Иран денеска егзекутираше пет мажи прогласени за виновни за силување жена во мај минатата година.

Петмина мажи кои киднапираа и силуваа жена во мај 2022 година во градот Маранд (северозападен Иран) беа егзекутирани денеска, соопштија властите.

Мажите кои беа егзекутирани денеска, беа уапсени четири дена по силувањето.

На почетокот на јуни, невладината организација Амнести интернешенел соопшти дека 282 лица биле егзекутирани во Иран во 2023 година. Минатата година Исламската Република егзекутирала 582 лица - повеќе од која било друга земја освен Кина, соопштија неколку групи за права, вклучително и Амнести интернешенел.

На почетокот на минатиот месец, иранските власти егзекутираа тројца мажи прогласени за виновни за дрогирање и силување на околу десет жени кон крајот на 2021 година.

The post Во Иран егзекутирани пет мажи поради силување appeared first on Република.

Во Саудиска Арабија денеска се погубени 81 човек поради злосторства поврзани со тероризмот.

Помеѓу егзекутираните се и седум Ерменци и еден државјанин на Сирија, како и припадници на Ал Каеда, на Исламска држава и Хути.

Според саудиските власти погубените лица планирале напади и шверцувале оружје во Саудиска Арабија. Тие се осудени за тероризам и „девијантни убедувања“.

Саудиска Арабија е позната по строгите кривични закони, како и по масовните егзекуции, но денешната е најмасовна во еден ден.

Во 2019 година беа обезглавени 37 луѓе, а во јануари 2016 година – 47. По заземањето на Големата џамија во Мека во 1980 година беа егзекутирани 63 лица.

The post Во Саудиска Арабија егзекутирани 81 човек appeared first on Република.