Мексико го екстрадираше Овидио Гузман Лопез, син на затворениот поранешен водач на картелот Синалоа, Хоакин Гузман, познат како „Ел Чапо“, во Соединетите Американски Држави за да се соочи со обвиненијата за трговија со дрога, изјави синоќа американскиот министер за правда Мерик Гарланд.

„Оваа акција е последниот чекор во напорите на Министерството за правда да го нападне секој аспект од работењето на картелот“, рече Гарланд.

Тој додаде дека Министерството за правда ќе продолжи да бара одговорност „од оние кои се одговорни за поттикнување на епидемијата на дрога што опустоши премногу заедници низ целата земја“.

Во април, американските обвинители објавија долги обвиненија против Гузман и неговите браќа. Тие детално опишаа како синовите го воделе картелот, сè повеќе во трговијата со синтетички дроги како што се метамфетамин и моќниот синтетички фентанил, по екстрадицијата на таткото и можната доживотна казна затвор во САД.

Мексиканските безбедносни сили го фатија Гузман Лопез, познат како „Глувче“, во јануари во Кулијакан, главниот град на мексиканската држава Синалоа, по што картелот го доби своето име.

Владата се обиде да го фати три години претходно, но ја прекина операцијата кога сојузниците на картелот започнаа бран на насилство во Кулијакан. Апсењето во јануари предизвика слично насилство во кое беа убиени 30 луѓе во тој град, меѓу кои и десет припадници на армијата.

The post Синот на Ел Чапо екстрадиран во САД appeared first on Република.

Момчето Коста (13) кое изврши масакр во основното училиште „Владислав Рибникар“ во Белград, секојдневно со Google ги пребарувал најмасовните убијци ширум светот.

Тој воодушевеувал на мексиканскиот нарко бос Ел Чапо и ноќта пред убствата гледал емисии за неговите „подвизи“.

The post Го гуглал ноќта пред убиствата: Коста му се воодушевувал на Ел Чапо appeared first on Република.