Во АД ЕСМ има неколку случаи за кои имаме сериозно сомневање за злоупотреби. Услуги се наплаќани три до четири пати повеќе, изјави вечерва премиерот Христијан Мицкоски.

- Десетици можеби стотици милиони се изнесени, буквално украдени преку тендери каде за услуга се наплаќа три до четири пати повеќе, а на фирмите кои сакаат да се пријават на тендерот им се кажува немојте да конкурирате затоа што тоа е завршена работа. Услуги кои во времето кога јас сум бил директор на тогашното ЕЛЕМ, се плаќале по 86 денари, а денеска се по 230 денари, свесно уништување заради увоз на јаглен, свесно уништување на рударска јама, недоволно добро одржување на системот каде се ископува јаглен за да недостигаат тие колични за да може да се увезуваат по двојно или тројно повисоки цени, натплатени ремонтни активности..., рече Мицкоски во емисијата „За или против“ на телевизија Алфа.

Додаде дека имал состанок со новото раководство на компанијата и дека ќе излезат со докази за овие сомневања

The post Мицкоски: Има сомневања за сериозни злоупотреби во АД ЕСМ appeared first on Република.

Потпретседателот на ВМРО-ДПМНЕ, Александар Николоски одговарајќи на новинарско прашање во однос на набавката на возила за Електрани на Македонија во вредност од милион ипол евра истакна дека се работи за огромен криминал и посочи компаниите да бидат внимателни во каков криминал влегуваат со Електрани на Македонија и со оваа влада на заминување.

Гледате дека се работи за огромен криминал, ни помалку ниту повеќе сега решиле ако не се лажам 60-тина возила да набавуваат во вредност од милион и пол евра што говори дека се работи за едно безочно крадење на одење и да посочам дека одговорност ќе има. Исто така да ги посоветувам оние од кои што се набавуваат возилата, два пати да отворат очи пред да ги доставуваат возилата во Електрани на Македонија и пред да потпишуваат договори затоа што истрагите ќе се сеопфатни и ќе ги опфаќаат сите кои што се дел од тоа, а тоа ги вклучува секако и компаниите кои што влегуваат во ваков криминал со Електрани на Македонија, така што овој криминал треба да се испита а компаниите да бидат внимателни во каков криминал влегуваат со Електрани на Македонија и со оваа влада на заминување - нагласи Николоски.

The post Николоски: Компаниите да внимаваат кога потпишуваат договори со Електрани на Македонија и со оваа влада на заминување, сите набавки ќе бидат предмет на истрага appeared first on Република.

Власта пред избори ја полни администрацијата, никогаш не било полошо, важно е да ги поразиме.352 ден од 2023 година власта распиша оглас за над 500 нови вработувања во ЕСМ. На само стотина дена пред избори ова јавно претпријатие треба да вдоми над 500 партиски послушници.Откако власта го распиша огласот во ЕСМ, распиша уште стотина огласи во разни институции на крајот на 2023 година, а партизацијата не запира и во 2024 година, oбвини ВМРО-ДПМНЕ.

Само во текот на вчерашниот ден е распишан оглас за нови 50 вработувања во МЗШВ.

Еден од таквите огласи е и огласот во М-НАВ каде власта по секоја цена сакаше на огромна плата да стави свои блиски луѓе, без да го имаат потребното знаење и вештини.Самоволието на власта резултира со револтирање на професионалниот кадар како во М-НАВ, така и во сите јавни претпријатија кои ги полнат пред избори. Никогаш не било полоши. Важно е да ги поразиме.

The post Власта ја полни администрацијата пред избори, 500 нови вработувања во ЕЛЕМ appeared first on Република.

Наместо одговорните во ЕСМ да се извинат за минатото неумешно соопштение на една национална телевизија, каде во брзање погрешија кој блок “плански” ќе им испадне и дека на депонија имаат 30 000 тони, а не како што тврдеа 300 000 тони (заборавиле уште една нула згрешил некој при ПРЕпишувањето), МОЛК од свирачкиот оркестар инсталиран на ЧЕЛО на РЕК Битола!

Техниката не може веќе да ги трпи овие импровизации и по празната депонија деновиве чекаме “плански” да им испадне уште еден блок, бидејќи ситуацијата со јаглен е уште полоша односно јаглен има за помалку од 2 дена на депонија.
Блокот 1 во РЕК Битола е надвор од функција. Блокот 2 и БЛОК 3 немаат јаглен за работа и работат со максимална потрошувачка на мазут и малку јаглен со половина моќност на граница на технички минимум, со енормна потрошувачка на мазут со максимум од сите осум мазутни бренери и така се трошат 16 тони мазут на час и оптеретување од 120 MW.

Термоелектраните веќе 7 години не се квалитетно ремонтирани, котлите не се довршија со модернизацијата, десулфуризација не е направена, ниту еден проект за подобрување и одржување на опремата и заштита на животната средина не се реализирани. Состојба ескалира последните години кога приучени кадри со тефтерчиња и скрипти го презедоа комбинатот, каде што имаме повеќе хавариски ситуации, отколку нормален производствен процес.

Ваквото хаотично работење ја доведува во прашање и безбедноста на сите вработени во комбинатот. и некомпетентноста на раководствата на АД ЕЛЕМ и РЕК Битола се главните причини за ваквите катастрофални состојби! Наместо да запрат, тие уште повеќе ја усложнуваат состојба со што деновиве сакаат да инсталираат нови 460 партиски војници во РЕК Битола кои ќе ја влошат и така лошата состојба. Криминогеното и нестручно инсталирани Директори на РЕК Битола мора да понесат одговорност и ОСТАВКА ВЕДНАШ!, бараат од Комисијата за енергетика на ВМРО-ДПМНЕ.

Ги повикуваме надлежните институции , Јавното обвинителство, Државниот пазарен инспекторат, Царината и другите инспекциски институции да го спречат овој криминал, да направат испитување на состојбата што се случува со РЕК Битола ? Каде одат овие тешки милиони, колкаво е загадувањето од канцерогениот мазут што се увезува, колкава е штетата што ја претрпува државата со уништување на котлите во термоелектраните?

Кој ќе ја сноси одговорноста за честите испади, материјалните трошоци, безбедноста на вработените, како и распадот на електроенергетскиот систем на Република Македонија?

Оваа криминогена власт во заминување потроши огромни средства за време на енергетската криза за доопремување на РЕК Битола неофицијално таа бројка за 3 години надминува повеќе од 600 милиони евра, но нестручното и неодговорно однесување на менаџерско-партискиот тим на ДУИ подржано од СДС го втурна во пропаст. Дефектите на трите блока станаа секојдневие и пракса, а не исклучок. Цехот на крајот повторно го плаќаат граѓаните со поскапа струја, токму поради зависноста на РЕК-Битола од увозен јаглен и канцероген мазут .

The post Комисија за енергетика на ВМРО-ДПМНЕ: Некомпетентноста на раководствата на АД ЕЛЕМ и РЕК Битола, се главната причина за катастрофалната состојба на енергетскиот систем во Македонија appeared first on Република.

Портпаролот на ВМРО-ДПМНЕ, Наум Стоилковски одговарајќи на новинарско прашање по денешната прес конференција прашува дали ЕЛЕМ или сега ЕСМ фатени во зафати по теркот на мрачната приватизација, не одговараат дали на вработените 200 лица им е прекинато вработувањето на неопределено време и дали им се дадени договори за времено вработување по теркот „земи или остави“?

Стоилковски исто така, потенцира дека тие не одговорија за долгот на ЕЛЕМ ТУРС кон 100-тина доверители?

И можеби најинтересно, од ЕЛЕМ или сега ЕСМ не одговорија дали од стечајот на ЕЛЕМ ТУРС не создадоа две нови фирми со иста дејност, едната водена од кадар на ДУИ а втората е доделена на СДС со директор личниот другар и шофер на Васко Ковачевски, до вчера, генерален директор на ЕЛЕМ? – вели тој.

Стоилковски нагласи дека без овие конкретни одговори, ДУИ и СДС потврдуваат дека ЕЛЕМ ТУРС е уште една жртва на мрачната приватизација и обид туристичките капацитети на Попова Шапка, Маврово, во Дојран, Струга и Охрид, да завршат во партиски раце, потврдуваат раскрчмување на државниот имот од последната државна компанија, на штета на државата.

The post Стоилковски: ЕЛЕМ не одговара дали по стечајот на ЕЛЕМ ТУРС со новата фирма не директорува шоферот и другар на Васко Ковачевски? appeared first on Република.

Времето на Васко Ковачевски и СДС ќе биде запаметено по тендери во четири очи, милиони испумпани од РЕК и ЕЛЕМ и хаварии во системот, реагираат од ВМРО-ДПМНЕ.

Фалбите на Димитар Ковачевски за Васко Ковачевски можеби се заради десетиците зделки кои поминаа во изминатиов период во режија на власта преку енергетскиот сектор, од кои корист имаат само фирми и луѓе блиски до власта, но не и граѓаните.

 

Самиот Димитар Ковачевски кажа дека во ЕЛЕМ се вбрзигани близу 200 милиони евра државни пари, да не биле овие пари, претпријатието ќе банкротирало. Оттука чиста козметика се тврдењата за наводна успешност на Васко Ковачевски.

 

Тоа што Владата како што велат тие требало да субвенционира струја е повторно заради неспособноста на менаџерскиот тим на СДС и ДУИ, но и целата влада. ЕЛЕМ не е во можност да произведе доволно струја по цени кои ќе го задоволат регулираниот пазар, а нивната неспособност не е и не може да биде успех.

 

Фактите се дека народот денес плаќа 30% поскапа струја, за тоа не треба некој да биде експерт да го спознае, доволно е да ја погледне сметката која ја плаќа.

 

СДС не може да го убеди народот дека црното е бело, па макар и сто пати го повтори спротивното, се вели во реакцијата на ВМРО-ДПМНЕ.

The post ВМРО-ДПМНЕ: Времето на Васко Ковачевски и СДС ќе биде запаметено по тендери во четири очи, милиони испумпани од РЕК и ЕЛЕМ и хаварии во системот appeared first on Република.

При денешната посета на Општина Охрид по повод православниот празник Богојавление-Водици претседателот на ВМРО-ДПМНЕ Христијан Мицкоски, на новинарско прашање за негов коментар за тоа дека од СДСМ велат дека има вишоци на струја и дека наместо загуби се бележат позитивни резултати во енергетскиот сектор, истакна дека од 230 милиони евра потрошени пари од ЕЛЕМ минатата година, 50-тина милиони евра завршиле во приватни џебови.

230 милиони евра потрошени минатата година народни пари ЕЛЕМ од тие 50тина милиона завршија во приватни џебови преку тендери во четири очи. Акумулациите се на минимално ниво, односно како што досега никогаш не биле на историски минимум. Само последните месеци половина од минатата година увезоа за 50 милиони евра струја и сега СДСМ зборува за вишоци“, рече Мицкоски.

Лидерот на ВМРО-ДПМНЕ потенцираше дека по промената на власта одговорност ќе има за раководството на АД ЕЛЕМ, денешно ЕСМ, и тие луѓе силно ќе одговараат за ова што и го прават на Македонија и македонскиот народ.

https://youtu.be/335Gllk8b7c?t=89

The post Мицкоски: 50-тина милиони евра завршија во приватни џебови преку тендери во четири очи appeared first on Република.

50-тина родители и 60 деца со посебни потреби 20 часа се заглавени без струја во хотелот на ЕЛЕМ на Шапка.

Немаме никаква информација, никој ништо не ни кажува. Има дечиња кои навистина веќе не можат да издржат. Ладно е. Родителите не можат ниту да ги пресоблечат, ниту да ги нахранат децата во колички. Навистина сме во ситуација за која веднаш треба да се реагира, вели Сузана Стојановска, родител, во телефонски разговор за Сител ТВ.

Единствениот одговор којшто го добиле од менаџментот на хотелот бил, уште од утрово, дека за половина час би имало струја, но веќе 20 часа лицата се без електрична енергија.

The post 50-тина родители и 60 деца со посебни потреби 20 часа без струја во хотелот на ЕЛЕМ на Шапка appeared first on Република.

Минатата година 2022ра од централниот буџет според податоците кои што се јавни и ги има Отворени финансии (Open Finance) префрлени се околу 200 милиони евра на АД ЕСМ. Повеќе од 200 милиони евра, тоа не се случило. Се сеќавам 2015тата, 2016, 2017тата година тогаш ЕЛЕМ, днешно АД ЕСМ префрлуваше пари на други јавни претпријатија за да работниците од тие јавни претпријатија добијат плати. За само 5 години го направија најголем загубар, и ако ме прашате зошто  тоа така, бидејќи договараат тендери во четири очи, затоа што крадат.Крадат на увозот на јаглен и транспортот на истиот, крадат на уозото на мазут и транспортот на истиот, крадат на тендерите и ископ на јаглен и јеловина.

И сето тоа предизвикува да денеска ЕЛЕМ, односно ЕСМ се најде во ваква состојба, вели претседателот на ВМРО-ДПМНЕ Христијан Мицкоски одговрајќи на новинарско прашање како ја оценува состојбата со енергетиката изминатата 2022ра година.
Мицкоски истакна дека од профитабилна компанија со 25 милиони евра во банки и 7 милиони на сметка, без долгови која ја оставил, владата на СДСМ успеална да направи најголем загубар во Македонија, додавајќи дека само за една година компанијата земала околу 200 милиони евра државна помош.

Од таму некаде 7 ноември до крајот на 2022 година АД ЕСМ само за увоз на електрична енергија плати повеќе од 45 милиони евра. А целата 2022 година доби донации од централниот буџет повеќе од 200 милиони евра. Ете така работи оваа влада на СДСМ од профитабилна компанија која што ја оставив со 25 милиони евра депозити во банки и околу 6-7 милиона на сметка без долгови, со исплатена плата за само 5 години успеаа да ја направат најголем загубар во Македонија, потенцираше Мицкоски
Мицкоски порача дека следната влада на ВМРО-ДПМНЕ ќе ја врати компанијата на вистинска патека и ќе ги санира сите проблеми и штети кои ги има направено  владата на СДСМ изминатите 6 години во делот на енергетиката.

Но, не треба да очајуваме и да губиме надеж бидејќи после предвремените избори доаѓа раководство кое што ќе знае да го санира овој проблем и ќе може практично АД ЕСМ на тие патеки кои што беше пред 5-6 години, рече тој.

The post Мицкоски: СДСМ од профитабилна компанија од АД ЕСМ направи најголем загубар затоа што крадат appeared first on Република.

Блок 1 во РЕК Битола е вратен на мрежа и продолжи со производство на електрична енергија, по извршената санација во изминатите два дена, соопшти ЕЛЕМ.

Оттаму велат дека санирањето на пречките во делот на кондензаторот и на дел од цевководниот систем во постројката се извело 24 часа порано од предвидениот рок и блокот е вклучен во редовно производство.

Стручните служби и вработените во РЕК Битола кои беа вклучени во зафатот, покажаа исклучителна посветеност и непрестана работа на задачата, со цел и покрај амортизираната опрема и долгиот рок на работа на термоелектраната, за што пократко време да се отстрани застојот и блокот да се врати на мрежа, се наведува во соопштението.

РЕК Битола е во очекување да пристигне и трансформаторот за Блок 3 кој во моментот се превезува од Грција кон граничниот премин Меџитлија.

The post Блок 1 на РЕК Битола вратен на мрежа, санацијата завршена 24 часа порано appeared first on Република.

Генералниот директор на АД ЕСМ, Васко Ковачевски денеска соопшти дека корсиниците на парното од ЕЛЕМ Енергетика во наредниот период ќе ги добијат сметките за плаќање.

Како што информира Ковачевски, ЕСМ очекува да биде прифатено субвенционирањето на тие сметки, а постапката е во тек.

Корсиниците на парното од ЕЛЕМ Енергетика, во делот на Гази Баба, ќе ги добијат сметките. Се уште немаше одлука од Влада за субвенционирање. Ние имаме испратено информација до Владата, таа веќе е во процедура и очекуваме да се прифати субвенционирањето на тие сметки, односно на тие граѓани. Во наредниот период граѓаните ќе ги добијат сметките за плаќање на парното. Ако ги испорачавме вака, сега, сметките ќе беа повеќекратно повисоки и ќе се создадеше непријатна ситуација. Очекуваме оваа или наредната недела да имаме сметки со цени кои ги признава и прифаќа Регулаторната комисија за енергетика, рече Ковачевски.

Субвенциите, потврди, не се исплатени.

Сега ќе бидат пресметани со новите цени сметките на граѓаните. Во делот на исплатата имаме отворено наменска сметка за топлинска енергија. На таа сметка во јануари или февруари имаме добиено околу 360 милиони денари и со Владаа ќе направиме порамнување. Дополнително сега имаме добиено уште 1,1 милијарда денари за топлинската енергија во Скопје, за проработување на трите нови ДОО-ели на АД ЕСМ за набавка на гасот за октомври и за следните набавки кои следуваат наредната недела, напомена Ковачевски.

The post Корсиниците на парното од ЕЛЕМ Енергетика за недела-две се очекува да добијат субвенционирани сметки appeared first on Република.

Претседателот на ВМРО-ДПМНЕ Христијан Мицкоски објави нови докази за тоа како преку продавање ноќни вишоци се оштетува буџетот на ЕСМ.

ЕСМ/ЕЛЕМ распишува оглас за продажба на ноќни вишоци на струја за периодот од 30 август до 6 септември од 2 до 7 часот во вкупна количина од 2000 MWh.
Цената по која овие ноќни вишоци се продадени е 337/MWh!
За истиот тој период цената на струјата на HUPX (референтна берза при утврдување на цената на струјата во Македонија) е 426 €/MWh или по денови:
30/Август 628,428 €/MWh
31/Август 557,212 €/MWh
1/Септември 533,17 €/MWh
2/Септември 425,486 €/MWh
3/Септември 271,298 €/MWh
4/Септември 233,426 €/MWh
5/Септември 301,902 €/MWh
6/Септември 456,874 €/MWh
Разликата во цена е:
2000 MWh x (426-337)€ = 178.000€
Заклучок: Македонија, граѓаните и ЕЛЕМ/ЕСМ за само 40 часа се оштетени за близу 11.000.000 денари и наместо вишоците да бидат понудени на стопанството кое плаќа според HUPX струја и грчевито се бори да опстане и да ги задржи работниците, парите се крадат и завршуваат во приватни џебови.

The post Мицкоски: За само 40 часа ЕСМ е оштетен за 178.000 евра appeared first on Република.

Лидерот на опозициската ВМРО-ДПМНЕ Христијан Мицкоски денеска изрази загриженост и предупреди дека не чека многу тешка зима и периодични рестрикции на електрична енергија, за што, како што кажа, знае дека веќе се разгледува ова сценарио во ЕВН.

Според Мицкоски, рестрикцијата не е начин да се заштеди бидејќи системот ќе се оптовари неколку часа пред таа рестрикција или после неа.

Пратениците на ВМРО-ДПМНЕ, рече лидерот на опозициската партија, нема да го поддржат заемот од сто милиони евра од ЕБРД за ликвидност на ЕСМ, додека не добијат отчет како се трошени парите за транспорт на јаглен.

-Нашиот став е јасен: додека не видиме како онаа компанија формирана ден пред да го добие тендерот за транспорт на јаглен ги трошела парите, нема да го поддржиме. Затоа што тие пари им требаат за да ги договараат и злоупотребуваат тендерите за кризната состојбата и за ископ и транспорт на јаглен и мазут за РЕК Битола, ТЕЦ Неготино и РЕК Осломеј. Додека не видиме каде се потрошени парите нема да поддржиме. Првиот момент кога ќе го видиме тоа тогаш можеме зборуваме за се. Сега бараат сто милиони од ЕБРД, нормално тоа зависи од пратеничката група на ВМРО-ДПМНЕ, рече Мицкоски на брифинг со новинарите

The post ВМРО-ДПМНЕ нема да го поддржи заемот за ликвидност на ЕСМ додека не добие извештај како се трошени парите за транспорт на јаглен appeared first on Република.

АД ЕЛЕМ преку продажба на евтина струја во ноќните часови по цена половична од берзанската за само месец и половина овозможила скоро 1 милион евра заработка на трговци со струја. Овие двајца трговци на струја чии податоци можеме да ги видиме од официјалните статистики за продажба на ЕЛЕМ, ЕТМТ Енерги и ДАНСКЕ КОМОДИТИС ДООЕЛ чии линкови водат до СДСМ или сестрински партии до СДСМ, струјата која ја купувале под берза од АД ЕЛЕМ ја продавале со 60% маржа, изјави на прес конференција портпаролката на ВМРО-ДПМНЕ, Марија Митева.

Во услови на криза, овие две компании поради неукоста и криминогеноста на АД ЕЛЕМ нижат дебели профити, наместо истата струја АД ЕЛЕМ да ја понуди на македонското стопанство или на општините за осветлување. Каква е врската помеѓу ЕЛЕМ, албанската енергетска компанија КЕШ, компанијата ЕТМТ Енерџи и компанијата од Тирана ЕНЕРТРЕЈД? Дополнително, каква е врската помеѓу АД ЕЛЕМ и ДАНСКЕ КОМОДИТИС? За овие прашања СДСМ нема одговор.

Дополнително е сомнително тоа што, АД ЕЛЕМ има сопствено претпријатие за трговија со струја, ЕЛЕМ Трејд, кое може да се јави како купувач на струјата на АД ЕЛЕМ, а потоа и препродавач на домашни и странски пазари. Несфатливо е зошто во ек на енергетска криза, кога се бара мегават час повеќе, АД ЕЛЕМ не ја врши трговијата само, туку тоа го остава на трговци кои нижат милиони. Зошто наместо добивката од милион евра што ја направиле двете фирми купувачи на струјата на АД ЕЛЕМ да остане во претпријатието таа се одлеала кон странство?

Се поставува основан сомнеж за однапред договорена работа и свесно внесување на АД ЕЛЕМ и Македонија во целост во оштетена положба.

Овој случај ќе биде предмет на детална истрага по промената на власта затоа што преку ваквото несовесно работење кое резултира со зделки и заработка на милиони евра на трговци, штетата е на грбот на стопанството кое во овие моменти на енергетска криза плаќа струја и до 800евра за мегават час. Фирмите затвораат, луѓето остануваат без работа, сметките за струја се од месец за месец непредвидливи, а само власта е таа која заработува, рече Митева.

The post Митева: Околу милион евра од продажбата на струја можеле да останат во ЕЛЕМ Трејд, ако Ковачевски не ја продаваше евтино на странски трговци appeared first on Република.

Христијан Мицкоски, лидерот на ВМРО ДПМНЕ во објава на социјалните мрежи го објаснува грабежот кој се врши на сметка на Македонија, граѓаните на државата и ЕЛЕМ, денешно ЕСМ.
Како се пљачка Македонија, граѓаните и ЕЛЕМ денешно ЕСМ, пишува во продолжение претседателот на ВМРО-ДПМНЕ Христијан Мицкоски.

https://republika.mk/vesti/makedonija/mickoski-kako-se-krade-makedonija-gragjanite-i-elem-deneshno-esm-prv-del/

ЕСМ/ЕЛЕМ распишува оглас за продажба на ноќни вишоци на струја за периодот од 13 до 19 август од 2 до 7 часот во вкупна количина од 1750 MWh.
Цената по која овие ноќни вишоци се продадени е 277,71/MWh!
За истиот тој период цената на струјата на HUPX (референтна берза при утврдување на цената на струјата во Македонија) е 426,43 €/MWh или по денови:
20/Август 380 €/MWh
21/Август 357 €/MWh
22/Август 365 €/MWh
23/Август 430 €/MWh
24/Август 488 €/MWh
25/Август 498 €/MWh
26/Август 467 €/MWh
Разликата во цена е:
1750 MWh x (426,43-277,71)€ = 260.260€
Заклучок: Македонија, граѓаните и ЕЛЕМ/ЕСМ за само 35 часа се оштетени за околу 16.000.000 денари и наместо вишоците да бидат понудени на стопанството кое плаќа според HUPX струја и грчевито се бори да опстане и да ги задржи работниците, парите се крадат и завршуваат во приватни џебови.

The post Мицкоски: За само 35 часа ЕСМ се оштетени за околу 16.000.000 денари, парите завршиле во приватни џебови appeared first on Република.

Христијан Мицкоски, лидерот на ВМРО ДПМНЕ во објава на социјалните мрежи го објаснува грабежот кој се врши на сметка на Македонија, граѓаните на државата и ЕЛЕМ, денешно ЕСМ.

Според пресметките, Македонија, граѓаните и ЕЛЕМ/ЕСМ за само седум дена се оштетени за околу 22.000.000 денари и наместо вишоците да бидат понудени на стопанството кое плаќа според HUPX струја и грчевито се бори да опстане и да ги задржи работниците, парите се крадат и завршуваат во приватни џепови.

Како се пљачка Македонија, граѓаните и ЕЛЕМ, денешно ЕСМ - дел 1!!!
ЕСМ/ЕЛЕМ распишува оглас за продажба на ноќни вишоци на струја за периодот од 20 до 26 август од 2 до 7 часот во вкупна количина од 1750 MWh.
Цената по која овие ноќни вишоци се продадени е 303,75 €/MWh!
За истиот тој период цената на струјата на HUPX (референтна берза при утврдување на цената на струјата во Македонија) е 506 €/MWh или по денови:
20/Август 463 €/MWh
21/Август 346 €/MWh
22/Август 481 €/MWh
23/Август 534 €/MWh
24/Август 570 €/MWh
25/Август 535 €/MWh
26/Август 612 €/MWh
Разликата во цена е:
1750 MWh x (506-303,75)€ = 353.937€

Заклучок: Македонија, граѓаните и ЕЛЕМ/ЕСМ за само 7 дена се оштетени за околу 22.000.000 денари и наместо вишоците да бидат понудени на стопанството кое плаќа според HUPX струја и грчевито се бори да опстане и да ги задржи работниците, парите се крадат и завршуваат во приватни џепови, пишува лидерот на ВМРО ДПМНЕ Христијан Мицкоски во објава на Фејсбук.

The post Мицкоски: Како се краде Македонија, граѓаните и ЕЛЕМ, денешно ЕСМ – прв дел appeared first on Република.

Претседателот на ВМРО-ДПМНЕ Христијан Мицкоски, при денешната посета во општина Гази Баба одговараше на новинарско прашање кое се однесуваше на вчерашното негово тврдење дека струјата ќе постапи за над 18%, а за кое власта велеше дека е лажно и рече дека од власта која толку пати го лажела својот народ, не очекува да ја кажат вистината после илјада кажани лаги.

Се обидуваат да го амортизираат незадоволството помеѓу граѓаните со што ќе кажат процент кој не е реален. Тоа ќе мора да се компензира со трансфери на пари од буџетот до поранешно ЕЛЕМ, денешно ЕСМ, затоа што ЕСМ не е подготвено да ги произведе сите количини на струја која ги бара ЕВМ Хоум за да ги испорача до граѓаните и индустријата, што значи дека ќе мора да увезува скапа струја и таа скапа струја ќе чини помеѓу 150 и 200 милиони евра според некои проценки на годишно ниво. Имајте предвид дека кон крајот на оваа година повторно таму некаде на 30-31 декември ќе имаме уште една ревизија на цената на електричната енергија, така да од први јануари ќе биде можеби уште еден шок ако овие останат до тогаш. Затоа се потребни предвремени избори за да може ЕЛЕМ да се реструктуира за да го може да го произведе тоа што им е потребно на граѓаните и да немаме дополнително покачување на цената на струјата – рече Мицкоски.

Мицкоски додаде дека ова што го кажуваат од 7,5% е голема лага, тоа ќе се случува во оние преодни месеци како април и мај и можеби и септември и октомври а зимата и летото поскапувањето ќе биде од 20 до 50% во зависност од тоа каква изолација имаат нашите домови.

Тука веќе немојте да зборувате за екологија затоа што граѓаните ќе горат сѐ за да можат да ги затоплат домовите во текот на зимата. Ова ќе биде исклучително тешка зима со исклучително загаден воздух во сите градови на Македонија. Имајте го ова во предвид уште од сега го најавувам за да не биде дека не сме го кажале. И второ, преку трансферот од буџетот од 150 до 200 милиони евра, тоа се пари на граѓаните кои што ова расипништво и лоповлук на владата ќе ги плаќаат преку своите даноци така што, треба да дојде крајот на овие криминалци во политиката а лекот за тоа нормално се предвремените парламентарни избори, тоа што го бара ВМРО-ДПМНЕ, да дојдат луѓе кои што знаат како треба да се работи за да не трпи стандардот на граѓаните – додаде Мицкоски.

Линк од видео материјал:

The post Мицкоски: Власта лаже за струјата, покачувањето ќе биде над 18%, потребни се избори за што побргу потоа да се реструктурира ЕЛЕМ и да произведува доволно струја appeared first on Република.

Со власта на СДСМ и ДУИ на Македонија и се случува енергетска катастрофа, а на граѓаните огромно осиромашување. Само по основ на цената на струјата која ја достави ЕЛЕМ (ЕСМ) за периодот јули-декември 2022 година, која е за 17% повисока од досегашната, се очекува нов сериозен ценовен шок за граѓаните и компаниите, велат од ВМРО-ДПМНЕ.

Од партијата посочуваат дека АД ЕЛЕМ сега пак на грбот на граѓаните ќе го покрива своето катастрофално работење.

-За само 7 месеци потрошија 200 милиони евра народни пари, во најголема мера за да го надоместат недостатокот на домашно производство на електрична енергија кое лани беше на рекордно најниско ниво од 3200 GWh. Патем ЕЛЕМ од најрентабилна компанија во последните години се претвори во загубар, поради лошите енергетски политики на власта на СДСМ и ДУИ и ужасно лошото раководство на компанијата. Поради честите дефекти, немањето нови наоѓалишта, поради празни акумулации, поради криминалните тендери во изминатиот период оваа власт за граѓаните ја поскапе цената на струјата за над 30%, а сега готви ново покачување. Ваквото покачување немаше да биде толку големо доколку се работеше домаќински и одговорно. Доколку навреме се произведеше домашна струја која е далеку поефтина од увозната, ќе се уштедеа стотина милиони евра кои можеа да се искористат во нови производствени капацитети, нагласуваат од партијата.

Доволно беа оправдувањата на власта. Нивната неспособност граѓаните два пати ја плаќаат, еднаш со буџетските народни пари, друг пат со парите од својот џеб. Потребни се избори за оваа власт да си замине.

СТРУЈАЕЛЕКТРИЧНА ЕНЕРГИЈА

The post ВМРО-ДПМНЕ: ЕЛЕМ најавува ново поскапување на струјата од најмалку 17%, нов ценовен шок за осиромашените граѓани appeared first on Република.

Заради криминалната влада и АД ЕЛЕМ граѓаните плаќаат 250 милиони евра за увоз на струја, која порано била произведувана во Македонија, обвинуваат од ВМРО-ДПМНЕ.

Во изминативе 2 години произведуваме по еден терават часови струја помалку годишно. Таа струја наместо од домашно производство како во време на ВМРО-ДПМНЕ, сега ја увезуваме. Годишно за набавка на еден терават часови струја се троши и до 250 милиони евра. Тоа се пари кои се одлеваат од државата во форма на девизи.

 

Доколку власта работеше на полето на енергетиката, тие 250 милиони евра наместо на увоз на скапа струја, ќе можеа да се инвестираат во нови енергетски капацитети во државата - велат од ВМРО-ДПМНЕ.

Оттаму додаваат дека со сегашната пракса на работа, т.е., како што велат, неработа и крадење, енергетскиот систем колабира, а се помало е производството на домашна струја.

На среден до долг рок тоа ќе значи целосна енергетска зависност ма државата од увоз на струја, и неизвесност за домаќинствата и стопанството, кои наместо од домашни извори ќе се снабдуваат од странски пазари на струја, која е поскапа.

 

СДСМ нема план за енергетиката. Со СДСМ само тонеме. Потребни се предвремени парламентарни избори што побрзо. Идната влада на ВМРО-ДПМНЕ ќе се посвети на енергетиката и на што е можно поголемо домашно производство и нови енергетски капацитети - се вели во соопштение на ВМРО-ДПМНЕ.

The post Заради криминалната влада и АД ЕЛЕМ граѓаните плаќаат 250 милиони евра за увоз на струја, која порано се произведувала во Македонија appeared first on Република.

Ние сме една од ретките држави во Југоисточна Европа која нема ниту еден ден рестрикција, намалено производство или проблем со снабдувањето, а и поскапувањето на струјата е најмало во регионот, рече вечерва генералниот директор на ЕСМ, Васко Ковачевски.

Тешко е, рече Ковачевски, да се менаџира ситуацијата во криза која дополнително е обременета и со руско-украинскиот конфликт, но ЕСМ со поддршка на Владата засега успева во тоа.

– Јас очекувам, со вакво производство, зголемено, сигурно и стабилно, како и со намалено купување електрична енергија, дека цената повторно ќе биде најмалку со зголемување не во државата, него во регионот, потенцира Ковачевски, одговарајќи на прашањето дали граѓаните можат да очекуваат поскапување на струјата.

Во ноември и декември, кога беа клучните удари од кризата, биле набавени 108 000 мегаватчасови електрична енергија за 29 579 000 евра, а во јануари и февруари 18 240 мегават часови за 4,851 милиони евра. Овие средства, како што истакна Ковачевски, се исплатени со финансиската поддршка од Владата.

-Со капацитетите во моментов не е возможно да се произведат 5 000 гигават часови. Кога имате енергетска стратегија и одите кон обновливи извори, а притоа изодите половина пат и треба да се враќате назад, повторно кон јаглен, е многу тешко. Ако со поддршка на Владата не ги ставевме во функција ТЕЦ Неготино и ТЕ-ТО, немаше да заштедиме 37 милиони евра во државната каса, истакна Ковачевски.

Според него, дополнителна причина за зголемување на цената на берзите беше и лошата хидрологија која е ниска во цела Европа, но и ветровте кои даваат помалку енергија.

The post Васко Ковачевски вели дека успешно ја менаџираат кризата со струјата appeared first on Република.