Поранешниот советник за национална безбедност во Белата куќа, Џон Болтон, го осуди поранешниот американски претседател Доналд Трамп, во чиј мандат тој беше на функцијата, како целосно себична личност и оцени дека доколку победи на претстојните избори тој би можел да го искористи својот втор мандат за да ги казни личните непријатели и да ги смири противниците на Русија и Кина.

„Трамп не е способен да биде претседател“, напиша Болтон во предговорот на своите мемоари „Собата каде што се случи“, во кои тој зборува за 17-те месеци што ги минал како советник на Трамп за национална безбедност, пренесуваат британските медиуми.

Болтон смета дека Трамп нема политичка филозофија или кохерентна политика, а најострите критики кон него ги упати кога говореше за надворешната политика оценувајќи го како „изолационистички вирус“ што се провлекува низ Републиканската партија.

Доколку биде реизбран, како што пишува Болтон, Трамп може да доведе до повлекување на САД од НАТО, но и до прекин на поддршката за Украина, додека неговата политика кон Кина би можела да го поттикне Пекинг да го блокира Тајван.

„Ако неговите први четири години беа лоши, следните четири ќе бидат уште полоши“, заклучи Болтон.

The post Tрамп не е способен да биде претседател appeared first on Република.

Поранешниот советник за национална безбедност во Белата куќа предводена од Доналд Трамп, Џон Болтон, за својот поранешен шеф изјави дека е неподобен да биде претседател и дека лажно тврди дека ако стане претседател може да ја запре војната во Украина за 24 часа.

Трамп влезе во трката за номинација за претседателски кандидат од редовите на републиканците за претседателските изборите закажани за ноември 2024 година.

Трамп не е подобен за претседател. Нема рационална личност која верува дека Русите и Украинците може да се договорат за нешто за 24 часа, изјави Болтон во интервју за Си-ен-ен.

Изјавата доаѓа откако во своите јавни настапи Трамп неколкупати досега кажа дека ако стане претседател може да ја запре војната за 24 часа.

Болтон укажа на детали за односите на Трамп со странските лидери, како оние на Кина и Русија, велејќи дека тие гледале на Трамп со потсмев.

Впечатокот дека противниците високо го ценеле Трамп не е точен. Светските лидери, особено автократските, сметаат дека Трамп е смешна будала, изјави Болтон, алудирајќи на средбите што Трамп ги имал со рускиот претседател Владимир Путин и кинескиот лидер Си Џинпинг, а на кои тој бил присутен.

Според него, доколку Трамп извојуваше втор претседателски мандат на изборите во 2020 година, воената алјанса НАТО би била уште поослабена и Русија би била многу поолабавена при својата воена операција во Украина.

The post Болтон: Трамп го гледаат како смешна будала, нема рационална личност која верува дека војната може да се запре за 24 часа appeared first on Република.

Поранешниот американски советник за национална безбедност, Џон Болтон, за „Си-Ен-Ен“ изјави дека тој лично бил вклучен во „планирање државни преврати“ во странски земји.

На забелешка на водителот дека не треба да се биде „супер паметен за да се планира државен удар“, Болтон изјави дека не се согласува.

Како некој што помогнал во планирањето на државни удари, не овде, сфаќате нели, на друго место, за тоа е потребно многу работа - одговори со смирен тон поранешниот советник на поранешниот претседател на САД Доналд Трамп.

Тој не прецизираше во кои државни преврати учествувал во планирањето.

Болтон, исто така, истакна дека упадот на Капитол на 6 јануари 2021 година не бил обид за државен удар во САД.

Според него, Трамп цело време „скокал од една на друга идеја“. Познат по своите воинствени ставови за дипломатијата, Болтон беше советник на Трамп во 2018 година пред да биде отпуштен.

Болтон ја даде оваа изјава во време кога комисијата на американскиот Конгрес се обидува да ја утврди улогата на Трамп во упадот на Капитол, што се случи на 6 јануари 2021 година.

The post Поранешен советник на Трамп: Помагав во планирањето државни преврати во странски земји appeared first on Република.

Поранешниот американски советник за национална безбедност Џон Болтон ги обвини американскиот претседател Џозеф Бајден и НАТО, за стратешки грешки пред почетокот на руската воена интервенција во Украина.

Со месеци САД и НАТО, на чело со претседателот Џозеф Бајден, повторуваат дека нема да има интервенција на западните трупи во Украина. Тоа беше голема грешка - изјави Болтон за германската мрежа RND.

Според него, на противникот како што е рускиот претседател Владимир Путин никогаш не треба да му се дозволи да ги „види вашите карти“, пишува „Билд“.

Ќе беше подобро Бајден да не кажеше ништо за можното испраќање на западни трупи во последните месеци, како за безбедноста на Украина, така и за мирот во светот – рече Болтон, додавајќи дека сега се води најголемата борба во Европа од 1945 година.

The post Бајден направи ужасна грешка: На Путин му соопшти дека нема да се меша во Украина appeared first on Република.