Уште еден од розевите меури од сапуница на власта пукна. Официјално вчера се обелодени дека од помпезната најава за фабрика за електрични автомобили во Тетово нема да има ништо. Поточно не е баш ништо. Ќе остане една дупка среде ливада во ТИРЗ Тетово со 4 арматурни шипки, во која со сите церемонии и на фанфари лопати фрлаа Ковачевски и пола влада на ДУИ и СДС во август 2022 година, непосредно пред повторените локални избори во Тетово, реагираат од ВМРО-ДПМНЕ.

И како што бива со се кога е во прашање власта на ДУИ и СДС и овој „грандиозен проект“ стана потемкино село. Се организираше скапа прослава, која веројатно е платена со народни пари, се изеде, се испи, се изнасликаа и на крај си заминаа по дома.

 

Да потсетиме што кажуваа во таа прилика владините функционери.

 

· Артан Груби објави дека домашната интернационална компанија „Еколог“ (читај фирма блиска до ДУИ) ќе произведува електрични возила со Next e.Go Mobile во Тетово, а инвестицијата ќе биде 720 милиони евра.

 

· „Денес ќе се постават темелите на инвестиција која само во првата фаза тежи 130 милиони евра и којашто ќе отвори најмалку 890 нови добро платени работни места“, рече премиерот Димитар Ковачевски на 13 август годинава.

 

· „Градбата на самиот објект треба да започне во следните 6 до 8 недели. Тоа значи дека многу брзо, на почетокот на есента, ќе го видиме почетокот на градежните работи“, рече директорот на дирекцијата за ТИРЗ, Јован Деспотовски по завршувањето на церемонијата.

 

· „Со оваа мултимилионска инвестиција на компанијата e.GO во ТИРЗ Тетово каде за прв пат ќе почнат да се произведуваат електрични возила во Македонија, започнува нова ера во делот на странските инвестиции. Е-Го е многу сериозна компанија, со седиште во Германија, нема да помине повеќе од еден месец и ќе почне да се гради“, рече министерот за економија, Крешник Бектеши.

 

· „Големите инвестиции имаат ефект на снежна топка. Брендовите привлекуваат локално и нови инвестиции“, ќе рече министерот за финансии, Фатмир Бесими.

 

По скоро две години нити почната изградба на фабриката, ни С од стратешка инвестиција, ни 130, ни 720 милиони евра инвестиција, нити 890 добро платени работни места, ниту 4.000 индиректни работни места, ниту 30.000 произведени електрични автомобили годишно, ни ефект на снежна топка, ни бутур. Се што ветија Ковачевски, Деспотовски, Бектеши, Бесими, Груби, СДС и ДУИ, се излажаа. Купуваа време и лажеа, не овој петок, нареден понеделник ќе почне со градба, де тесна била парцелата, де широка била маркицата и на крај се пропадна.

 

Но, најстрашно е дали и каде заврши најавената државна помош за оваа голема лага. Имено владата одлучи оваа „инвестиција“ да ја поддржи со 35% од вкупната вредност, односно со 42,5 милиони евра народни пари. Медиумите во април месец 2023 објавија дека инвеститорот Некст.Е.Го Мобиле добил одобрување на државна помош од 42.585.856 милиони евра согласно извештајот на Комисијата за заштита на конкуренцијата за 2022. Дека има нешто сомнително во оваа зделка говори и фактот што за јавноста остана непознат договорот на државата со компанијата инвеститор, бидејќи Владата не овозможуваше увид во целосната содржина на договорот, кој беше потпишан во август 2022 година.

 

Повикуваме надлежните институции детално да го истражат случајот со државната помош за „фабриката за електрични автомобили“ во Тетово. Доколку тоа не се направи сега, после изборите и промената на власта ќе се спроведе целосна ревизија на овој таканаречен проект и ќе се провери дали и каде завршил секој денар од народните пари, се вели во реакцијата на ВМРО-ДПМНЕ.

The post ВМРО-ДПМНЕ: Пропадна лажната стратешка инвестиција на ДУИ и СДС со фабриката за електрични автомобили appeared first on Република.

Мерцедес-Бенц ги одложува целите за развој на електрични возила поради слабата побарувачка. Поради тоа, германскиот автомобилски концерн ќе продолжи да произведува автомобили со внатрешно согорување.

Германскиот луксузен бренд соопшти дека нема да го испочитува својот краен рок до 2025 година електричните возила, вклучувајќи ги и хибридите, да сочинуваат 50% од целата продажба.

Недоволната побарувачка за автомобили на електричен погон ја одложи таа цел најмалку до 2030 година, соопштија од компанијата.

The post Мерцедес го одложува планот за производство на електрични возила appeared first on Република.

Поради несолвентност на компанијата „мајка“ се запира извршувањето на Договорот за доделување на државна помош со компанијата „е.ГО“ и секоја постапка предвидена за доделување на јавни средства, информираат од Дирекцијата за ТИРЗ.

Запирањето на доделувањето на државна помош следи по добиени јавно достапни информации за поднесено барање за несолвентност на компанијата „мајка“ во СР Германија. Барањето е поднесено пред надлежните судови во оваа земја. Со ова, Дирекцијата за ТИРЗ, како застапник на Владата ги активира заштитните механизми во потпишаниот договор, кои ги предвидуваат и овие околности (стечај, ликвидација), како предуслов за запирање на доделување на државна помош, велат од Дирекцијата за ТИРЗ.

https://republika.mk/vesti/makedonija/tache-i-lopatite-si-zaminaa-kamen-temelnikot-ostana-da-zjae-na-pusta-livada-vaka-izgleda-fabrikata-za-elektrichni-vozila-vo-tetovo/

Од ТИРЗ нагласуваат дека и покрај доставените барања од страна на инвеститорот, досега не се доделени никакви средства на компанијата.

За сите понатамошни чекори поврзани со овој проект и натамошните активности околу евентуалната реализација Дирекцијата за ТИРЗ, како застапник на Владата во овој договор, како и досега, ќе дејствува целосно во заштита на јавниот интерес и навремено ќе достави информации, посочуваат од Дирекција за ТИРЗ.

Компанијата „е.ГО“ требаше да гради фабрика за електрични возила во технолошко-индустриската зона во Тетово.

https://republika.mk/vesti/ekonomija/grubi-objavi-deka-vo-tetovo-kje-se-proizveduvaat-elektrichni-vozila-vladata-kje-vlozi-130-milioni-evra/

The post Заврши бајката „фабрика за електрични возила во Тетово“: Запрен Договорот за државна помош за компанијата „е.ГО“ appeared first on Република.

Мерките на ЕУ во последните 12 години не придонесоа значително за намалување нивото на емисии на јаглерод диоксид од возилата со мотори со внатрешно согорување, што на Унијата и ја наметнува потребата од фаворизирањето на возила со нулта емисија на штетни гасови доколку сака да ги оствари своите зацртани климатски цели, се оценува во извештај на Европскиот ревизорски суд.

Статистичките податоци покажуваат дека 23 отсто од вкупните емисии на гасови што придонесуваат за ефектот на стаклена градина потекнуваат од возилата, од кои над половина се од автомобилите.

Според европските ревизори, во текот на последната деценија емисиите на гасови од дизел возилата останале непроменети, додека кај автомобилите на бензин тие се намалени за само 4,6 отсто.

Вистинско и видливо намалување на емисиите на јаглерод диоксид од автомобилите нема да се случи се додека преовладуваат моторите со внатрешно согорување, смета раководителот на ревизорскиот тим што го подготви извештајот, Пјетро Русо.

Тој оценува дека за да има видливи резултати во намалување во емисиите треба да се премине не возила на електричен погон, но нагласува дека процесот на „електрификација“ на автомобилите ќе претставува „голем залак“ за ЕУ.

Уделот на електромобили во вкупниот број нови возила во ЕУ се зголеми од околу еден отсто во 2018 на речиси 14 проценти во 2022 година, но ограничувачки фактори за дополнително зголемување на нивниот број, според ревизорите, е тоа што тие се поскапи во споредба со обичните возила, во повеќето земји членки има недоволно развиена инфраструктура за нивно полнење и тоа што има проблеми со достапност до батерии за нив, како резултата на недостигот на критични суровини во ЕУ.

Во извештајот се посочува и дека хибридните автомобили, кои работат и на бензински и на електричен погон и кои автомобилската индустрија ги промовира како чисто еколошко решение, во пракса загадуваат повеќе отколку што се тврди.

Просечната разлика помеѓу лабораториските и реалните емисии од страна на хибридни возила е околу 250 отсто, се наведува во документот.

Во 2015 година избувна т.н. афера „Дизелгејт“, кога беше утврдено дека одредени производители на автомобили, меѓу кои и германскиот гигант „Фолксваген“, манипулирале со моторите на нивните возила со цел вештачки да ги намалат емисиите на штетни гасови за време на лабораториските тестови. По ова, во 2017 беа воведени построги мерки за тестирањата, но според ревизорскиот извештај, се уште постои разлика во податоците од тестовите и во реалноста.

Во 2022 година, во новите возила се вградуваат броила за потрошувачка на гориво, кои треба да обезбедат попрецизни податоци за емисиите на штетни гасови. Доколку се утврди дека се надминуваат ограничувањата на емисиите на јаглерод диоксид, Европската комисија на производителите на автомобили може да им изрече со парични казни, познати како „премии за прекумерни емисии“.

Во рамки на подготовката на Извештајот, европските ревизори ги посетиле Германија, Италија и Холандија со цел да утврдат дали возилата кои се во сообраќај ги исполнуваат зацртаните стандарди за емисии на јаглерод диоксид и загадување. Тие утврдиле дека во Германија постои висок степен на усогласеност, додека во Италија и Холандија е утврдено дека властите „не извршиле доволно тестови за да се осигураат дека нивоата на емисии на јаглерод диоксид што ги посочиле производителите се точни“.

Ревизорите, исто така, утврдиле и дека Европската комисија нема сознанија за тоа како или дали земјите членки ги спроведуваат ваквите тестови, со што извршното тело на ЕУ „има ограничени податоци врз основа на кои може да предложи подобрувања“.

Дополнително, според ревизорите, тенденцијата за поголема ефикасност на автомобилите резултирала и со раст на нивната просечната тежина, која во периодот меѓу 2011 и 2022 година се зголемила за околу 10 проценти.

Постојаните подобрувања во технологијата на моторот и воведувањето на хибридни погонски единици ги направија моторите поефикасни, но доведоа до зголемена маса на возилата, се вели во извештајот.

Во Извештајот на Европскиот ревизорски суд на ЕК и се препорачува наместо целта за просечни намалувања на емисиите на јаглерод диоксид да се постави барање за минимален удел на возила со нулта емисија на штетни гасови во вкупниот број возила. Дополнително, според ревизорите, треба да се воведат и ограничувања на реалните емисии на јаглерод диоксид за сите автомобили со мотори со внатрешно согорување, но и за хибридните возила.

Ревизорите, исто така, препорачуваат Комисијата на потрошувачите да им обезбедува информации за реалната потрошувачка на гориво од страна возилата, што, според нив, ќе ги поттикне производителите подобро да ги усогласат лабораториските резултати со емисиите на јаглеродот диоксид при реални услови на возење.

За да може ЕУ да ги исполни своите цели за намалување на емисиите на штетни гасови од возилата, Ревизорскиот суд препорачува Еврокомисијата да бара од земјите членки докази дека ги почитуваат бараните цели за усогласеност со емисиите на штетни гасови.

The post Европски ревизори: ЕУ не успеа значително да ги намали емисиите на ЦО2 од возилата appeared first on Република.

На местото каде што владата на СДСМ во август 2022 година бомбастично најавуваше изградба на фабрика за производство на електрични возила, на пуста ливада зјае само дупка од која ѕиркаат неколку шипки арматура, останати од фрлањето лопати во знак на поставување на камен-темелник за објектот.

На поставувањето на камен-темелникот присуствуваше свита составена од речиси целата влада на чело со премиерот Димитар Ковачевски, при што тој највуваше и ветуваше дека станува збор за инвестиција од 130 милиони евра, во која Владата ќе помогнела со 35 проценти од средствата.

За две ипол години оваа компанија ќе вработи 890 луѓе на кои ќе им исплаќа просечна бруто плата од 1340 евра, истакна Ковачевски во таа пригода.

https://republika.mk/vesti/ekonomija/cela-vlada-na-kamen-temelnik-na-fabrikata-za-elektrichni-avtomobili-vo-tetovo/

The post Таче и лопатите си заминаа, камен-темелникот остана да зјае на пуста ливада: Вака изгледа фабриката за електрични возила во Тетово appeared first on Република.

Основачот на фирмата за чие непостоечко возило владата одобрила државна помош од над 42 милиони евра е избркан од бизнисмен близок на ДУИ.

Една година откако премиерот Димитар Ковачевски и Артан Груби помпезно ја најавија изградбата на германската фабрика „Некст е.ГО“, која требаше да произведува автомобили на електричен погон и да отвори 900 нови работни места во ТИРЗ Тетово, а ни од фабриката, ни од електричниот автомобил нема никаков знак. Затоа, како што открива „А1он“ дошло до промена во менаџментот на компанијата на која ѝ е одобрена огромна државна помош од СДСМ и ДУИ за производ кој го нема никаде.

https://republika.mk/vesti/ekonomija/cela-vlada-na-kamen-temelnik-na-fabrikata-za-elektrichni-avtomobili-vo-tetovo/

„А1он“ го контактираше професорот Гинтер Шух поставувајќи му неколку прашања во однос на инвестицијата во Македонија, но тој ја одби поканата за интервју велејќи дека е исфрлен од компанијата која ја основал и дека не сака да зборува за „Некст е.ГО“.

Почитувани, јас бев исфрлен од „Некст е.ГО“ во мај 2021 година од страна на новиот инвеститор откако го обезбедив рестартот на производството по завршувањето на пандемијата. Не сакам да зборувам за „Некст е.ГО“засега. Простете.“, стои во одговорот до „А1он“ од професорот и д-р инженер Гинтер Шух од Ахен, Германија.

Целата сторија тука

The post Бизнисмен близок на ДУИ го избрка основачот на фирмата што зеде 42 милиони евра за непостоечките електрични возила appeared first on Република.

Фудбалската ѕвезда Неjмар во април годинава потпишал договор со кој станал глобално заштитно лице на германскиот производител на урбани електрични возила „Некст е.ГО“ (Next.e.GO Mobile SE), компанијата за која македонската влада вчера најави дека ќе отвори своја фабрика во Тетово.

Славниот бразилски напааѓач, кој игра во ПСЖ, во улога на „глобален амбасадор на брендот е.ГО“ на 5 мај во Берлин, ја промовирал новата линија производи на е.Го, начена и-вејв, икс (e.wave Х). Произвoдителот притоа претстави и ограничена едиција од автомобилите e.wawe NJR наречена според иницијалите на Неjмар Џуниор, како што се претставува фудбалерот.

Најавата е дека компанијата „НЕКСТ.Е.ГО МОБИЛЕ СЕ“ од Ахен,Германија ќе произведува возило во Тетово. Но, зад оваа компанија стои Лазим Дестани од фирмата „Еколог“ .Тој е познат како поддржувач на ДУИ и сопственик на Шкендија.

https://republika.mk/vesti/ekonomija/ni-bugarija-ne-go-sakashe-tetovskoto-elektrichno-vozilo-vo-germanija-proglaseno-za-najlosho/

The post Нејмар е заштитно лице и ќе ги промовира електричните возила од Тетово?! appeared first on Република.

Владата вчера се пофали дека во Тетово ќе се прават електични возило.Звучи убаво,особено со трендот што ја зафати Европа за електрични возила, особено по најавата на ЕУ дека за десетина години ќе се забрани производство на возила на бензин и на дизел.

Најавата е дека компанијата „НЕКСТ.Е.ГО МОБИЛЕ СЕ“ од Ахен,Германија ќе произведува возило во Тетово. Но, зад оваа компанија стои Лазим Дестани од фирмата „Еколог“ .Тој е познат како поддржувач на ДУИ и сопственик на Шкендија. Синоќа Дестани со раководството на ДУИ беше на „Градски“ на натреварот Шкендија-АИК.

Треба да се напомене дека за изградба на оваа фабрика владата на ДУИ ќе даде 130 милиони евра помош.

КАКВА ФАБРИКА Е „НЕКСТ.Е.ГО МОБИЛЕ “

Порталот „automedia.mk“ во сериозна анализа пишува дека оваа фирма не успеала да се наметне на домашниот, германски пазар и дека работи со многу проблеми.

Фирмата била и пред затворање и возилото „e.Go“ никој не го сакал дури и со пристапни цени за германски услови.

Се обиделе и со субенции кои ги нуделе германските власти но и тоа не вродило со пораст на продажбата.

Целата замисла пропадна откако Германија воведе субвенции за електрични автомобили. Поточно, крајот за Next e.GO Mobile дојде кога германските власти ги зголемија субвенциите. Производителите учествуваат со 3.000 евра во субвенционирањето на електричните автомобили, државата на тоа додава уште 6.000 евра. Тие 3.000 евра за Next e.GO беа премногу. Заработката што компанијата имаше намера да ја постигнува, доколку еден ден се оствареше првичната намера за e.Go да почне да се произведува во нормална серија, беше помала од субвенцијата од 3.000 евра, што производителот требаше да ја „одзема“ од цената на автомобилот-пишува „аутомедиа.мк“.

Ренимираниот весник за автомобили „Аутобилд“ пак „е.GO“ по прогласил за најлош автомобил на сите времиња.

https://www.youtube.com/watch?v=wP5ysLVBtPY&feature=emb_title

И Бугарија сакаше да го прави

И бугарските власти потпишаа меморандум за производство на ова возила со помош од 140 милиони евра но најверојатно се откажаа од инвестицијата.

The post Ни Бугарија не го сакаше: Teтовското електрично возило во Германија прогласено за најлошо appeared first on Република.

Владата на денешната седница ја прифати одлуката да се додели државна помош на германската компанија „Next.e.GO Mobile“ која треба да произведува електрични возила во Технолошко-индустриската зона во Тетово.

Од Владата велат дека оваа мултимилионска инвестиција ќе отвори помеѓу 3 и 4 илјади нови работни места.

Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили. Придобивките од оваа инвестиција се многукратни – од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании, соопштија од Владата.

Next.e.GO Mobile е компанија која произведува електрични автомобили со седиште во Ахен, Германија. Основана е во 2015 година, а две години подоцна на саемот „ЦеБИТ“ во Хановер првпат јавно го презентирале нивниот прототип на електрично возило „e.GO Life“. Компанијата изминативе две години договори инвестиции и во други земји од регионов, најавувајќи отворање фабрики во Грција и Бугарија.

The post Во Тетово ќе се произведуваат електрични автомобили appeared first on Република.

Првиот вицепремиер Артан Груби објави дека домашната интернационална компанија „Еколог“ ќе произведува електрични возила во Тетово.

На годишнината на Охридскиот мировен договор, во Сабота на 13 август, ќе го поставиме камен-темелникот на новата фабрика со современа технологија за производство на електрични возила во Технолошко-индустриската развојна зона во Тетово.
На денешната седница на Владата ја одобривме државната помош за реализација на оваа инвестиција во износ од 130 милиони евра со што ќе се отворат 900 нови работни места, напиша тој.

The post Груби објави дека во Тетово ќе се произведуваат електрични возила, Владата ќе вложи 130 милиони евра appeared first on Република.

Европратениците гласаа за ефективна забрана за продажба на нови бензински и дизел автомобили, како дел од широкиот пакет мерки за борба против климатските промени.

Европратениците го поддржаа предлогот на Европската комисија да се воведе 100% намалување на емисиите на CO2 од новите автомобили до 2035 година на Стариот континент.

Најмногу лобираа германските претставници кои се плашеа дека тамошната автомобилска индустрија ќе изгуби 500.000 работни места со преминот кон ЕВ.

Патниот транспорт е одговорен за околу 20% од емисиите на CO2, од кои 70% доаѓаат од приватни автомобили и комбиња.

Нема простор за грижа?

Еврокомесарот за клима, Франц Тимерманс вели дека возачите со просечни примања не треба да се грижат, бидејќи електричните автомобили се веќе поевтини од конкурентите, земајќи ги предвид трошоците за одржување.

The post Купувајте електрични возила: Од 2035 година престанува производството на автомобили на дизел и бензин appeared first on Република.