Ковачевски и Груби на скандалозен начин избраа надзор за изградбата на коридорите 8 и 10д. Иако лажеа дека надозор ќе го врши меѓународен конзорциум, на виделина излезе фактот дека всушност најголем дел од парите ќе завршат во контроверзи компании од Македонија, oбвинува ВМРО-ДПМНЕ.

Прво, најголем дел од 22 милионскиот тендер ќе завршат кај Електра Солушн, компанија која лиценца за надзор добила во текот на тендерскиот повик. Оваа компанија се занимавала со производство на гаќи и долна облека, а за посуспешно да се „преструктуира“ во бизнисот за надзор во градежништвото добила и грант од 65 илјади евра од Фондот за иновации. Очигледно дека постои цел еден организиран систем кој стои зад овој скандалозен тендер што смрди на криминал и корупција. Патем, Електра Солушн е тесно поврзана со компаниите кои го добија претходниот тендер за надзор, но беа означени како фирми поврзани со руски капитал.

Дека овде се работи за огромна матна зделка на која и кумува власта на Ковачевски и Груби , според ВМРО-ДПМЕ, говори и фактот што во надзорот е вклучена и компанијата „Евро консалтинг“ чиј основач и сопственик е Бранислав Димитријевиќ, човек кој е вмешан во криминал во Ерменија и кого дипломатите на Бујар Османи на шверцерски начин го извлекуваа за да го спасат од одговорност. Што повеќе да се каже, Османи го извлекува ликот осомничен за криминал во Ерменија, а Груби и Ковачевски го ангажираат во Македонија.

Капак на се е фирмата ЕПТИСА, компанија која е во потполност со кинески капитал и која ќе биде единствен пример во светот, кинеска фирма да врши надзор над американски компании изведувачи. Истата оваа компанија ЕПТИСА, од Влада на СДС и ДУИ добила негативна референца и препорака со нејзе да не се соработува, заради непочитување на закони, неетичко и несоодветно работење. Сега таа компанија со такво лошо педигре ќе крка пари од тендер и ќе води надзор.

Ковачевски, но пред се Груби свесно ангажирале ваков надзор на автопатите. Тие знаат дека со контроверзи и криминогени субјекти во надзорот лесно може да се договорат, но не како да се изгради нешто подобро, туку како да се направи дубара.

Одговорност за овој скандал мора да има. Јавното обвинителство не смее да молчи, бидејќи ова е класичен пример за местен коруптивен тендер. Обвинителството доколку молчи станува соучесник, и во иднина кога ова ќе се истражува ќе одговараат и тие кои што ова го премолчиле и го дозволиле.

The post Само на Ковачевски и на Груби не им смрди на корупција фирмата за производство на гаќи која ќе врши надзор на автопатите appeared first on Република.

Корупцискиот скандал на власта со изборот на надзор за изградбата на коридорите 8 и 10Д е како сапуница, мислиш ќе престане, а веќе следниот момент излегуваат нови детали, велат од ВМРО-ДПМНЕ.

Ковачевски и Груби колку повеќе лажат, толку повеќе излегуваат на виделина сите аспекти на матните зделки со овој тендер. Компанијата „Електра Солушн“, која Ковачевски и Груби лажеа дека е само локален минорен партнер во конзорциумот кој ќе го води надзор, се испостави дека е клучен партнер преку кој ќе поминат најмногу средства од 22 милионскиот тендер. Патем, фирмата „Електра Солушн“, фирма која до неодамна се занимавала со шиење гаќи, се префрлила во градежниот сектор со сесрдна помош на власта на Ковачевски и Груби. За тоа говори и информацијата дека еден ден откако истата добива лиценца за надзор, таа добива грант од Фондот за иновации од 65.000 евра за проект „Дигитално решение за управување со градежни проекти“. Многу иновативно префрлање од шиење гаќи во градежен надзор.

Да потсетиме, оваа лиценца за надзор компанијата „Електра Солушн“ ја доби на крајно контроверзен начин, односно барањето го поднела 12 дена по распишувањето на повикот за доставување на понуди на тендерот, а во рок од 5 дена и ја добиле истата. Тоа значи дека компанијата за шиење гаќи немаат никакво позначајно искуство за надзор, освен ако не се смета тоа што се цимери во ист двор со компаниите кои претходно го добија истиот тендер, кој патем беше поништен заради нивна поврзаност со руски капитал.

Што уште треба да излезе на виделина за Јавното обвинителство да отвори случај за овој скандал кој смрди на криминал. Власта на Ковачевски и Груби е фатена на дело. Одговорност за овој скандалозен тендер мора да има, не само за функционерите кои ова го дозволиле, туку и правосудните органи кои свесно молчеле и го заштитувале тоа, велат од партијата.

The post Како со помош на Владата од шиење гаќи „Електра“ ќе врши надзор на изградбата на коридорите 8 и 10д? appeared first on Република.

Најдобрата дефиниција за да се опише состојбата во Македонија е – корупцијата цвета, а економијата тоне! Тоа е најточниот опис на нашето секојдневие. Од една страна има криза за основни производи- леб, млеко, тестенини, а од друга страна нема ден да нема нова корупциска афера, нема ден да нема нов скандал. На тој начин се уништува секоја надеж дека работите може да се сменат.

Земете го последниот пример со изборот на надзор за изградба на автопатите на коридорите 8 и 10. Од проект кој треба да донесе заживување на целокупната македонска економија и силен импулс на градежништвото, со коруптивното однесување во делот на избор на надзор Владата на СДСМ и ДУИ прави огромен скандал. И наместо да се зборува за придобивките од автопатско поврзување на Охрид и Струга со Кичево, Гостивар, Тетово и Скопје како и со Албанија, Косово и Србија, а и за поврзување на Битола и Прилеп со Велес, Гевгелија и Скопје и со Србија, Бугарија и Грција, се зборува за баснословните хонорари за луѓето кои го добија тендерот за надзор. Најдобар доказ како корупцијата ја јаде економијата.

Да споделиме неколку факти - „ИРД“ е само носител на Конзорциумот на хартија, а најголемиот дел од парите одат кај „Електра Солушн“ која вади лиценца во сред јавен повик што е скандал сам по себе и „Евро Консалтинг“ на бараниот со меѓународна потерница за криминал Бранимир Димитријевиќ, кој слични шеми веќе замрси во Ерменија. „Електра Солушн“ која поднесува барање за издавање на лиценца за надзор по отворање на повикот за прибирање на понуди и добива во ек на огласот и Евро Консалтинг на бараниот со меѓународна потерница Бранимир Димитријевиќ ќе поделат 70% од парите за надзорот на изградбата на Коридорите 8 и 10.

Уште пофрапантно е што „Електра Солушн“ не само што нема искуство во вршење на надзор, туку дејност во која има искуство и во која работела порано е верувале или не, производство на долна облека! Да, добро читате, фирма со искуство во производство на долна облека ќе го врши надзорот на изградбата на Коридорите 8 и 10. Уште потрагично е што истава оваа фирма своето учество во тендерот го брани со тоа што била контактирана од меѓународни компании да учествуваат заедно на тендерот. Кои меѓународни компании ќе бараат фирма која се занимавала со производство на долна облека за учество на најголемиот тендер за надзор во Македонија? И како ја барале таа компанија која нема лиценца, а не барале фирми со децениско искуство, со чисто портфолио и професионални стандарди?

Оваа фирма „Електра Солушн“ ќе земе 8.2 милиони евра од тендерот од 22 милиони евра, а фирмата на бараниот со меѓународна потерница Бранимир Димитријевиќ ќе наплати 7.1 милион евра. Вкупно овие две македонски фирми ќе наплатат 70% од сумата предвидена за надзорот.

Останатите триесет проценти 4.1 милиони одат кај „ИРД“ од Италија, додека услугите на локалната канцеларија на „ИРД“ во Скопје ќе чинат околу 2.4 милиони евра.

Вкупно само пет лица ангажирани од фирмите се странци, и тоа адвокат од Хрватска, двајца инженери од Србија и еден од Црна Гора, како и директорот на „ИРД“ кој го потпишал договорот. Толку од странци и врвни експерти. И најголемиот дел од нив се ангажирани за преговарање, а не за надзор, за што ќе наплатат неверојатни 300.000 евра поединечно. Со тој хонорар мислам дека не можат да се пофалат ни најголемите ескперти за преговори во светот. Додека директорот на „ИРД“ ќе наплати како хонорар од 1.3 милиони евра, неспоредлив со било што друго во Европа.

Напумпаните 22 милиони евра ќе се трошат на тешки награди и хонорари, а не на реални работи.

Никакви меѓународни експерти не се во игра, туку шема која наведува на корупција.

Сетоа ова го доведува во прашање целиот проект и наместо да се радуваме на нови автопати ние гледаме корупција која цвета.

Ударот на корупцијата мора да е централна тема во Македонија ако сакаме да ја задржиме државата и народот во неа. Во спротивно приказните за масовното напуштање на Македонија и миграции само ќе растат. Се до најцрните статистики. Време е да се стави крај на овие негативни трендови, со силна битка со криминалот и корупцијата и воведување на функционален систем на владеење на правото.

The post Никакви меѓународни експерти не се во игра, туку шема која наведува на корупција appeared first on Република.

Потонаа сите лаги на Артан Груби и Димитар Ковачевски за странски експерти при надзорот на градбата на Коридорите 8 и 10Д. „ИРД“ е само носител на Конзорциумот на хартија, а најголемиот дел од парите одат кај „Електра Солушн“ која вади лиценца во сред јавен повик и „Евро Консалтинг“ на бараниот со меѓународна потерница за криминал Бранимир Димитријевиќ, изјави на денешната прес-конференција пратеникот Бојан Стојаноски.

Истакна дека „Електра Солушн“ која поднесува барање за издавање на лиценца за надзор по отворање на повикот за прибирање на понуди и добива во ек на огласот и Евро Консалтинг на криминалецот баран со меѓународна потерница Бранимир Димитријевиќ ќе поделат 70% од парите за надзорот на изградбата на Коридорите 8 и 10Д. Толку од меѓународните експерти на Груби и Ковачевски.

-Уште пофрапантно е што „Електра Солушн“ не само што нема искуство во вршење на надзор, туку дејност во која има искуство и во која работела порано е верувале или не, производство на долна облека. Да, добро слушате, фирма со искуство во производство на долна облека ќе го врши надзорот на изградбата на Коридорите 8 и 10Д.

Уште потрагично е што истава оваа фирма своето учество во тендерот го брани со тоа што била контактирана од меѓународни компании да учествуваат заедно на тендерот. Кои меѓународни компании ќе бараат фирма која се занимавала со производство на долна облека за учество на најголемиот тендер за надзор во Македонија? И како ја барале таа компанија која нема лиценца, а не барале фирми со децениско искуство?

Оваа фирма „Електра Солушн“ ќе земе 8.2 милиони евра од тендерот од 22 милиони евра, а фирмата на криминалецот баран со меѓународна потерница Бранимир Димитријевиќ ќе наплати 7.1 милион евра. Вкупно овие две македонски фирми ќе наплатат 70% од сумата предвидена за надзорот.

Останатите 30%, 4.1 милиони одат кај „ИРД“ од Италија, додека услугите на локалната канцеларија на „ИРД“ во Скопје ќе чинат околу 2.4 милиони евра.

Носителот на Конзорциумот, „ИРД“, ќе наплати помалку пари од фирмата со искуство во производство на долна облека и фирмата на криминалецот баран со меѓународна потерница.

Кинеската „Ептиса“ од овој тендер ќе наплати само 400.000 евра, па се поставува прашањето зошто истите се дел од Конзорциумот, или имаат за цел само да вршат увид над техниката и технологијата на американската „Бехтел“?

Вкупно само пет лица ангажирани од фирмите се странци, и тоа адвокат од Хрватска, двајца инженери од Србија и еден од Црна Гора, како и директорот на „ИРД“ кој го потпишал договорот. Толку од странци. И најголемиот дел од нив се ангажирани за преговарање, а не за надзор, за што ќе наплатат 300.000 евра поединечно. Додека директорот на „ИРД“ ќе наплати како хонорар 1.3 милиони евра.

Напумпаните 22 милиони евра ќе се трошат на тешки награди и хонорари, а не на реални работи.

Никакви меѓународни експерти не се во игра, туку шема која смрди на корупција.

Ги повикуваме Јавното обвинителство додека не е доцна, додека Груби и Ковачевски во целост не ја посрамотиле Република Македонија да отворат истрага и да побараат прекин на работата на надзорот. Секое неделување или задоцнето делување ја чини државата пари и образ, вели Стојаноски.

The post Фирма што работела на производство на долна облека ќе го врши надзорот на изградбата на Коридорите 8 и 10Д appeared first on Република.

Артан Груби е потонат до гуша во корупција и криминал. Тој брани тендер кој смрди на наместена работа за Конзорциумот воден од ИРД, а во состав на ЕПТИСА, Електра Солушн и Евро Консалтинг, тврди ВМРО-ДПМНЕ.

Груби не кажа, зошто е продолжуван рокот за поднесување на пријави во моментот кога Електра Солушн добива лиценца, ниту пак зошто е избришан условот фирмите да имаат позитивни биланси во последните 3 години, и оставен услов само да достават биланси, па макар истите биле и згаубари, како што е случајот со ЕПТИСА, велат оттаму

Груби не успеа да ја увери јавноста дека огласот не е продолжен и не се намалени критериумите за учество за ИРД – ЕПТИСА-Електра Солушн- Евро Консалтинг да го добијат тендерот.

Груби не кажа ниту збор зошто надзорот и правниот советник за трансакции се ставени во еден ист оглас? Зошто е дозволено надзорот, да го преговара и состави договорот со изведувачот, кој самиот треба подоцна да го контролира?

Груби не ја увери јавноста дека не прави криминал од 22 милиони евра со надзорот за изградба на Коридорите 8 и 10д, ниту пак ја увери јавноста дека не го компромитира целиот процес, вклучувајќи компромитација и на странските фирми изведувачи со реноме.

Груби фрли коруптивна дамка на целиот процес, и тој нервозно и хистерично се брани со напад врз новинарите.

Груби е против Албанците затоа што ги краде и нив и сите граѓани на Македонија.

Разбираме зошто е нервозен Груби, и треба да биде, зошто знае дека доаѓа одговорност, за секоја една незаконитост

The post Груби е потонат до гуша во криминал appeared first on Република.

Ако е сомнителен бонитетот на компанијата ЕПТИСА за надзор на изградбата на коридорите, тогаш втората партнерска компанија од конзорциумот е уште повеќе сомнителна, велат во партиското соопштение од ВМРО-ДПМНЕ.

Дел од скандалозниот тендер од 22 милиони евра за надзор на изградбата на коридорите 8 и 10 е и компанијата Електра Солушнс на Андон Ампов. Оваа компанија лиценцата за вршење на должноста ја добила на 03.10.2022 година, само 3 недели по распишувањето на јавниот повик за избор на надзор. Тоа само покажува дека оваа компанија нема никакво искуство, а добива толку голем тендер. Ковачевски и Груби кумувале на овој скандалозен тендер за Електра Солушн.

Имајќи во предвид дека рокот на тендерот е продолжуван логично се поставува прашањето дали тоа е направено со цел да се формира конзорциумот во кој влегуваат двете сомнителни компании, ЕПТИСА И Електра Солушн.

Патем Елекстра Солушн на Андон Ампов го “наследува“ вносниот бизнис од Институтот за патишта од Велес на неговиот татко Сотир Ампов, кој прв го доби надзорот, па беше поништен заради наводна поврзаност со руски капитал. Останува енигмата зошто толку запнала владата да го ангажира семејството Ампови во проектот за коридорите вреден 1 милијарда евра.

Овде не мириса, туку смрди на матна зделка, се вели во соопштението на ВМРО-ДПМНЕ.

The post ВМРО-ДПМНЕ: Ковачевски и Груби на Електра Солушн на скандалозен начин и обезбедиле тендер за надзор на изградбата на коридорите appeared first on Република.