Во експлозија којашто одекнала во фабрика за чоколада во американската сојузна држава Пенсилванија загинале најмалку пет луѓе, а шестмина се водат за исчезнати додека спасувачите ги пребаруваат урнатините, објави во саботата тамошната служба за итни случаи.

Началникот на полицијата Вејн Холбен изјави дека експлозијата уништила една зграда и го оштетила соседниот објект. Според него, експлозијата била толку силна, што некои соседни полесни објекти биле отфрлени за четири метри.

Експлозијата се случила во петокот околу 17 часот по локално време, во фабричкиот дел на компанијата „R.M Palmer“ во Вест Ридинг, на 97 километри северозападно од Филаделфија, објави агенцијата за итни ситуации на Пенсилванија (PEMA).

Агенцијата објави дека по завршувањето на спасувачката операција ќе биде спроведена истрага поради утврдување на причините за експлозијата. Во прелиминарниот извештај за инцидентот се споменува истекување гас.

Во локалните болници се пренесени седум повредни. Од PEMA не објавија поединости за потрагата по исчезнатите и спасувањето на настраданите.

На снимките објавени во локалните медиуми и на социјалните мрежи се забележуваат голем облак црн чад. Се истакнува дека компанијата и производствениот комплекс се наоѓаат во центарот на градот.

Компанијата „R.M Palmer“ е основан во 1948 година. Вработува околу 850 луѓе и произведува 500 различни производи од чоколада и сдруги видови слатки.

The post Експлозија во фабрика за чоколада во Пенсилванија, петмина загинати appeared first on Република.

На 24.03.2023 во 14.40 часот во СВР Скопје било пријавено дека на ул.„Разловечко Востание“ во стан сопственост на Д.Ѓ.(60) експлодирала плинска боца, по што настанал пожар.

Пожарот е изгаснат од противпожарната единица Скопје. Поради вдишување чад еден полициски службеник бил пренесен во Градската општа болница „8-ми Септември“ за укажување на лекарска помош.

Увид на местото на настанот извршила екипа од СВР Скопје.

The post Експлозија на плинска боца во стан во Скопје, полицаец заврши во болница appeared first on Република.

Во северниот дел на Крим експлодираше складиште за муниција, јави руската новинска агенција ТАСС, повикувајќи се на управата на селото Мајское.

Руското Министерство за одбрана соопшти дека нема жртви во експлозијата, пренесе државната новинска агенција РИА. Претходно, РИА исто така објави за пожар во трафостаница на Крим на 20 километри од селото. Крим, кој е под руска контрола од 2014 година, иако поголемиот дел од светот го признава како украинска територија, беше главната почетна точка за воената кампања што Русија ја започна во Украина на 24 февруари.

Украина официјално не ја потврди или негираше одговорноста за експлозиите што се случија на Крим во последните денови.

„Потсетување: Крим како нормална земја е – Црно Море, планини, рекреација и туризам, но Крим окупиран од Русија е – експлозии во магацини и висок ризик од смрт за напаѓачите и крадците“, напиша на Твитер советникот на украинскиот претседател Михаило Подољак по експлозиите во вторникот.

Руските извештаи не прецизираат колку вкупно експлозии се случиле.

Минатата недела, серија експлозии во воената воздухопловна база во градот Новофедоривка, на западниот брег на Крим, се чини дека предизвикале голема штета и уништиле неколку руски воени авиони, според комерцијалните сателитски снимки. Русија го нарече инцидентот несреќен случај.

The post Голема експлозија на Крим appeared first on Република.

Рано утринава повторно се слушнале експлозии во Киев и околината, јави Би-Би-Си.

Британскиот јавен сервис, повикувајќи се на извештаи од новинари од теренот, наведува дека одекнале серија експлозии.

Сирените за воздушен напад се огласиле по шест часот по локално време

The post Eксплозии се слушаат низ Киев appeared first on Република.