Викиликс соопшти дека неговиот основач Џулијан Асанж го напуштил британскиот затвор и полетал од Обединетото Кралство, откако американските обвинители рекоа дека тој треба да се изјасни за виновен оваа недела за кршење на американските закони за шпионажа, во договор што може да му овозможи да се врати дома во Австралија.

Асанж, чија сага трае речиси 15 години, се согласи да се изјасни за виновен пред американското правосудство за да биде ослободен по пет години минати во британски затвор во очекување на екстрадиција во САД.

Родителите на ко-основачот на Викиликс, 52-годишниот Асанж, изјавија дека се среќни што неговото легално мачеништво завршило.

Американските обвинители во судските документи рекоа дека Асанж се согласил да се изјасни за виновен по едно обвинение за заговор поради собирање и откривање доверливи документи за националната одбрана на САД, според поднесоците во Окружниот суд на САД за Северните Маријански Острови.

Се очекува утре тој да се појави пред американскиот федерален суд на Маријанските острови. Потоа ќе му се даде право да патува во Австралија, соопшти Викиликс.

The post Асанж пуштен од затворот во Велика Британија appeared first on Република.

Здружението на новинари на Република Српска (УНРС), по повод Меѓународниот ден на слободата на медиумите, го прогласи Џулијан Асанж за почесен член на тоа здружение.

Во соопштението на УНРС се наведува дека не е неопходно да се објаснува овој потег, особено не на оние кои се занимаваат со прашањето за слободата на говорот и мислата, бидејќи Асанж е вистински маченик за овој идеал во светот.

Здружението истакна дека сака да го сврти вниманието на домашната јавност на тоа дека Џулијан Асанж е пред екстрадиција во САД, од која го дели уште едно рочиште.

Она што е неприфатливо од гледна точка на светската медиумска сцена и меѓународното право е тоа што сакаат да го затворат во Соединетите Американски Држави, чиј државјанин не е, како ниту државјанин на Велика Британија, која го уапси откако го извлече од Амбасадата на Еквадор. Уште полошо, тоа го прават поради сите оние работи кои се загарантирани со вториот амандман на Уставот на САД, а кои се однесуваат на слободата на говорот и печатот“, се наведува меѓу другото во соопштението.

The post Џулијан Асанж прогласен за почесен член на Здружението на новинари на Република Српска appeared first on Република.

Соединетите Американски Држави му дале гаранции на Високиот суд во Лондон што ги побара во врска со случајот на основачот на Викиликс, Џулијан Асанж.

Во пресудата од 26 март, судот побара гаранции од САД дека Асанж ќе може да се повика на Првиот амандман и дека нема да се соочи со смртна казна по екстрадицијата.

Оваа дипломатска нота не прави ништо за да го намали огромниот стрес на нашето семејство за неговата иднина, односно неговото очекување дека ќе го помине остатокот од својот живот во самица во американски затвор поради неговата наградувана новинарска работа, реагираше сопругата на Асанж, Стела.

The post Чекор поблизу до екстрадиција: САД му дале гаранции на Високиот суд во Лондон дека нема да има смртна казна за Асанж appeared first on Република.

Високиот суд во Лондон денеска одлучи дека основачот на Викиликс Џулијан Асанж може да поднесе жалба против екстрадицијата во САД.

Во одлуката на судот се наведува дека Асанж може да се жали на целосно сослушување, освен ако САД не обезбедат „задоволителни гаранции“, пишува Гардијан.

Како што се наведува, доколку судот одлучил поинаку, во рок од неколку дена тој можел да биде екстрадиран во САД, кои го товарат за шпионажа.

Судот соопшти дека бара дополнителни гаранции од САД за тоа дали Асанж може да се повика на Првиот амандман и дали би можел да биде подложен на смртна казна по екстрадицијата, пренесува Би-Би-Си.

Доколку САД не ги дадат овие гаранции, на Асанж може да му биде одобрена жалбата против одлуката за екстрадиција. На дводневното рочиште, неговите адвокати тврдеа дека обвиненијата, кои се однесуваат на објавувањето илјадници доверливи и дипломатски документи поврзани со војните во Авганистан и Ирак, се политички мотивирани и дека барањето за екстрадиција е незаконско.

Судиите на Високиот суд во Лондон во образложението наведуваат дека адвокатите покажале дека Асанж има спорен случај и треба да му се даде можност да го претстави на целосна жалбена расправа закажана за 20 мај, кога ќе биде донесена одлука за неговата екстрадиција.

САД бараат екстрадиција на Асанж за објавување тајни воени досиеја во 2010 и 2011 година, а тој е обвинет за 17 точки од обвинението за шпионажа и може да се соочи со 175 години затвор доколку биде осуден.

Американските обвинители, сепак, тврдат дека казната нема да надмине 63 месеци.

The post Високиот суд во Лондон пресуди дека Асанж може да поднесе жалба на екстрадицијата appeared first on Република.

Поранешниот грчки министер за финансии, јанис Варуфакис, повика на поддршка за основачот на Викиликс, Џулијан Асанж.

Ако сакате да знаете што прават вашите влади зад грб во ваше име, сите овие злосторства против човештвото... тогаш мора да го поддржите Џулијан Асанж бидејќи тој умира за вашето право да знаете, порача Варуфакис, објавувајќи видео на платфотмата X (поранешен Твитер).

https://twitter.com/yanisvaroufakis/status/1760095822065393922

https://www.youtube.com/watch?v=qzLT0WD36Rw

The post Поранешниот грчки министер: Ако сакате да знаете што прават вашите влади зад грб во ваше име, тогаш мора да го поддржите Џулијан Асанж appeared first on Република.

Високиот суд во Лондон го заврши првиот ден од сослушувањето во врска со жалбата на основачот на Викиликс Џулијан Асанж против одлуката за негова екстрадиција во САД.

Пред судот прво се обратија адвокатите на Асанж, кои рекоа дека се работи за политички мотивиран случај, додавајќи дека на нивниот клиент му биле прекршени човековите права, пренесува Би-би-си.

Тие истакнаа дека имаат докази за заговор на американската Централна разузнавачка агенција (ЦИА) за убиство на Асанж за време на претседателскиот мандат на Доналд Трамп.

Адвокатот Ед Фицџералд КЦ рече дека не може да им се верува на американските гаранции за правичен третман, додавајќи дека неговиот клиент може да биде осуден на „грубо неправеден и непропорционален начин доколку биде екстрадиран“.

За време на сослушувањето, пред судот во Лондон се одржа протест на новинарите и поддржувачите на Асанж.

Продолжението на судењето е закажано за утре, кога пред судот ќе се обратат американските адвокати.

САД бараат екстрадиција на Асанж за објавување тајни воени досиеја во 2010 и 2011 година, а Врховниот суд на Велика Британија одлучи дека Асанж треба да биде екстрадиран, отфрлајќи ги тврдењата дека поради лошо ментално здравје може да изврши самоубиство во американски затвор.

Порталот на Асанж „Викиликс“ стана познат во 2010 година кога објави видео од напад на американската армија со хеликоптери „Апачи“ во Багдад во 2007 година, при што загинаа десетици луѓе, меѓу кои и двајца новинари на Ројтерс.

После тоа, беа објавени илјадници тајни доверливи документи и дипломатски извештаи во кои САД ги критикуваат светските лидери, од рускиот претседател Владимир Путин до членовите на саудиското кралско семејство.

Во САД, Асанж е обвинет за шпионажа по 17 точки, а доколку биде прогласен за виновен, може да добие и до 175 години затвор.

The post Адвокатите на Асанж тврдат дека случајот е политички мотивиран и имаат докази за заговор на ЦИА appeared first on Република.

Високиот суд во Лондон почнува сослушувања кои би можеле да ја одредат судбината на Џулијан Асанж и да доведат до негова екстрадиција во САД. За да се заврши судскиот процес ќе бидат потребни два дена.

Одлуката за екстрадиција беше донесена во јуни 2022 година. Главното прашање на кое судот сега мора да одговори е дали основачот на „Викиликс“ има способност да продолжи да го оспорува.

Доколку одлуката биде негативна, тогаш екстрадицијата ќе стане чекор поблиску, а една од последните можности за оспорување на ова ќе биде жалбата до Европскиот суд за човекови права.

Во САД на Асанж му се заканува затворска казна до 175 години.

The post Судот во Лондон одлучува дали Асанж се уште може да ја сопре екстрадицијата во САД appeared first on Република.

За основачот на Викиликс, Џулијан Асанж, претстојното рочиште пред Високиот суд во Лондон во врска со неговата жалба против пресудата за екстрадиција на САД е прашање на живот и смрт, изјави денеска сопругата на Асанж, Стела.

„Неговото здравје се влошува, и психички и физички. Неговиот живот е во опасност со секој ден што го поминува во затвор. Ако биде екстрадиран, ќе умре“, изјави Стела Асанж на прес-конференција, пренесува Ројтерс.

Таа додаде дека ќе поднесе барање до Европскиот суд за човекови права да ја блокира екстрадицијата доколку одлуката на Високиот суд во Лондон не биде поништена на сослушувањето следната недела.

The post Сопругата на Џулијан Асанж за можната екстрадиција во САД: Се работи за живот или смрт! appeared first on Република.

Известувачката на ОН за тортура, Алис Џил Едвардс, апелира до британската Влада да ја прекине можната екстрадиција во САД на основачот на платформата Викиликс, Џулијан Асанж.

Аргументите на Асанж мора детално да се испитаат врз основа на значителна загриженост дека тој ќе биде изложен на ризик од мачење и друго сурово, нечовечко или понижувачко постапување или казнување доколку биде екстрадиран, изјави Едвардс во Женева.

Таа ја повика Владата на Обединетото Кралство „да ги преземе сите неопходни мерки за да го заштити физичкото и менталното здравје на г-дин Асанж“. Сослушувањето ќе се одржи во Високиот суд во Лондон на 21 и 22 февруари.

САД бараат екстрадиција на Асанж за да се соочи со обвиненијата за кражба и објавување таен материјал од воените операции во Ирак и Авганистан со поранешната разузнавачка аналитичарка Челзи Менинг.

Асанж може да се соочи со казна до 175 години затвор во САД доколку биде прогласен за виновен. Тој е во британски затвор со висок степен на обезбедување од април 2019 година.

The post Експерт на ОН предупредува дека Асанж ќе да се соочи со тортура доколку биде екстрадиран во САД appeared first on Република.

Американскиот државен секретар Ентони Блинкен денеска ги отфрли австралиските барања да се прекине кривичното гонење на основачот на Викиликс Џулијан Асанж, велејќи дека тој е обвинет за „многу сериозно криминално однесување“ при објавувањето на голем број доверливи документи.

Австралиската Влада, предводена од левичарската Лабуристичка партија, по победата на изборите минатата година тврди дека САД треба да ја прекинат потерата по Асанж, кој помина четири години во британски затвор борејќи се против екстрадиција во САД.

Блинкен денеска потврди дека за Асанж се разговарало на годишните разговори со министерката за надворешни работи Пени Вонг кои се одржаа денеска во Бризбејн.

– Ја разбирам загриженоста и ставовите на Австралијците. Мислам дека е многу важно нашите пријатели овде да ја разберат нашата загриженост за ова прашање, рече Блинкен.

– Асанж е обвинет за многу тешко кривично дело во САД во врска со неговата наводна улога во едно од најголемите протекувања на доверливи информации во историјата на нашата земја, додаде тој.

Асанж се соочува со 17 точки од обвинение за шпионажа и едно обвинение за злоупотреба на компјутер поради објавувањето на стотици илјади доверливи дипломатски и воени документи од страна на Викиликс во 2010 година

The post Блинкен: САД нема да го прекине кривичното гонење на Асанж appeared first on Република.

Околу илјада луѓе денеска формираа човечки синџир околу зградата на британскиот Парламент во Лондон, барајќи ослободување на основачот на Викиликс, Џулијан Асанж.

На транспарентите што ги истакнаа демонстрантите можеше да се прочита „Ослободете го Асанж, нема екстрадиција во САД“, „Новинарството не е криминал“.

Човечкиот синџир се протегал по мостот Вестминстер, домовите на Парламентот и градините на кулата Викторија.

Џулијан Асанж, кој од 2019 година се наоѓа во строго обезбедуваниот затвор Белмарш во близина на Лондон, ја обжали одлуката на британската Влада да го екстрадира во САД.

Против 51-годишниот Австралиец се води кривична постапка во САД бидејќи во 2010 година на веб-страницата Викиликс објавил повеќе од 700.000 доверливи документи поврзани со активностите на американската војска, особено во Ирак и Авганистан.

Тој се соочува со децении затвор доколку биде осуден за шпионажа според законот, кој забранува откривање доверливи информации.

Џулијан Асанж беше уапсен од британската армија во 2019 година, откако помина седум години во зградата на амбасадата на Еквадор во Лондон, каде што беше под заштита на тоа дипломатско претставништво.

The post Човечки синџир во Лондон за ослободување на Џулијан Асанж appeared first on Република.

Американските адвокати на основачот на Викиликс Џулијан Асанж објавија дека поднеле тужба против ЦИА и нејзиниот поранешен директор Мајк Помпео, обвинувајќи ги дека ги снимале нивните разговори и копирале содржина од нивните телефони и компјутери.

Адвокатите и двајцата новинари кои се приклучија на тужбата се Американци и тврдат дека ЦИА им го прекршила уставното право на заштита на приватни разговори, во случајов со Асанж, кој е Австралиец.

Тие тврдат дека ЦИА соработувала со безбедносната компанија Undercover Global, која била ангажирана од амбасадата на Еквадор во Лондон каде се криел Асанж, за да го шпионира него, како и неговите адвокати, новинари и други луѓе со кои се сретнал.

Според адвокатот Ричард Рот, кој ги застапува тужителите, тоа значи дека правото на Асанж на правично судење е „повредено, ако не и ништовно“, бидејќи „владата ја знае содржината на тие разговори“.

Асанж ја обжали одлуката на британскиот суд да го екстрадира во САД, каде што се соочува со затворска казна до 175 години.

The post Адвокатите на Асанж ја тужат ЦИА appeared first on Република.

Судот во Лондон одобри основачот на Викиликс Џулијан Асанж да биде екстрадиран во САД, а конечната одлука ќе ја донесе британската влада.

Асанж има можност да поднесе жалба на оваа судска одлука.

Британски судија официјално ја одобрил екстрадицијата на Асанж во САД за да се соочи со обвинувањата за шпионажа. За случајот сега ќе одлучува британскиот министер за внатрешни работи, а основачот на Викиликс сè уште има правни можности да поднесе жалба.

Наредбата доаѓа откако Врховниот суд на Обединетото Кралство минатиот месец не му дозволи на Асанж да поднесе жалба на одлуката на понискиот суд дека тој може да биде екстрадиран.

Судијата на Вестминстерскиот суд за прекршоци ја издаде наредбата на кратко рочиште. Министерката за внатрешни работи Прити Пател ќе одлучува дали ќе ја одобри екстрадицијата.

Овој потег не ги исцрпува правните опции за Асанж, кој со години се обидува да избегне судење во САД за обвиненијата поврзани со објавувањето на огромна количина доверливи документи на Викиликс пред повеќе од една деценија.

Неговите адвокати имаат четири недели да поднесат поднесоци до Пател, а можат да се жалат и до Високиот суд.

The post Британскиот суд ја одобри екстрадицијата на Џулијан Асанж во САД appeared first on Република.

Стела Морис, вереницата на основачот на Викиликс, Џулијан Асанж, пристигнала во затворот „Белмарш“ во кој денеска ќе се одржи нивната венчавка.

Стела на венчавката пристигнала во придружба на нивните две деца – синовите Габриел и Макс.

Вереницата на Асанж позирала пред фотографите во венчаница која ја потпишува креаторката Вивиен Вествуд, а церемонијата ќе се одржи во кругот на членовите на семејствата и пријатели на парот – само 4 гости и 2 сведоци, како и 2 работници во обезбедувањето.

The post Асанж се ожени во затворот „Белмарш“ appeared first on Република.

Мексиканскиот претседател Андрес Мануел Лопез Обрадор уште еднаш му понуди азил на основачот на Викиликс Џулијан Асанж, кој е во притвор во Велика Британија и наскоро треба да биде екстрадиран во САД под обвинение за шпионажа.

– Подготвени сме да му понудиме азил на Асанж. Сметаме дека американската Влада мора да дејствува хумано. Асанж е болен и би било знак на солидарност и братство да му дозволиме да добие азил во Мексико, рече шефот на државата.

Како што пренесе Бгнес, изјавата на мексиканскиот претседател доаѓа една година откако тој побара од Министерството за надворешни работи на земјата да поднесе барање и петиција до Велика Британија за ослободување и политички азил на Австралиецот.

Кон крајот на декември минатата година основачот на Викиликс Џулијан Асанж поднесе жалба на одлуката да биде екстрадиран во САД.

На 10 декември, Врховниот суд во Лондон ја усвои жалбата на САД за екстрадиција на Асанж.

Асанж беше обвинет за сексуално вознемирување и силување во Шведска во 2010 година. Тој од јуни 2012 година се криеше во Амбасадата на Еквадор во Лондон. Тој беше приведен на барање на САД на 11 април 2019 година, а сослушувањето за екстрадиција почна на 2 мај 2019 година. Набргу потоа, американските власти објавија дека поднеле 17 нови обвиненија против Асанж за кршење на законите за шпионажа и откривање тајни информации. Доколку биде екстрадиран во САД, Асанж се соочува со затворска казна до 175 години

The post Дали Асанж ќе замине во Мексико? appeared first on Република.