Русија изврши ужасен воздушен напад врз Украина со речиси 200 ракети и дронови а против украинските градови и енергетската инфраструктура, лишувајќи ги украинските граѓани од пристап до електрична енергија, соопштија синоќа од Белата куќа.

Во соопштението, потпишано од претседателот Џо Бајден, се вели дека „овој жесток“ напад е уште еден потсетник за итноста и важноста на поддршката за украинскиот народ во нивната одбрана од руската агресија.

На овој ден, мојата порака до украинскиот народ е јасна: Соединетите Американски Држави стојат покрај вас. На почетокот на оваа година и по моја наредба, САД започнаа со приоритетен извоз на противвоздушна одбрана за Украина. Министерството за одбрана достави стотици дополнителни ракети за противвоздушна одбрана до Украина и понатамошни испораки се во тек, соопшти Бајден.

-Мојата администрација работи со месеци да помогне на Украина да биде поотпорна со нејзината енергетска мрежа а во подготовка за зимата, додека Министерството за одбрана продолжува да испраќа други критични капацитети до Украина, вклучувајќи артилерија, ракети и оклопни возила.

Бајден изјави дека Русија продолжува да ја потценува храброста, отпорноста и решителноста на украинскиот народ.

-Соединетите Американски Држави, заедно со повеќе од 50 земји, ја подржуваат Украина и нејзината борба за слобода.

Милиони Украинци останаа без електрична енергија во рускиот напад претходната ноќ, за кој рускиот претседател Владимир Путин рече дека е одмазда за употребата на американски ракети HIMARS од страна на Украина врз воени цели на руска територија

The post Бајден: Русија изврши ужасен воздушен напад врз Украина, САД продолжуваат со подршката за Киев appeared first on Република.

Американскиот претседател Џозеф Бајден помилува две мисирки со бели пердуви, Пич и Блосом, да не завршат на трпеза за Денот на благодарноста, годишна традиција што го означува почетокот на последната празнична сезона за демократите во Белата куќа.

Мисирките што беа помилувани го добија името по цветот на праската што е симбол на државата Делавер, изјави Бајден, кој по потекло е од таа држава, пред толпата на тревникот пред Белата куќа.

Тој додаде дека настанот го означува официјалниот почеток на празничната сезона во Вашингтон.

Исто така, последен пат ми е да зборувам овде како ваш претседател, во текот на оваа сезона, и да ви ја пренесам мојата благодарност. Затоа, дозволете ми да ви кажам, тоа беше честа на мојот живот, јас сум засекогаш благодарен, рече Бајден.

Помилувањето мисирки пред Денот на благодарноста, кој во Америка се слави последниот четврток во ноември, датира од претседателот Хари Труман во 1947 година, додека официјално стана традиција на Белата куќа во 1989 година, кога тогашниот претседател Џорџ Буш го понуди првото официјален претседателско помилување.

Најавено е дека Бајден подоцна денеска ќе отпатува за Стејтен Ајленд во Њујорк, каде што ќе присуствува на настанот „Денот на пријателите“ со припадниците на американската крајбрежна стража.

The post Бајден помилува две мисирки пред Денот на благодарноста appeared first on Република.

Портпаролот на Кремљ, Дмитриј Песков ја обвини администрацијата на американскиот претседател во заминување Џо Бајден дека ги поткопува плановите на новоизбраниот претседател Доналд Трамп за решавање на конфликтот во Украина.

- За време на изборната кампања Трамп изјави дека има намера да обезбеди мир и да ги води сите на патот кон мирот. И сега се обидуваат да ја ескалираат ситуацијата до тој степен што овие мировни напори се осудени на неуспех, изјави Песков.

Тој потенцира дека администрацијата на Бајден покажала дека „ќе направи се за да се осигури дека оваа војна нема да заврши“.

Трамп, кој ќе ја преземе функцијата на 20 јануари, за време на предизборната кампања изјави дека ќе работи на брзо завршување на руската војна со Украина, но сè уште презентирал конкретни планови.

Бајден минатата недела и дозволи на Украина да користи американски ракети АТАКМС со долг дострел против цели во Русија.

The post Песков: Бајден ги саботира мировните планови на Трамп за Украина appeared first on Република.

Кинескиот претседател Си Џинпинг, во неговиот последен разговор со Џо Бајден, кој се повлекува од Белата куќа за два месеци, вети дека ќе работи со владата на новоизбраниот американски претседател Доналд Трамп.

Двајцата лидери се состанаа во Лима на маргините на самитот на Азиско-пацифичката економска соработка (APEC) и разговараа за голем број прашања што предизвикуваат тензии, како што се кибер криминалот, трговијата, односите со Тајван и Русија, меѓу другото. Бајден и Си не разговарале од април.

Целта на Кина за стабилни, здрави и одржливи кинеско-американски односи останува непроменета по изборите. Кина е подготвена да работи со новата американска влада за да ја одржи комуникацијата, да ја прошири соработката и да ги контролира разликите“, рече Си, признавајќи ги „подемите и падовите“ во билатералните врски.

Си рече дека двете земји треба „да продолжат да го истражуваат вистинскиот пат“ за да се постигне договор и „да постигнат долгорочен мирен соживот“.

Бајден, од своја страна, му рекол на својот кинески колега дека иако не секогаш се согласуваат, разговорите меѓу двајцата секогаш биле „искрени“.

Трамп, кој ќе ја преземе функцијата на 20 јануари, вети дека ќе воведе вкупно 60 отсто царини за кинеските стоки увезени во САД. Пекинг се спротивстави на ваквите мерки. Покрај тоа, новоизбраниот претседател од Републиканската партија номинираше политичари познати по нивните тврдокорни позиции за Кина на највисоки владини функции. Меѓу нив се и сенаторот Марко Рубио и Мајк Волц, член на Претставничкиот дом од Флорида, кој беше номиниран за советник за национална безбедност во Белата куќа.

Во текот на неговата администрација, Бајден се обидуваше да ги намали тензиите со Кина, но Вашингтон неодамна беше налутен од хакерскиот напад поврзан со Кина врз телефонските комуникации на американските владини претставници и предизборниот штаб. Покрај тоа, САД се загрижени поради зголемениот притисок на Пекинг врз Тајван и неговата поддршка за Русија, додава Ројтерс.

Тајванскиот претседател Вилијам Лаи планира да ја посети американската држава Хаваи и можеби Гуам во наредните недели, а посетата сигурно ќе предизвика незадоволство во Пекинг. Исто така, претходно вчера, претставникот на Тајван на самитот АТИС разговараше со Бајден и го покани да го посети островот во блиска иднина.

Кина го смета демократски управуваниот Тајван за своја територија. САД се најважниот меѓународен поддржувач и снабдувач на оружје на Тајван.

The post Си му вети на Бајден дека ќе работи со владата на Трамп appeared first on Република.

Американскиот претседател во заминување, Џо Бајден, нема да му се извини на новоизбраниот прв човек на САД, Доналд Трамп, за тоа што го нарече „закана за демократијата“, објави Белата куќа.

Изборите поминаа, важно е да се почитуваат нашите институции, да се почитуваат фер и слободни избори, тоа го прави претседателот. Тој го става американскиот народ на прво место. Но, она што го рече претседателот Бајден сè уште стои, изјави портпаролката на Белата куќа, Карин Жан-Пјер.

Таа истакна дека зборовите на Бајден не се само пропаганда.

Сепак, според неа, трансферот на власта е „исто така демократски принцип“.

The post Белата куќа: Бајден нема да му се извини на Трамп за тоа што го нарече „закана за демократијата“ appeared first on Република.

Претседателот на САД Џо Бајден денеска му порача на новоизбраниот претседател Доналд Трамп дека со нетрпение очекува „мирна транзиција“ во јануари, додавајќи дека ќе се погрижи неговиот претходник и наследник да биде соодветно прифатен при повторното преземање на Белата куќа во јануари.

Па, господине избран претседател, поранешен претседател, Доналд – рече Бајден додека Трамп седеше до него пред камин во Овалната канцеларија. „Честитки“, додаде тој.

Бајден му рече „добредојде назад“ на Трамп, по што двајцата се ракуваа.

Трамп одговори: „Политиката е тешка и често не е многу пријатен свет, но денеска е убав свет и многу го ценам тоа.“

Нивната средба потоа продолжи зад затворени врати.

Последен пат кога Трамп беше во Овалната канцеларија, му напиша писмо од две страници на Бајден и го остави во фиока во работното биро.

The post Па, господине избран претседател, поранешен претседател, Доналд: Бајден го пречека Трамп! appeared first on Република.

Претседателот на САД Џо Бајден денеска му порача на новоизбраниот претседател Доналд Трамп дека со нетрпение очекува „мирна транзиција“ во јануари, додавајќи дека ќе се погрижи неговиот претходник и наследник да биде соодветно прифатен при повторното преземање на Белата куќа во јануари.

Па, г-дине избран претседател, поранешен претседател, Доналд. Честитки, рече Бајден додека Трамп седеше до него пред камин во Овалната канцеларија.

Бајден му рече „добредојде назад“ на Трамп, по што двајцата се ракуваа.

Политиката е тешка и често не е многу пријатен свет, но денеска е убав свет и многу го ценам тоа“, одговори Трамп.

Нивната средба потоа продолжи зад затворени врати.

Последен пат кога Трамп беше во Овалната канцеларија, напиша двостранично писмо за Бајден и го остави во фиока во работното биро.

Тој денеска повторно се врати во Белата куќа, но под значително променети околности, уживајќи во своето враќање на власт.

Претходно денеска, Трамп се обрати пред Конференцијата на републиканците во Претставничкиот дом, фалејќи ги своите постигнувања на изборите и нарекувајќи го собирот „многу убав.“

Членовите почнаа да аплаудираат и сите станаа кога Трамп влезе. Спикерот на Претставничкиот дом, Мајк Џонсон, ја пушти музиката за негово влегување. Илон Маск влезе по Трамп, помина преку подиумот и беше придружен до седиште во првиот ред.

Не е ли убаво да се победи? Убаво е да се победи. Секогаш е убаво да се победи. Многу добри пријатели во оваа просторија, рече тој.

Додека новинарите заминуваа, Трамп се пошегува.

Мислам дека нема повторно да се кандидирам, освен ако не кажете, ‘Тој е толку добар, мора да смислиме нешто друг“, изјави Трамп.

Оваа забелешка предизвика смеа низ салата.

Луѓето што сега заминуваат ќе пишуваат дека јас го кажав тоа“, додаде Трамп.

The post Трамп и Бајден се сретнаа во Овалната соба: Претседателот во заминување очекува „мирна транзиција“ appeared first on Република.

Новоизбраниот претседател Доналд Трамп денеска во Белата куќа ќе се сретне со претседателот во заминување Џозеф Бајден, една недела откако тој како републикански кандидат го освои потребниот број електорски гласови за втор претседателски мандат. Нивната средба, која е закажана за 11:00 часот по локално време и се толкува како еден од неформалните чекори во транзицијата на политичката моќ, која Трамп формално ќе ја преземе на 20 јануари 2025 година по церемонија на инаугурација.

Денешната средба ќе биде една од ретките меѓу Бајден и Трамп. Последен пат тие се сретнаа за време на телевизиските дебати за време на изборната кампања кон крајот на јуни - непосредно пред Бајден да се повлече од претседателската трка, јави ДПА.

На 11 септември и двајцата присуствуваа на комеморативен настан во Њујорк, но не зборуваа меѓу себе.

The post Бајден и Трамп денеска ќе имаат средба во Белата куќа appeared first on Република.

Поранешниот директор за комуникации на американската потпретседателката Камала Харис, Џамал Симонс изјави дека претседателот Џо Бајден треба да и ја отстапи функцијата на Харис, со што таа ќе стане прва жена претседателка на САД.

- Џозеф Бајден беше феноменален претседател, тој исполни многу од ветувањата што ги даде. Остана уште едно ветување што би можел да го исполни – да биде преодна фигура, истакна Симонс на панел на Си-ен-ен (CCN).

Тој додаде дека Бајден во следните 30 дена може да поднесе оставка од функцијата претседател и да ја постави Харис за претседателка на САД.

Тоа прашање е под контрола на Џо Бајден. Ако го направи тоа, ќе го исполни своето последно ветување и ќе ѝ даде шанса на Камала Харис да биде 47. претседател на САД, посочи Симонс.

Неговите коментари уследија откако коментатор на Си-ен-ен предложи судијката Соња Сотомајор да се повлече за Бајден да ја замени со Харис пред новоизбраниот претседател Доналд Трамп да ја преземе функцијата на 20 јануари.

The post Каков предлог: Бајден да се повлечел за Камала барем 30 дена да биде претседател appeared first on Република.

Некои сојузници на потпретседателката на САД Камала Харис го обвинуваат шефот на државата во заминување Џозеф Бајден за нејзиниот пораз на претседателските избори, наведувајќи дека требало порано да се повлече од трката, јавија американски медиуми.

Додека демократите бараат контрола на штетите по изборната победа на републиканецот Доналд Трамп на 5 ноември, некои од сојузниците на Камала Харис велат дека исходот бил „запечатен“ со одлуката на Бајден да остане во трката до летото, и покрај долготрајната загриженост на гласачите за неговото здравје и незадоволство поради високата инфлација и масовниот прилив на мигранти.

Неколку неименувани високи демократи, вклучително и тројца советници од изборниот штаб на Камала Харис, изразија длабоко незадоволство што 81-годишниот Бајден претходно не увидел дека не одговара на предизвикот.

Бајден (81) ја заврши својата реизборна кампања во јули, неколку недели откако дебатата со Трамп покрена прашања за неговата способност да биде кредибилен претседателски кандидат.

Сепак, анкетите одамна покажаа дека многу Американци се загрижени за возраста на Бајден. Во август 2023 година, околу 77 отсто од Американците рекоа дека Бајден е премногу стар за да биде ефективен уште четири години, според анкетата на Асошиетед прес-Норк.

Бајден се откажа од трката на 21 јули.

The post На демократите Бајден им е крив за поразот на Камала appeared first on Република.

Американскиот претседател Џо Бајден денеска ќе и се обрати на нацијата по загубата на неговата кандидатка за претседател на Демократската партија Камала Харис на нејзиниот републикански противкандидат Доналд Трамп.

Бајден ќе зборува во 16:00 часот по Гринич.

Тој се повлече од претседателската трка по неговиот слаб настап во телевизиските дебати со Трамп, покренувајќи прашања за тоа дали тој сè уште е способен за функцијата. Потпретседателката Камала Харис го замени Бајден како кандидат на Демократската партија.

Харис и Бајден ветија дека ќе му помогнат на Трамп во транзицијата на власта до инаугурацијата на новоизбраниот претседател на 20 јануари следната година. Сепак, Харис рече дека не е подготвена да ја прифати визијата на Трамп за земјата.

Републиканците ја одземаа контролата на американскиот Сенат од демократите. Мнозинството гарантира дека Трамп ќе контролира барем еден дом на Конгресот следната година. Не е јасно дали републиканците ќе го задржат мнозинството во Претставничкиот дом на САД, а резултатите во десетици изборни единици се уште се непознати.

The post Бајден ќе ѝ се обрати на нацијата по убедливата победа на Трамп appeared first on Република.

Белата куќа планира да испорача воена помош од милијарди долари за Украина за време на претседателот Џозеф Бајден, кој ја напушта функцијата во јануари.

Како што рекоа неименувани официјални лица,„ испраќањето помош за Украина се брза за зајакнување на владата во Киев пред инаугурацијата на новоизбраниот претседател Доналд Трамп на 20 јануари“.

Трамп ја критикуваше помошта на Бајден за Украина, предизвикувајќи загриженост за иднината на американската поддршка за украинскиот претседател Володимир Зеленски, додека републиканците ја контролираат Белата куќа, Сенатот, а можеби и Претставничкиот дом.

Претставничкиот дом, контролиран од републиканците, последен пат одобри помош за Украина во април, вклучувајќи го и овластувањето на Бајден да префрли милијарди долари оружје од американските залихи во Украина, осум месеци откако Бајден прв побара повеќе помош, со поддршка од повеќе демократи отколку републиканци.

Од одобрението за пренос на оружје донесено во април, останаа да се реализираат 4,3 милијарди, покрај трансферите во вредност од 2,8 милијарди долари кои беа одобрени во претходните мерки за трошење и два милијарди долари за финансирање на набавка на ново оружје

The post На Бајден му се брза да му даде помош на Зеленски пред да дојде Трамп appeared first on Република.

Американскиот претседател Џо Бајден телефонски разговарал со Доналд Трамп, кој победи на претседателските избори во САД, јавија американските медиуми.

Бајден „го покани новоизбраниот претседател Трамп на средба во Белата куќа. Персоналот ќе координира одреден датум во блиска иднина“, според Белата куќа.

„Утре, претседателот Бајден ќе и се обрати на нацијата за изборните резултати и транзицијата на власта“.

The post Бајден му честиташе на Трамп за победата на изборите и го покани во Белата куќа appeared first on Република.

Гневот и потребата за длабоко размислување преовладуваа меѓу членовите на Демократската партија на САД денеска откако актуелната потпретседателка Камала Харис претрпе изборен пораз што ги остави партиските функционери и гласачите без зборови.

Камала Харис, која влезе во трката пред само три месеци, беше прогласена за губитничка од нејзиниот републикански ривал, но начинот на кој ги загуби изборите отвора многу прашања за иднината на партијата.

Најостра критика е обвинението дека партијата ги лажела поддржувачите за когнитивните способности на претседателот Џо Бајден се додека катастрофалната ТВ дебата со Трамп во јуни не доведе до повлекување на претседателот од трката.

Еден демократски донатор праша: „Што го натера Џо Бајден да остане толку долго? Тој не требаше да ја крие својата здравствена состојба и требаше да се откаже многу порано“, пренесува „Индекс“.

Бајден (81) рече дека мисли оти може да го победи Трамп и дека е способен да биде претседател на САД уште четири години. Но, кога се откажа од трката во јули, објасни дека „во најдобар интерес на неговата партија и земја, ја донел одлуката да се пензионира“.

Неговата најава да се кандидира повторно во април 2023 година беше дочекана со скептицизам од многу демократи, а потенцијалните противници брзо се согласија да се приклучат на неговата кампања како советници наместо да ја доведуваат во прашање неговата одлука.

Долгогодишниот донатор на демократите, менаџерот Бил Акман, кој го поддржа Трамп во 2024 година, напиша на „Икс“ дека на партијата „и треба целосно ресетирање“.

„Партијата го лажеше американскиот народ за менталното здравје и кондицијата на претседателот и не се погрижи навреме да го замени“.

Постојат две групи Американци на кои Харис им се чинеше подобар избор во однос Трамп: многу млади гласачи – мотивирани од климатските промени, либералните вредности и нејзиното познавање на социјалните медиуми, и жените – кои се плашат од ограничените права за абортус што ги застапуваат републиканците. Но, се чини дека и двете групи застанаа на страната на Трамп.

Трамп доби поддршка и во приградските заедници, иако демократите веруваа дека тоа е и нивен терен.

Официјален претставник на Демократскиот национален комитет изјави дека во вторникот доцна навечер добил лути СМС пораки од бројни сопартијци кои му дале до знаење дека се лути затоа што ги излажале во кампањата.

The post Демократите се бесни поради тешкиот пораз, го обвинуваат Џо Бајден appeared first on Република.

Американскиот претседател, Џозеф Бајден, денеска гласаше во американската сојузна држава Делавер за кандидатката на демократите Камала Харис.

Бајден, кој се откажа од изборната трка во јули, им се придружи на голем број Американци кои го искористија своето право да гласаат предвреме, пред 5 ноември, кога ќе се одржат изборите во САД.

Бајден гласаше на локација во Њукасл, Делавер.

Тој оцени дека потегот на американскиот милијардер Илон Маск, сојузникот на Трамп, да им даде на републиканските гласачи награда од милион долари на лотарија е „целосно непримерен“.

Маск рече дека неговиот комитет за политичка акција кој го поддржува Трамп, „Америка ПАК“, ќе дава по еден милион долари секој ден до изборите на некој што ќе ја потпише неговата петиција со која ги повикува републиканците во клучните држави да се регистрираат за гласање.

The post Бајден гласаше во Делавер, неговиот глас отиде за Камала Харис appeared first on Република.

Доналд Трамп е закана за демократијата и треба да биде „затворен“, но во политичка смисла, изјави претседателот на САД, Џо Бајден, на митинг на Демократската партија во државата Њу Хемпшир, каде што ги повика гласачите на претстојните претседателски избори на 5 ноември да ја поддржат Камала Харис.

- Треба да го затвориме. Политички да го заклучиме, да го блокираме, рече Бајден за Трамп. Според него, републиканскиот кандидат е закана за демократијата, бидејќи постои ризик да ја наруши американската уставност ако победи на изборите против Харис.

Во 2016 година, кога Трамп првпат се кандидираше за претседател на САД, на неговите митинзи поддржувачите често скандираа „затворете ја“ (во затвор) за тогашната кандидатка од демократите, Хилари Клинтон. Оваа година на митинзите на Камала Харис имало исти скандирања, но насочени кон Доналд Трамп, во контекст на бројните обвиненија што се поднесени против него. Тој е обвинет за незаконски плаќања кон порно ѕвезда и за нелегални активности поврзани со неговите обиди да ги оспори резултатите од претседателските избори во 2020 година, на кои изгуби.

Камала Харис не ги охрабрува своите поддржувачи да скандираат против Трамп, наведувајќи само дека Министерството за правда на САД ќе се справи со тие прашања.

Предизборниот штаб на Трамп побара од Харис да ги осуди коментарите на Бајден. „Џо Бајден штотуку ја призна вистината: тој и Камала Харис планираат политички да го гонат својот противник – претседателот Трамп, бидејќи не можат да го победат на чесен и праведен начин, изјави Каролајн Левит, национална портпаролка на предизборниот штаб на Трамп.

The post Бајден: Трамп треба да го затвориме, ама политички appeared first on Република.

Американскиот претседател Џо Бајден изјави дека е можно да се работи на прекин на огнот во Либан, но дека такво нешто ќе биде потешко во Појасот Газа.

Бајден, кој е во посета на Берлин, изјави дека има информации за тоа како и кога Израел ќе одговори на ракетниот напад на Иран врз Израел извршен на 1 октомври, но не откри детали.

Бајден рече и дека постои можност да се постигне договор со Израел и Иран на начин што би можел привремено да го прекине нивниот конфликт на Блискиот Исток.

Американскиот претседател тоа го изјави на крајот од посетата на Берлин.

Според мое мислење - и моите колеги се согласуваат - постои можност да се постигне договор со Израел и Иран на начин што ќе стави крај на конфликтот на некое време“, рече Бајден.

The post Бајден смета дека е можно да се постигне прекин на огнот во Либан, но дека ќе биде потешко во Газа appeared first on Република.

Ја поддржуваме Украина најсилно што можеме и истовремено се грижиме НАТО да не биде страна во војната, за оваа војна да не се претвори во уште поголема катастрофа, изјави денеска германскиот канцелар Олаф Шолц пред почнувањето на средбата зад затворени врати во Берлин со претседателот на САД на Џозеф Бајден.

„Благодарение на вашето раководство, планот на Путин пропадна, Украина не беше преземена за само неколку дена, туку преку храброста на нејзините војници и поддршката на многу земји... таа се спротивстави на рускиот империјализам повеќе од две и пол години“, му рече Шолц на Бајден.

Тој изјави дека Германија „ќе остане на страната на Украина се додека е потребно“.

„Заедно сме посветени на силно НАТО кое го брани секој квадратен сантиметар од територијата на Алијансата. Секоја членка на нашата Алијанса може да смета на тоа, рече Шолц.

Шолц, исто така, му се заблагодари на Бајден за „блиските и исполнети со доверба“ односи меѓу Вашингтон и Берлин во овие „многу тешки времиња“.

Федералниот канцелар рече дека ќе разговара и за конфликтот на Блискиот Исток со Бајден, францускиот претседател Емануел Макрон и премиерот на Велика Британија, Кир Стармер за време на нивната заедничка средба закажана за подоцна денес.

„Израел има право да се брани. За мене е важно да го кажам тоа многу јасно. Ние стоиме покрај Израел“, рече Шолц.

Додаде дека се надева дека убиство од Израел на Јахја Синвар , водачот на палестинската милитантна група Хамас, ќе ја отвори вратата за прекин на огнот во Појасот Газа и ослободување на израелските заложници кои се држат таму.

Американскиот претседател ги повика сојузниците на Украина да останат решителни и да го поддржат Киев, кој влегува во тешка зима.

Бајден го поздрави фактот што Германија ги зголемува трошоците за одбрана до целта на НАТО од два отсто од бруто домашниот производ.

„Германија и САД се двете земји кои во најголема мера ја поддржуваат Украина како независна нација. Ве молиме да продолжите да го правите тоа“, рече Бајден.

Тој ги поздрави напорите на Шолц фундаментално да го смени долгогодишниот принцип на Германија да не испраќа или продава оружје во конфликтните зони како одговор на рускиот напад врз Украина во февруари 2022 година.

„Од инвазијата на Украина, покажавте лидерство и мудрост да препознаете дека оваа војна означи пресвртница во европската историја и решивте да дејствувате“, рече Бајден.

Тој вети дека САД, Германија и остатокот од Европа ќе продолжат да ги зајакнуваат напорите за поддршка на војската и инфраструктурата на Украина, како и да му помогнат на Киев да закрепне со деблокирање на руските замрзнати средства.

Тој нагласи дека стабилноста во Европа и во светот зависи од „цврстите американско-германски односи“.

Бајден е во посета на Берлин, при што се сретна и со германскиот претседател Франк-Валтер Штајнмаер.

The post Бајден и Шолц: Ја поддржуваме Украина најсилно што можеме и се грижиме НАТО да не биде страна во војната appeared first on Република.

Американскиот претседател Џо Бајден, коментирајќи го израелското убиство на лидерот на Хамас, Јахја Синвар, рече дека „е време оваа војна да заврши и затворениците да се вратат дома“.

Тој најави нова посета на државниот секретар Ентони Блинкен на Израел и рече дека му се јавил на израелскиот премиер Бенјамин Нетанјаху за да му честита за операцијата, но исто така ја истакна важноста да се стави крај на конфликтот.

„Време е оваа војна да заврши и заложниците да се вратат дома. Тоа е она што сме подготвени да го направиме“, рече Бајден, додавајќи дека мора да се преземат чекори за да се обезбеди прекин на огнот во Појасот Газа.

Бајден најави дека државниот секретар Блинкен наскоро ќе отпатува во Израел за да разговара со своите израелски колеги за најновата ситуација и процесот на постигнување прекин на огнот.

Министерот за надворешни работи на Израел, Израел Кац, синоќа потврди дека лидерот на Хамас Јахја Синвар е убиен во напад на Појасот Газа. Синвар беше долгогодишен лидер на Хамас, поставен на чело на движењето во јули по атентатот на поранешниот лидер на Хамас, Исмаил Ханије, во Техеран.

The post Бајден му честита на Нетанјаху за ликвидацијата на лидерот на Хамас: Време е војната да заврши appeared first on Република.

Администрацијата на американскиот претседател Џо Бајден ги олесни извозните ограничувања на американските комерцијални вселенски компании да испраќаат одредени производи поврзани со сателити и вселенски летала до сојузниците и партнерите.

Американските вселенски компании како Спејс Икс (SpaceX) на Илон Маск и големите одбранбени изведувачи со вселенски производи како што се Локед Мартин (Lockheed Martin), Л3 Харис Технолоџис (L3Harris Technologies) и Боинг (Boeing) би можеле да имаат корист од новите правила, кои беа објавени во Федералниот регистар во четвртокот попладне.

Како што расте различноста на комерцијалните активности во вселената, овие правила ќе го намалат товарот на американската индустрија да продолжи со иновации и да предводи во вселенскиот сектор, се наведува во писмената изјава на заменик-секретарот на Министерството за трговија, Дон Грејвс.

Ажурирањата ќе придонесат и за способноста на САД да ги „прошират и продлабочат меѓународните партнерства, да ја развијат својата економија и да соработуваат на заедничките вселенски приоритети“, рече Грејвс.

Одредени ставки кои вклучуваат вселенски летала за далечинско набљудување или вселенско логистичко склопување и сервисирање на вселенски летала повеќе нема да бараат лиценци за испорака во Австралија, Канада и Обединетото Кралство, се вели во соопштението на Министерството за трговија.

Правилата би можеле да им помогнат на САД да продолжат со трилатералниот безбедносен пакт АУКУС помеѓу Обединетото Кралство, САД и Австралија, кој беше формиран во 2021 година за да одговори на растечката моќ на Кина во индо-пацифичкиот регион. Дел од пактот се фокусира на споделување технологија.

The post Администрацијата на Бајден ги ублажи извозните ограничувања за компаниите за истражување на Вселената appeared first on Република.