Рускиот претседател, Владимир Путин, денеска гласаше електронски на локалните избори во Москва, пренесува РИА Новости.

Ова е многу удобен, сигурен облик на гласање. Го препорачувам на сите кои можат и сакаат да го користат - изјави Путин и ги повика руските граѓани да излезат на гласање.

Во Москва во петокот почна тридневното гласање за изборите за општински пратеници и ќе трае до недела.

Изборите на различни нивоа во Русија се одржуваат во текот на три дена, а во некои региони, вклучително и Москва, гласањето може да се врши и по електронски пат.

Годинава изборите се одржуваат во 125 од 146 општински единици во Москва од 9 до 11 септември.

The post Путин гласаше на локалните избори по електронски пат appeared first on Република.