Во четврток на 7 ноември во Кинотека на Македонија ќе биде прикажан филмот ,,Исповед на опасниот ум” – режисерското деби на Џорџ Клуни.

Ова е режисерското деби на Џорџ Клуни, и тој успешно го поставува тонот на филмот со мешавина од стилски визуелни ефекти, хумор и суров реализам.

Клуни покажува вештина во градењето напнатост и хумор, со што го одржува вниманието на публиката до самиот крај. Филмот носи нестандарден, скоро постмодерен пристап кон биографскиот жанр, со игри на реалноста, хиперболизација и субјективни визии на Берис.

Овој филм ќе ги задоволи оние што бараат нешто повеќе од класична биографија, бидејќи нуди фасцинантен поглед во умот на еден човек кој, можеби, измислил свој живот.

The post „Исповед на опасниот ум” – режисерското деби на Џорџ Клуни во Кинотека appeared first on Република.

Актерот Џорџ Клуни неодамна во едно интервју откри што смета за најголема грешка во неговата кариера.

Џорџ Клуни е познат и по улогата на Бетмен, но, како што рече, прифаќањето на таа улога била неговата најголема грешка во кариерата.

Како што изјави за Entertainment Tonight, „нема доволно дрога во светот за да го натера повторно да го игра Бетмен“. Тој првпат се појави во филмот во 1997 година покрај Арнолд Шварценегер и Ума Турман, а само години подоцна откри дека го сметал филмот за неуспешен.

По него улогата ја презеде Бен Афлек иако Клуни го предупреди да не го прави тоа.

"Всушност разговарав со него за тоа. Му реков да не го прави тоа. Тоа беше само од моето искуство", рекол Клуни, кој додал дека Афлек сепак добро ја завршил оваа улога.

The post Џорџ Клуни ја откри најголемата грешка во кариерата: „Му реков да не го прави тоа“ appeared first on Република.

Холивудската ѕвезда Џорџ Клуни ќе ја режира американската преработка на француската шпионска серија „Биро“ (Le Bureau des Légendes).

Новата верзија на трилерот во којшто првично глумеше Матје Касовиц, на англиски јазик, засега е насловена „The Department“ (Оддел), а продукцијата почнува оваа година, објави американската интернет-страница „Шоутајм“. Познавачите и филмските критичари ја споредуваат со американската хит-серија „Татковина“ (Homeland), којашто доста успешно ја преслика шпионската висока геополитика на малите екрани.

- Како што 'Татковина' ја издигна светската шпионажа на ново ниво, 'Одделот' ќе ги одведе гледачите уште подлабоко во светот на сплетките и подметнувањата со комплицирани ликови кои се борат со сопствените демони, појасни Крис Мекарти, критичар.

„Биро“ беше огромен хит на францускиот „Канал плус“ од 2015, кој се продаде во повеќе од 100 земји. Засега последните епизоди, со наградуваниот режисер Жак Одијар во продукцијата, беа објавени 2020 година.

Џорџ Клуни претходно ја режираше минисеријата - адаптација на романот „Финта 22“ во 2019 година. Исто така, режираше и филмови - „Одредот за спомениците“ (The Monuments Men) од 2014. и „Полноќно небо“ (The Midnight Sky) од 2020 година.

The post Џорџ Клуни снима преработка на шпионска тв-серија appeared first on Република.

Актерот Џорџ Клуни откри во неодамнешното гостување во емисијата на Џими Кимел дека на само 13 години му била дијагностицирана Белова парализа, абнормалност на фацијалниот нерв што предизвикува ненадејна слабост или парализа на мускулите на едната страна од лицето.

Сѐ започнало откако Кимел „извадил од нафталин“ фотографија од Клуни од неговите млади денови.

Било очигледно дека на прв поглед изгледа необично, а Клуни објаснил за што се работи. Актерот рекол дека на фотографијата има Белова парализа, дека половина лице му е парализирано и дека во тинејџерските години се борел со овој здравствен проблем.

Според клиниката Мејо, во повеќето случаи симптомите на Белова парализа исчезнуваат по извесно време, но кај некои луѓе можат да остават последици кои траат цел живот.

Знаците на Белова парализа се појавуваат ненадејно и може да вклучуваат нагла појава на слабост, па  дури и целосна парализа на едната страна од лицето, опуштеност на лицето и тешкотии во мимиките на лицето, како што се затворање на окото или насмевка, зголемена создавање плунка, болка во вилицата или ушите, зголемена чувствителност на звуци, главоболка, како и губење на вкусот.

Во ретки случаи, Беловата парализа може да влијае на нервите на двете страни на лицето.

Точната причина за оваа болест е непозната, но експертите веруваат дека е предизвикана од оток и воспаление на нервот кој ги контролира мускулите на едната страна од лицето. Исто така, Беловата парализа може да биде предизвикана од реакција која се појавува по вирусна инфекција во организмот. Симптомите обично почнуваат да се подобруваат во рок од неколку недели, а само во многу ретки случаи болеста се појавува повеќепати.

Џорџ Клуни зборуваше за тоа и претходно, а во неговиот случај тоа траело околу девет месеци и се случило кога бил прва година средно училиште.

The post Џорџ Клуни откри дека боледувал од Белова парализа appeared first on Република.