Сите одлуки за американскио претседател Џо Бајден ги носат група негови долгогодишни поддржувачи, пишува „Акиос“. Според пишувањето, тие ја обезбедија изборната кампања за веќе повозрасниот претседател и на нив останува да одлучат дали Бајден евентуално ќе се повлече од претседателската трка по катастрофалната ТВ дебата со Доналд Трамп.

Сопругата на претседателот - Џил, неговата помлада сестра Валери Бајден и 85-годишниот Тед Кауфман, неговиот долгогодишен пријател и постојан советник, плус мала група пријатели од Белата куќа - тие и само тие носат одлуки за Бајден.

Тие разбираат дека дебатат беше катастрофа, но тие веруваат дека сè уште има трошка надеж за опстанок“, вели извор близок до семејството.

https://republika.mk/vesti/svet/blinken-go-brani-bajden-veli-deka-ja-vratil-doverbata-na-svetot-vo-liderstvoto-na-sad/

Сепaк, според пишувањето, водечките демократи не го делат овој оптимизам.

Сега не се работи само за семејството на Џо Бајден или за неговите емоции. Сега ова е прашање на целата наша земја. Ова е целосен хаос со кој ќе треба да се справиме. Мора да му ја кажат искрената вистина за неговата состојба. Лојалноста не треба да биде слепа“, вели еден од нив.

https://republika.mk/vesti/svet/ochigledno-bajden-ne-ja-vodi-vladata-no-koj-ja-vodi-mozhebi-nikoj-ne-stivnuvaat-reaktsiite-vo-sad-po-nastapot-na-bajden-na-pretsedatelskata-debatana/

The post Луѓето во сенка на Бајден – овие неколкумина ги носат одлуките за судбината на претседателот appeared first on Република.

Првата дама  на САД Џил Бајден е позитивна на Ковид-19, објави вчера Белата куќа.

-Оваа вечер, првата дама беше позитивна на Ковид-19. Таа моментално има само благи симптоми. Таа ќе остане во нивниот дом во Рехобот Бич, Делавер, стои во соопштението од Белата куќа, и се додава дека претседателот Џо Бајден не е позитивен.

Во овој момент нема промени во протоколите за Ковид во Белата куќа или во распоредот на претседателот, изјави пртеставник на администрацијата за Си-ен-ен.

Минатото лето и првата дама и претседателот Бајден беа позитивна на Ковид-19 и двајцата закрепнаа по појава на благи симптоми на болеста.

The post Првата дама на САД позитивна на Ковид-19 appeared first on Република.

Првата дама на САД, Џил Бајден, даде една од најјасните индикации дека нејзиниот сопруг, американскиот претседател Џо Бајден ќе се кандидира за уште еден претседателски мандат на изборите во 2024 година, изјавувајќи дека „речиси ништо“ не останува да се направи освен да се прецизира времето и местото за тоа да биде официјално објавено.

Иако Бајден одамна ја искажа својата намера повторно да се кандидира за функцијата, тоа се уште не го направил официјално, а го мачат прашањата дали не е престар за да продолжи како претседател, со оглед на тоа што, доколку победи на изборите, на крајот на вториот претседателски мандат ќе има 86 години.

Тој вели дека сè уште не е готов со обврските. Не го завршил тоа што го почна и тоа е важно, изјави Џил Бајден во Најроби, последната станица од нејзината петдневна турнеја низ Африка.

Таа притоа праша колку пати тоа мора да повтори за луѓето да поверуваат.

Соработниците на Бајден велат дека неговата кандидатура најверојатно ќе биде објавена во април.

Првата дама на САД, неодамна беше опишана како клучната фигура во орбитата на Бајден во однос на неговите планови за иднината.

Тоа е така затоа што јас сум негова сопруга, изјави таа.

Меѓутоа, на прашањето дали таа е одлучувачкиот глас за претседателската кандидатура на сопругот, Џил Бајден одговори дека тој ќе ја сослуша, бидејќи тие се брачна двојка, меѓутоа, „тој самиот си ги носи одлуките“.

The post Сопругата на Џо Бајден навести дека тој е подготвен за нова претседателска трка appeared first on Република.

Првата дама на САД, Џил Бајден ќе се појави на овогодишната свеченост за музичките „Греми“ награди како доделувачка, објави Белата куќа.

Водител на доделувањето на „Греми“ наградите годинава е комичарот Тревор Ноа. Свеченоста ќе се одржи в понеделник на 6 февруари, рано наутро по македонско време.

По номинациите, организаторите го објавија и составот на доделувачите, па на списокот се раперката Карди Би, поп-ѕвездата Оливија Родриго, глумците Двејн Џонсон, Вајола Дејвис, Били Кристал, како и комичарот Џејмс Корден и канадската уметничка Шанаја Твејн. Бајден не е единствената прва дама што досега се појавила на доделувањето на престижните „Греми“ награди. И поранешната прва дама Мишел Обама беше на таа сцена во 2019 година, а година подоцна освои „Греми“ за албум cо аудиоговор, за нејзините солидно продавани аудиомемоари „Becoming“.

Хилари Клинтон доби „Греми“ во 1997 година како прва дама, за нејзината книга „It Takes a Village“.

Номинациите за неделните Греми награди беа објавени во ноември. Најмногу номинации има Бијонсе – вкупно девет, со што се изедначи со својот сопруг, раперот Џеј Зи, за најноминирани уметници на сите времиња. Бијонсе и Џеј Зи имаат вкупно 88 номинации за музички награди – гласани од колегите. Џеј Зи оваа година доби пет номинации.

Освен што се доделувачи, Дејвис и Кристал се и меѓу номинираните. Дејвис е почестена со внесувањето на нејзиното име во категоријата Најдобра аудиокнига, нарација и раскажување приказни за нејзините мемоари „Finding Me“. А пак, Кристал е номиниран за Најдобар музичко-театарски албум за „Mr. Saturday Night“.

The post Првата дама на САД, Џил Бајден ќе додели една од „Греми“ наградите appeared first on Република.

Првата дама на САД Џил Бајден е негативна на тестот за Ковид-19 и ќе се врати од Делавер во Вашингтон, изјави портпаролот.

Џил Бајден (71) беше позитивна на Ковид-19 на 16 август. Таа ја заврши првата изолација по третманот со антивирусниот лек Паксловид, кој се покажа како високо ефикасен во спречувањето на тешка зараза и смртност кај високоризична група пациенти со Ковид-19.

Претседателот Џо Бајден (79) се опорави од коронавирусот на 7 август.

The post Џил Бајден негативна на тестот за Ковид-19 appeared first on Република.

Сопругата на американскиот претседател, Џил Бајден е позитивна на Ковид-19, потврди за Си-Ен-Ен нејзината заменичка – директорка за комуникации Келси Донохју.

Денешниот тест за Ковид-19 на Бајден, која сега е во Рехобот Бич, Делавер, излезе позитивен. На вчерашниот рутински тест, првата дама на САД беше негативна на коронавирусот.

Како што појасни Донохју, известени се „мал број блиски контакти“.

Првата дама на САД беше позитивна на коронавирусот на 15 август за време на одмор во Јужна Каролина. Потоа имаше два последователни негативни тестови во неделата и допатува од Јужна Каролина да му се придружи на сопругот, претседателот Џо Бајден, во Делавер.

Тестот на претседателот денеска е негативен. Но, тој ќе помине 10 дена во изолација затоа што е еден од блиските контакти.

Претседателот, како и неговата сопруга, исто така зеде Паксловид кога беше позитвен минатиот месец. И тој на крајот беше позитивен на тест за Ковид-19, по првичните негативни тестови.

Џил Бајден ќе остане во семејната куќа во Делавер додека повторно да има два последователни негативни тестови.

The post И сопругата на Бајден фати корона appeared first on Република.

Сопругата на американскиот претседател, Џил Бајден е позитивна на Ковид-19, потврди за Си-Ен-Ен нејзината заменичка – директорка за комуникации Келси Донохју.

Денешниот тест за Ковид-19 на Бајден, која сега е во Рехобот Бич, Делавер, излезе позитивен. На вчерашниот рутински тест, првата дама на САД беше негативна на коронавирусот.

Како што појасни Донохју, известени се „мал број блиски контакти“.

Првата дама на САД беше позитивна на коронавирусот на 15 август за време на одмор во Јужна Каролина. Потоа имаше два последователни негативни тестови во неделата и допатува од Јужна Каролина да му се придружи на сопругот, претседателот Џо Бајден, во Делавер.

Тестот на претседателот денеска е негативен. Но, тој ќе помине 10 дена во изолација затоа што е еден од блиските контакти.

Претседателот, како и неговата сопруга, исто така зеде Паксловид кога беше позитвен минатиот месец. И тој на крајот беше позитивен на тест за Ковид-19, по првичните негативни тестови.

Џил Бајден ќе остане во семејната куќа во Делавер додека повторно да има два последователни негативни тестови.

The post Првата дама на САД повторно позитивна на коронавирусот appeared first on Република.

Првата дама на САД, Џил Бајден, денеска е дијагностцирана со вирусот на Ковид-19 откако тестот покажал позитивен резултат, соопшти денеска директорот за комуникации во канцеларијата на првата дама, Елизабет Александар.

По негативниот тест вчера за време на регуларното тестирање, Џил Бајден синоќа започнала да покажува симптоми слични на настинка. Според портпаролката, брзиот антиген тест повторно покажал негативен резултат, но резултатот од ПЦР тестот излегол позитивен.

Според Александар, првата дама е двапати вакцинирана, и исто така примила и две засилувачки дози и дека има лесни симптоми. Таа прима Paxlovid по препорака на ЦДЦ, ќе се изолира најмалку пет денови и моментално е во приватната резиденција во Јужна Каролина

Претседателот Џо Бајден денеска направи тест за Ковид-19 и резултатот е негативен, јавија од Белата куќа.

Извор: МИА

The post Првата дама на САД позитивна на Ковид-19 appeared first on Република.

Сопругата на претседателот на Соединетите држави, Џил Бајден, се извини во вторникот поради тоа што несреќно ги спореди Латиноамериканците со такоси.

Првата дама се извинува, со својата изјава само сакаше да изрази восхит и искрена љубов кон латино заедницата, објави на твитер нејзиниот портпарол Мајкл ЛаРоза.

Во говорот кој во понеделникот го одржа во сојузната држава Тексас, сопругата на претседателот Џо Бајден ја пофали „шареноликоста“ на американското население по потекло од земјите од Латинска Америка, велејќи дека „шаренолико како и малите продавници во Бронкс, убаво како цвеќето во Мајами и единствено како такосите за појадок во Сан Антониот“.

Освен споредбата со такоси, мали палачинки од пченкарно брашно типични за мексиканската кујна, што веднаш наиде на критики, Џил Бајден погрешно го изговорила терминот „bodegas“ (мали продавнички).

Ние не сме такоси. Не нѐ сведувајте на стереотипи, реагираше Националното здружение на латиноамериканските новинари со седиште во Вашингтон.

Многумина конзервативни пратеници ја критикуваа „првата дама“, оценувајќи, додека неолибералните медиуми наклонети на демократите жестоко се нафрлија на републиканците дека таквата невнимателност наводно дошла „од нивните редови“.

Џил Бајден со посетата на Тексас сакаше да ги привлече латиноамериканските гласачи, кои инаку традиционално гласаат за Демократската партија на нејзиниот сопруг, во кампањата за ноемвриските избори на половина од мандатот. Според анкетите и предвидувањата на аналитичарите, опозициските републиканци имаат шанса за голем успех на тие избори, што може да ги компликува остварувањата на главните ветувања и политики на претседателот Џо Бајден.

The post Џил Бајден се извини откако Латиноамериканците ги нарече такоси appeared first on Република.

Американскиот претседател Џо Бајден и неговата сопруга Џил денеска им го честитаа Божиќ на православните христијани во САД и ширум светот.

Како и многу други во текот на изминатата година, православните христијани покажаа голема сила на карактер и истрајност, продолжија да покажуваат љубов кон своите ближни и да им служат на своите заедници во тешки времиња - се вели во честитката од американскиот претседател и првата дама.

Притоа, тие изразуваат и сочувство на оние кои ги загубиле своите најблиски за време на пандемијата и кои, како што наведуваат, „ќе го поминат овој Божиќ полни со тага“.

Џо и Џил Бајден порачуваат дека се молат за сите оние кои страдаат, со надеж дека „и покрај болката, ќе најдат сила и чувство за цел и смисла“.

Додека ја почнуваме новата година, многу православни христијани ширум светот продолжуваат да се соочуваат со прогон и дискриминација. Сакаме уште еднаш да ја изразиме нашата непоколеблива поддршка за почитувањето на универзалното и неотуѓиво право на верска слобода - се наведува во честитката.

Претседателот и првата дама на САД исто така посочуваат дека заедно со православните христијани се молат за мир, правда, слобода и исцелување во наредната година.

The post Бајден со семејството го честитаа православниот Божиќ appeared first on Република.