Албанскиот премиер Еди Рама денеска, објави,  како што ја нарече, одлична вест за пензионерите, кои ќе добијат новогодишен бонус во износ од 100 до 150 евра во зависност од висината на пензиите.

За таа цел, додаде, владата во наредните денови ќе издвои фонд од 100 милиони евра.

-Овој бонус ќе биде на две нивоа: Сите пензионери кои имаат пензија до 20 илјади лека или 200 евра ќе добијат по 150 евра, што е трипати поголем износ од претходниот бонус. Пензионерите кои имаат пензија поголема од 20 илјади лека ќе добијат двојно поголем бонус од претходните години, односно по 100 евра, рече Рама.

Оваа разлика меѓу првата и втората група, според него,  не се прави за да се даде "помалку на оние кои имаат повисока пензија, туку за да се даде повеќе на оние кои имаат помала пензија“

-Бонус од по 150 евра ќе добијат повеќе од половина милион пензионери. Точно, 511 илјади, каде покрај 400 илјади 500 баби и дедовци, опфатени се и 65.800  трудови инвалиди и 44.600 корисници на пензија како мајки или деца без родители. По 100 евра ќе добијат други околу 210 илјади пензионери  нагласи премиерот Рама.

Тој вети дека владата планира исплата на бонус за пензионерите и во месец март

The post Рама чести новогодишен бонус за пензионерите appeared first on Република.

Претседателот на Европската народна партија (ЕПП), Манфред Вебер, испратил писмо до премиерот на Албанија, Еди Рама, во кое „најостро го осудува инцидентот со вербален и физички напад врз европратеникот на ЕПП, Фреди Белери“, што се случи на 29 октомври за време на посетата на Тирана, на парламентарната комисија.

Инцидентот се случи при пристигнувањето на Белери пред албанскиот Парламент каде се одржуваше 18-тиот состанок на парламентарната Комисија за стабилизација и асоцијација ЕУ-Албанија, кога меѓу 10 пратеници од Европскиот парламент беше и тој, како дел од делегацијата на Европскиот парламент.

Кон него едно лице фрлаше со јајца и јогурт и неколкуте насобрани граѓани извикуваа невредливи зборови, што според Вебер е „неуспех на државата да гарантира сигурност и бара преземање остри мерки“.

Во писмото Вебер наведува дека европратеникот, кој имал дипломатски статус на член на делегацијата на Европскиот парламент, бил вербално и физички нападнат од демонстрант пред албанскиот Парламент. Тој посочува дека не биле преземени мерки за да се спречи овој срамен напад кој се случи среде официјална мисија.

Овој инцидент е знак за очигледен недостиг на државна заштита, бидејќи овој напад, доколку од албанската држава биле преземени соодветни безбедносни мерки, можел да се спречи. Вербалниот и физичкиот напад на господинот Белери пред Парламентот на Албанија претставува неуспех на државата домаќин да ја гарантира безбедноста и интегритетот на избраниот претставник на граѓаните на Европската унија за време на официјална мисија. Овој инцидент е спротивен на меѓународните насоки за дипломатски односи кои бараат заштита на дипломатските претставници за време на нивните мисии, се наведува во писмото.

На крајот од писмото, Вебер го повикува премиерот Рама да се погрижи такви инциденти да не се повторат во иднина и да ги почитува меѓународните обврски на Албанија, како дел од процесот за членство во Европската унија.

Фреди Белери (52), кој е припадник на грчкото малцинство во Албанија, кој беше уапсен два дена пред изборите што се одржаа на 14 мај минатата година, доби двегодишна затворска казна, а на почетокот на септември доби условно ослободување од затвор.

Иако во притвор тој беше реизбран за градоначалник на јужното албанско приморско гратче Химара, не даде заклетва во предвидениот законски рок, по што беа спроведени дополнителни избори.

Тој во јуни годинава беше избран на конзервативната листа на грчкиот премиер Киријакос Мицотакис за европратеник во Парламентот на ЕУ, чија инаугуративна седница беше во средината на јули, на која присуствуваше со претходна дозвола на затворот.

The post Претседателот на ЕПП, во писмо до Рама го оцени инцидентот со Белери како неуспех на државата да гарантира сигурност appeared first on Република.

Албанскиот премиер Еди Рама остро го критикуваше самитот за климатски промени COP29 во Баку и праша која е поентата на меѓународните преговори за климата доколку најголемите загадувачи не го променат своето однесување.

Albanian Prime Minister Edi Rama slammed world leaders for not listening to each other's speeches, adding that ‘good words’ spoken during the COP29 climate summit will not change anything https://t.co/o66xVOO1fo pic.twitter.com/X0iimOjlYn

— Reuters (@Reuters) November 13, 2024

Таму луѓето јадат, пијат и се фотографираат. Ова ми изгледа како она што се случува во светот секој ден. Животот продолжува, со старите навики, додека нашите говори – полни со убави зборови за борбата против климатските промени – не менуваат ништо – рекол Рама, пренесува Гардијан.

Рама укажа на вчерашната изјава на генералниот секретар на ОН, Антонио Гутереш, кој посочи дека емисиите на јаглерод диоксид се зголемени од последниот самит на COP.

Што значи за иднината на светот ако најголемите загадувачи продолжат како досега. Што всушност правиме на овој собир, повторно и повторно, ако нема заедничка политичка волја да се премине од зборови на дела и да се постигне единство за вистински промени – праша Рама.

Говорот на Рама го пренесоа водечките светски медиуми.

The post Тие јадат, пијат, се фотографираат, а се работи за иднината на светот: Сите зборуваат за говорот на Еди Рама appeared first on Република.

Градежните работи за проширување на патот Елбасан - граничен премин Ќафасан, кај Струга, кој е дел од Коридорот 8, се одвиваат според планираната динамика, објави албанскиот премиер Еди Рама.

Овој патен правец се смета за еден од најважните во државата, пат кој ќе ги поврзува Драч-Елбасан-Либражд-Ќафасан, за да продолжи понатаму кон Македонија и Бугарија. Од инвеститорот беше побарано изградбата да ја подели во неколку фази, со што реализацијата на работата ќе биде пофлексибилна, како од менаџерска, така и од економска страна, напиша Рама на социјалните мрежи.

Патот Елбасан-Ќафасан е од категоријата Б, со четири ленти, по две од секоја страна, со разделници и сите параметри на патот, и со минимална брзина на движење од 110 километри на час. Предвидена е изградба на бајпас во Елбасан, со цел да не се влегува во градот.

Релацијата Ќафасан – Елбасан во должина од 50,12 километри која се возеше за час и половина, со новиот автопат патувањето се скратува на 35 минути.

Изграден пред повеќе од две децении единствените инвестиции беа во неговото одржување. Во нашата анализа оценуваме дека проширувањето на патот ќе ги намали сообраќајните незгоди и честите блокади, го олеснува сообраќајот и го скратува времето на патување, како во правец кон Македонија, така и во правец кон Корча, со зголемување на максималната дозволена брзина, потврдуваат од Државната агенција за патишта.

Работите започна во декември 2022 година и е предвидено да заврши до крајот на годинава. Дел од патот за сообраќај беше отворен во јуни годинава.

The post Како изгледа работата на патот Елбасан-Ќафасан кај Струга appeared first on Република.

Го барам вашиот глас од Америка за да ја направиме Албанија членка на ЕУ во 2030 година и да го подигнеме знамето на Скендербег и Исмаил Ќемали, со сите други знамиња на големото европско семејство, рекол премиерот Еди Рама на средбата во Њујорк со албанската дијаспора во САД.

Додал дека „историјата не спречи да им се придружиме на земјите во ЕУ, денес е ден да направиме историја заедно".

Ова е ветување над сите ветувања, суштина на мојата мисија на чело на албанската влада, посветеноста на Социјалистичката партија од самиот почеток и нашата непроменлива заложба од три мандати, рекол Рама, барајќи ја довербата за четврти мандат.

Парламентарните избори во Албанија ќе се одржат напролет следната година, на кои, за првпат, ќе може да гласа и албанската дијаспора.

Социјалистичката партија, чиј лидер е Рама, триумфираше, последователно на трите изборни циклуси од 2013 година.

Отфрлајќи ги обвинувањата на опозицијата за монтирани политички процеси за да ја уништи опозицијата, изјавил дека „никогаш досега во нашата историја не бил истражен, суден и осуден поединец со висок политички профил од суд неконтролиран од политиката".

Сите оние кои претходно биле осудени, од министрите од времето на диктатурата до поранешниот премиер Фатос Нано, биле политички осуденици на правдата која, без разлика дали во комунистичката диктатура или во албанската демократија, била нарачана и манипулирана од владејачката партија, рекол Рама, индиректно обвинувајќи ја Демократската партија.

Посочил дека во неговата земја сега функционира независно судство чии реформи се реализирани со помош на САД.

По средбата во Њујорк на трети идниот месец, ќе се сретне со албанската дијаспора во Солун.

Серијата средби тој ја почна во Атина на 12 мај, по што на 26 истиот месец беше во Милано.

The post Рама ја собра албанската дијаспора во Њујорк, следи Солун appeared first on Република.

Албанскиот премиер Еди Рама утре во Њујорк ќе одржи уште една од најавените серија средби со албанската дијаспора, што ги почна во мај годинава.

Тој веќе е во Њујорк и споделувајќи фотографии со објекти на кои се поставени плакати за средбата, што ќе се одржи под мотото „Горд за Албанија“, тој ја коментираше и политичката ситуација во земјата.

-Во Њујорк на средба со Албанците од Америка. Горд за Албанија, за која денес се зборува во суперлатив насекаде во светот и целосно свесен за извонредните предизвици на патот до врвот во 2030 година, кога со моќта на нашиот сојуз и покрај политичко-медиумската борба во Тирана, ќе го кренеме знамето на Скендербег и Исмаил Ќемали (прв албански премиер кој ја прогласил независноста на земјата) во дворот на Европската Унија, напиша Рама.

На средбите, кои, како што вели, се дел од напорите на неговата влада за одржување контакти со албанската дијаспора, покрај другото ќе стане збор  и за начинот на гласање на дијаспората, што ќе се случи за првпат на парламентарните избори што во Албанија ќе се одржат на пролет.
-Утре попладне, сабота 26 октомври, на првата средба по воспоставувањето на правото на секој Албанец надвор од Албанија, со гласање од каде што живее, надвор од татковината, да го избере правецот и раководството на државата за наредните четири години, наведува Рама.

The post Плакатите за Еди Рама во Њујорк со „летање орли“ appeared first on Република.

Претседателката на Европската комисија, Урсула фон дер Лајен, која е во посета на Тирана,  изјави дека следната недела Европската комисија ќе го објави извештајот за напредокот на проширувањето, каде Албанија постигна одлични резултати.

-Знаеме дека процесот да се стане земја-членка за отворање преговори е многу јасен, детален и транспарентен. Следната недела Комисијата ќе го објави извештајот за проширувањето за секоја земја кандидат. Резултатите за Албанија се одлични. Сите земји членки во овој процес продолжуваат според нивната позиција, изјави Фон дер Лајен на заедничката прес-конференција со премиерот Еди Рама.

Таа додаде дека Албанија е на „добар пат за влез во Европската Унија“, дека отворањето на преговорите за Албанија е успех на долгогодишна работа покажа визија, и оти проширувањето на Европската Унија ќе биде приоритет во нејзиниот нов мандат.

Фон дер Лајен истакна дека од планот за раст за Западен Балкан Албанија ќе добие 920 милиони евра.

Од своја страна Рама искажа голема благодарност до претседателката на ЕК, за „ безрезервната поддршка“, додаде дека „неговата земја е одлучна на својот пат кон интеграција и дека ова е единствената точка каде Албанците, кои се најевропски народ не се поделени“ и рече дека „местото на Албанија е во ЕУ“.

-Денеска е многу посебен ден и денеска нема да ја повторите реченицата со која ги затворавте сите претходни прес-конференции: сакаме да започнеме преговори. Денеска дојдовте во Албанија затоа што сега Албанија седи на преговарачка маса за преговори и ја отвори првата група која влегува во новата фаза, а кога повторно ќе дојдете на конференцијата сакаме да дојдете да кажете дека сакаме членство на Албанија во ЕУ. Ние сме многу решени за ова, нашиот преговарачки тим во Брисел покажа дека е на висина на задачата. Знаеме дека предизвикот станува тежок и дека сега почнува работата. Добредојдовте во најпро-ЕУ земја во Европа, рече Рама.

Тој истакна дека Албанија веќе не е изолирана земја во светот, туку тесно соработува со Европската Унија и другите сојузници, вклучително и Соединетите Американски Држави.

-Албанија има уште многу планини што треба да ги надмине додека не го достигне највисокиот врв, а тоа е членството, а ние мора да го достигнеме тоа во оваа деценија. Сакаме да бидеме подготвени во оваа деценија. Ако сме подготвени до 2030 година да бидеме членки на ЕУ, тоа значи дека за Албанија и Албанците ќе има држава која ќе функционира како држава на ЕУ и тоа е најважно за мене и за сите нас, рече тој .

На новинарско прашање во врска со договорот Албанија-Италија за мигрантите, таа рече дека нема да го коментира.  И на прашањето за апсењето на поранешниот албански претседател Илир Мета го даде речиси истиот одговор.
-Нема да коментирам за судските постапки. Ние соработуваме со Албанија за судските реформи, но тоа нема никаква врска со поединечни случаи, рече таа.

За апсењето на Мета не сакаше да коментира и Рама, додавајќи дека тоа е „работа на албанските независни судски инстанци“.

The post Фон дер Лајен: Извештајот за напредокот на земјите ќе биде објавен следната недела, Албанија со одлични резултати appeared first on Република.

По апсењето на Илир Мета реагираше и лидерот на албанските евроатлантски демократи, Љуљзим Башa кој на Фејсбук напиша дека „камбаните бијат за Еди Рама, бидејќи  Бермудскиот триаголник се распаѓа" (Бериша-Мета-Рама).

Тој додава  дека „почетокот на крајот на неказнивоста го означува почетокот на крајот на транзицијата".

- Камбаните бијат за Еди Рама, страните на Бермудскиот триаголник не можат да издржат една без друга. Крајот на неказнивоста го означува почетокот на крајот на транзицијата. Албанија заслужува повеќе, напиша тој.

Во периодот кога на власт беа демократите, во владите на Сали Бериша, Баша раководеше со важни ресори, беше министер за внатрешни, за надворешни работи, за транспорт.

По поразот на парламентарните избори во 2013, кога Бериша се повлече, по негов предлог тој стана лидер на Демократската партија.

Односите им се заладија откако Бериша беше прогласен за непожелен во САД во мај 2022 година. По барање на тогашната американска амбасадорка Јури Ким, Баша го исклучи од партијата, по што почна расколот во партиските редови и тие од најблиски соработници, станаа најлути противници.

Сепак, Бериша го привлече поголемиот број од членството. Судот со одлуката од неодамна го призна за лидер Бериша и правото на печатот и логото

The post Лидерот на албанската опозиција тврди:  Бермудскиот триаголник на Рама се распаѓа appeared first on Република.

Албанскиот премиер, Еди Рама, говорејќи на настанот „Пратеник каков сакаме“, меѓу другото се осврна и на последните апсења по налог на Специјалното обвинителство против организиран криминал и корупција, СПАК, иако не спомена имиња.

Рама за време на својот говор рече дека денес „албанската политика е во деликатен момент, каде што еден дел е деградиран, па затоа оние со валкани раце се кријат, за да се отвори патот за обновување“.

Чистите раце прават едно, валканите раце друго, отворените едно, скриените друго. Значи, потребна е многу сила, многу внатрешна моќ да не се откажеме, бидејќи политиката во Албанија денес е во момент на деградација, како што е истовремено и момент на преобликување. Тоа е како тело кое поминало низ одредена фаза и сега почнува да се преобликува бидејќи има многу деградиран дел од себе и има внатрешен нагон да се обнови. Социјалистичката партија, има должност да го одложи ова обновување. СП е најстарата и најмладата партија во Албанија, ова е причината зошто СП победи и ќе победи повторно, рекол Рама.

Додал дека да бидеш сила со историја не е слабост, туку многу важен капацитет што можеш да го ставиш на располагање на државата.

Но, кога доминира сила со мината историја, а иднината се гледа низ очите на минатото, тогаш таа сила е застарена. Но, кога една сила со историјата е иднината што доминира во погледот, а минатото се гледа низ очите на иднината, тогаш ова е сила колку стара толку и нова. Напорот ова да се претвори во начин на живеење и начин на соработка со Албанија е неопходен. Имам добри вести, транзицијата во Албанија заврши. Албанија денеска е на маса каде преговара за интеграција во ЕУ, посочил Рама.

За мене, нагласил, минатата недела беше нај историскиот момент откако дојдов на функцијата премиер „историски момент да покажеме што требаше да тргнеме од грб како товар од минатите моменти, да покажеме дека сме сила која може да ја гарантира иднината“.

The post Рама за апсењата на СПАК: Оние што имаат валкани раце се кријат, политиката се обновува appeared first on Република.

Лидерот на Алијанса за Албанците, Зијадин Села на својот Фејсбук профил објави честитка до Албанија за отворањето на преговорите во Европската Унија.

„Денеска е голем ден за Албанија, граѓаните на Албанија и сите Албанци насекаде се среќни. Срдечни честитки до граѓаните, политичката елита, премиерот Еди Рама и сите кои придонесоа да се дојде до овој ден, отворање на преговорите со Европската Унија.Лидерот на Алијанса за Албанците, Зијадин Села на својот Фејсбук профил објави честитка до Албанија за отворањето на преговорите во Европската Унија.

Овој ден е важен за иднината на регионот и на Балканот воопшто. Европската перспектива е единствениот пат од кој не се осмелуваме да се движиме и покрај авантурите на некои политичари и национализми кои продолжуваат да ги држат во заложништво соништата на граѓаните за европска иднина.

Бескрајно благодарни за солидарноста на Албанија со Македонија, која со години остана со нас, жртвувајќи и губејќи години чекајќи да го направиме ова патување заедно. Благодарност до премиерот Еди Рама кој и денеска ја потврди оваа солидарност со тоа што нивната прослава ја претвори во кампања за сензибилизација на Cеверна Македонија.

Неговата визија треба да послужи како пример што треба да го следат и политичарите во нашата земја, кои за жал се чини дека останаа заложници на минатото и конфликтите со соседите“, пишува Села.

The post Села: Честитки до Албанија – денеска е голем ден appeared first on Република.

Лидерот на Демократската унија за интеграција(ДУИ), Али Ахмети денеска му честиташе на албанскиот премиер Еди Рама за почнувањето на преговорите со Европската Унија(ЕУ).

Вели дека ова се одлични вести од Луксембург за Албанија, Албанците и целиот регион на Југоисточна Европа.

„Срдечно им честитам на сите Албанци, на премиерот Еди Рама и на целиот тим кој неуморно работеше на отворањето на првото преговарачко поглавје. Се надевам дека Албанија ќе работи напорно кон остварување на целта за членство во Европската унија во 2030 година. Мора исто така да го нагласам очајот што Македонија денеска не е до Албанија поради блокирањето на нашето европско патување како резултат на неспроведувањето на преговарачката рамка одобрена од Советот на Европската Унија и Cеверна Македонија. Мораме да дадеме се од себе за да ја обезбедиме и запечатиме европската иднина на нашите граѓани, демонстрирајќи лидерство и решителност. Немаме друга алтернатива! Европа е нашиот единствен пат“, пишува Ахмети на својот официјален Фејсбук профил.

The post Ахмети до Рама: Морам да го нагласам очајот што Македонија денеска не е до Албанија поради блокирањето на нашето европско патување appeared first on Република.

Билатерализацијата на патот на една земја кон Европската Унија е болна работа, бидејќи ако се билатерализира овој процес само и се нанесуваат штети на таа држава, порача во Луксембург албанскиот премиер Еди Рама на прес-конференција по одржувањето на Втората меѓувладина конференција ЕУ-Албанија, со што Тирана практично ги започна пристапните преговори по кластери.

Со билатерализацијата само им се нанесува штета на она што го викаме збир на стандарди и вредности, порача Рама на заедничката прес-конференција со унгарскиот министер за надворешни работи и трговија и еврокомесарот за проширување и соседска политика Оливер Вархеји.

Според Рама, со блокирање на европскиот пат на една земја само и се прекинува дотокот на кислород и се попречуваат нејзините можности да се стекне со знаења како да ги развива своите институции, да воспостави систем на вредности, владеење на правото и функционална демократија.

Со спречувањето на Македонија, а потоа и Cеверна Македонија, да направи ова и се нанесе голема штета на државата, голема штета на луѓето и со тоа и голема штета на регионот, истакна албанскиот премиер.

Тој нагласи дека на секоја земја кандидат за членство може да се блокира во секое време, но треба да и се дозволи да учи како да ги изгради своите инсинуации, да ги спроведе сите потребни реформи и да воспостави индивидуални слободи, владеење на правото и демократија.

А потоа кога ќе стане членка, може да и кажете не ми се допаѓа твоето име, но барем сте и дале можност да функционираат како земја членка на ЕУ. Тогаш кажете дека не ви се допаѓа името..., а не кога на земјата и треба поддршка. Затоа тогаш имаме земја кој пред 20 години беше неспорно ориентирана кон западната евроатлантска заедница, а погледнете кој денес е најпопуларен политичар во Македонија, во Cеверна Македонија или како и да е, истакна Рама, додавајќи дека сака сега да има телефонски повик од неговите грчки пријатели и да му кажат дека рекол Македонија.

Тој нагласи дека се чувствува навистина тажно што, како што рече, братската Македонија, се уште не може да влезе во фазата од преговорите во кои сега е Албанија, иако беше меѓу првите, ако не е прва, што го започна овој процес меѓу државите во регионот.

Па кога зборувам за нашите понижувања затоа што три пати по ред бевме одбивани за почеток на пристапните преговори, тогаш се чувствувам некако засрамено затоа што морам да помислам на понижувањата на Македонија. Тие го сменија името и за да можат да започнат преговори, нагласи Рама, додавајќи дека историјата не може да биде причина за запирање на пристапните преговори за која било земја.

Тој потенцира дека иако како и многумина го сака Александар Македонски, сепак не му е важно која во минатото била чија мајка, кој со кого водел љубов и каков бил идентитетот на некого во тоа време.

Навистина тоа се многу интересни теми за историчарите, но не мислам дека тоа треба да биде дел од поврзувањето со Европската унија... Треба да гледаме на минатото со очите на иднината. Гледајќи во иднината со очите на минатото само ќе донесе компликации, заклучи Рама.

Во врска со можното повторно здружување на Албанија со Македонија Тој нагласи дека Албанија во минатото насилно многу пати била здружувана со други – со Османлиите, со Италијанците, со Југословените, со Советскиот Сојуз и со маоистички Кина, и од сите овие здружувања сфатила дека не сака да бидеме здружена со сила од никого, туку сака да биде здружена со Европската Унија.

Но, наеднаш се најдовме здружени со Македонија. Ајде да кажеме дека тоа не беше толку лошо, затоа што можеме да ги споделиме нашата тешки ситуации едни со други. Бевме како Владимир и Естрагон кои го чекаат Годо, а Брисел и во тоа време изгледаше како Семјуел Бекет, рече Рама, додавајќи дека таквата ситуација за двете земји изгледала како приказна без крај.

Во врска со повторното здружување на Скопје и Тирана на европскиот пат, еврокомесарот за проширување и соседска политика Оливер Вархеји истакна дека двете земји можеби политички биле во пакет, но во пракса никогаш не биле поврзани во напорите за приближување кон ЕУ бидејќи, тоа е процес заснован на индивидуални заслуги.

Здружувањето на земјите кандидати една со друга, би значело дека правиме компромиси или дозволуваме да се прават компромиси врз основа на принципот на заслуги, кој е еден од темелите на Копенхагенските критериуми, истакна Вархеји.

Сијарто, пак, рече дека верува оти Македонија заслужила да ги започне суштинските преговори, но дека сите знаат со какви пречки се соочува.

Она што можам да ви ветам како унгарско претседателство е дека ќе продолжиме да ги поддржуваме двете земји за да можат да минат низ процесот на пристапување што е можно побрзо, додаде Сијарто.

The post Која му била мајка на народниот херој и со кого водела љубов се многу интересни теми за историчарите, но не за членство во ЕУ, смета Рама appeared first on Република.

Се чувствувам многу возбудено и многу охрабрено што конечно ќе го започнеме најтешкиот дел од работата во преговорите за членство во ЕУ, што подразбира отворање на кластерот „Основни вредности“, изјави денеска во Луксембург албанскиот премиер Еди Рама пред почетокот на Втората меѓувладина конференција ЕУ-Албанија, со што Тирана практично ги започнува пристапните преговори по кластери.

- Албанија конечно седи како рамноправен партнер на масата на земјите членки на Европската Унија, нагласи Рама.

Тој додаде дека од првиот ден откако го „напушти пеколот на најизолирана комунистичка земја во Европа - Северна Кореја во срцето на Европа“, Албанија е посветена на членството во ЕУ.

- И покрај различните расположенија и различните нивоа на посветеност или на скептицизам кон проширувањето, ние никогаш не се поколебавме затоа што за нас Европската Унија и Европа се единственото место каде што треба да бидеме и единственото место за живот на нашите идни генерации. Така што, овој момент е посебен, истакна Рама.

Тој рече и дека мора „да му се заблагодари“ на рускиот претседател Владимир Путин, кој, како што истакна, со својата безмилосна агресија „ги разбуди и најскептичните и ги натера да ја согледаат реалноста“ дека Западниот Балкан е потребен за обезбедување на силна констелација на Европската унија.

- Така сега сме на иста страна, ќе го извлечеме најдоброто од тоа и ќе се движиме брзо за да се увериме дека овој голем прозорец на можности нема да се затвори без ние да станеме дел од Европската Унија, додаде Рама.

Албанскиот премиер истакна дека за членство во ЕУ не е доволно само да се подигне европскиот дух, туку треба да се работи на промена на реалноста во земјата, со цел да се обезбеди дека се ќе функционира согласно Уставот.

- Тоа домашна задача претставува планина што треба да се премине и веќе планинариме со многу јасни идеи и многу силна волја да го оствариме тоа што треба да се оствари, додаде Рама.

Кластерот „Основни вредности“ опфаќа сет на поглавја поврзани со фундаменталните реформи, од чие спроведување ќе зависи целокупното темпо на преговарачкиот процес и почетокот на преговорите по другите кластери. Преговорите по овој кластер се отвораат први, а се затвораат последни.

Тој вклучува три критериуми - функционирање на демократските институции, реформа на јавната администрација и економски критериуми и пет поглавја - Судство и основните права, Правдата, слобода и безбедност, Јавните набавки и Статистика и финансиска контрола.

https://republika.mk/vesti/svet/albanija-gi-otvora-pregovorite-za-chlenstvo-vo-evropskata-unija/

Албанија е прва меѓу земјите кандидати за членство во ЕУ, што ќе ги води пристапните преговори според ревидираната методологија за проширување на Унијата усвоена во 2020 година. Согласно оваа методологија, преговарачките поглавја се поделени во шест тематски кластери: „Основни вредности“,  „Внатрешен пазар“, „Конкурентност и инклузивен раст“, „Зелена агенда и одржливо поврзување“, „Ресурси“, „Земјоделство и кохезија“ и „Надворешни односи

The post Рама за Путин: Благодарение на него и најскептичните согледаа дека Западниот Балкан е потребен на ЕУ appeared first on Република.

Албанскиот премиер Еди Рама изјави дека планира да се кандидира за четврти мандат, бидејќи има уште работа, иако во претходните мандати се направени големи работи, пренесуваат албанските медиуми.

Планот е да се кандидирам за функцијата, но дотогаш има време. Верувам дека морам да се кандидирам, бидејќи има уште работа, изјави Рама за телевизијата А2.

„Албанија не беше ниту на мапата, а земјата беше споменувана во лош контекст. Ја надминавме бројката од 10 милиони туристи во земја во која туризмот беше идеја и сон, но не и реалност“, потенцира Рама.

Тука е и борбата против корупцијата, која мора да стане неповратна, а со цел да се вее нашето знаме во Брисел во текот на оваа деценија, вреди да се кандидирам за уште еден мандат. Тогаш ќе одлучат граѓаните, рече Рама.

The post Албанскиот премиер Еди Рама планира да се кандидира за четврти мандат appeared first on Република.

Албанскиот премиер Еди Рама, во пресрет на отворањето на прифатниот центар во Шнѓин и кампот во Ѓадр, каде ќе бидат сместувани имигранти, во интервју за „Ројтерс“ отфрлил секаква можност за договор со друга земја од ЕУ, освен Италија, за прием на имигранти, пренесуваат албанските медиуми.

Додал дека Албанија склучила договор со Италија да ги прифати бегалците кои пристигнуваат таму, за да помогне во спречувањето на нерегуларната миграција во ЕУ.

Запрашан дали е можен таков договор и со Германија, тој одговорил дека во моментов нема доволно капацитет и оти „Германија мора да најде друг партнер“.

Откако потпишаниот договор со Италија, на 6 ноември минатата година, беше поттик тоа од Албанија да го побара и Обединетото Кралство, по неуспешниот план за депортација на мигранти во Руанда, Рама го отфрли барањето велејќи дека тоа е „ексклузивно само за Италија“.
Ова е прв пример на земја која не е членка на ЕУ да прима мигранти во име на земја-членка на Унијата.

Рама, како што претходно изјави нема информации за точниот датум кога ќе пристигнат првите мигранти ниту дали ќе има „свечено сечење на лента“, додавајќи дека тоа е се под надлежност на италијанските власти.

Според домашните медиуми, во Албанија претпладнево пристигнати се италијански новинарски екипи, што е предвесник дека првите мигранти ќе пристигнат денеска. Во центрите можат да престојуваат до 3.000 мигранти месечно или 36 илјади годишно

The post Рама за „Ројтерс“: Германија треба да најде друг партнер, нема договори со други земји освен со Италија за имигрантите appeared first on Република.

Мигрантите кои деновиве треба да пристигнат во камповите во Албанија, врз основа на договорот потпишан од премиерите на Албанија и Италија, Еди Рама и Џорџ Мелони, нема да имаат можност да го напуштат кампот каде што ќе бидат сместени.

- Судбината на нивната иднина ќе треба да ја чекаат само внатре во сместувачките капацитети во кампот во Ѓадр, изјави Рама во интервју за италијанскиот дневен весник „Ла Република“, додавајќи оти за се што ќе се случува внатре во кампот одговорноста е само на официјален Рим.

Договорот предвидува мигрантите да не можат да го напуштат кампот и слободно да се движат во Албанија.

Но, Рама во интервјуто не даде објаснување за прифатните центри, што требаше да почнат со работа во мај.

Тој вели дека нема информации и за точниот датум кога ќе пристигнат првите мигранти ниту дали ќе има „свечено сечење на лента“, додавајќи дека тоа е се под надлежност на италијанските власти.

Тој исто така е скептичен дали некоја друга земја од Западен Балкан ќе преземе таква обврска.

Прифатниот центар во Шенѓин и кампот во Ѓадр ќе бидат две структури под италијанска јурисдикција, каде се очекува да бидат сместени имигрантите фатени од италијанските власти во меѓународните води.

Според договорот меѓу Рим и Тирана, илегалните мигранти кои пристигнуваат во Италија ќе бидат транспортирани со брод до пристаништето Шенѓин, каде ќе им се утврдува идентитетот и ќе им се прави првиот здравствен преглед, по што ќе бидат префрлени во блискиот град Ѓадр, поранешна воена база, каде што ќе бидат сместени и ќе го чекаат одговор на барањето за азил.

Во кампот во Ѓадр ќе можат да престојуваат до 3.000 мигранти месечно или 36.000 годишно. Целокупните трошоци се на италијанската Влада, која за пет години ќе ја чинат најмалку 670 милиони евра.

The post Албанија стана полигон за мигранти, Рама тврди дека нема да смеат да го напуштаат кампот appeared first on Република.

Албанскиот премиер Еди Рама денеска изјави дека унгарското претседателство значително влијаело на одлуката за отворање на основните поглавја за членство на Албанија во Европската Унија.

Рама сподели неколку моменти од вчерашната посета на Унгарија и средбата со неговиот колега Виктор Орбан, опишувајќи го како „традиционален сојузник на Албанија и драг пријател“.

- Со традиционалниот сојузник на Албанија и драг пријател Виктор Орбан, во пресрет на одредениот ден на отворањето на „фундаменталните“ поглавја, главниот блок на преговорите за членство на „Албанија 2030“ во Европската Унија. Унгарското претседателство со ЕУ силно влијаеше на овој заслужен позитивен развој за Албанија, посочи Рама.

Рама и Орбан во заедничката изјава по средбата се фокусираа на билатералната соработка, процесот на интеграција на Албанија во ЕУ и други прашања.

Рама истакна дека тој и неговиот колега разговарале за можностите за проширување на билатералната соработка.

The post Рама: Орбан е наш традиционален сојузник и драг пријател appeared first on Република.

Премиеротна албанија Еди Рама по средбата со турскиот претседател Реџеп Таип Ердоган во Тирана порача дека Косово не може да најде поголем пријател од Турција.

На заедничката прес-конференција со турскиот претседате, Рама ја потсети јавноста дека Турција прва ја призна независноста на Косово.

The post Рама: Косово не може да најде поголем пријател од Турција и претседателот Ердоган appeared first on Република.

Турскиот претседател Реџеп Таип Ердоган ќе и  подари „значителен“ број беспилотни летала камикази на Албанија, изјави денеска албанскиот премиер Еди Рама, без да прецизира за каков тип на дронови станува збор.

-На заедничката прес-конференција со Ердоган, кој е во еднодневна посета на Тирана, Рама рече дека тоа е подарок што доаѓа како силна порака од Турција дека Албанија не може да биде нападната, објави Ора њуз.

Премиерот Рама му се заблагодарил на Ердоган и додал дека набавката на беспилотни летала камикази не значи дека неговата земја некого ќе нападне, туку порака дека не може да биде нападната.

- Овој подарок на Турција никого не треба да загрижува. Од друга страна, ние сме многу заинтересирани и исполнети денеска по потврдувањето на една нова етапа, за зајакнување на воената индустрија на Република Албанија и за зајакнување на овој однос, каде што во светот е познато дека Турција достигна многу високо ниво на капацитети за производство на воената индустрија и каде имаме идентификувано инвестиции во оваа област, нагласил тој.

The post Турција ќе и подари на Албанија „значителен” број дронови камикази appeared first on Република.

Албанскиот премиер Еди Рама денеска во Брисел изјави дека „процесот на интеграција во Европската Унија е всушност процес на демократско зајакнување на државата, и затоа мора да си ја завршиме домашната задача за себе“, објави АТА.

-Тие што треба да станат членки, не може да избираат што да прават, тоа се вика преговарање, тоа е повеќе домашна задача. Мора да го направиме она што тие од нас го бараат. Но, ние мора да го направиме ова за себе. Овој процес е процес на демократско јакнење на државата и секој кој е во средината на Европа, но без да биде дел од ЕУ, му ја нуди оваа важна алатка, изјавил Рама, објавија албанските медиуми.

The post Рама од Брисел: Тие што треба да станат членки, не може да избираат што да прават, тоа се вика преговарање, повеќе e домашна задача appeared first on Република.