Денеска како советничка група на ВМРО-ДПМНЕ и коалицијата „За обнова на Македонија“ во Советот на Град Скопје започнуваме еколошка акција за чисто и зелено Скопје, ова преку изјава за медиумите го истакна Стефан Андоновски од ВМРО-ДПМНЕ.

-Тука од паркот во Сарај започнуваме со акција за чистење на локалитетот и засадување на неколку дрвца. Со оваа симболична акција сакаме да постигнеме две цели. Прво да се обидеме да ја подигнеме еколошката свест на граѓаните во градот Скопје и второ да ја поттикнеме меѓуопштинската соработка во сите општини а Град Скопје. Во оваа акција освен коалицијата „За обнова на Македонија“ присутна е и политичката парија, односно советниците од Алијанса за Албанците, а поддршка побаравме и добивме од градоначалничката на град Скопје, Данела Арсовска. Ја бараме поддршката од сите граѓани и од сите здруженија и институции со мал придонес да се вклучат во овие позитивни еколошки акции кои ги правиме, а кои ќе продолжат во сите 10 скопски општини, вели Андоновски.

Тој додава дека со нашата мала акција ќе го решиме проблемот со загадувањето на животната средина, свесни сме дека нема да можеме но, ако секој од нас, граѓанин на Скопје, 500 илјади од нас засадат само по пет дрвца годишно, за четири години тоа ќе бидат десет милиони дрвца, нови дрвца во градот.

-На овој начин, со оваа акција сакаме да ги поттикнеме граѓаните да размислуваат еколошки, да се вклучат во акциите преку своите работни места, преку здруженијата во кои што учествуваат неформално, за да им помогнеме на животната средина, а со тоа да си помогнеме и на самите себе. Освен тоа, со ова поттикнуваме силна меѓуопштинска соработка со советниците од советите во општините во Градот Скопје, советничката група на Градот Скопје и се надеваме дека на овој начин, со оваа меѓуопштинска соработка ќе постигнеме позначителен ефект и за нас и за граѓаните на Градот Скопје и за сите скопски општини, истакна Андоновски.

The post ВМРО-ДПМНЕ и коалицијата „За обнова на Македонија“ во Советот на Град Скопје почна еколошка акција за чисто и зелено Скопје appeared first on Република.

Градоначалничката Арсовска денес учествуваше во еколошка акција за зазеленување на Сарај и јакнење на капацитетите за меѓуопштинска соработка помеѓу Градот Скопје и општините, на иницијатива на дел од членовите на Советот на Град Скопје.

Иницијативата за акцијата организирана од советничката група на ВМРО ДПМНЕ и коалицијата во Град Скопје, а во активностите се приклучија и членовите од советничката група на АА.

За време на денешните активности, градоначалничката Арсовска и советниците посетија повеќе локации каде се реализираа акции за чистење, а беа засадени и дрвја.

Покрај овие активности, градоначалничката Арсовска и советниците денеска остварија средби со членовите на советот на општина Сарај, каде разговараа за подобрување на меѓусебната координацијата со цел зголемување на ефикасноста во работењето. На средбите се разменија мислења и идеи за проекти, а се дадоа и предлози за подобро заедничко дејствување и меѓуопштинска соработка.

Град Скопје и во иднина ќе дава поддршка на ваквите иницијативи и ги повикуваме сите партии и граѓански здруженија да ја поддржат оваа активност и да дадат сопствен придонес.

The post Еколошката акција за зазеленување во Сарај од советниците и градоначалничката на Град Скопје appeared first on Република.

Општина Ѓорче Петров за првпат се вклучува во еколошката акција „Генералка викенд - за чисто како дома исто“, во организација на Зелена Сончева, за подигнување на свеста кон третманот на отпадот и негова селекција.

Во периодот од 6-9 Мај, жителите на Ѓорче Петров ќе имаат можност да се вклучат во оваа акција, а за секој 10 килограми селектиран отпад од страна на МЗШВ ќе биде дониран по едно дрво и одредена локација на која ќе се пошумува.

 

Ја подигаме свеста за животната средина и одговорноста кон средината во која живееме - порачува градоначалникот на Ѓорче Петров, Александар Стојкоски.

The post Општина Ѓорче Петров се вклучува во еколошка акција за селектирање отпад appeared first on Република.