Научниците успеале да дознаат кој пијалак им е омилен на психопатите и садистите иако не успеале да ја објаснат таа поврзаност. Според резултатите од истражувањето спроведено на Универзитетот во Инсбрук, ако сакате да пиете џин тоник, постојат големи шанси дека сте психопати. Освен џин тоник, психопатски особини покажале и поединците кои обожуваат темно чоколадо и црно кафе, односно воопшто горчливи вкусови.

Во истражувањето учествувале илјадници луѓе, а задачата им била да пробаат различни видови храна и пијалаци и да оценат колку им се допаѓаат. Потоа, морале да пополнат прашалник за нивната личност, ја мереле нивната емоционална стабилност, склоност кон садизам, агресија и слично.

Се покажало дека луѓето кои претпочитаат горчливи вкусови, како што е вкусот на џин тоник, покажуваат знаци на психопатија, нарцисоидност и садизам.

Научниците сѐ уште не можат да ја објаснат врската помеѓу овие вкусови и психопатските особини, но некои велат дека тоа е поврзано со преземањето ризици. Имено, горчливите вкусови воглавно се поврзуваат со отровната храна, а „лошиот“ вкус би требало да нѐ одврати од јадењето такви намирници.

Што мислите вие за ова? Дали џин тоникот е вашата омилена пијачка?

The post Само психопатите и садистите го обожаваат овој пијалак appeared first on Република.

Ново научно истражување открива дека пивото може да ги направи луѓето „посебно попривлечни“ за комарците, но и џин-тоникот не ни прави никаква услуга.

Пиењето алкохол генерално нè прави попривлечни за комарците, нагласува британскиот професор Џејмс Логан.

Тоа се потврдува и во напис во списанието „Журнал на Американското здружение за контрола на комарците“, според којшто вносот на алкохол значително ги привлекува комарците. Испитувајќи 12 мажи и една жена на возраст меѓу 20 и 58 години, истражувачите ја измериле содржината на алкохол во потта на учесниците кои испиле или не испиле 350 милилитри пиво. Исто така, биле набљудувани и количината пот и температурата на кожата на доброволците пред и по алкохолниот пијалак. Повеќе комарци отишле кај луѓето кои пијат пиво.

Испитувањата потврдија дека луѓето кои пијат алкохол треба да бидат внимателни бидејќи се изложени на поголема опасност од каснување од комарец, а со тоа и од болестите коишто ги пренесуваат, се вели во истражувањето.

Според наводите, за заштита од овие мали „крвопијци“ најдобро е да се користи делотворно средство против комарци, и тоа секогаш кога човекот е на отворено. Советот гласи - почесто мачкање, слично како крема за сончање.

The post Комарците сакаат пиво и џин-тоник appeared first on Република.