Левица соопшти дека дава условна поддршка за предложените измени на Законот за организација и работа на органите на државната управа со кои ќе се овозможува реструктуирање на министерствата и зголемување на нивниот број по барање на коалицијата која го сочинува новото мнозинство во Парламентот, но бара од ВМРО-ДПМНЕ да прифати промена на изборниот модел и воведување една изборна единица.

https://republika.mk/vesti/makedonija/mitskoski-gi-objavi-predlozite-ke-ima-novi-ministerstva-za-energetika-za-sport-i-za-digitalna-transformatsija/

Левица повторно подава рака на ДПМНЕ за овие законски измени да бидат поддржани од нивните пратеници, со едноставен услов - паралелно со ова да се изгласа и Законот со кој ќе се промени изборниот модел и ќе биде воведена една изборна единица! Воведувањето на една изборна единица во Република Македонија е неопходно заради еднаквото вреднување на секој глас на граѓаните даден на изборите. Од мисијата на ОБСЕ веќе со години во своите извештаи препорачуваат ваков изборен модел во државата, а ова не би требало да биде проблем за прифаќање од страна на ДПМНЕ, со оглед на тоа дека тие во својата програма и во предизборните ветувања најавија вакво системско решение, се наведува во соопштението од Левица.

Потсетуваат дека измените за Изборниот законик беа поднесени и во претходниот парламентарен состав, а ваквото законско решение најчесто не се спроведува поради коалициите на владејачките партии со партиите од т.н. албански блок, кои, како што наведуваат, „заради националистички мотиви и намалување на вредноста на гласовите на граѓаните од другите етникуми, не дозволуваат измена во овој закон“.

The post Левица ќе ја поддржи реорганизацијата на министерствата, ако ВМРО-ДПМНЕ прифати една изборна единица appeared first on Република.

Државата треба да биде една изборна единица, како клучен предуслов за демократизација и промени кои ќе гарантираат коренити реформи, владеење на правото, борба против криминалот и просперитет, изјави денеска Павле Трајанов, претседател на Демократскиот сојуз и пратеник, во врска со измените на Изборниот законик.

Младите сакаат да живеат во држава со универзални вредности, институциите да функционираат, законите да важат за сите подеднакво, без привилегирани, без корупција и еднакви шанси за сите, како битни предуслови да не ја напуштат Македонија, смета Трајанов.

Тој потсетува дека Предлог-законот за измени на Изборниот законик со кои се предлага државата да биде една изборна единица, до Собранието беше доставен 5 март 2021 година и подолго време, како што вели, е блокиран од СДСМ и ДУИ.

Претседателот на ДС посочува дека во комисиската расправа пратениците на СДСМ и ДУИ биле против измените, но на пленарната седница одржана на 14 јуни 2023 година гласаа „за“. Законот, вели Трајанов, доби поддршка и од ВМРО-ДПМНЕ.

Согласно заклучоците, за предлог-законот имаше јавна расправа, но забелешки не се доставени, поради што, според Деловникот за работа на Собранието, треба да почне втората фаза, предлагање на амандмани и гласање за усвојување на измените со кои државата ќе биде една изборна единица.

Очекуваме најитно да се одржи расправа во Комисијата за политички систем и односи помеѓу заедниците, како и во Законодавно-правната комисија, со што ќе се создадат услови за расправа и одлучување на пленарна седница, истакнува Трајанов.

Предлагачи на законот се: Павле Трајанов, Димитар Апасиев, Боби Мојсовски, Љупчо Балковски, Панчо Минов, Моника Зајкова, Борислав Крмов, Маја Морачанин и други пратеници.

The post Трајанов: Државата треба да биде една изборна единица appeared first on Република.

„Македонија треба да биде една изборна единица, како клучен предуслов за демократизација на државата и промени кои ќе гарантираат коренити реформи, владеење на правото, борба против криминалот и просперитет на државата“, рече денеска првиот човек на Демократскиот сојуз, Павле Трајанов во врска со измените на Изборниот законик.

Според него, младите сакаат да живеат во држава со универзални вредности, институциите да функционираат, законите да важат за сите подеднакво, без привилегирани, без корупција и еднакви шанси за сите, како битни предуслови да не ја напуштат Македонија.

Инаку, Предлог-законот за измени на Изборниот законик со кои се предлага Македонија да биде една изборна единица, до Собранието беше доставен 5 март 2021 година и подолго време е блокиран од СДСМ и ДУИ. Во комисиската расправа пратениците на СДСМ и ДУИ беа против измените, но на пленарната седница одржана на 14 јуни 2023 година гласаа ЗА. Законот доби поддршка и од ВМРО-ДПМНЕ.

Согласно заклучоците, за предлог-законот имаше јавна расправа, но забелешки не се доставени, поради што, според Деловникот за работа на Собранието, треба да почне втората фаза, предлагање на амандмани и гласање за усвојување на измените со кои Македонија ќе биде една изборна единица.

Трајанов очекува најитно да се одржи расправа во Комисијата за политички систем и односи помеѓу заедниците, како и во Законодавно-правната комисија, со што ќе се создадат услови за расправа и одлучување на пленарна седница.

Предлагачи на законот се: Павле Трајанов, Димитар Апасиев, Боби Мојсовски, Љупчо Балковски, Панчо Минов, Моника Зајкова, Борислав Крмов, Маја Морачанин и други пратеници.

The post Трајанов бара итно да се усвојат измените на изборниот законик за една изборна единица appeared first on Република.

На денешната прес-конференција на пратеници-предлагачи на измените на Изборниот законик, со кои се предлага Македонија да биде една изборна единица, Павле Трајанов, пратеник и претседател на Демократскиот сојуз, меѓу другото нагласи:

„Со една изборна единица ќе започне силен процес на демократизација и јакнење на одговорноста на носителите на јавни функции, ќе се демонтира монополската положба на владеење на една партија, секој глас ќе има иста тежина, а составот на Парламентот ќе биде одраз на определбата на граѓаните кои ќе имаат можност за избор.

Со воведување една изборна единица, како и со отстранување на системските предности на четирите партии поврзани со финансирање на изборната кампања, медиумскиот простор за политичко претставување и државното финансирање на партиски институти, ќе се создадат еднакви услови за политички натпревар и при носењето круцијални и други стратешки одлуки ќе учествуваат повеќе партии и поединци.

Досега донесувањето на измените на законот го блокираат СДСМ и ДУИ“.

За ВМРО-ДПМНЕ е прифатлива една изборна единица, дециден  е координаторот Никола Мицевски. Тој во најавата на интервјуто за „Република“ кое ќе биде објавено утре тврди дека во моментов кочничари за промена на изборното законодавство е ДУИ и нивниот помал коалициски партнер СДСМ.

Инаку, предлог измените на Изборниот законик во парламентарна постапка се повеќе од две години. Предлог-законот е доставен до Собранието на 5 март 2021 година, на дневен ред е ставен на 41-та седница на Собранието, закажана за 18 мај 2021 година. По една година, одржана е расправа на Комисијата за политички систем и односи помеѓу заедниците (на 22.3.2022) и на Законодавно-правната комисија (на 23.3.2022), при што е одлучено дека предлог-измените се прифатливи и да се дадат на натамошно читање (да се одржи пленарна седница).

Комисијата за политички систем и односи помеѓу заедниците предложи Собранието да организира и јавна дискусија, помеѓу првото и второто читање на предлог-законот.

Повеќе од јасно е дека спротивно на Деловникот за работа на Собранието на Република Македонија, измените се блокирани и за тоа мора да има политичка одговорност.

The post Павле Трајанов: Измените за една изборна единица ги блокираат СДСМ и ДУИ appeared first on Република.

За ВМРО-ДПМНЕ е прифатлива една изборна единица, дециден  е координаторот Никола Мицевски. Тој во најавата на интервјуто за „Република“ кое ќе биде објавено утре тврди дека во моментов кочничари за промена на изборното законодавство е ДУИ и нивниот помал коалициски партнер СДСМ.

https://www.youtube.com/watch?v=g5jYE-aDlpo

Разобличивме една лага од изминатиот период. Во времето на Зоран Заев бевме обвинувани дека сме против една изборна единица. Ние дадовме подршка за една изборна единица иако не учествуваме во работната група за имени на изборното законодавство. Во моментов најголеми кочничари се големите владејачки партии ДУИ и нивниот помал коалициски партнер СДСМ-објаснува Мицевски.

Денеска пратеници од помалите парламентарни партии ќе одржат прес-конферениција во Собранието на оваа тема. Својот став ќе го кажат Павле Трајанов, Димитар Апасиев, Моника Зајкова, Маја Морачанин, Боби Мојсовски, Бејџан Иљас, Љупчо Балковски, Борислав Крмов и Панчо Минов.

Oд она што може да се слушне од овие пратеници тие сакаат една изборна единица без изборен праг а ДУИ сака праг од пет посто.

The post Мицевски: ВМРО-ДПМНЕ прифаќа една изборна единица appeared first on Република.

„Ние имаме членови од сите етнички заедници, Македонија за сите луѓе – тоа е кампања која што ВМРО-ДПМНЕ ја водеше. Нормално секој кој што има амбиција и квалитети и компетенции да работи за Македонија,а не како оние министри кои што се срамат да кажат дека се македонски министри и кои што се срамат да застанат пред македонското знаме, се добредојдени и јас лично ги охрабрувам и веќе имам со неколку десетици такви Албанци, Турци, Роми, Бошњаци, Власи разговори да се најдат на пратеничката листа на идната победничка коалиција која што ќе ја предводи ВМРО-ДПМНЕ со минимум 61 освоен пратеник“, истакна претседателот на ВМРО-ДПМНЕ, Христијан Мицкоски при посетата на општина Кисела Вода во рамките на активноста „Промените се случуваат, секогаш со народот“

Мицкоски додаде дека една изборна единица не зависи од ВМРО-ДПМНЕ.

„Тоа не зависи од ВМРО-ДПМНЕ. ВМРО-ДПМНЕ го поддржува тоа и затоа го повикувам еве и Љупчо Георгиевски, и Маја Морачанин, Павле Трајанов и овој министеров за локална самоуправа Горан Милевски и останатите. Тоа што си е го ветија пред граѓаните, пред народот, тие велеа ако немаме една изборна единица ќе ја напуштиме Владата. еве помина април месец и тоа беше крајниот рок, а денеска сме 14-ти мај, две недели потоа, а нив ги нема никаде, ни да гукнат ни да бекнат. Мила им е власта, привилегиите им се мили, народот тоа го плаќа за жал, но не сфаќаат дека секоја работа има свој почеток и крај. Така што колку побргу сфатат дека крајот доаѓа, толку полесно ќе паднат. Колку повеќе се инаетат, толку потежок ќе им биде падот“, нагласи Мицкоски.

The post Мицкоски: Законот за една изборна единица не зависи од ВМРО-ДПМНЕ, власта молчи appeared first on Република.

Претседателот на ВМРО-ДПМНЕ Христијан Мицкоски повика да се стави на дневен ред точката за измена на Изборниот законик и таа да се исгласа, со што ќе се исполни барањето на помалите партии за една изборна единица.

Денес, утре, еве веднаш нека ја стават точката за една изборна единица на дневен ред и сите сложно консензуално да ја усвоиме. Или пак да помине не мора консензуално, има политички партии што се против тоа, тие што се таму да ја усвоиме оваа измена за една изборна единица што беше практично и барање на помалите партии, нели Народна на Георгиевски, ДOM на Морачанин, ЛДП на Милевски, Демократски сојуз на Трајанов, и останатите бараа една изборна единица и тоа е колку што знам коалициски договор со СДСМ, вели Мицкоски.

Тој додаде дека бидејќи СДСМ во моментот тактизира не знае сега дали ќе застане зад овие партии, дали ќе застане зад ДУИ.

Еве ние како ВМРО-ДПМНЕ велиме едноставно е ајде во парламентот да го усвоиме тоа што го бараат овие партии, да имаме една изборна единица, гласот на граѓанинот секаде да тежи подеднакво, па потоа нема проблем ќе составиме работна група која што заедно со Тупанчевски ќе работи на измените на изборниот законик и препораките на ОБСЕ/ОДИХР“ нагласи Мицкоски.

The post ВМРО-ДПМНЕ поддржува една изборна единица, СДСМ тактизира заради ДУИ appeared first on Република.

Ајде утре, еве привремено ќе ја тргнеме блокадата да изгласаме сите заедно во парламентот една изборна единица, да не бидат шест, другиот ден веќе ќе ги добие Тупанчевски тимовите кои ќе работат на измените на изборниот законик согласно препораките ОБСЕ, рече претседателот на ВМРО-ДПМНЕ Христијан Мицкоски вечерва во гостувањето во емисијата „Топ тема” на телевизија Телма.

Мицкоски додаде дека веќе се обиделе и со мнозински систем претходно, но не наишле на поддршка од останатите политички партии. Запрашан дали тоа било некако флерт со помалите политички партии, Мицкоски рече дека во политиката може да се флертува со разни целни групи, но ова е принципиелен став кој трае неколку месеци. Рече дека тогаш се обиделе и не наишле на поддршка, но сега треба да се направи една изборна единица. Во однос на прашањето дека тоа не им одговара на ДУИ, Мицкоски рече дека тоа треба да ги прашаат во ДУИ бидејќи тие не се коалиционен партнер.

Видете сега една чудна ситуација, СДСМ е коалиционен партнер и со ДОМ на Морачанин, ЛДП на Милевски, Народна на Ѓеорѓиевски, ДС на Павле Трајанов кои што се обединети во барањето за една изборна единица. Но, истовремено е партнер и со ДУИ кој вели никако една изборна единица, сега не сме ние тие кои треба кај нив да ги решаваат недоразбирањата. Но еве, јас ја фрлам ракавицата бидејќи Тупанчевски бара тимови преку медиуми бидејќи официјално никој од нас ништо не побарал, еве јас велам утре во парламентот да изгласаме една изборна единица и потоа, веќе задутре да ги номираме тимовите,  додаде Мицкоски

The post Ајде да изгласаме една изборна единица и Тупанчевски уште следниот ден ќе добие работни групи, повика Мицкоски appeared first on Република.

Доколку претседателот на Собранието Талат Џафери ги одолговлекува измените на Изборниот законик пратеници од мнозинството се закнија дека ќе гласаат за престанок на мандатот на владата и ќе побараат предвремени парламентарни избори

Предлог-законот за измените на Изборниот законик помина во прво читање на собраниската Комисија за политички систем и односи меѓу заедниците, но се чека претседателот на Собранието Талат Џафери да го стави на дневен ред на некоја од идните пленарни седници.

Пратеникот од Демократскиот сојуз Павле Трајанов за „Фокус“ вели дека сега зависи од претседателот Џафери дали тој понатаму ќе одолговлекува или не. Според разговорот што Трајанов го имал со Џафери, предлог-законот би требало да се најде на дневен ред минатата недела.

Трајанов вели дека доколку повторно се одолговлекуваат измените, има пратеници, вклучително и тој, што би пристапиле кон напуштање на владејчкото мнозинство и предвремени парламентарни избори.

Ако повторно се блокира законот, тогаш повторно ќе се актуелизира прашањето за предвремени парламентарни избори. Повеќе пратеници сме подготвени да гласаме за престанок на мандатот на владата. Од тоа не отстапуваме, бидејќи тоа е договор. Не може ДУИ да го блокира процесот. Власта не може да функционира без неколку пратеници што сме дел од парламентарното мнозинство, дециден е Трајанов.

The post Трајанов ќе бара избори: Ќе ја урнеме Владата ако повторно се блокира една изборна единица appeared first on Република.

Јас сум за еднаквост, јас сум за држава во која што сите граѓани без разлика на нивната етничка и верска припадност ќе бидат еднакви. И затоа не гледам пречка за да се одважат политичарите во Македонија и да изгласаат една изборна единица во парламентот. Гласот секаде подеднакво да тежи. Да тежи подеднакво и во Тетово, и во Гостивар, и во Струмица, и во Гевгелија, и во Битола и Прилеп, и во Куманово. Зошто тоа да не го направиме сите заедно? Зошто да создаваме политичка тензија. Јас сум за еднаквост и кога аплицираме на работните места, кога аплицираме на универзитетите, секаде сум за еднаквост. Подеднакви права сите граѓани да имаат. Зошто некој граѓани да се чувствуваат деградирани затоа што припаѓаат на некаква квота или некакви проценти. И затоа не ја гледам потребата од Бадинтер и балансер. Ајде да градиме општество во кое што ќе се темели нашиот напредок врз основа на нашето знаење, компетенции, нашите вештини“,истакна, претседателот на ВМРО-ДПМНЕ, проф. д-р. Христијан Мицкоски при посета на општина Илинден во рамките на активноста „Промените се случуваат, секогаш со народот“.

Мицкоски запраша зошто мора да се гради општество во кое што некој ќе се чувствува подреден ви за ви друг со тоа што припаѓа на некаква квота или некаков процент.

„Ајде нека се охрабрат и да разговараме за квалитет, само така може Македонија да оди напред“, нагласи Мицкоски.

Мицкоски запрашан во врска со една изборна единица истече оној рок кој што го дадоа малите партии, дали имал контакти со нив со оглед на тоа што практично од нив зависи и мнозинството на Владата во Собранието одговори дека до крајот на април има уште  12-тина дена, со што уште им се остава толку простор за да се произнесат помалите партии од коалицијата.

„Одговор на Вашето прашање ќе го дадам во два дела – во првиот дел они рекоа април, значи има уште 12-тина дена до истекот на овој месец април. Така што еве да им оставиме простор уште 12 дена на помалите партии кои што се дел од коалицијата да се произнесат. Е сега оној дел кој што го очекувам, ако мислите дека ќе ги напуштат привилегиите и можноста дополнително да го пљачкаат народот од овие политичари кои што тоа го прават можеби 30-тина години навистина не сум оптимист“, рече Мицкоски.

The post Mицкоски за една изборна единица: Гласот секаде подеднакво да тежи, и во Тетово, и во Гостивар, и во Струмица, и во Гевгелија appeared first on Република.

Предлогот за една изборна единица се провлекува веќе две години, а еден од предлагачите е Павле Трајанов, пратеник и претседател на Демократски сојуз.

Ова е битно и за партиите но и за граѓаните оти така се отвора демократизација на државата. Ќе се вклучат повеќе субјекти кои ќе ја одразуваат волјата на граѓаните во застапеноста во Парламентот. Граѓански консензус има, сега се трудите да обезбедиме политички консензус. За оваа тема се разговара долго и граѓаните знаат за што станува збор, вели Трајанов за Утрински брифинг.

Трајанов вели дека стабилноста на Владата никогаш не зависи од унифицираноста на Парламентот, стабилноста зависи од политиките на Владата.

Сега во моментов во Владата доминантни се политиките на ДУИ и Алтернатива, што не ја одразува волјата на граѓаните. Донтовиот модел што го применуваме не е добар оти ги задушува помалите партии и е во полза на големите партии. Малите партии ги има во парламентот, но нивната улога е маргинализирана, вели Трајанов.

Според него, можеби процесот на формирање влада ќе трае подолго, но кога ќе се воспостави платформа таа влада ќе биде стабилна.

The post Tрајанов: Во моментов во Влада доминираат политиките на ДУИ и Алтернатива, кои не ја одразуваат волјата на граѓаните appeared first on Република.

Сега сме најблиску до завршување на процесот, да добиеме една изборна единица. За жал, дел од политичките партии се колебливи во овој процес, нејасно зошто, рече вечерва претседателот на ЛДП и министер за локална самоуправа Горан Милевски.

Како што истакна Милевски во Дневникот на Сител ТВ, од симулациите кои може да се направат од последните избори дали ќе бидат шест изборни единици или една изборна единица со цензус укажуваат на тоа дека разликата меѓу бројот на пратеници е плус минус еден.

Милевски смета дека може да се најде консензус кај сите и тоа да биде една изборна едница со изборен праг од 2,5 отсто. Заговарањата, како што рече, се за два или три отсто.

Мислам дека сите би се согласиле од 2,5 отсто. Единствен кој прави кочница во овој процес е Алијанса на Албанците на Зијадин Села. Тука не би требало да се обвинува ДУИ и да се обвинува СДСМ, бидејќи такви се обвинувањата од опозицијата. ДУИ никогаш не рекле дека не разговараат, за нив е прифатлив моделот шест изборни единици, но, никогаш не рекле дека не се за една изборна единица. Тука се за да разговаат, изјави Милевски.

Според него, владината програма предвидува промена на изборниот модел во една изборна единица.

Ако е до ДУИ, ДУИ нема да прави проблем. ВМРО-ДПМНЕ залудно ја обвинува валдејачката структура дека помалите партии се изманипулирани, дека СДСМ не дава. Единствен проблем е АА. Ако ВМРО-ДПМНЕ има искрени намери да отвориме една изборна единица, тогаш да изврши притисок врз нивниот коалициски парнер да се согласи на една изборна единица со цензус. Гарантирам дека ако АА се согласи, тогаш ова решение ќе биде усвоено во Парламентот, дека од Владата ниту една партија нема да биде кочничар на демократските процеси во однос на изборниот модел. Се друго е популизам, рече Милевски.

The post Милевски: Сега сме најблиску до една изборна единица appeared first on Република.

Централниот совет на Демократскиот сојуз,на вчерашната седница расправаше за актуелните политички состојби, како и соработката со СДСМ и другите партии од владината коалиција .

На седницата беше изразена целосна поддршка на проектот за измени на Изборниот законик, со кои се предвидува Македонија да биде една изборна единица, што е долгогодишна определба на Демократскиот сојуз и претставува еден од клучните предуслови за натамошна соработка со парламентарните партии.

Централниот совет се заложи за афирмација и донесување на другите предлог-проекти на Демократскиот сојуз, како што е законот за преиспитување на политички монтираните судски процеси, како и проектите поврзани со засилување на институционална борба против тешките облици на криминал и висока корупција, формирање на посебен фонд за поддршка на младите итн.

Централниот совет на Демократскиот сојуз расправаше и за актуелните состојби и случувања предизвикани од руската воена агресија врз Украина и даде целосна поддршка на Владата за солидарноста и помошта на народот на Украина вклучително и преземање хуманитарни акции и прифаќање бегалци од оваа земја.

Како членка на НАТО и кандидат за членство во Европската унија, Македонија има обврска и интерес да биде дел од прогресивните сили во Европа и да се залага за зачувување на територијалниот интегритет и сувренетитет на државите и почитување на меѓународното право.

Централниот совет изрази загриженост во врска со најавата на првиот човек на Државниот завод за статистика за можна недоверба во резултатите од пописот, која би можела да предизвика политички и меѓуетнички тензии во Македонија.

Демократскиот сојуз сугерира оваа статистичка операција и резултатите да бидат реален одраз на состојбите и истите да не се објавуваат пред да се проверат.
На седницата беше искажано незадоволство од соработката на локално ниво со СДСМ, како и преиспитување на натамошната соработка.

The post ДС незадоволен од СДСМ, ќе ја преиспитува соработката appeared first on Република.

Лидерот на ВМРО-ДПМНЕ, Христијан Мицкоски, во гостување во емисијата „Клик Плус“ на ТВ 21, зборувајќи за една изборна единица вели дека коалициските партнери СДСМ и ДУИ го кочат решението за една изборна единица, додека, пак, помалите партии кои се дел од оваа коалиција и понатаму молчат.

Претпоставувам дека законот, очигледно дека СДСМ преку својот прокси ДУИ ќе го блокира и нема да помине. А, зошто нема да помине јас навистина не знам. Не знам кои се причините на ДУИ односно СДСМ да го блокираат овој закон за една изборна единица, не можам да ги препознаам, затоа што тежинскиот фактор низ изборни единици треба да биде подеднаков. Еве тоа може да се обезбеди само преку измени во Изборниот законик а тоа е една изборна единица. Ние сме тука, ние велиме ќе го поддржиме тоа и сакаме да видиме кои се аргументите на тие кои што се спротивставуваат на една изборна единица - порача Мицкоски.

На прашањето дека пред одржување на локалните избори, имало поддршка од страна на СДСМ до помалите политички партии за измени во изборниот модел, Мицкоски исткана дека СДСМ едно зборува пред камери, а друго зад камерите, укажувајќи дека треба да се види дали помалите политички партии на Павле Трајанов, Маја Морачанин и Горан Милевски ќе си стојат на зборот кога изјавувале дека доколку не се прифатат измените, ќе излезат од коалиција со СДСМ и ДУИ.

Тоа е типичен карактер на СДСМ, едно да зборува зади камера, друго да зборува пред камера. Но, тогаш немаше сериозна дебата и сериозни преговори за менување на изборниот модел. Тогаш, ако се сеќавате, фокус беа локалните избори и се зборуваше за тоа дали ќе имаме отворени советнички листи, за пропорционалниот модел итн. И тоа им го прифативме, но и тоа го одбија. И тоа само го покажува нивното лицемерие.

 

Малите партии условно кажано кои што се дел од коалицијата на СДСМ, пред да ги предложат овие измени во Изборниот законик беа прилично гласно и рекоа, ако овие измени до април не се усвоени, ние ја напуштаме владата и врз основа на таква политика малите партии анимираат гласачи, затоа што гласачите слушаат што зборуваат политичарите и потоа мерат дали тоа што политичарите го зборуваат го исполнуваат кога ќе имаат можност. Тие се сега власт, дел се од владејачката коалиција , излезе коалицијата на локалните избори ЛДП и ДОМ, и освои 25.000 гласа, значи 25.000 гласачи во Македонија гласале поради политиките и верувале дека зборот на Маја Морачанин, Горан Милевски е збор. Еве сега имаме можност дали сега зборот на Павле Трајанов, Маја Морачанин, Горан Милевски, Љупчо Георгиевски е збор, затоа што избори ќе има, порано или подоцна парламентарни избори ќе има и тогаш треба истите овие луѓе да излезат пред избирачите да понудат своја платформа - изјави Мицкоски.

Тој им порача на помалите коалициски партии да се принципиелни и да излезат до април како што првично изјавиле, дали ќе го испочитуваат она што го кажале пред граѓаните или ќе продолжат да седат во коалиција и да ги партизираат институциите и да ги уживаат привилегиите.

Или држете до збор, и тоа што сте го кажале испочитувајте го или излезете и кажете мила ние власта, партизираме институции, го крадеме народот, уживаме привилегии и сакаме што подолго таму да останеме. Имаме 61 пратеник плус во парламентот што креваат раце, тие добиваат по некој бенефит и тоа ќе си трае додека трае, или држете до збор и излезете на 30 април и кажете истече зборот господа, вие не ги прифативте измените, имаме непринципиелна коалиција, ние ја напуштаме оваа коалиција и одиме во опозиција - порача Мицкоски.

The post Мицкоски: ДУИ и СДСМ блокираат решение за една изборна единица, ајде да видиме дали малите партии од власта молчат appeared first on Република.

На собраниската Комисија за политички систем и односи меѓу заедниците денеска помина Предлогот на закон за изменување и дополнување на Изборниот законик, со кој се бара пратениците на Собранието да се избираат со пропорционален модел без изборен праг и со Д’Онтов модел на распределба на мандати, при што државата би била една изборна единица.

Подносители на Предлог-законот се пратениците Павле Трајанов од ДС, Маја Морачанин од ДОМ, Моника Зајкова и Боби Мојсоски од ЛДП, Љупчо Балкоски од ВМРО-НП, Димитар Апасиев и Борислав Крмов од Левица, Панчо Минов од СДСМ и сега веќе поранешниот пратеник на ДОМ, Мирослав Богдановски.

Како што образложи Трајанов во име на поднесувачите на Предлог-законот, со предложените измени ќе им се овозможи на помалите политички партии „да го остварат своето право на претставување“, а секој пратеник да има иста тежина. Составот на Парламентот, вели тој, ќе биде реален одраз на определбите на граѓаните, помалите етнички заедници ќе бидат застапени во Парламентот преку директно вклучување во изборниот процес без да бидат вклучувани во коалиции со големите политички партии и ќе се демонтирана, како што наведе, „еднопартискиот начин на владеење“, според кој партијата која е на власт ги носи сите клучни одлуки во државата. Тој очекува по усвојување на потребата од носење на Законот да следи јавна дискусија со вклучување на сите партии, НВО, експерти, ЕУ и ОБСЕ, во која ќе преовладее силата на аргументите за потребата за промена на сегашниот концепт.

Заменик координаторката на ДУИ, Вјолца Адеми го пренесе партискиот став дека за ваков важен закон потребен е поширок консензус – меѓупартиски и меѓуетнички.

Изборниот модел ни дава слика на општеството и постојниот со шест изборни единици, ова најдобро го рефлектира. Ние ќе продолжиме со дискусии како ДУИ, но со аргументи. Не можеме да дозволиме да се направи мајоризација на една над друга политичка партија. Отворени сме за преговори, но треба да имаме поширока дебата со аргументи, вели пратеничката Адеми.

Координаторот на опозициската ВМРО-ДПМНЕ Никола Мицевски истакна дека партијата принципиелно го поддржува Предлог-законот и треба да продолжи дискусијата по ова прашања за да се слушнат сите чинители во општеството.

The post Предлогот за една изборна единица го помина првиот филтер во Собрание appeared first on Република.

Комисијата за политички систем и односи меѓу заедниците денеска треба да ја одржи 39-та седница на чиј дневен ред е Предлогот на закон за изменување и дополнување на Изборниот законик.

Подносители на Предлог-законот се пратениците Павле Трајанов од ДС, Маја Морачанин од ДОМ, Моника Зајкова и Боби Мојсоски од ЛДП, Љупчо Балкоски од ВМРО-НП, Димитар Апасиев и Борислав Крмов од Левица, Панчо Минов од СДСМ и сега веќе поранешниот пратеник на ДОМ, Мирослав Богдановски.

Со предложените измени се бара пратениците на Собранието да се избираат со пропорционален модел без изборен праг, при што државата би била една изборна единица, со што според предлагачите, ќе им се овозможи на помалите политички партии „да го остварат своето право на претставување“. Покрај ова, со поднесениот Предлог-закон се предвидува на етничките заедници кои се застапени со помалку од 20 проценти од населението да им се гарантира пратеничко место, доколку „освоиле најмалку ист број на гласови со бројот на гласови потребни за пратеничко место“.

Овој Предлог првично беше ставен на дневен ред на собраниската седница закажана за 18 мај минатата година година како 58 точка, но расправата по него не започна.

Пратеникот Павле Трајанов смета дека процесот на усогласување траел долго, речиси една година, и очекува Предлог законот да помине на Комисијата, бидејќи текстот е целосно поддржан од ВМРО-ДПМНЕ, а СДСМ даде начелна согласност. Сепак, тој не исклучува и блокада на предложените измени.

– Гледано според јавните изјави повеќе од 90 пратеници ги поддржуваат промените, Македонија да биде една изборна единица, пропорционален модел и пресметката за пратеници да се одвива преку Д’Онтовиот модел. Така што, можно е да се донесе, не викам не, но можно е некој да го блокира законот. Дали ќе се одлучат да го блокираат законот некои од партиите, ДУИ или некоја друга партија, но тоа што бараа меѓупартиска соработка, разговори, сето тоа може да се одвива во Парламентот, да ги видиме аргументите кои се за и против. Очекувам повеќето пратеници да бидат за донесување на измените на овој Изборен законик, вели Трајанов.

Според Арбер Адеми од ДУИ, за измени на вакви значајни важни законски решенија, потребен е поширок меѓуетнички и меѓупартиски консензус. Тој вели и дека ДУИ не е за промена на постојниот изборен модел со шест изборни единици.

– Кога се работи за изборниот модел и Изборниот законик треба да потврдам дека не постои усогласеност околу овој Предлог-закон. Пак ќе повториме дека треба сите политички партии да седнат, да разговараат за сите прашања за кои постои интерес помеѓу различните политички партии. Настојуваме дека изборниот модел треба да ја рефлектира хетерогеноста на нашето општество и мислиме дека постоечкиот модел со шест изборни единици тоа најдобро го отсликува, вели Адеми, посочувајќи дека ќе настојуваат да продолжат со преговори, а одлуките за Изборниот законик да се носат врз основа на аргументите.

Од опозициската ВМРО-ДПМНЕ потврдија дека ќе го поддржат Предлог законот, со цел одржување предвремени избори.

– Ние како најголема опозициска партија излеговме во пресрет на малите партии во врска со нивните барања. Измените на Изборниот законик треба да имаат една цел, а тоа е да го засилат плурализмот, демократскиот процес во Република Македонија и на тој начин да се изгради и да се изнајде систем за најдобро да се изрази волјата на граѓаните. Во таа насока сме отворени да разговараме, изјави пратеникот Миле Лефков од ВМРО-ДПМНЕ.

Според него, сосема е легитимно партиите да водат сметка за своите сопствени интереси, да ги искажуваат во бројки изразени во мандати, но доаѓаат моменти кога треба да се грижат пред се, за државните интереси.

По расправата во собраниската Комисија, Предлог-законот потоа треба да оди на пленарна седница на која се очекува да се донесе одлука за одржување на јавна дискусија за предложените измените на Изборниот закон, во која може да се вклучат сите засегнати субјекти – парламентарните и вонпарламентарните партии, невладиниот сектор, експерти, медиумите… Телото што ќе ја следи јавната дискусија ќе подготви извештај до Парламентот и можно е преку оваа јавна расправа да се иницираат амандмански промени.

Во рамки на Министерството за правда кон крајот на декември 2020 година беше формирана интередисциплинарна Работна група, со мандат за изработка на целосно нов Изборен законик.

Владата во своето мислење за Предлог-законот, дадено на 13 април минатата година, наведе дека процесот на усвојувањето на Изборниот законик „неминовно ја наметнува потребата од консензус на сите политички партии“, па затоа е потребна поширока дебата интередисциплинарната Работна група со сите парламентарни партии. Владата оцени дека е упатно Работната група да го разгледа доставениот Предлог-закон за изменување и дополнување на Изборниот закон, со цел тој „да биде предмет на поширока дискусија меѓу струката и политиката, а конечниот предлог за измени на Изборниот законик да биде резултат на сеопфатен, инклузивен и консултативен процес, со цел гарантирање на правната сигурност

The post Дали власта ќе го поддржи предлогот на ЛДП, ДОМ, ДС и Левица за една изборна единица? appeared first on Република.

Власта бега од предвремени избори и не знае како да бега од истите, па измислува теми. Малите партии се изманипулирани и тоа веќе го сваќаат. Денес излезе и Павле Трајанов и рече дека СДСМ во Собрание блокира носење на една изборна единица. А Павле Транајов и помалите партиии влегоа во владата затоа што им беше ветено дека ќе добијат една изборна единица и ние сакавме да ги извадиме на виделина дека не им е до една изборна едницица, туку до голо останување на власт, вели потпретседателот на ВМРО-ДПМНЕ, Александар Николоски.

Во емисија на телевизија Шења, тој посочи дека поради изговорите на власта дека Македонија нема време за губење за 100 дена пржинска влада за организирање избори, тие предлагаат негово укинување со цел кратење на периодот за пола.

Николоски додава дека ако СДСМ се согласеше да одиме на предвремени парламентарни избори веднаш после локалните, до сега и изборите ќе беа организирани и ќе имавме веќе формирано влада со полн политички легитимитет.

„Нивните изговори беа дека, Македонија нема време за избори затоа што 100 дена се потребни за така наречена, Пржинска влада и дека изборниот законик не е променет. Во однеос на тој аргумент дека се потребни 100 дена ние, од опозиција, се откажуваме доброволно од механизмите на техничката Влада, што значи не сакаме да име министер за внатрешни работи и за труд и социјала во рок на тие сто дена пред избори. Еве нека си бите Оливер Спасовски министер за внатрешни и тој нека ги организира изборите и рокот тогаш од 100 дена се сведува на уставните 45 до 50, што значи го кратиме за пола. Доколку се распише изборите веднаш после локалните како што баравме, во декември ќе беа организирани и до сега ќе имавме влада со полн политички легитимитет. И сега гледаме дека бегаат до таа работа иако Зоран Заев самиот бараше да се укине пржинската влада“, рече Николоски.

Во однос на другиот сет на прашања, додава тој, нашиот став како политичка партија е дека за Македонија, овој модел кој што е сега, е релативно пристоен.

„Шест изборни едини, има и регионалана преставеност, има баланс, горе долу го отсликува етничкиот баланс во државата. Доколку се менува моделот, ние секогаш сме кажувале дека сме за мнозински модел но никој не го прифаќа, имајќи предвид дека ВМРО-ДПМНЕ има јака теренска структура. И покрај тоа ние сме спремни да разговараме за една изборна единица која се предлага од другите партии, но во исто време да го намалиме бројот на пратеници од 120 на 90. Кога веќе одиме на една изборна едини, кога веќе е јасно дека нема да има регионална преставеност, зошто да трошиме пари за 120 пратеници, дај да ги намалиме на 90 калку што се во Словенија, која што е нешто помала по територија и скоро иста по население со Македонија. И гледаме бегаат и од тоа, што покажува дека намерите не им се чесни, односно намерите им се исклучиво поврзани со голо останување на власт“, истакна Николоски.

The post Николоски: Власта бега од предвремени избори, за гола власт не прифаќаат укинување на пржинска влада и носење на една изборна единица appeared first on Република.

Повеќе од 20 години се расправаме, отвораме расправа околу промена на изборите правила, реформите на Изборниот законик, но првпат имаме суштинска отворена аргументирана расправа во која се вклучени и други политички партии, истакнува претседателот на Демократски сојуз Павле Трајанов за емисијата „Стадион“ на Радио Канал 77 во однос на измените на Изборниот законик.

Анализата, наведува тој, покажува дека не е точно дека големите партии ќе губат по еден или два пратеника, ќе губат многу повеќе. Ако им одземете на СДСМ сега 60 или 70 илјади гласови, или на ВМРО-ДПМНЕ тоа се околу 10-ина пратеници.

Ние сега за сега сме да нема никакво исклучување на коалицијата, предлагаме промени само за една изборна едниница и без изборен праг. Сите други промени можеме ние во текот на расправата да ги прифатиме како сугестија или да се вметнат како амандман. Клучно е што во овој закон што ние ставивме одредба и за помалите етнички заедници околу 20 проценти да може да влезат во Парламент - посочи Трајанов.

Нивните анкети, како што рече, покажуваат дека над 60 проценти од граѓаните се за промена на бројот на изборни единици, односно за една изборна единица и оти сметаат дека така ќе започнат вистинските демократски процеси во државата.

Со тоа што ќе се отвори расправа во Собранието, укажува, ќе има повеќе субјекти од чиј став или гласање ќе зависи исходот на решението што се нуди.

Досега имаме еднопартиски систем на владеење, партијата која што ќе дојде на власт, да не зборувам за ДУИ која што е константна долги години, но зборувам за ВМРО ДПМНЕ и СДСМ, штом дојдат на власт тие ја преземаат целокупната власт во свои раце. Коалициските партнери без кои никогаш не би победиле, околу 25 партии со нив кои околу 5000 прават околу 100 000 гласови. Малите партии им служат само за собирање на гласови, штом дојдат на власт ги исклучуваат од било каква можност да влијаат на носењето на било некоја главна одлука- рече Трајанов.

Оценува дека ако се прифати концептот државата да биде една изборна единица, Парламентот ќе ја рефлектира различноста и определбата на граѓаните. Ќе има, вели, суштински коренити промени во начинот на дејствување.

Како потписници на овој законски проект изјавивме дека отвораме расправа, понудивме и почнавме да разговараме со други политички партии. Во овој процес на координација ние не условувавме затоа што во разговорите со Зоран Заев и Ковачевски кога беа заедно, разговараме кои приоритети треба да бидат вградени во програмата на новата власт. Тоа го усогласивме со СДСМ дека тоа ќе биде владин приоритет, сите партии застанаа направија координации, ние рековме дека оптимално време е од формирањето на владата во рок од три месеци за да се донесе овој закон - наведе Трајанов.

Сега, дополнува, сите се „за“, СДСМ се „за“, но тие ставаат една запирка што за мене е неприфатлива, бидејќи за да се донесе законот нас ни треба мнозинство на пратеници од 61 пратеник, но дека е потребен и консензус. Таа флоскула се користи 20 години и постојано меѓусебно се договараат трите или четирите партии, дека една треба да биде против, вели Трајанов.

ВМРО – ДПМНЕ, посочи, како поголема политичка партија ја презема координацијата за да разговара со останатите политички партии, според разговорите кои досега ги водиме со ВМРО тие застанаа многу посилно околу овој проект да го поддржат. Се надевам дека е искрен пристап, дека не е да речеме да ја тестираат СДСМ во искреноста.

Овие промени сега ние ги буткаме, СДСМ вика „да“, ВМРО ДПМНЕ започна сериозна кампања за една изборна единица и сега очекуваме овие денови да биде ставен законот на дневен ред. Тој е на дневен ред, туку треба да се активира механизамот, треба Комисијата за политички систем и односи меѓу заедниците да го стави на дневен ред и да почне расправата. Предлагаме комисиска расправа, расправа на пленарна седница каде сите парламентарни партии ќе ги искажат своите ставови, аргументи за или против. Понатаму ќе предложиме сите заедно што сме потписници да се одржи јавна расправа во Парламентот, ќе ги поканиме сите парламентарни, вонпарламентарни партии, ОБСЕ/ОДИХР, ЕУ, ќе ги поканиме експертите, невладиниот сектор, медиумите и тука можеме да ги соочиме аргументите - рече Трајанов.

The post Трајанов: Нема исклучување на коалицијата, предлагаме промени само за една изборна едниница и без изборен праг appeared first on Република.

Алијанса за Албанците е на став дека промените во Изборниот законик треба да бидат во правец на осум изборни единици и отоврени листи.
Во нивното соопштение стои:

-Посветени сме за реформирање на изборниот систем, за порепрезентативни институции и поблиски до граѓаните. Сметаме дека сегашниот изборен систем не го почитува универзалниот принцип на еднаквост на глас и не ја претставува праведно волјата на народот изразена на изборите, поради постојаните проблеми со нееднаквоста на гласачите помеѓу изборните единици. Во рамките на реформите во изборниот систем, ќе се посветиме на остварување на три суштински барања:

1. Поделба на државата на 8 изборни единици во согласност со границите на регионите, секоја со променлив број пратеници во зависност од бројот на гласачи.
2. Организирање на изборите со отворени листи.
3. Гарантирање и проширување на избирачкото право на иселениците, кои треба да гласаат за списоците што се водат во изборната единица во којашто тие имаат постојано живеалиште во државата.

The post Алијанса за Албанците е за 8 изборни единици со отворени листи appeared first on Република.

Дафина Стојаноска од ВМРО-ДПМНЕ во емисијата 24 анализа рече дека ДУИ и СДСМ не се на нивната агенда, не оставиле средба ни со НСДП и ЛДП, а со останатите партии оствариле средби.

Освен Алијанса и Беса останатите претставници на политичките партии се согласуваат за една изборна единца. Очекувам претседателот на Собранието да создаде услови таа точка да се отвори. Интенција на сите е овој закон да отпочне со процедурата во Собранието и се согласуваме за јавна расправа. Интенцијата е најпрво да се започне со собраниската процедура на овој предлог-закон, вели Стојановска.

The post Само Беса и Алијанса се против една изборна единица, од партиите со кои се сретна ВМРО-ДПМНЕ appeared first on Република.