Претседателот на САД во заминување Џо Бајден и дозволил на Украина да користи американски ракети со долг дострел за напади длабоко во територијата на Русија.

Ова, како што пренесуваат Њујорк тајмс и Би Би Си, го потврдиле за Ројтерс три извори запознаени со ова прашање, што претставува значајна промена на политиката на Вашингтон во руско-украинскиот конфликт.

Украина планира да ги изврши првите напади со долг дострел во наредните денови, велат изворите, без да откријат детали поради оперативни безбедносни причини. Оружјето најверојатно првично ќе биде употребено против руските и севернокорејските трупи за одбрана на украинските сили во регионот Курск во западна Русија.

Потегот на Бајден, кој доаѓа нешто повеќе од два месеци пред новоизбраниот претседател Доналд Трамп да ја преземе функцијата на 20 јануари, уследи по неколкумесечните барања на украинскиот претседател Володимир Зеленски до САД да и дозволат на украинската војска да користи американско оружје за напади врз воени цели длабоко во внатрешноста на Русија, како и по извештаите дека Северна Кореја испратила војници да и помогнат во војната во Украина, што предизвика тревога во Вашингтон и Киев.

Си Ен Ен, пак, објави дека Бајден ја укинал и забраната за американските воени изведувачи да се распоредуваат во Украина за да и помогнат на украинската војска да ги одржува и поправа борбените системи обезбедени од САД, особено авионите Ф16 и системите за воздушна одбрана Патриот.

Белата куќа засега не ги коментира овие информации.

(МИА)

The post Бајден дозволил Украина да користи американско оружје за напади во внатрешноста на Русија appeared first on Република.

Американскиот претседател во заминување Џо Бајден на самитот на Азиско-пацифичката економска соработка (АПЕК ) во Лима, предупреди дека претстои на ера на значајни политички промени во светот.

– Доаѓаме до момент на значајни политички промени, рече Бајден за време на состанокот со лидерите на Јапонија и на Јужна Кореја, додавајќи оти, сепак, нивниот трипартитен сојуз е изграден да трае.

На маргините на самитот на АПЕК во Лима, Бајден првпат се сретна јужнокорејскиот претседател Јун Сук-Јол и со јапонскиот премиер Шигеру Ишиба, кој ја презеде функцијата во октомври.

Американскиот претседател во заминување ја пофали растечката соработка меѓу САД, Јужна Кореја и Јапонија како одговор на загриженоста за засилените воени врски на Северна Кореја со Русија.

Бајден ја нагласи клучната улога на трилатералната алијанса во спротивставувањето на, како што посочи, „опасната и дестабилизирачка соработка на Северна Кореја и Русија“.

САД, Јапонија и Јужна Кореја во заедничката изјава од Самитот, остро ја осудуваат одлуката на севернокорејските и руските лидери „опасно да ја ескалираат војната во Украина“.

Трите земји сметаат дека распоредувањето на трупи на Северна Кореја во Русија за поддршка на Москва во нејзината војна против Украина, како и севернокорејската програма за нуклеарно оружје и намалените изгледи за мирно решение на повеќедеценискиот конфликт со Јужна Кореја, предизвикуваат зголемени тензии во Азија.

(МИА)

The post Бајден: Доаѓа време на големи политички промени appeared first on Република.

Претседателот на САД Џозеф Бајден и новоизбраниот претседател Доналд Трамп ќе се сретнат в среда во Белата куќа, соопшти денеска канцеларијата на американскиот претседател во заминување.

Ваква постизборна средба се одржува традиционално, меѓу претседателот во заминување и претстојниот, после речиси сите избори.

Сепак, Трамп не беше домаќин на Бајден кога ги загуби изборите во 2020 година, тврдејќи дека изборите биле украдени, пренесе Бета.

The post Бајден и Трамп ќе се сретнат в среда во Белата куќа appeared first on Република.

Американскиот претседател Џозеф Бајден поминал 532 дена на одмор, што е околу 40 отсто од 1.326 дена колку што е на функцијата, пишува Њујорк пост, повикувајќи се на податоци од Републиканскиот национален комитет (РНЦ).

Според извештајот, на просечниот Американец, кој има 11 денови за одмор, би му требале приближно 48 години за да го акумулира тој број на слободни денови.

„Њујорк Пост“ минатата година на насловната страница објави извештај во кој се вели дека Бајден поминал 382 од неговите први 957 дена на функцијата, или 40 отсто, на приватни патувања надвор од Белата куќа.

Во споредба со Бајден, поранешниот претседател Доналд Трамп поминал 26 отсто од своето претседателствување на лични патувања надвор од Вашингтон, или 381 од неговите 1.461 дена на функцијата.

Поранешните претседатели Роналд Реган и Барак Обама биле на одмор само 11 отсто од времето во текот на двата мандати, а Џими Картер зел само 79 слободни денови, што изнесувало пет отсто од неговиот мандат.

Соработниците на актуелниот претседател постојано тврдеа дека Бајден, како и минатите претседатели, работи од далечина и е достапен и на пауза, јави Еуроњуз.

– Не е изненадувачки што истите генијалци кои го напаѓаат претседателот Бајден затоа што ги галеше кучињата херои и сака сладолед не можат да пресметаат, но тој зема помалку денови за одмор од модерниот просек на претседателите и напорно работи секој ден, каде и да е, рече еден од портпаролите на Белата куќа, Ендрју Бејтс.

The post Бајден за време на мандатот 40 отсто од времето го поминал на одмор appeared first on Република.

Републиканскиот претседателски кандидат Доналд Трамп ги обвини претседателот Џозеф Бајден и неговата демократска ривалка Камала Харис за обидот за атентат минатиот месец, обвинувајќи ги дека ѝ отежнуваат на Тајната служба да го заштити.

Трамп ова тврдење, за кое не понуди докази, го изнел вчера во ток-шоуто „Д-р Фил“ што го води Фил МекГроу, објави „Гардијан“.

Претходно беше објавено дека неколку агенти на Тајната служба од канцеларијата во Питсбург биле ставени на административно отсуство по нападот на Трамп на 13 јули во Пенсилванија.

The post Трамп ги обвини Бајден и Камала Харис за неодамнешниот обид за атентат врз него appeared first on Република.

Американскиот претседател Џо Бајден во интервју објавено во неделата оцени дека неговиот претходник во Белата куќа, сегашниот републикански претседателски кандидат Доналд Трамп, е „реална опасност за безбедноста на Америка“ доколку биде избран на 5 ноември.

„Слушајте ме внимателно. Ако победи на овие избори, гледајте што ќе се случи. Тоа е опасно. Тој е вистинска опасност за безбедноста на Америка“, изјави Бајден за CBS.

Бајден се повлече од претседателската трка под притисокот од неговата Демократска партија пораи сѐ поизразените знаци за ментални и физички проблеми и го отстапи местото на својата потпретседателка Камала Харис.

„Ние сме на пресвртница. Навистина сме на пресврт… и демократијата е клучен елемент“, додаде Бајден во разговорот снимен пред неколку дена во Белата куќа.

Тогаш изгледа подобро отколку на дебатата на CNN со Трамп на 27-ми јуни.

„За време на таа дебата имав навистина, навистина лош ден бидејќи бев болен, но немам никакви сериозни здравствени проблеми“, се правдаше Бајден пред новинарот на CBS на прашањето на таа тема.

Три седмици по неговиот катастрофален настап во дебатата, Бајден на 21-ви јули објави дека се повлекува од изборната трка

The post Бајден: Трамп е „реална опасност за безбедноста на Америка“ appeared first on Република.

Американскиот претседател Џозеф Бајден денеска изјави дека ќе води кампања за демократската кандидатка Камала Харис во Пенсилванија, клучна држава на претстојните претседателски избори во ноември.

Бајден ова го изјави во интервју за Си-Би-Ес, што е негово прво интервју откако на крајот на јули објави дека ќе се повлече од претседателската трка.

Харис води пред републиканскиот кандидат Доналд Трамп за четири процентни поени во Пенсилванија и во две други клучни сојузни држави, Висконсин и Мичиген, според анкетите на Њујорк Тајмс и Колеџот Сиена објавени вчера.

На прашањето дали ќе води кампања за Харис, Бајден одговори потврдно.

Бајден рече дека тој и гувернерот на Пенсилванија Џош Шапиро работат на предизборна турнеја во Пенсилванија.

„Ќе направам кампања и во други држави и ќе направам се што Камала мисли дека можам да направам за да помогнам најмногу“, рече американскиот претседател.

Минатата недела Харис објави дека гувернерот на Минесота Тим Валц ќе биде кандидат за потпретседател.

„Тој е мој тип на момче, тој е реален, паметен е, го познавам неколку децении. Мислам дека тоа е фантастичен тим“, рече Бајден.

The post Бајден: Ќе водам кампања за Камала Харис во Пенсилванија appeared first on Република.

Американскиот претседател Џозеф Бајден планира вечерва да му каже на израелскиот премиер Бенјамин Нетанјаху дека „брзо“ е неопходен прекин на огнот во Газа, соопшти Белата куќа.

-Претседателот ќе му потврди на премиерот Нетанјаху дека верува дека треба да постигнеме (договор) и дека тоа треба да се направи брзо, изјави портпаролот на Советот за национална безбедност на САД, Џон Кирби.

Тој додаде дека дојде време за договор по речиси десет месеци војна во Појасот Газа меѓу израелските сили и Хамас.

МИА

The post Бајден ќе му каже на Нетанјаху дека е итно потребен прекин на огнот во Газа appeared first on Република.

Американскиот претседател Џозеф Бајден планирал да остане во претседателската трка до синоќа, но попладнево одеднаш се предомислил, изјави неименуван извор од Белата куќа.

-Пораката синоќа беше дека одиме со полна брзина напред. Околу 13 часот и 45 минути, претседателот му кажа на својот тим дека се предомислил, изјавил изворот за британските медиуми.

Американскиот претседател Џозеф Бајден се повлече од кампањата за реизбор на претседателските избори во ноември.

Тој во писмото објавено на социјалната мрежа „Х“ вели дека смета дека е во најдобар интерес на неговата партија и на државата да се повлече и да се фокусира само на исполнување на неговите должности како претседател до крајот на неговиот мандат. Со повлекувањето од кандидатурата, Бајден и го расчисти патот на потпретседателката на САД Камала Харис да се кандидира.

The post Извор од Белата куќа: Бајден синоќа планираше да остане во трката за претседател appeared first on Република.

Американскиот претседател Џозеф Бајден денеска, по повлекувањето од претседателската трка, ја поддржа американската потпретседателка Камала Харис како демократска кандидатка на предпретседателските избори, која би се спротивставила на републиканскиот кандидат Доналд Трамп.

-Мојата прва одлука како кандидат на партијата во 2020 година беше да ја изберам Камала Харис за мој кандидат. И тоа беше најдобрата одлука што сум ја донел. Денеска сакам да ја понудам мојата целосна поддршка Камала да биде кандидат на нашата партија оваа година. Демократи - време е да се собереме и да го победиме Трамп. Ајде да го направиме тоа, напиша Бајден на „Х“.

Претседателот на Америка Џозеф Бајден денеска се повлече од кампањата за реизбор на претседателските избори на 5 ноември. Во писмото објавено на „Х“, Бајден рече дека верува оти е во најдобар интерес на неговата партија и земја да се повлече и да се фокусира исклучиво на исполнување на неговите должности како претседател до крајот на неговиот мандат.

Тој рече дека ќе и се обрати на нацијата подоцна во текот на неделата за да даде повеќе детали за неговата одлука.

The post Бајден ја поддржа Камала Харис како кандидат на Демократите appeared first on Република.

Претседателката на Европската комисија, Урсула фон дер Лајен денеска телефонски разговараше со американскиот претседател Џозеф Бајден.

Фон дер Лајен на социјалната мрежа „Х“ напиша дека ЕУ и САД се соочуваат со заеднички предизвици во Европа, Блискиот Исток и Индо-пацифичкиот регион.

Таа изјави дека Брисел и Вашингтон се „партнери, пријатели и сојузници“.

Белата куќа и честиташе на Фон дер Лајен за нејзиниот нов петгодишен мандат на чело на Европската комисија.

The post Телефонски разговор Фон дер Лајен – Бајден: „Партнери, пријатели и сојузници“ appeared first on Република.

Сенаторот Берни Сандерс, истакната фигура на американското крајно лево крило во Демократската партија, во саботата го повика Џо Бајден да остане претседателски кандидат на партијата и покрај силниот притисок врз претседателот да се повлече поради сомневањата за неговото ментално здравје.

„Доста е! Господинот Бајден можеби не е идеалниот кандидат, но тој ќе биде кандидат и мора да биде кандидат. И со ефикасна кампања која им се обраќа на работничките семејства за нивите потреби, тој не само што ќе го победи господинот Трамп, туку ќе го стори тоа голема разлика“, пишува левичарскиот сенатор во својата колумна во The New York Times повикувајќи ги демократите „да престанат да се караат и препукуваат“.

Од катастрофалната телевизиска дебата на 27-ми јуни против 78-годишниот републикански кандидат Доналд Трамп, 81-годишниот Џо Бајден беше бомбардиран со жестоки критики во однос на неговото физичко и ментално здравје. Дваесетина парламентарци од неговата Демократска партија досега јавно го повикува да се повлече од кампањата.

Меѓутоа, Бајден во петокот во сојузната држава Мичиген повторно уверуваше дека тој навистина ќе биде кандидат. „Јас сум кандидатот и ќе победиме“, рече Бајден пред приврзаниците во Детроит.

Анкетите во мејнстрим медиумите во САД, кои отворено објавија дека се против Трамп, по телевизиското соочување покажуваат дека катастрофалниот настап на Џо Бајден, иако предизвика загриженост кај Американците за неговата способност евентуално да управува со суперсилата до крајот на вториот мандат, наводно не ги поместил многу изборните линии.

Сепак, се чини дека многумина даваат извесна предност на републиканецот Трамп за изборите на 5-ти ноември. Највознемирувачки тренд за демократот останува неговото постојано заостанување во анкетите во одредени такнаречени „колебливи“ (неодлучени) држави каде што исходот е најчесто решавачки за севкупниот резултат на изборите.

Берни Сандерс, противкандидатот на Џо Бајден на прелиминарните избори на Демократската партија за изборите во 2020 година, му ја изразува својата поддршка во саботата, велејќи дека ќе стори „сѐ што е во неговата моќ за да биде реизбран претседателот Бајден“.

„Да. Го знам тоа: господинот Бајден е стар, навикна на гафови, има вкочанет од и имаше катастрофална дебата против господин Трамп. Но, го знам и ова: претседателските избори не се забавни натпревари. Тие ниту почнуваатм ниту завршуваат со 90-минутна дебата“, наведува Сандерс.

Сега 82-годишниот сенатор, исто така, ги зема како пример неодамнешните парламентарни избори во Франција.

„Време е да го научиме урокот од прогресивните и центристички сили во Франција кои, и покрај нивните длабоки политички разлики, се обединија оваа седмица директно да го поразат екстремизмот на десницата“, заклучува Сандерс.

The post Берни Сандерс го повикува Бајден да остане претседателски кандидат appeared first on Република.

Поранешниот претседател на САД, Барак Обама, призна дека демократскиот претседател Џо Бајден имал „лош“ настап во дебатата против републиканецот Доналд Трамп.

„Лоши дебатни ноќи се случуваат. Верувајте ми, знам,“ напиша Обама на платформата X.

Тој истакна дека овие избори и понатаму се избор помеѓу некој кој цел живот се борел за обичните луѓе и некој кој се грижи само за себе. „Таа вечер тоа не го промени,“ нагласи Обама.

Првата дебата помеѓу претседателските кандидати на претстојните избори во САД помеѓу Бајден и Трамп се одржа пред две ноќи во студиото на Си-Ен-Ен. Севкупното мислење на американската, но и на светската јавност е дека Трамп изгледал доста подобро и поуверливо.

МИА

The post Обама го брани Бајден: Се случуваат и лоши дебатни ноќи appeared first on Република.

Претседателот на САД Џо Бајден денеска во изјава за пресудата донесена синоќа од порота во Њујорк против Доналд Трамп а поради фалсификување документи и поткуп, истакна дека „никој не е над законот“ и дека неговиот соперник има право да ja апелира.

– Американскиот принцип е дека никој не е над законот, рече Бајден.

Тој изјави дека поротата беше составена од „12 луѓе како вас, кои ги ислушаа доказите и одговорија со едногласна пресуда“.

–Поротата беше одбрана на истиот начин како што се бира порота насекаде во Америка, изјави претседателот на САД, додавајќи дека адвокатите на Трамп биле дел од процесот.

Бајден рече дека на Трамп му била дадена секаква можност за одбрана.

– По внимателно разгледување поротата дојде до едногласна пресуда, тие утврдија дека Доналд Трамп е виновен по сите 34 точки за направени престапи.

Истакна и дека коментарот на Трамп даден претходно за време на прес-конференција во Њујорк во зградата Кула Трамп, рече дека е „безрасудно да се кажува дека одлуката е лажирана“.

– Сега му е дадеа можност како што треба, да оди на апелација, таа одлука е за и секој друг што има таква можност. Така работи американскиот судски систем, изјави Бајден.

Рече дека „е неразумно, опасно е, не е одговорно, за кој и да било да рече дека (пресудата) била лажирана само затоа што не им се допаѓа“.

The post Бајден за Трамп: Американскиот принцип и дека никој не е над законот appeared first on Република.

Претседателот на САД, Џо Бајден синоќа во Северна Каролина се сретна со семејствата на четирите полицајци кои беа убиени за време на службена акција. Средбата доаѓа само една недела по сличната посета на најблиски на двајца убиени полицајци во северниот дел на сојузна држава Њујорк.

Патувањето беше со цел да ја оствари оваа посета, но во приватна атмосфера, без многу камери и зад затворени врати.

-Целата нација жали со овие семејства, изјави тој по следното застанување на кампањската турнеја во Вилмингтон, Северна Каролина, каде објави нови мерки за отстранување на оловните цевки од водоводниот систем на САД.

Toj потоа се обрати во Воздухопловната национална база на Северна Каролина каде локалните служби за безбедност можеа да дојдат без многу патување и во време кога сеуште се опоравуваат од смртта на нивните колеги, но кои помогнаа во обезбедувањето на претседателот.

-Мажи и жени од службите за безбедност, вие го претставувате најдоброто во нас, изјави Бајден од подиум во базата.

Тој уште еднаш повика на порестриктивни мерки за поседување оружје и повеќе пари за полицијата која е во првите борбени редови.

Минатата недела во Северна Каролина беа убиени четири полицајци откако лице кое требаше да го уапсат поради поседување оружје како поранешен осуденик отвори оган во нив од полуавтоматска пушка АР-15.

За време на акцијата уште четири службени лица беа повредени. Осомничениот беше убиен.

The post Бајден: Полицајците го претставуваат најдоброто во нас appeared first on Република.

Американскиот претседател Џозеф Бајден денеска се сретна со сопругата и ќерката на починатиот руски опозициски лидер Алексеј Навални, Јулија и Дарија Навални, јави денеска Си-Ен-Ен.

Белата куќа објави дека Бајден „го изразил своето восхитување за исклучителната храброст на Алексеј Навални и неговото наследство во борбата против корупцијата кон слободна и демократска Русија во која владеењето на правото ќе се применува подеднакво за сите“.

Тој оцени дека наследството на Навални ќе продолжи да живее преку луѓето ширум Русија и светот кои ќе жалат за неговата загуба и ќе се борат за слобода, демократија и човекови права.

https://twitter.com/POTUS/status/1760752933866512580?ref_src=twsrc%5Etfw%7Ctwcamp%5Etweetembed%7Ctwterm%5E1760752933866512580%7Ctwgr%5Ede4b85fdb7837eecf875f2605e825317af6eeb91%7Ctwcon%5Es1_&ref_url=https%3A%2F%2Ffokus.mk%2Fbajden-se-sretna-so-vdovitsata-i-kerkata-na-navalni%2F

The post Бајден се сретна со сопругата и ќерката на Навални appeared first on Република.

Рускиот претседател Владимир Путин реагираше на изјавата на неговиот американски колега Џо Бајден, кој го нарече „луд кучкин син“.

Путин изјави дека изјавата на Бајден покажува зошто Кремљ верува дека за Русија Бајден би бил подобар американски претседател од Доналд Трамп.

Сепак, тој истакна дека изјавата на Бајден за него била груба.

Подготвени сме да работиме со секој претседател. Но, јас верувам дека за нас Бајден е попосакуван претседател за Русија, и судејќи според она што тој го кажа, јас сум апсолутно во право.

Бајден не може да ми каже „Волоѓа (прекар за Владимир), ти благодарам, браво, многу ми помогна“. Ме прашавте што е подобро за нас. Тоа го кажав тогаш и сè уште го мислам, Бајден – саркастично рече Путин на државната телевизија.

The post Путин: Изјавата на Бајден дека сум „луд кучкин син“ е дрска appeared first on Република.

Тројца американски војници загинаа, а многумина беа ранети во напад со беспилотно летало врз американските сили стационирани во североисточниот дел на Јордан, во близина на границата со Сирија, изјави денеска американскиот претседател Џо Бајден.

Според него, зад нападот стојат групи поддржани од Иран.

„Додека сè уште собираме информации за овој напад, знаеме дека е извршен од радикални групи во Сирија и Ирак кои имаат поддршка од Иран“, рече Бајден.

Ова е прв случај во кој американски војници се убиени во регионот од почетокот на војната во Појасот Газа.

Бајден појасни дека нападот бил извршен синоќа.

„Ќе останеме верни на нивната решеност да се борат против тероризмот“, рече американскиот претседател за убиените војници.

„Без сомнение, ќе бараме одговорност од сите во време и на начин што ние ќе го избереме“, додаде Бајден.

Во изјавата тој не го прецизира бројот на американски војници повредени во нападот, но според Си-Ен-Ен, имало најмалку 20.

The post Бајден: Тројца американски војници загинаа во напад со дрон во Јордан appeared first on Република.

По серијата напади врз цели на Хутите во Јемен, американскиот претседател Џозеф Бајден рече дека САД доставиле „приватна порака“ до Иран за Хутите во Јемен.

Имајќи предвид дека Иран ги поддржува речиси сите милитантни групи на Блискиот Исток, неизвесно е каков ќе биде одговорот на Техеран.

-Го испорачавме приватно и уверени сме дека сме добро подготвени – рече Бајден, без да наведе повеќе детали.

Иако Иран негира вмешаност во нападите на Хутите во Црвеното Море, Техеран е осомничен дека им доставува оружје на Хутите, а САД велат дека иранското разузнавање било клучно за да им дозволи да ги таргетираат бродовите.

Заедничките воздушни напади на Велика Британија и САД беа насочени кон речиси 30 позиции на Хутите, поддржани од западните сојузници, вклучувајќи ги Австралија и Канада.

Еден ден подоцна, американската Централна команда објави дека го започнала својот нов напад врз Хутите во Јемен користејќи крстосувачки ракети Томахавк.

Британскиот министер за надворешни работи Дејвид Камерон изјави дека Британија нема „нема избор“ освен да преземе воена акција против Хутите во Јемен, како одговор на нивните напади врз бродови во Црвеното Море.

Портпаролот на Хутите изјави за Ројтерс дека нападите немале значително влијание врз способноста на групата да ги напаѓа бродовите во Црвеното Море.

Хутите се вооружена група од јеменското шиитско муслиманско малцинство Заиди. Мнозинството јеменски граѓани живеат во области под контрола на Хутите. Покрај Сана и северен Јемен, Хутите го контролираат брегот на Црвеното Море.

The post Бајден испратил „приватна порака“ до Иран за Хутите appeared first on Република.

Американскиот претседател Џо Бајден ги нарече во петокот јеменските сили Хути „терористичка“ група откако американски и британски воени авиони, бродови и подморници извршија десетици ракетни напади во текот на ноќта ширум Јемен.

Бајден рече дека Вашингтон ќе одговори на Хутите доколку продолжат со, како што рече, „безобразното“ однесување. „Мислам дека се“, им рече Бајден на новинарите во петокот на прашањето дали е подготвен да ги нарече Хутите „терористичка“ група. „Ќе се погрижиме да одговориме на Хутите доколку продолжат со ова срамотно однесување заедно со нашите сојузници“, додаде тој.

Белата куќа претходно во петокот соопшти дека САД не сакаат војна со Јемен, но нема да се двоумат да преземат дополнителни чекори.

„Не е важно дали се етикетирани (како терористи). Собравме група нации (кои) ќе кажат ако продолжат да дејствуваат и да се однесуваат како што прават, ние ќе одговориме“, им рече Бајден на новинарите и додаде дека е загрижен за влијанието на војната на Блискиот исток врз цената на нафтата.

Хутите се побунија во 2014 година против јеменската влада која ја обвинија дека е попустлива на сунитската терористичка организација Ал Каеда која контролираше големи делови од Јемен. Во своето брзо напредување го заземаа главниот град Санаа кој сѐ уште го држат под контрола, како и најголемиот пристанишен град Аден од кој подоцна беа истиснати.

Изминатите години, силно поддржани од Иран, се судираа со сунитската коалиција предводена од Саудиска Арабија. Меѓутоа, од избувнувањето на војната по 7-ми октомври во Појасот Газа меѓу Израел и радикалното палестинското исламистичко движење Хамас, Хутите ги прекинаа непријателствата со околните арапски сунитски земји, и контролирајќи го поголемиот дел од Јемен со седмици го отежнуваат пловењето низ теснецот Баб ал-Мандаб на југот на Црвеното Море. Солидирајќи се со Палестинците, Хутите предупредија дека ќе ги гаѓаат сите бродови кои пловат кон Израел или се во сопственост на израелски компании. Движењето се заканува дека ќе продолжи со нападите врз израелските бродови во Црвеното и Арапското Море додека не престанат непријателствата во Појасот Газа.

Нападите врз комерцијалните бродови од почетокот на војната меѓу Израел и Хамас на 7. октомври ги поттикнаа големите бродски компании да ги пренасочат своите бродови во јужниот дел на Африка, и покрај повисоките трошоци за гориво за долгите патувања. Црвеното Море е „автопат“ што го поврзува Медитеранот со Индискиот Океан, а со тоа и Европа со Азија. Секоја година низ Суецкиот канал минуваат околу 20.000 бродови, што претставува околу 40 отсто од светската трговија.

Белата куќа го обвинува Иран дека е вклучен во планирањето на нападите на Хутите, бидејќи им обезбедува „софистицирана воена опрема“ и „разузнавачка помош“, без која јеменските бунтовници тешко би ги забележале и погодиле бродовите. САД, исто така, иницираа формирање меѓународна поморска коалиција којашто ќе ја гарантира безбедноста на комерцијалната пловидба во Црвеното Море, и досега американсите воени бродови повеќепати соборуваа бесполитни летала и проектили чиешто лансирање им се припшишува на Хутите.

The post Бајден ги нарече јеменските Хути „терористичка“ група appeared first on Република.