Меѓувладина седница на македонската и на косовската Влада во Приштина – земјите остануваат силно посветени на одбранбената соработка која е столб на регионалната безбедност, се вели во Фејсбук статусот на министерството за одбрана.

Министерот Владо Мисајловски разговараше со неговиот колега, министерот Ејуп Маќедонци со кого ја потврдија намерата на двете земји за продлабочување на одбранбената соработка. Нашата држава е активен и посветен НАТО сојузник чиј приоритет е регионалната стабилност и безбедност. Македонската Армија веќе четири години дава свој придонес во НАТО мисијата КФОР на Косово што е доказ дека регионот и неговата сигурност за нас се од исклучително значење, истакнуваат од МО.

The post Министерот Мисајловски за средбата со косовскиот колега: Двете земји ја потврдија намерата за продлабочување на одбранбената соработка appeared first on Република.

Министерот за одбрана на Косово, Ејуп Маќедонци, по денешното гласање во Парламентарното собрание на НАТО, каде Косово го унапреди статусот од набљудувач во придружна членка, вели дека сега Косово е на само чекор од полноправно членство во НАТО, што, според него, „секако ќе влијае на стабилизацијата на Балканот“, јави дописникот на МИА Приштина.

По денешната одлука на ПС на Северноатлантската алијанса, напиша Маќедонци на својата страница на Фејсбук, Косово отсега натаму ќе има право да предлага и коментира за кој било процес или документ кој се третира во тоа тело.

„Од денеска, со одлука на Парламентарното собрание на НАТО, Собранието на Република Косово има статус на придружна членка на НАТО. Така, Косово отсега ќе има право да предлага и коментира за кој било процес или документ со кој работи Собранието на НАТО. Со оваа одлука Косово е на само еден чекор од полноправно членство во НАТО, што секако ќе влијае на стабилизација на Балканот“, напиша Маќедонци.

На Парламентарното собрание на НАТО, кое од 25 до 27 мај се одржува во Косово, денеска беше донесена одлука за унапредување на статусот на Собранието на Косово од членка-набљудувач во придружна членка

The post Mинистерот за одбрана се надева дека Косово е на чекор до полноправно членство во НАТО appeared first on Република.

Руски хакери нападнаа веб-страници на косовски институции, Претседателството и кабинетот на премиерот, но веб-страниците брзо беа повторно фукционални, изјави министерот за одбрана, Ејуп Маќедонци.

-Група руски хакери извршија кибер-напад на Косово како одмазда за мојата изјава за поддршка на Украина, изјави Маќедонци за РТ додека беше во Полска на конференцијата „Одбрана 24“, пренесе Бета.

Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.

-Косово е подготвено да се приклучи на колективните напори за поддршка на одбраната на Украина. Треба да размислат повеќе за ова..., напишаа хакерите на руски, споменувајќи го министерот.

Министерката за надворешни работи и дијаспора, Доника Гервала објави дека „Русија врши хибриден напад на Косово“.

Гервала на мрежата „Х“ објави дека „рускиот хибриден напад на Косово“ доаѓа по најавата за поддршка на Косово за Украина со воена опрема.

The post Маќедонци: Руски хакери ги нападнаа веб-страниците на косовските институции appeared first on Република.

Министерот за одбрана на Косово, Ејуп Маќедонци, ја поздрави одлуката на Парламентарното собрание на НАТО за унапредување на статусот на Косово од парламентарен набљудувач во придружна членка, јави дописникот на МИА од Приштина.

Преку објава на платформата „Х“, Маќедонци порача дека вчерашната одлука на Парламентарното собрание на Северноатлантската алијанса е голем чекор за безбедноста, не само за Косово, туку и за регионот.

Постојаниот комитет на Парламентарното собрание на НАТО донесе одлука за унапредување на Собранието на Косово од парламентарен набљудувач во придружна членка. Ова е голем чекор напред за безбедноста и просперитетот на Косово и на регионот“, напиша косовскиот министер за одбрана.

Според Маќедонци, „членството во НАТО и ЕУ е од суштинско значење за секоја демократска земја“.

Пратеникот на владејачката косовска партија, Движење самоопределување, Дритон Хисени, вчера соопшти дека статусот на Косово во Парламентарното собрание на НАТО е унапреден.

Хисени, кој е шеф на Делегацијата на Собранието на Косово во Парламентарното собрание на Алијансата, соопшти дека за време на работата на Постојаниот управен комитет на ова собрание, што се одржува во Естонија, вчера, статусот на Косово е покренат на ниво на придружна членка.

Ова е највисоко ниво на претставување во Собранието до полноправно членство на Косово во НАТО. Долги години Косово имаше статус на членка-набљудувач. Денешната одлука ќе биде формализирана со гласање во Парламентарното собрание на НАТО на пролетната сесија на Собранието, што ќе се одржи на 27 мај во Софија, напиша Хисени на Фејсбук.

Тој информира дека, со зголемувањето на нивото на застапеност во Собранието на НАТО, Косово ќе има проширување на делегацијата, поголемо вклучување во одлуките на Собранието и право да се обрати со амандмани и коментари за секој процес и документ што се третира од страна на Собранието, што претходно требаше да се направи преку делегации од други земји, главно од Албанија.

The post Маќедонци: Унапредувањето на Косово во придружна членка во НАТО е голем чекор за безбедноста на земјата и регионот appeared first on Република.

Министерот за одбрана на Косово, Ејуп Маќедонци вели дека во изминатите три години, откако на власт е актуелната влада на Косово, речиси 3.500 војници на Безбедносните сили на Косово (ФСК) се образовани во странство, што е многу поголема бројка од онаа од времето на минатите влади, јави дописникот на МИА од Приштина.

Во порака на неговата страница на Фејсбук по повод утрешниот (27 ноември) Ден на силата, како што се именува денот на основањето на ФСК, Маќедонци објави графикон, според кој претходните влади во периодот 2018-2020 година испратиле 818 војници во странство, наспроти 3.459 во периодот 2021-2023, односно откако земјата ја води владата на премиерот Албин Курти.

Косовскиот министер за одбрана порача дека оваа влада ќе продолжи да инвестира во подигање на професионалните капацитети на КБС, како и во снабдување на армијата „со најсовремени системи на оружје“.

- Во пресрет на 27 ноември, Денот на силата, со гордост нагласуваме дека ФСК забрзано се развива во професионална сила според стандардите на НАТО. Во текот на овие три години во странство се обучени и школувани 3.459 воени лица, или за околу 123% повеќе од претходните влади. Ќе продолжиме да инвестираме и во подигање на професионалните капацитети, покрај подигањето на оперативните капацитети, снабдување со најсовремени системи на оружје, бидејќи нашите Безбедносни сили се Сила која ја гарантира безбедноста на граѓаните и одбраната на територијата на нашата татковина Косово, напиша Маќедонци.

The post Маќедонци: Косово ќе продолжи да се опремува со најсовремени оружени системи appeared first on Република.