Претседателот на државата Стево Пендаровски денеска и утре ќе учествува на 54. Годишен состанок на Светскиот економски форум во Давос, Швајцарија, годинава насловен „Обнова на довербата“.

Кабинетот на Пендаровски соопшти дека е предвидено тој да учествува на сесијата „Дипломатски дијалог за Западен Балкан“, на неформалниот собир на светските економски лидери „Враќање на вербата во глобалниот систем“ и на официјалната вечера „Градење на Европа на утрешнината“.

-На годинешниот состанок на Светскиот економски форум во Давос е предвидено учество на над 100 шефови на држави и влади, претставници на водечките меѓународни организации, како и претставници на граѓанското општество, експерти, младински претставници, социјални претприемачи и новински куќи, информира Кабинетот на Пендаровски.

The post Пендаровски во Давос appeared first on Република.

Нема смисла да се разговара за мир во Украина без Русија, изјави портпаролот на Кремљ, Дмитриј Песков, коментирајќи ја средбата во рамки на 54-от годишен состанок на Светскиот економски форум во Давос каде, меѓу другото, ќе се разговара и за „формулата за мир“ предложена од украинскиот претседател Володимир Зеленски.

Разговори само колку да се разговара, не се насочени кон изнаоѓање вистинско решение за проблемот. А бидејќи Русија не учествуваше, тогаш не може да има конкретен резултат, објасни портпаролот на Кремљ.

Ситуацијата е крајно апсурдна, нагласи Песков и потсети дека самиот Киев ги забрани преговорите со Москва на законодавно ниво.

Владимир Путин секогаш велеше дека гаранциите за мир треба да се постигнат по мирен пат. Сепак, Западот не сакаше ништо од тоа. Затоа Русија води специјална воена операција и ќе ги постигне своите цели, истакна тој.

Според Песков, постои можност рускиот претседател Владимир Путин наскоро да ја посети Северна Кореја.

Путин доби покана да го посети Пјонгјанг, потсети портпаролот на Кремљ, наведувајќи дека датумот ќе биде договорен по дипломатски канали. „Повеќе детали за посетата на Путин ќе бидат достапни по утрешната средба меѓу рускиот министер за надворешни работи Сергеј Лавров и неговата севернокорејска колешка Цој Сон Хи, нагласи тој.

Коментирајќи ја утрешната официјална посета на севернокорејската министерка за надворешни работи на Русија, Песков изјави дека Северна Кореја е партнер со кој Русија развива односи во сите области.

The post Песков: Разговор во Давос за мир во Украина без Русија нема смисла appeared first on Република.

Фотографија од Самитот во Давос, која ја објави претседателот на Македонија Стево Пендаровски посебно одекна во регионот. Претседателот на Србија, Александар Вучиќ, седи сам и одвоен од сите лидери на панелот за Западен Балкан што се одржа во рамките на Светскиот економски форум во Давос.

На панелот беа присутни лидери од Западен Балкан, меѓу кои и премиерот на Косово, Албин Курти, кој седи до албанскиот премиер Еди Рама. Од спротива е македонскиот претседател, но она што навистина влегува во очи е магарешкото столче на кое седи Вучиќ. Политичките коментари се главно негативни, дека Вучиќ е изолиран политичар кому му било покажано местото во задниот ред. Сепак, српскиот претседател одговори на шпекулациите на српската и јавноста во регионот.

За разлика од вториот панел каде што требаше да седам таму каде што беше напишано моето име, утрово седнав сам во последниот ред. Кога имате тешки разговори и кога само размислувате за тоа, ова е дел од добрата забава кога слушам дека моите политички противници немаат што да се жалат освен каде седам. Мислат дека луѓето се површни, но не се. Види ја таа површност „па замисли каде седеше“... Тоа беше мојот избор. Не е важно каде седам, туку како ја претставувам државата и што сум кажал и мислам дека добро зборував и ја заштитив Србија. Ниту сум сиромав, ни бедник, ниту ме сожалувате, ви пречи само силна Србија - рече претседателот.

На фотографијата се претставникот на ЕУ Мирослав Лајчак, хрватскиот премиер Андреј Пленковиќ, албанскиот премиер Еди Рама, македонскиот претседател Стево Пендаровски...

Учесниците на панелот разговараа за предизвиците со кои се соочуваат земјите од Западен Балкан и потребата од зачувување на стабилноста, создавање услови за поттикнување на економскиот раст на земјите, а беше истакната и неопходноста од решавање на замрзнатите спорови, соопшти агенцијата Бета.

Овој панел беше најавен одделно во извештаите на медиумите од Давос, а по пристигнувањето на српската делегација во Давос, спроти хотелот каде што се сместени претставниците на Србија беа истакнати знамиња на Голема Албанија, во која влегуваат и делови на Македонија.

Вучиќ, меѓу другите, се сретна со Лајчак на маргините на самитот претходниот ден, додека Лајчак на Твитер објави дека имал добар разговор со Курти.

The post Вучиќ од магарешката клупа во Давос: Ви пречи силна Србија! appeared first on Република.

Српскиот претседател Александар Вучиќ и хрватскиот премиер Андреј Пленковиќ се сретнаа во Давос, каде што учествуваат на годишниот состанок на Светскиот економски форум.

Претседателот на Србија на Инстаграм профил објави фотографија, за која напиша:

 

View this post on Instagram

 

A post shared by Aleksandar Vučić (@buducnostsrbijeav)

Многу коректен разговор за српско-хрватските односи. Верувам дека во периодот пред нас ќе успееме да напредуваме и на економски и на политички односи.

Хрватскиот премиер по средбата со претседателот Вучиќ рече дека разговарале за билатералните односи и европскиот пат на земјите од Западен Балкан.

Tijekom #wef23 @Davos razgovarao sam s predsjednikom Srbije @avucic o bilateralnim odnosima i europskom putu zemalja u susjedstvu. Uz politiku dijaloga i smirivanja tenzija, potrebno je uložiti dodatne napore u rješavanju otvorenih pitanja. pic.twitter.com/SrhlzoY80j

— Andrej Plenković (@AndrejPlenkovic) January 19, 2023

За време на Светскиот економски форум во Давос со претседателот на Србија Александар Вучиќ разговарав за билатералните односи и европскиот пат на соседните земји. Заедно со политиката на дијалог и смирување на тензиите, неопходно е да се направат дополнителни напори за решавање на отворените прашања, напиша Пленковиќ на Твитер.

The post Вучиќ и Пленковиќ од Давос: Неопходни се напори за решавање на отворените прашања appeared first on Република.

Знаме на Голема Албанија со делови од Македонија се вее пред хотел во Давос за време на одржувањето на економскиот самит во Давос.

Хотелот се наоѓа отспротива каде што е сместен претседателот на Србија Александар Вучиќ.Покрај знамето на Голема Албанија истакнато е и косовското знаме.

На самитот во Давос учествува и Стево Пендаровски кој во своето обраќање истакна дека Косово и Република Српска се најчуствителните точки во регионот.

The post Знаме на Голема Албанија сосе делови од Македонија се вее на економскиот самит во Давос appeared first on Република.

Претседателот Стево Пендаровски, во рамки на учеството на Светскиот економски форум во Давос, денеска се обрати на панел сесијата „Во одбрана на Европа“, на која говореа и Анджеј Дуда, претседателот на Република Полска, Гитанас Науседа, претседателот на Република Литванија, како и Хозе Мануел Алваерез Буено, министер за надворешни работи, ЕУ и соработка на Шпанија и Светлана Тихановскаја – лидерка на Демократските сили на Белорусија.

Претседателот Пендаровски оцени дека и покрај војната во Украина, предизвиците и мултиплицирањето на кризата охрабрува покажаната солидарност, не само на европско ниво, туку и трансатлантската солидарност, што, според негова оценка, е на ниво кое не било со години и оттаму треба да се црпи надежта за годината пред нас.

Претседателот Пендаровски посочи дека неопходно е и по завршување на војната во Украина да биде одржана европската, како и трансатлантската обединетост и солидарност, додека ако секој се сврти кон националните интереси, тоа ќе биде тешко одржливо. Претседателот потенцираше дека демократиите мора да се држат заедно, и да се борат за зачувување на демократските вредности затоа што во спротива ќе преовладаат автократските и диктаторските режими. Најважно, според него, е да биде одржана целосна обединетост и солидарност по завршување на војната во Украина.

Прашан за безбедносните предизвици на Западен Балкан, претседателот Пендаровски посочи дека во регионот има две чувствителни точки - Република Српска и северот во Република Косово, каде што има обиди за нарушување на интегритетот на овие земји. Претседателот Пендаровски оцени дека ранлива точка во европската безбедносна архитектура, настрана од Украина, е Западниот Балкан и НАТО и ЕУ треба да обрне внимание на ова.

The post Пендаровски во Давос посочи дека Косово и натаму е чуствителна точка, заедно со Република Српска appeared first on Република.

Инфраструктурата на Киев може да се урне во секоја секунда, бидејќи спорадичните руски ракетни напади и ниските зимски температури вршат се поголем притисок врз локалните власти, изјави градоначалникот на украинскиот главен град Виталиј Кличко.

Тој и неговиот брат Владимир изјавија дека западните сојузници мора да го забрзаат распоредувањето на противвоздушни одбранбени системи способни да соборуваат руски ракети.

Киев ја обвинува Москва дека гаѓа цивили и клучна инфраструктура, ги загрозува снабдувањето со електрична енергија, вода и греење.

Не зборуваме за колапс, но тоа може да се случи во секоја секунда (бидејќи) руските проектили може да ја уништат нашата важна инфраструктура во Киев, рече Виталиј Кличко, додавајќи дека енергетскиот дефицит во главниот град моментално е 30 отсто.

Во моментов во Украина е прилично студено и животот без струја и греење е речиси невозможен. Ситуацијата е критична. Се бориме да преживееме, изјави Кличко на маргините на годишниот Светски економски форум (СЕФ) во Давос.

Поранешните светски шампиони во бокс во тешка категорија, браќата Виталиј и Владимир, се дел од пошироката украинска деловна и политичка делегација на самитот на СЕФ во Давос.

Важно е да нема двоумење дали да се испорача оружјето што ни е толку потребно, туку да го доставите што е можно поскоро. Во спротивно, ќе продолжиме да ја губиме нашата инфраструктура и што е најважно, нашите најдобри луѓе, рече Владимир Кличко, додавајќи дека очекуваат ескалација на северот на Украина од правец на Белорусија.

The post Кличко: Инфраструктурата на Киев може да се урне во секоја секунда appeared first on Република.

Претседателот Стево Пендаровски од денеска, 17 јануари 2023 година, вторник, ќе учествува на Годишниот состанок на Светскиот економски форум кој се одржува во Давос.

Според програмата, претседателот Пендаровски говорeше на панел сесијата „Во одбрана на Европа“, што започна во 8:30 часот. На дискусијата говореа и Анджеј Дуда, претседателот на Република Полска, Гитанас Науседа, претседателот на Република Литванија, како и Хозе Мануел Алваерез Буено, министер за надворешни работи, ЕУ и соработка на Шпанија и Светлана Тихановскаја – лидерка на Демократските сили на Белорусија.

Во рамки на форумот, предвидено е претседателот Пендаровски да учествува на сесијата „Дипломатски дијалог за Западен Балкан“, како и да оствари повеќе билатерални средби со учесници на форумот.

Годишниот состанок на Светскиот економски форум во Давос, насловен „Соработка во фрагментиран свет“ се одржува од 16 до 20 јануари 2023 година, на кој се очекува лидери од политиката, бизнисот и граѓанското општество да се осврнат на состојбата во светот и да разговараат за приоритетите за годината што претстои.

The post Пендаровски ќе учествува на Годишниот состанок на Светскиот економски форум во Давос appeared first on Република.

Три месеци по почетокот на руската инвазија на Украина, војната и ризиците што таа ги носи за светската економија ќе бидат во срцето на Светскиот економски форум (СЕФ) во Давос. Собирот се враќа во швајцарскиот зимски центар по две години поради пандемијата на Ковид-19. Минатата година традиционалниот годишен состанок се одржа онлајн, а варијантата омикрон повторно ја помести оваа година, од јануари во мај.

„Нашите први мисли се насочени кон војната во Украина“, рече основачот на СЕФ, Клаус Шваб, презентирајќи ја програмата на овогодинешниот собир.

Во срцето на годишниот состанок ќе бидат кризите – војната во Украина, пандемијата на коронавирус и климатските промени ќе доминираат на состанокот, кој ќе се одржи од понеделник до четврток. Меѓу другото, учесниците ќе разговараат за последиците од војната врз синџирите на снабдување, снабдувањето со енергија и безбедноста на храната.

Украинскиот претседател Володимир Зеленски треба да биде првиот што ќе одржи виртуелен говор. Гости на форумот се очекува да бидат градоначалникот на Киев Виталиј Кличко и неговиот брат Владимир.

Германскиот министер за економија Роберт Хабек ќе разговара со учесниците како дел од панел дискусијата за тоа како Германија има намера да стане помалку зависна од руската енергија.

Во четврток во Давос треба да има говор и германскиот канцелар Олаф Шолц. На четиридневниот собир во швајцарските Алпи, речиси 2.500 учесници од политиката и економијата ќе разговараат за решенијата на меѓународните проблеми.

Мотото на овогодинешниот собир е „Историја на пресвртницата: владини политики и деловни стратегии“. „Нашето главно барање до светот е – не престанувајте да ја поддржувате Украина“, им рече на новинарите во неделата Ивана Климпуш, украинска парламентарка која пристигна во Давос, повикувајќи да не се дозволи Русија да води нова војна против никого во регионот.

„Ни треба оружје, повеќе од било што друго“, рече Анастасија Радина, друга украинска пратеничка во Давос. Со оглед на санкциите наметнати на Русија, СЕФ ја исклучи земјата од својот годишен состанок оваа година.

The post Светски економски форум во Давос: Ќе се разговара за последиците од војната во Украина appeared first on Република.