Екатерина Захариева, поранешната министерка за надворешни работи на Бугарија е нов  комесар на ЕУ за  за истражување и иновации. За Македонија таа е интересна бидејќи беше на чело на бугарската дипломатија oд 2017 до 2021 година кога владата на СДСМ и ДУИ ги направи најголемите отстапки кон источниот сосед чии последици ги чувствуваме и денеска.

Захариева на чело на бугарското МНР имаше чести средби со Бујар Османи и Никола Димитров. На нив,49 годишната Екатерина директно ги навредуваше Македонија и Македонците на што двајцата нејзини колеги премолчуваа или реагираа „колку да се рече“.

Изјавите на Захариева против Македонија и Македонците

Македонскиот јазик е западнобугарски дијалект со србизми

На 16.1 2020 година Захариева и во  интервју за бугарската телевизија Канал 3, зборуваше за македонскиот јазик и историја.

Македонскиот јазик е напишан е во 45-та година, на основа на западнобугарскиот дијалект. Смениле единствено некои… малку граматика, малку додале зборови од еден друг соседен јазик – истакна Захариева.

Македонизмот е креација на Србија и Русија

Македонизмот сам по себе е геополитичка идеја создадена од Белград и Москва. Враќањето на српскиот јазик значи дека сите партии во Македонија, без оглед на нивните политички разлики, се едногласни за ова прашање…, како и за темата за односите со Бугарија“, изјави Захариева за бугарската национална телевизија БТВ на 29 јануари 2021 година.

Треба ли да се напомене дека немаше никаква официјална реакција од тогашните официјални претставници на Македонија.

Во интервју за „Ројтерс“  на 31.1 2020 Захариева ги повика Македонците „да си ги препознаат корените“.

Нашата загриженост е поврзана со постојаните тврдења на Северна македонија кон македонско малцинство во нашата земја. Ако тие ги препознаат корените на нивната нација и јазик, ова ќе заврши-рече Захариева.

Захарова пред неколку недели се најде среде нов скандал.Овој пат темата не беше Македонија туку нејзината канидатура за еврокомесар.

Кај европратениците интерес привлекол фактот што таа нема објаснување за потеклото на парите со кои купила куќа во Софија и вила на Халкидики во Грција во периодот кога  беше министерка за надворешни работи.

Захариева се поврзуваше и  со неколку други афери, меѓу кои и таа од 2018 година за илегално издавање на бугарски државјанства за паричен надомест.

https://republika.mk/vesti/balkan/mrazachkata-na-makedontsite-nema-objasnuvane-za-potekloto-na-imotot-kukite-na-zaharieva-vo-sofija-i-na-halkidiki-gi-zaintrigiraa-evropratenitsite/

The post Изјавите на Захариева против Македонија: Maкедонскиот јазик е западнобугарски дијалект, Македонизмот е креација на Србија и Русија appeared first on Република.

Две куќи во сопственост на кандидатката за еврокомесарка за истражување и иновации, Екатерина Захариева и на нејзиниот сопруг Ангел Захариев, што се наоѓаат во Бугарија и Грција, предизвикаа посебен интерес кај европратениците, членови на Комитетот за правни прашања (ЈУРИ) на ЕП, кој во четвртокот почна со разгледување на доставените декларации за имотната состојба на кандидатите за членови на новата Европска комисија, јави дописникот на МИА од Брисел.

Како што јави „Еурактив Бугарија“, повикувајќи се на извори во Европскиот парламент, во декларацијата на Захариева, меѓу другиот имот, наведени се и куќа во Софија од 484 квадратни метри изградена во 2018 година на парцела од 600 квадратни метри купена во 2007 година, како и „вила со студија“ од 200 квадратни метри на грчкиот полуостров Халкидики изградена во 2019 година на земјиште стекнато во 2008-та.

Захариева уште изјавува и дека на тековната сметка има околу 61.000 евра, заштеда од 38.000 евра и имот во сопственост на компанијата на нејзиниот сопруг, „Анзак инвест“ вреден  292.777 евра.

Таа во својата декларација посочува и дека во периодот 2017-2023 година во пет наврати била ангажирана како проект-менаџер во траење од по два месеци, но не прецизира за какви проекти станува збор.

Според „Еурактив Бугарија“, кај европратениците интерес привлекол фактот што нема објаснување за потеклото на средствата за изградба на недвижностите, кои се изградени во периодот кога Захариева беше бугарска министерка за надворешни работи, од 2017 до 2021 година.

Името на Захариева се поврзуваше со неколку афери, меѓу кои и таа од 2018 година за илегално издавање на бугарски државјанства за паричен надомест.

Согласно процедурата, ЈУРИ има право на кандидатите за еврокомесари да им постави и дополнителни прашања поврзани со наводите во декларациите, пред да донесе конечна одлука дали постои судир на интереси за нивниот избор. Крајниот рок до кој Комитетот за правни прашања на ЕП треба да се изјасни за тоа е 18 октомври.

Но, во декларациите претходно доставени до бугарската антикорупциска комисија во периодите кога била избирана за државни функции, Захариева дава подетални податоци за имотот што го поседува.

Така, во декларацијата од 2016 година, кога беше избрана за вицепремиерка и министерка за правда, Захариева пријавува три стана во Софија, стекнати во 2005, 2008, 2009 година, од кои два се во заедничка сопственост со нејзиниот сопруг, а третиот е само нејзин.

Станот што е само во нејзина сопственост е купен во 2005 година за 26.000 евра, тој во 2009 од 94 квадратни метри за 105.000 евра, а станот од 62 квадрати, стекнат во 2008 година, за сума од само 11.500 евра.

Покрај ова, Захариева пријавила и дека поседува половина од продавница во бугарскиот град Пазарџик, купена во 1996 година за 38.200 евра.

Во оваа декларација за сопругот Ангел Захариев, Захариева пријавил дека поседува банкарски депозити во Бугарија во вредност од 75.000 евра и 15.000 долари.

Во друга декларација до бугарската антикорупциска комисија од 2018 година, кога во Бугарија стана задолжително пријавување и на приходите, Захариева пријавила дека таа има приход од околу 33.000 евра, а нејзиниот сопруг од околу 105.500 евра. Во оваа декларација Захариева пријавила и дека продале половина од парцелата на Халкидики за речиси 58.700 евра.

Во декларацијата од 2021 година, пак, покрај веќе претходно наведените имоти, Захариева пријавила и дека во периодот од 2019 до 2021 година остварила приходи од 115.000 евра, главно од плати, а нејзиниот сопруг од  272.500 евра. Во оваа декларација таа наведува и дека нејзиниот сопруг им дал три позајмици на приватни лица во вкупна вредност од 175.000 евра, од кои најголемата изнесувала 134.000 евра. Имињата на овие поединци не се наведени.

The post Мразачката на Македонците нема објаснување за потеклото на имотот: Куќите на Захариева во Софија и на Халкидики ги заинтригираа европратениците appeared first on Република.

По номинирањето на поранешната бугарска вицепремиерка и министерка за надворешни работи, за правда и за регионален развој Екатерина Захариева за комесарка за стартапи, истражување и иновации во новата Европска комисија, во јавноста испливаа неколку контроверзии и скандали од нејзиното минато, што може да ја соочат со тешко сослушување во Европарламентот.

Еден од тие „скелети во плакарот“ на Захариева е корупцискиот скандал од 2018 година поврзан со доделувањето бугарски пасоши на странски државјани во замена за мито од 5.000 евра. Во тоа време Захариева беше министерка за правда во Владата на поранешниот премиер Бојко Борисов.

Скандалот главно се врзуваше со националистичкото ВМРО-Бугарско национално движење (ВМРО-БНД), кое во тој период беше коалициски партнер на партијата Граѓани за европски развој на Бугарија (ГЕРБ) на Борисов и Захариева, но целиот случај се уште нема судска разрешница.

Втор „грев“ што и се припишува на Захариева се наводните бизнис врски на членови на нејзиното семејство со македонскиот бизнисмен Орце Камчев, кого таа во 2019 година, кога беше шефица на бугарската дипломатија, го предложи за почесен конзул на Бугарија во земјава, со што тој би добил и дипломатски имунитет од судско гонење.

Но, поради скандалите поврзани со Камчев, кој во 2023 година беше ставен и на американската „црна листа“ за вмешаност во корупција, тој на крајот не стана бугарски почесен конзул.

Во 2021 година, лидерот на партијата Македонски концепт, Петар Богоевски, обвини дека Камчев платил осум милиони евра за да обезбеди заштита од судско гонење со помош на бугарските власти, преку шема со која се поврзуваше и името на сопругот на Захариева.

Бугарскиот истражувачкиот новинар Николај Стајков од невладината организација „Фонд за борба против корупцијата“ во изјава за бриселскиот портал „Еурактив“ тврди и дека врз основа на објавените мејлови на потпретседателот на рускиот Парламент, Александар Бабаков, може да се заклучи дека Захариева и „помогнала на Русија да се здобие со стратешка инфраструктура“.

Станува збор за гасоводот „Турски поток“, изграден во периодот од 2019 до 2021 година во време кога Борисов беше бугарски премиер, преку кој руски гас се пренесуваше до и преку Бугарија. Откако Владата на Кирил Петков го одби барањето на Москва за плаќање на рускиот гас во рубљи, Русија ја запре испораката на енергенсот за Бугарија, но низ гасоводот продолжи дистрибуцијата на гас за Србија, Унгарија и Австрија.

„Еуроактив“ се обидел да добие одговори од Захариева во однос на обвинувањата за нејзина поврзаност со корупцискиот скандал за доделувањето државјанства на странци, за бизнис врските со Камчев и за нејзината улога во изградбата на „Турски поток“, но бугарската кандидатка за еврокомесарка не одговорила на прашањата.

Инаку, Захариева во македонската јавност е позната и по нејзините тврдокорни ставови поврзани со земјава.

The post Сите скандали на мразачката на Македонците, сега кандидат за еврокомесар од Бугарија appeared first on Република.

Република Македонија мора да ги спроведе потребните реформи и да ги исполни условите доколку сака да започне преговори за влез во Европската унија, изјави заменик-претседателката на ГЕРБ, Екатерина Захариева, која е потпретседател на Комисијата за надворешна политика во бугарското Собрание и поранешен министер за надворешни работи (2017-2021).

Повод за нејзиниот коментар, како што пренесува БГНЕС, е претстојното гласање во македонскиот парламент за вклучување на Бугарите во Уставот на Република Македонија. што е едно од главните барања утврдени во т.н „француски предлог“ што Скопје треба да го спроведе пред да започнат пристапните преговори со ЕУ.

Захариева ги повика, како што вели, „македонските соседи и пријатели, да не се плашат од промените“.

-Измена на Уставот на Република Македонија не е голема работа. Бугарите се дел од реалноста во Република Македонија и тоа мора да се прифати, потенцира поранешната шефица на бугарската дипломатија.

Таа е категорична дека е корисно за двете земји да отворат нова страница во односите.

-И Софија и Скопје губат од лошите односи. Многу е подобро да немаме граници меѓу нас и да се развива бизнисот. Важно е луѓето да можат слободно да се среќаваат и да комуницираат без страв, рече Захариева.

Истовремено, таа потсети дека за сето ова да се случи Скопје мора да ги исполни условите од преговарачката рамка и да прифати дека Бугарите се дел од Република Македонија.

-Мора да се прекине дискриминацијата врз Бугарите, како и од неодамна зачестените случаи на физичко и вербално насилство. И сето тоа е добро за Република Македонија и граѓаните на оваа држава, тие самите да се чувствуваат добро во својата татковина, а не да се иселуваат, вели Екатерина Захариева

The post Захариева ја откри желбата на Бугарија: Многу е подобро да немаме граници меѓу нас appeared first on Република.

Претседателот Стево Пендаровски не ги штити интересите на својата татковина, туку служи на политиката на Србија и Русија на Балканот. Тој со своите изјави го кочи развојот на односите меѓу Софија и Скопје - изјави за БГНЕС Екатерина Захариева, поранешна шефица на бугарската дипломатија и актуелна претседателка на Комисијата за надворешна политика.

Бугарија мора да има многу дефинитивна и остра реакција на изјавата на Пендаровски. За жал, ова не е првпат тој да дава остри изјави кои не помагаат во развојот на билатералните односи, рече таа во изјавата.

За сугестиите што Пендаровски ги даде во својот говор за прогласување на бугарските екстремисти за персона нон грата и да не им биде дозволен влез на чествувањето за Гоце Делчев на 4 февруари, Захариева рече: Силно се надевам дека македонската влада нема да го прифати неговото барање, бидејќи тоа многу повеќе ќе ги ескалира билатералните односи. Ова ќе им служи во интерес токму на оние бугарски политичари кои нема да бидат пуштени да влезат на територијата на Македонија. Некои од нив исто така не помагаат за нормализирање на односите.

The post Пендаровски им служи на Србија и Русија и ги кочи билатералните односи – тврди Захариева appeared first on Република.

Пратеничката на ГЕРБ, Екатерина Захариева посочи дека со потпишувањето на протоколот, историските прашања се дел од преговарачката рамка, заедно со санкционирањето на говорот на омраза и другите бугарски барања. Според неа, најважно е што, Бугарија и натаму не го признава македонскиот јазик и истиот го нарекува „официјален јазик според Уставот“. Нејзиниот коментар е даден за бугарскиот медиум „БНТ“.

Важно е да се каже дека со ова одобрение не го признаваме македонскиот јазик, туку продолжуваме да ја користиме формулата воведена од 1999 година, официјален јазик според уставот на државата. Дополнително, нашите барања за прекин на говорот на омраза, зајакнување на билатералната соработка и спроведување на одлуките на историската комисија, вклучување на Бугарите во уставот на РСМ, стануваат дел од преговарачката рамка, посочи Захариева.

Таа бара, како што вели, „да се смират страстите во Македонија“.

Се надевам дека малку ќе се смират страстите во Македонија. Не малку, туку многу треба да се смират. Видовме што се случува таму, видовме голема тензија, видовме не само антибугарско , антиевропска, анти-НАТО реторика.Се вратија од реториката од пред 30 години. Не се чини дека сакаат да бидат членки на ЕУ, иако тоа беа протести организирани од партија која е во опозиција. Малку и помага и на Бугарија, која отсекогаш велеше дека треба да се реформираат дури и за да започнат преговори, бидејќи ќе биде штетно за РСМ и за ЕУ ​​ако не направат адекватна проценка на минатото и не почнат да гледаат напред, ако не се демократизираат, рече Захариева.

За македонскиот јазик, Захариева уште еднаш посочи: „Тој има разлики, но е напишан ’45 година, на основа на бугарскиот дијалект.

The post Захариева: Македонскиот јазик е дијалект на бугарскиот, историските прашања се дел од преговарачката рамка appeared first on Република.

Кирил Петков влезе во играта на  Македонија, давајќи и ветувајќи дека ќе направи компромиси кои нема да ги одразуваат интересите на Бугарија. И Бугарија и граѓаните на Македонија ќе загубат од избрзаното укинување на ветото. Во нивен интерес е да се реформира Македонија. Во нивен интерес е историјата да ја знаат таква каква што е, а не измислената историја што е создадена за да ги оддалечи од Бугарија и бугарството“, изјави денеска во интервју поранешната МНР на земјата, Екатерина Захариева.

Со своите постапки и говор, според неа, Петков ги поткопувал напорите на Бугарија да ја реформира земјава и да не претвори од „прокси на Путин“ во европска држава.

– Франција не може да ги гарантира барањата на Бугарија доколку тие не влезат во преговарачката рамка и не бидат одобрени од сите земји-членки на ЕУ, истакнува таа.

Нејзе не ѝ е јасно зошто е ова брзање од страна на Петков за укинувањето на ветото за почеток на преговорите за ЕУ.

„Мојот единствен сомнеж е дека Кирил Петков ветил дека ќе го укине ветото до крајот на француското претседателство. Нешто што тој негира, но сите негови постапки зборуваат во спротивна насока, вклучително и оваа одлука која вчера беше усвоена од Советот на министри“, рече Захариева.

Таа го опиша како прилично чудна конструкција, што укажува и на тоа дека на премиерот му се брза.

Захариева го потсети премиерот дека тие сме членки на ЕУ, а не Македонија.

„Многу пати сум кажал кога давате контрадикторни сигнали: Премиерот кажува едно; во исто време, Рамковниот став е различен и Министерството за надворешни работи се придржува до него; кога со истите комесари и премиери, едни зборуваат едно, а други друго, оваа позиција на Бугарија прави да изгледа смешно во очите на нашите европски партнери и особено во РСМ“, рече поранешната министерка за надворешни работи

The post Захариева порача дека е во наш интерес ветото да остане appeared first on Република.

Вистински раскол владее во Бугарија по најавите дека владата на Кирил Петков би можела да попушти и да го одложи ветото за Македонија. Предупредувањата кои доаѓаа од министерката за надворешни работи Теодора Генчовска за двојна надворешна политика на Кабинетот на Петков дополнително ги подгреа и неговата изјава дека не може да се очекува сите барања на Бугарија да бидат исполнети сега, пред почетокот на преговорите.

Најглупавото нешто што можеме сега да го направиме е против бугарскиот интерес и ќе се сопнеме. Да бараме сè што сме сакале да се случи, да се случи пред подигнување на ветото. Тогаш националистите ќе ја преземат власта таму и тогаш шансите ни се нула. Сега имаме нормална влада таму и тaa е подготвенa да ги преземе ангажманите со европски договор, рече Петков.

https://republika.mk/vesti/makedonija/petkov-davame-pat-na-makedonija-kon-evropa-no-na-toj-pat-ima-baranja-i-zadolzenija-jasno-opredeleni-vo-pregovarachkata-ramka/

Од друга страна, дека источниот сосед е под силен дипломатски притисок да дозволи Македонија да ги почне преговорите вчера потврди и претседателот Румен Радев. Притискот пред се доаѓа од САД, но и од неколку земји од ЕУ, но засега нема најави дека Бугарија ќе се согласи за старт на преговорите.

https://republika.mk/vesti/balkan/kje-reagiraat-li-nashite-vlasti-shto-radev-go-nareche-makedonizmot-voinstven/

Тоа го призна и неговата заменичка Илијана Јотова, која нагласува декаима притисок врз Бугарија да го укине ветото за влез на Македонија во ЕУ и „тоа се должи на фактот што не успеале да воспостават рамнотежа меѓу геополитичките интереси и геополитичките одлуки на ЕУ и на Бугарија“.

https://republika.mk/vesti/balkan/jotova-se-zali-ni-vrshat-pritisok-da-go-ukineme-vetoto-za-makedonija/?fbclid=IwAR15srxQzfh4y2M4thQq7R4agQouaeZCBWZoH7saPRqFtHbw7mMN6QMehV0

Освен тоа, Петков е под силен притисок од дома дека лесно може да биде поранешен премиер ако попушти по прашањето за Македонија и ако не се држи до Декларацијата на бугарскиот паралемент каде јасно се исцртани позициите.

https://republika.mk/vesti/makedonija/shto-sodrzi-bugarskata-deklaracija-shto-ja-prifatile-zaev-i-buchkovski/

Заканите кон Петков дека може да му биде изгласана недоверба доаѓаат како од неговата коалиција, пред се од Социјалистите и од „Има таков народ“, но и од опозициската ГЕРБ, во чијшто мандат беше потпишан Договорот за добрососедство меѓу Борисов и Заев.

https://republika.mk/vesti/balkan/zaharieva-kabinetot-na-petkov-ima-dvojna-politika-kon-severna-makedonija/

Пред неколку недели лидерот на „Има таков народ“, Слави Трифонов, побара од Петков да не го крева ветото бидејќи таков им бил договорот.

https://republika.mk/vesti/balkan/n-narekuva-severno-makedonci-trifonov-bara-od-petkov-da-ne-go-kreva-vetoto-takov-im-bil-dogovorot/?fbclid=IwAR0a0JddJYYAmTk3NrOCwwZqgQaBKk7pmXXSXa4mYyWKjOoinZhIieyqkCM

Шефицата на дипломатијата Генчовска, која доаѓа од партијата на шоуменот, посликовито објасни дека Бугарија има две надворешни политики, една на МНР, а друга на Петков.

https://republika.mk/vesti/balkan/genchovska-kontra-petkov-ne-spomena-pomestuvanje-na-vetoto-prvo-bugarite-vo-ustavot-pa-pochetok-na-pregovori/

Социјалистите беа уште подиректни. Георги Свиленски од раководството на Бугарската социјалистичка партија посочи дека ваквиот став го делеле 80 проценти од бугарските граѓани и оти тука нема место за компромис.

https://republika.mk/vesti/balkan/ako-petkov-mu-popushti-na-skopje-moze-da-ne-bide-povekje-premier-mu-poracha-koaliciski-partner/?fbclid=IwAR0k-VGi0_Q1YlVMiW5RCoOhNsz0IEFh_9GhkdNZAbbW7appqNcIsO8uIVQ

Заканите на бугарските политичари се реални, но тоа многу не е важно за Македонија бидејќи Петков во пракса не се покажа дека е различен од другите, можеби само во приодот и „“пиарот“ што се содаде кај нас. Економијата, туризмот, инфраструктурата никогаш не биле спорни, но тој никогаш не негираше дека историјата останува пречка во односите.

The post За да го задржи Ковачевски спроти себе, Петков на пат да стане бивши appeared first on Република.

Бугарија има двојна надворешна политика. Министерството за надворешни работи е исклучено од разговорите меѓу премиерот и неговите колеги од Македонија. Очигледно Кирил Петков се заложил да го тргне ветото без да ги исполни обврските, обвини денеска пратеничката на ГЕРБ и поранешна министерка за надворешни работи, Екатерина Захариева, во изјава за бугарската национална телевизија БНТ.

Бугарија треба да има јасен и недвосмислен став, рече Екатерина Захариева.

Жал ми е што некои од бугарските политичари се фаќаат за пропагандата на Македонија. Не треба да личиме на ситен историски реваншист. Тие го сакаат тоа. Проблемот не е само во апсолутното крадење на историјата, проблемот е што создаваат омраза кон соседна земја, и тоа доаѓа од земја која претендира да биде членка на ЕУ во 21 век, земја која не ги почитува нормалните човекови права“, рече Захариева за Македонија.

Захариева рече и дека Бугарија мора да зборува во ист глас со своите европски партнери, и ја повика владата прво да научи да зборува со еден глас во коалицијата.

The post Захариева: Кабинетот на Петков води двојна политика кон Македонија appeared first on Република.

Поранешната министерка за надворешни работи на Бугарија, сегашна пратеничка на ГЕРБ-УДФ Екатерина Захариева во емисијата „Зборувај сега“ ја коментира изјавата на бугарската министерка Теодора Генчовска, која рече дека Бугарија води две надворешни политики – онаа на бугарското МНР и онаа на тимот за надворешна политика на премиерот Кирил Петков.

Очигледно премиерот води надворешна политика за која МНР не знае и ми остави впечаток дека министерката Генчовска не е присутна на повеќето посети. Кога се и двајцата таму, а Петков има средба со премиерот на Македонија, чудно е што Генчовска не е присутна, рече таа.

Захариева смета дека Кирил Петков се заложил да се откаже од ветото за членство на Македонија во ЕУ.

Знаеме дека пред неколку дена министерот Бујар Османи за нивните медиуми изјави дека се подготвува документ кој е речиси готов за потпишување, но јас ова го разбирам како да се очекува да биде потпишан на меѓувладината средба, рече таа.

Според неа, ГЕРБ има информации дека на почетокот на мај се подготвува нова меѓувладина средба.

Заложбата што премиерот очигледно ја презеде ќе доведе до тоа договорот што Бугарија го одржува со години да биде уништен. Тој не се осмелува да го каже тоа на јавна расправа во Бугарија, бидејќи повеќето Бугари ќе го сметаат тоа за национално предавство.

Захариева објасни дека правно е можно бугарската влада – Министерскиот совет да ја смени преговарачката рамка и да каже „да“ за падот на ветото пред Европскиот совет без согласност на парламентот.

Се надевам дека нема да успее, бидејќи има уште декларација на парламентот, ако не сака да го уништи овој национален договор и ако не сака бугарските граѓани да го сметаат за национален предавник, подобро е да дојде во парламентот и да слушне што велат народните избраници, рече таа.

Екатерина Захариева зборуваше и за вчерашната средба на бугарската делегација со Бугарите во Македонија.

Нашите сонародници беа загрижени и имаа јасни пораки до премиерот – Бугарија да го укине ветото само кога ќе им се гарантираат правата.

The post Захариева: Можно е владата на Петков да го симне ветото за Македонија, но тоа би било национално предавство appeared first on Република.

оранешната министерка за надворешни работи Екатерина Захариева, кажа дека сите политичари треба да имаат една цел – правата на Бугарите во Македонија, напоменувајќи дека граѓаните на Македонија во Бугарија имаат подеднакви права со Бугарите.

„Да покажеме на граѓаните кои се тука и кои ни веруваат, дека основната задача на сите политичари ќе биде правата на Бугарите и дека Македонија ќе стане дел од ЕУ. Се радувам што сум тука на откривање на овој центар. Фактот што сме тука е добар знак, пред нас има многу работа“, рече Захариева.

Таа нагласи дека Бугарите во Македонија немале права и дека имало многу жалби за дискриминација.

Властите создаваат тешкотии. Последен пример е автомобилите со бугарски таблици. Граѓаните на Македонија кои живеат во Бугарија, ги имаат сите права како и Бугарите“, дополни Захариева.

The post И Захариева која вели дека Македонците зборуваат бугарски јазик дојде во Битола appeared first on Република.

Поранешната министерка за надворешни работи на Бугарија и пратеничка на ГЕРБ, Екатерина Захариева преку „Фејсбук“ реагира на резултатите од пописот, потенцирајќи дека резаговарала со организациите на Бугарите во Македонија и тие и посочиле оти сметаат дека податоците се фалсификувани.

Податоците според кои во Македонија има само 3.504 Бугари се фалсификувани и здруженијата на Бугарите во земјава наскоро ќе излезат со официјален став. Најчудно е што не се бројат Бугарите кои се надвор од државата, за разлика од другите етнички групи. Не треба да заборавиме дека во последните 15 години 86.566 граѓани добиле бугарско државјанство, изјавувајќи пред нашите власти дека се идентификуваат како Бугари. За жал, уште еднаш сме сведоци на старата државна политика – дискриминација на Македонците со бугарска самосвест и обид за нивно маргинализирање, вели Захариева.

Таа понатаму вели дека ваквото мешање во правото на самоопределување е апсолутно неприфатливо и е во спротивност со вредностите на Европската Унија и дека крајно време е „да сфатат дека Бугарите во Македонија не се закана, туку мост меѓу нашите две земји“.

The post И Захариева незадоволна од пописот, требало да се бројат и Бугарите кои се надвор од Македонија appeared first on Република.

Сметав дека е доста битно сега и таму да се каже она што го кажав, зошто пред сè тоа е организација која работи на човекови, јазични и малцински права, а потоа и поради сите кои беа присутни таму, рече за своето обраќање пред Советот на Европа во Стразбур потпретседателот на ВМРО-ДПМНЕ Александар Николоски.

https://republika.mk/vesti/makedonija/nikoloski-makedoncite-ne-se-proizvod-na-kominternata-nie-sme-poseben-makedonski-narod-koj-zboruva-na-makedonski-jazik/

Изминатите два дена, слушам од нашите украински колеги за страдањата со кои се соочуваат. Слушајќи ги овие шокантни сведочења, можам само да направам паралела со судбината и негирањето на македонскиот народ, и вековните спорови со нашите соседи кои биле и се поголеми и помоќни. Со векови нашите соседи ги оспоруваа Македонците како посебна нација, култура и посебен македонски јазик. Ние бевме жртви и протерувани за време на балканските војни и за време на грчката граѓанска војна, и конечно оспорувани во 21виот век. Негирањето на украинскиот јазик и тезата дека Украинската нација се творба на Ленин и комунистите е слична со тезата за негирање на македонската нација и јазик и тезата дека Македонците се творба на Тито и комунистичката коминтерна. Оспорувањето и омаловажувањето на двете нации и јазици има многу сличности и симболика, дури се употребуваат и истите зборови. Ова не беше случајно, што дури и големиот филозоф Францис Фукујама, авторот на легендарната „Крајот на историјата и последниот човек“ вели дека има многу сличности во наративите користени против Македонија и Украина и негирањето на Македонците и Украинците, истакна пред делегациите Николоски.

Во вечерашната „Заспиј ако можеш“ Николоски потенцираше  дека во салата биле присутни и грчка делегација, со членови како Јоргос Папандреу и Дора Бакојани, но и бугарската, во која беше и добро познатата за македонската јавност поранешна министерка за надворешни работи на Бугарија Екатерина Захариева.

Токму во моментот кога Николоски го спомна негирањето на македонската нација и тврдењето дека сме творештво на Тито, таа запрепастено ја крева главата и се врти кон Николоски. Тој открива и дека после говорот добил силен аплауз од сите во салата, што е реткост на вакви седници.

The post Захариева остана запрепастена, а сите во салата дадоа аплауз по говорот за Македонците во Стразбур appeared first on Република.

Интересот на Бугарија е Македонија да се реформира, а Договорот за добрососедство во кој што се вклучени и основните човекови права да стане дел од Преговарачката рамка, е ставот на поранешната бугарска министерка за надворешни работи, Екатерина Захариева, која сега е заменик претседател на Комисија за надворешна политика во Народното собрание на Бугарија.

Во интервју за агенцијата БГНЕС, Захариева вели дека фокусот на Македонија не бил да започне преговори со ЕУ, туку бугарските барања да не влезат во Преговарачката рамка.

„Со РСМ имаме нерешени билатерални прашања и според Скопје, тие прашања се билатерални и за нив нема место во Преговарачката рамка. Напротив. Правото на самоопределување е европска вредност, тоа е човеково право. Исполнувањето на Договорот во кој што има фундаментални човекови права исто така треба да биде дел од Преговарачката рамка. Мојот апел до министерката Теодора Генчовска е: Не ја заборавајте Преговарачката рамка“, изјави Захариева.

Таа ја предупреди актуелната Влада да биде повнимателна во очекувањата во однос на Македонија.

„Вие знаете колку пати низ годините Бугарија подавала рака, колку пати дури сме ги затворале очите, надевајќи се дека со подадена рака, благ тон и добри намери работите ќе се сменат и ќе одат на подобро. За жал, тие не само што не одат на подобро, туку имаме еден чекор напред и три назад, не два. Моето искуство и искуството на бугарската политика низ годините и на многу влади до сега е дека колку повеќе ги подигнуваме очекувањата толку потешко ќе биде да постигнеме напредок и толку потешко ќе им биде на преговарачките тимови да постигнат нешто“, објаснува Захариева.

Во однос на испратената нота за краткото и долгото име на Македонија вели дека не е лош потег и не е за потценување.

„Таа нота многу пати е најавувана, тоа го кажуваше и премиерот Зоран Заев и министерот за надворешни работи. Убаво е што тоа се случи, но подвлекувам, додека не е договорено сѐ, ништо не е договорено“, изјави таа.

Според неа, голем успех би бил ако гаранциите кои ги бара Бугарија се вклучат во Преговарачката рамка.

„Фокусот на Скопје беше, не да започнат преговорите со ЕУ, туку да не се вклучат бугарските барања во Преговарачката рамка. Да го направат прашањето билатерално. Но, тоа не е само билатерално, туку е европско. Нашата цел е да опстоиме дека прашањето е европско“, изјави Захариева и додаде дека бугарски интерес е Македонија да се реформира, а единствениот морков со кој располага сега Бугарија за тие реформи е Европската Унија.

The post Захариева бара Договорот за добрососедство да влезе во преговарачка рамка appeared first on Република.

Поранешната министерка за надворешни работи на Бугарија и пратеничка од опозициската ГЕРБ во бугарскиот парламент Екатерина Захариева го критикуваше претседателот Румен Радев поради свикувањето на Советодавниот совет за национална безбедност за Македонија.

Како што јави дописникот на МИА од Софија, Захариева за БНТ изјави дека Советодавниот совет за национална безбедност не бил свикан од претседателот две години, што, според неа, е во спротивност со законот. Захариева смета дека Радев требало да го свика Советот за најмалку четири теми – како што се кризата со Ковид, инфлацијата, кризата со цената на енергијата и конфликтите меѓу Русија, Украина и она што се случува во Казахстан. Според неа, тоа се многу поважни теми од Македонија.

Екатерина Захариева беше категорична дека не гледа закана за националната безбедност на Бугарија од Република Македонија, освен, како што наведе, ако само претседателот Радев гледа закана.

Таа рече дека за конфликтот во Казахстан се зборува во целиот свет, а само во Бугарија молчат претседателот и владата. Захариева додаде дека во Бугарија има бази на НАТО и дека нема ниту еден НАТО сојузник кој сака тензии во близина на нејзините граници.

The post Захариева го критикува Радев за свикувањето на Советодавниот совет за национална безбедност за Македонија appeared first on Република.