Целосно е локализиран пожарот над струшката населба Елен Камен, кој вчера попладне избувна во шумата на патот кон селото Радожда.

Повеќе од 24 часа на терен беа екипи на Територијалната против пожарна единица од Струга.

– Наши екипи беа на терен, работеа на локализирање на пожарот, а заврна и малку дожд, кој помогна во целосно ликвидирање, изјави за МИА командирот на ТППЕ – Струга, Фети Мазари.

Огнените јазици предизвикаа паника кај жителите од викенд населбата Елен Камен, поради проширување кон куќите. Силниот ветер дополнително ја отежнуваше работата на пожарникарите и ги ширеше пламените јазици.

The post Локализиран пожарот над Елен Камен appeared first on Република.

Шумски пожар попладнево ја зафати околината на Струга, во околината на туристичката населба Елен Камен, во близина на селото Радожда, а како што информира Центарот за управување со кризи (ЦУК) во пожарот е зафатена дабова и нискостеблеста шума.

ЦУК во фејсбук-објава информира дека проблем во гасењето на пожарот прави и ветерот кој дува преку целиот ден, но оти моментално нема опасност од загрозеност на објекти.

Но, поради ветерот екипа на ТППЕ-Струга постојано ќе го контролира опожарениот простор во текот на ноќта – стои во фејбук-објавата на ЦУК.

The post ЦУК: Нема опасност по објектите во струшки Елен Камен appeared first on Република.

Не постои опасност од зафаќање на викенд населбата Елен Камен од пламените јазици од пожарот што попладнево ја зафати шумата над патот кон струшкото село Радожда, информира командирот на територијалната против пожарна единица – Струга Фети Мазари.

Според него, викендиците се на два километра оддалеченост, а ветрот дува во спротивен правец и го носи огнот кон планината.

Моментао на терен е екипа со едно возило и двајца пожарникари. Поради непристапноста на теренот не можеме да интервенираме. Побаравме помош од Дирекција за заштита и спасување уште околу 13.30 часот, кога беше пријавен пожарот, но се уште никој не дојде – изјави Мазари.

По пријавувањето на пожарот, на терен излегле две екипи на ТППЕ Струга со шест пожарникари.

Пожарот во полиција бил пријавен нешто по 14 часот, а екипи на полицијата се присутни на терен, потврди портпаролот на СВР Охрид Стефан Димоски.

The post Пожарот е на два километри од викендиците во Елен Камен, ветерот го носи огнот кон планината appeared first on Република.

Голем пожар попладнево избувнал во шумата над Елен Камен во Струга, над патот за Радожда. Според информации од очевидци на местото на настанот огнот многу бргу се шири поради силниот ветер. Локалните жители стравуваат дека може да бидат зафатени и куќите, објави „Сител“.

Во моментов на терен работат екипи на против пожарната бригада, но како што сведочат очевидците, силниот ветер е голем проблем и веќе зафатил голем предел.

За пожарот веќе се известени сите надлежни институции.

Видео од пожарот на следниот ЛИНК.

The post Голем пожар над Елен Камен appeared first on Република.