Нека оди, нека патува, но нека покаже кој тоа го покрива, рече Ивановска.

https://republika.mk/vesti/makedonija/kovachevski-smetam-deka-e-nepotrebno-da-gi-pokazham-smetkite-za-moite-detsa-za-patot-vo-sad/

Одлука за тоа дали ќе отворат предмет за овој случај, како што рече, ќе донесат денеска на колегиум и ќе известат.

Ние одлуките дали отвараме или не предмет ги носиме на колегиум, денеска после овој настан ќе имаме колегиум и ќе ги известиме, посочи Ивановска, која учествуваше на предавање во рамки на промотивната кампања за борба против корупцијата „Бидете херои на чесноста“ во ОУ „Коле Неделковски”.

Прашана дали има етика и морал кај нашите функционери, Ивановска истакна дека кај нас нема доволно почитување ниту на законите, ниту на етичкиот кодекс.

Штом ми го поставувате прашањето многу јасно е дали има или нема, да не се праивме слепи при очи. Дали е доволно, да доволно е да има етички кодекс ако се почитува. Проблемот кај нас е што не нема доволно почитување ниту на законите ниту на овие помеки мерки. Етичкиот кодекс е помека мерка, опомена. Некој да ме опомене за нешто нема да помсилам веќе тоа да го правам. Додека ние зборувавме за опомена на нашата конференција вие ми кажавте дека повторно го гледате истиот министер повторно со службено возило. Значи опомената не делува, ако е така тогаш треба други мерки бидејќи тие мерки не делуваат. А видете ги примерите од странство, дали е така. Кога случајно министерката ја погрешила картичката и платила со службената да си купи ѓеврек веднаш даде оставка. Ѓеврекот не е материјална работа. Срамот е чувство што го носи само високоморален човек и сам Фројд рекол „кој нема срам бега од него“, нагласи Ивановска.

The post Ивановска: Нека оди нека патува, ама Ковачевски треба да покаже кој плати за неговите деца во Вашингтон appeared first on Република.

Премиерот Димитар Ковачевски продолжува со кавгите и обвинувањата кон новинарите.

Тој денеска беше прашан како тоа неговата сопруга добила државно земјиште за 70 денари за метар квадрати тој им се закани на новинарите и сопствениците на медиуми.

Наместо да одговори за неговата сопруга тој говореше за тоа како сопруга на сопственик на медиум добила 1,4 милиони денари за спроведување на проект за државно финансирање.

Тој вели дека досега не сакал за ова да говори бидејќи сметал дека постапката е според закон. Не објасни каква е паралелата меѓу претседател на Влада на една држава со новинар.

За неговата „мака“, пак додаде дека нема конфлит на интереси бидејќи тој не присуствувал на седницата кога се донела одлуката за Елена Ковачевска.

The post За Koвачевски нема конфликт на интереси оти не присуствувал на седницата на која Груби ѝ даде на жена му државно земјиште за 70 денари за М2 appeared first on Република.

Рамо до рамо, СДС до ДУИ, за тендери, криминали и лични богатења на функционерите на власта.За криминалците на СДС и ДУИ небитно е што секој ден стопанските комори бараат помош од државата, а синдикатите бараат поголеми плати за работниците, нив им се најбитни тендерите и богатењето, обвинуваат од ВМРО-ДПМНЕ.

Додека замрзнуваат, па одмрзнуваат, па ги реведираат цените, а граѓаните не можат да си ги купат ниту основните прехранбени производи пред празниците, Владата на СДС и ДУИ само со еден потпис на Груби им го зголеми богатството на фамилија Ковачевски.

Партијата тврди дека со одлука и потпис на Артан Груби, фамилијата Ковачевски доби земјиште по цена од само 70 денари по м2.

За околу 1.300 евра фирма на фамилијата Ковачевски, каде што главен лик е госпоѓата Ковачевска добива земјиште за изградба на фотоволтаици од 1.119м2.

Една седница на Влада потпишува Ковачевски а се богати Груби, наредна седница на Влада потпишува Артан, а се богати Димитар.

Артан Груби му се одолжи на Димитар Ковачевски за целосната и безусловна одбрана на криминалот кој го прави неговиот брат со фамилијарните фирми, како и за матните тендери со надзорот на коридорите 8 и 10Д.

Потписот на Груби не го сокрива фактот, како и судирот на интереси, дека владата предводена од Ковачевски доделува земјиште на сопругата на Ковачевски.

Ваквата одлука на Владата со која и се доделува државно земјиште на сопругата на Ковачевски е само доказ за целосната одлепеност и забеганост на криминалците од СДС и ДУИ.Државната комисија за спречување на корупцијата веднаш треба да отвори случај за овој еклатантен пример за судир на интереси.

The post Рамо до рамо фамилијата Ковачевски се богати на грбот на граѓаните appeared first on Република.

Додека оди по маркети и замрзнува цени на јајца и зеленчук, кои никако да замрзнат, семејството Ковачевски го зголемува своето богатство преку влез во доходовни бизниси.За да се стекне со голем и вреден имот, сопругата на Ковачевски влегува во односи со Владата, со која управува нејзиниот сопруг Димитар Ковачевски,вели Миле Лефков од ВМРО-ДПМНЕ.

Со оваа одлука се отуѓува градежно земјиште сопственост на Република Македонија на друштвото за производство и продажба СОЛ ГРУП 5 ДОО Скопје. Со овие зборови почнува Одлуката со која Владата ѝ продава 1.119м2 државно земјиште на фирмата на сопругата на Ковачевски.

Оваа Одлука е објавена во Службен весник од 21 март оваа година, а донесена 7 дена претходно односно на 14 март, на седница на Влада. Еве ја Одлуката на Владата, а еве го и потписот на Артан Груби, кој се јавува како потписник во име на Владата.

https://www.youtube.com/watch?v=zGmKGcnTsPM&embeds_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Во време кога Ковачевски е претседател на Влада, неговата сопруга добива државно земјиште од истата таа влада, за бизнис за производство на струја од фотоволтаици.Токму Ковачевски е основач и на Пиксел груп, фирма за производство на фотоволтаични панели, сега во посед на неговиот кум Горан Паунов. Фирма која е основана и забрзано се шири со доаѓањето на СДС на власт.

Бизнисот од кој Ковачевски тврдеше дека излегол, сега гледаме дека влегла неговата сопруга, а за помош добива земјиште и од Владата.

 

Одлуката на Влада со која сопругата на Ковачевски добива државно земјиште додека Ковачевски е премиер е доказ колку власта е забегана и дека не ја интересира ништо освен сопствениот интерес и интересот на нивните семејства кои шират бизнис додека тие се на власт. Ова е доказ дека оваа власт на СДС и ДУИ мора да си замине, зошто државата не смее да биде алатка за богатење на неколку семејства во врвот на власта. Потребни се промени

The post Ова е документот со кој Груби ѝ продава државно земјиште на сопругата на Ковачевски за 70 денари М2 appeared first on Република.

Владата ја задолжи општината Радовиш да ѝ продаде на фирмата во која една од сопственичките е Елена Ковачевска, државна парцела за изградба на фотоволтаична централа, открива „Радио слободна Европа“, додавајќи дека иако Владата не кажува по која цена ја продала парцелата, според тафирникот, цената е 70 денари за метар квадратен.

Фирмата во која сопственички удел има сопругата на премиерот Димитар Ковачевски ќе добие државно земјиште по цена од 70 денари за метар квадратен за изградба на планирана фотоволтаична централа. Владината одлука за продажба на 1.119 метри квадратни земјиште во радовишкото село Раклиш ја потпишал првиот вицепремиер Артан Груби на владината седница на 14 март годинава.

Според објавата во Службен весник Владата донела одлука за продажба на државно земјиште на компанијата „Сол Груп 5“ по пат на непосредна спогодба за дооформување на градежна парцела за која фирмата веќе имала во сопственост 30 проценти. Оваа одлука стапи на сила на 21 март и треба да ја спроведе општината Радовиш. Компанијата имала план да изгради фотоволтаичнa централа со енергетски капацитет од 1,8 мегавати.

Целата сторија на РСЕ

The post Со потпис на Груби: Фирмата на сопругата е на премиерот на чекор до изградба на фотоволтаична централа appeared first on Република.

Лесно му е на Таче. Жена му ја плаќа струјата. Новинари му носат бесплатен леб. А се храни по студентски домови.

The post Лесно му е на Таче, жена му ја плаќа струјата, новинари му носат бесплатен леб… appeared first on Република.

Премиерот Ковачевски призна дека неговата сопруга има инвестирано во изградба на фотоволтаична централа. Премиерот се правдаше дека Елена со свои пари инвестирала и дека тоа било уредно пријавено во анкетните листови пред да дојде на функцијата. Уште убедуваше дека  секој граѓанин може да инвестира свои сопствени средства.

Но, уште поинтересно е кои се другите сопственици на оваа централа. Покрај Елена Ковачевска и Димитар Тренчев, како сопственик се појавува и Кирил Паунов, син на кумот на Ковачевски, кој е заведен и како управител на компанијата. Во низата сопственици е и името на Светлана Тунџева, која е сопруга на директорот на Агенцијата за катастар за недвижности, Борис Тунџев.

Кој е Борис Тунџев?

Целото семјество Тунџеви на директен или индиректен начин е поврзано со СДСМ. Борис беше главен вештак во случајот „Топлик“ за комплексот „Сончев Град“ и покрај забелешките од страна на одбраната на обвинетите дека има конфликт на интереси и оти неговото вештачење не смее да биде дел од листата на докази.

https://republika.mk/vesti/skopje/semejstvo-tundzevi-tatkoto-glaven-veshtak-na-obvinitelstvo-kjerkata-sovetnik-vo-sdsm/

За одбраната беше спорно неговото вештачење бидејќи Тунџев бидејќи истовремено е и директор на Агенцијата за катастар а во моментот кога го правел вештачењето лиценцата му била истечена.

Ќерката Катерина Тунџева пак беше советничката листа на СДСМ за Општина Карпош а сега и мајката станува бизнис партнер на семејството Ковачевски.

Опозицијата минатата година реагираше што Тунџеви имаат компанија за производство на електрична енергија и оти добиле лиценца на 35 години.

https://republika.mk/vesti/makedonija/stoilkovski-boris-tundzev-e-direktor-na-drzavniot-katastar-a-dobiva-licenci-za-proizvodstvo-na-struja-na-celi-35-godini/

The post „Леле што си бевме големото друштво“: Во фирмата за струја на сопругата на премиерот е и семејството на директорот на Катастар и синот на кумот appeared first on Република.

Премиерот Димитар Ковачевски денеска изјави дека во неговиот анкетен лист поднесен до Антикорупциската комисија уште пред да дојде на сегашната функција било пријавено дека неговата сопруга има инвестирано во изградба на фотоволтаична централа. Ковачевски, одговарајќи на новинарско прашање, рече дека тоа е инвестиција на неговата сопруга, за што вложила нејзини сопствени средства.

https://republika.mk/vesti/makedonija/soprugata-na-premierot-so-odbrano-drushtvo-vleguva-vo-biznisot-so-struja/

Прво, тоа што беше објавено на еден портал, потоа беше преземено и од други портали, беше јавно достапен податок и може да се види од мојот анкетен лист каде што е пријавен уделот на мојата сопруга. Тоа не е сега, тоа е уште пред да стапам на функција како претседател на Владата. Согласно Закон за трговски друштва и согласно законските регулативи во државата секој граѓанин може да инвестира свои сопствени средства, како што таа има инвестирано свои сопствени средства и сето тоа е пријавено во сите надлежни институции, во Антикорупциска, со сите податоци и тие се јавно достапни, рече Ковачевски.

Тоа, додаде тој, е нејзина инвестиција којашто ја има направено со свои сопствени средства.

Без моја помош, зошто би имала моја помош да инвестира средства, рече Ковачевски прашан дали таа тоа го направила без негова помош.

https://republika.mk/vesti/makedonija/apasiev-vo-koja-toa-drzava-od-eu-soprugata-na-premierot-vleguva-vo-biznis-so-struja-i-toj-ostanuva-premier/

Премиерот Ковачевски на прес-конференцијата одговарајќи на прашање во врска со корупцијата и соработката со САД, рече дека земјата има функционални институции и дека треба да се работи на сузбивање на корупцијата, како и дека во изминативе 30 години ние за тоа сме имале меѓународна помош. Ова, според него, е дел од една стратешка соработка што Македонија ја има со САД.

Ние на ова гледаме како на продолжување на партнерскиот однос којшто го имаме со САД со цел градење на држава која ќе стане земја членка на ЕУ, а со самото зачленување во ЕУ владеењето на правото и борбата против корупцијата се издигаат на највисоко ниво, рече Ковачевски.

Премиерот посочи дека во моментов во ЕП се води огромна антикорупциска истрага, каде што на дело се потврдува корупција и борба против во центарот на ЕУ.

The post Ковачевски не гледа што е спорно: Сопругата со свои пари инвестира во фирмата, тоа уредно е пријавено во мојот анкетен лист appeared first on Република.

Во која тоа држава од ЕУ, сопругата на премиерот влегува во бизнис со струја (во време кога електричната енергија е најскапа) - и тој останува ПРЕМИЕР!?, прашува лидерот на Левица и пратеник Димитар Апасиев, по веста дека Елена Ковачевска, сопруга на премиерот Димитар Ковачевски, влегува во бизнисот со производство на електрична енергија како една од петте сопственици на компанијата „Сол груп 5 ДОО Скопје“, која планира да гради енергетски капацитет со моќност од 1.8 мегавати во радовишкото село Раклиш.

https://republika.mk/vesti/makedonija/soprugata-na-premierot-so-odbrano-drushtvo-vleguva-vo-biznisot-so-struja/

Ах, бре, пратеници-мајмуни од СДС на Нашата Земја. Што уште треба да дознаете, за да и откажете послушност на оваа октроирана антинародна Влада?, пишува Апасиев барајќи одговорност.

The post Апасиев: Во која тоа држава од ЕУ сопругата на премиерот влегува во бизнис со струја и тој останува премиер!? appeared first on Република.

Премиерот Димитар Ковачевски излезе од бизнисот со фотоволтаици, но, неговата сопруга, Елена Ковачевска, влегува во бизнисот со производство на електрична енергија. Ковачевска е една од петте сопственици на  компанијата „Сол груп 5 ДОО Скопје“, која планира да гради енергетски капацитет со моќност од 1.8 мегавати во радовишкото село Раклиш, објави А1 он.

Документите покажуваат се работи за пет катастарски парцели кои компанијата „Сол груп 5 ДОО Скопје“ ги купила на 22 декември 2020 година од лицето Димитар Тренчев.

 

Со оглед на тоа дека купопродажбата е извршена преку нотар од Радовиш, не успеавме да ги добиеме и купопродажните договори со цел да провериме колкава била почетната инвестиција на компанијата за купување на земјиштето. Покрај Ковачевска, лицето Димитар Тренчев исто така се појавува како еден од основачите и сопствениците во компанијата „Сол груп 5 ДОО Скопје“, формирана во октомври 2020 година.

 

Само два месеца подоцна, Тренчев ѝ ги продава на компанијата парцелите, во која е и косопственик. Според податоците од Централниот регистар, во компанијата „Сол груп 5 ДОО Скопје“ има пет сопственици. Покрај Елена Ковачевска и Димитар Тренчев, како сопственик се појавува и Кирил Паунов, син на кумот на Ковачевски, кој е заведен и како управител на компанијата. Во низата сопственици е и името на Светлана Тунџева, која е сопруга на директорот на Агенцијата за катастар за недвижности, Борис Тунџев, пишува А1он.

Според урбанистичкиот проект, за изградба на фотонапонската електрана е предвидено да се вградат фотонапонски модули од производителот „Пиксел гроуп“, компанија на кумот на премиерот Ковачевски, Горан Паунов.

Целиот текст ТУКА

The post Сопругата на премиерот со „одбрано друштво“ влегува во бизнисот со струја appeared first on Република.

Сопругата на премиерот Димитар Ковачевски, Елена, во Њујорк присуствуваше на прием организиран од првата дама на Турција Емине Ердоган во рамките на промоција на иницијативата “Нула отпад”, соопштија од Кабинетот на премиерот.

Ова е прво протоколарно појавување во јавноста на сопругата на премиерот. Таа го придружува Ковачевски на Генералното собрание на Обединетите нации.

Сопругата на премиерот, која го придружува на Генералното собрание на Обединетите нации, за првпат протоколарно се појавува во јавноста. Елена Ковачевска во оваа пригода носеше фустан-креација на македонската дизајнерка Тања Кокев.

Фотографии од приемот се споделени и на инстаграм-профилот на Емине Ердоган, која повеќе години ја застапува иницијативата. „Нула отпад“ цели да ја подигне свеста за потребата од целосно елиминирање на отпадот и заштита на животната средина со цел да се остави чист свет за идните генерации.

На приемот се и сопругите на лидерите на Латвија, Јужна Кореја, Естонија, Литванија и Франција.

The post На прием кај Емине Ердоган: Прво протоколарно појавување на сопругата на премиерот Ковачевски appeared first on Република.

Не знам зошто е од интерес потеклото на роднините на мојата сопруга. Таткото на мојата сопруга е роден во Куманово, дедото на мојата сопруга е роден во Крива Паланка. Мојата сопруга е родена во Крива Паланка, јас сум роден во Куманово, нашите деца се родени во Скопје. Сите поседуваме лични документи од Sеверна Македонија.

Нема да ги коментирам предците на мојата сопруга, изјави денеска премиерот Димитар Ковачевски по вчерашната објава на бугарски Труд дека неговата сопруга била Бугарка. Веста ја пренесоа и дел од македонските медиуми.

The post Ковачевски не демантира дека сопругата му е Бугарка appeared first on Република.

И дај вие од сите партии, самите излезете во јавност еднаш, покажете си ги бугарските пасоши, откажете се јавно од нив ако сакате да бидете власт или да се борите за власт, порача актерот Сашо Тасевски, по веста на бугарски „Труд“ дека сопругата на македонскиот премиер Димитар Ковачевски е Бугарка.

https://republika.mk/vesti/makedonija/trud-soprugata-na-premierot-kovachevski-e-bugarka/

Жена му на Таче со бугарски пасош била.
А ти Таче каков имаш?
Бугарски или косовски?
За Градоначалничката на Скопје, исто извадија дека е со бугарски пасош.
Таа као нешо ќе тужеше за клевета, ама ништо, си поќуте откако ја избраа.
Да ве прашам нешо.
Да се стане битна фаца овде ти треба бугарски пасош или се лажам?
Не стварно, дај кажете, да знаеме.
Што сме ние само со македонски пасоши?
Како гледате на нас?
Ко да сме глупи или... Неснаодливи. Демоде.
Мамето ваше распродадено.
Говнари едни.
Мислите Бугарите ве сакаат што сте такви, никакви.
Само ве користат против својот народ.
Глупаци.
И дај вие од сите партии, самите излезете во јавност еднаш, покажете си ги бугарските пасоши, откажете се јавно од нив ако сакате да бидете власт или да се борите за власт.
Ако не се откажете, тогаш надвор од политика.
Доста е.
Ова со бугарските пасоши станува гротеска.
У уста ве гаѓам, пишува Тасевски.

The post Тасевски: А ти Таче каков пасош имаш, бугарски или косовски? appeared first on Република.

На службениот редакцискиот мејл на бугарски Труд пристигнала копија од документ според кој Елена Ковачевска, сопругата на актуелниот македонски премиер Димитар Ковачевски, е Бугарка.

Консултациите со лица кои детално го познаваат процесот на стекнување бугарско државјанство, покажа дека документот ги содржи сите потребни атрибути за да биде вистинито. Според неговата содржина, таткото и дедото на Елена Ковачевска - Митко Станојковски и Станојко Станојковски се Бугари родени во општина Босилеград - пишува бугарски Труд.

Тие коментираат дека Ковачевски изјавил дека го покренал прашањето за човековите права за малит етнички групи „на високо ниво. Инсистирал на тоа дека сите граѓани, вклучително и Бугарите, имаат еднакви права и можности за професионален развој и е подготвен да разговара на оваа тема.

Регионот на Босилеград е дел од западните покраини, кои во 1919 година беа одвоени од Бугарија и окупирани од Србија според Нејиевиот мировен договор. До 1941 година Југославија не ја признава и прогонуваше манифестацијата на бугарска самосвест таму, но по 1945 година населението на Босилеград и Цариброд беше официјално признаено како бугарско, а во 1953 година неговиот број достигна 60.146 луѓе. Денес, западните провинциски Бугари се намалија на околу 15.000, разлика од 45.000 како резултат на нивната асимилација и преселување во другите делови на поранешна Југославија, особено во денешна Македонија.

Во врска со актуелната тензија меѓу Софија и Скопје, поврзана со потребата од обезбедување основни човекови права на делот од бугарскиот народ што живее во Македонија и неговото вклучување во Уставот, премиерот Димитар Ковачевски најави дека го покренал прашањето за човековите права на малите етнички групи „на високо ниво. Тој инсистираше на тоа дека сите граѓани, вклучително и Бугарите, имаат еднакви права и можности за професионален развој и е подготвен да разговара на оваа тема.

Тврдењето дека Бугарите во Македонија се мала заедница е политичка мантра која постојано ја повторуваат скопските власти и нивните поддржувачи, како да ги смируваат. Ова е главната причина зошто на пописот во 2021 година им било дозволено да бидат регистрирани како Бугари само на 3504 лица. Но, покрај нив, според официјалните податоци, има околу 20 илјади лица кои се изјасниле дека се бугарски државјани, а други 120.000 биле „пресметани“ по службена должност, т.е. не ги посетил интервјуер и никој не ги прашал која е нивната етничка припадност, се вели во написот.

Понатаму стои:

Сегашните тврдења на власта во Скопје дека Бугарите не се прогонувани се во спротивност со големиот број Бугари од Босилеградскиот регион. Иако официјално се родени и запишани во матичните книги како Бугари, по последните пописни податоци не ги наоѓаме. И откако самата Елена Ковачевска изјави дека се чувствува Бугарка, но овој факт очигледно се држи во тајност од јавноста, што останува за обичните граѓани на Македонија!
Време е политичките фактори во Скопје конечно да најдат граѓанска храброст и да сфатат дека бугарската припадност и самосвест не е кривично дело, туку основно човеково право, чие прогонство е злобна практика наследена од времето на Југославија. Постоењето на бугарска заедница во минатото и денес мора да престане да ги дели Софија и Скопје и да ја игра улогата на мост за нивната соработка на нивниот заеднички пат кон обединета Европа.

The post Труд: Сопругата на премиерот Ковачевски е Бугарка appeared first on Република.