Американската министерка за финансии, Џенет Јелен, на почетокот на нејзината посета на Кина, го повика официјален Пекинг да влијае на создавањето еднакви услови за американските компании и работници, како и да се справи со вишокот производствен капацитет.

Јелен ја почна петдневната посета на Кина во еден од најголемите индустриски и извозни центри, а во пресрет на разговорите со високи кинески претставници ги презентираше американските ставови во однос на кинеските „нефер трговски практики“.

САД бараат здрави економски односи со Кина од кои имаат корист двете страни“, изјави Јелен.

Таа додаде дека Америка и Кина треба да имаат отворена и директна комуникација кога станува збор за меѓусебните несогласувања.

Јелен ќе се сретне со кинескиот вицепремиер Хе Лифенг и гувернерот на централната банка и други претставници во јужниот град Гуангжу.

The post Американската министерка за финансии во Кина побара еднакви услови за американските работници и компании appeared first on Република.

Исплатата на 4,5 милијарди долари економска помош од страна на САД за Украина ќе започне во наредните недели. Ова го соопшти американската министерка за финансии Џенет Јелен.

Средствата, кои беа одобрени во септември како дел од поголема привремена сметка за трошоци (финансиска поддршка на украинските власти), беа насочени кон „зајакнување на економската стабилност и поддршка на основните јавни услуги“, објасни Јелен.

Таа додаде дека другите донатори треба да ја зголемат и забрзаат својата помош за Украина додека земјата се брани од руската инвазија.

The post Јелен: Исплатата на 4,5 милијарди долари американска помош за Украина ќе започне во наредните недели appeared first on Република.

Aмериканската државна секретарка за финансии, Џeнет Јелен, предупреди дека европската забрана за увоз на руски гас и нафта носи ризик од зголемување на цените на енергенсите во светот.

Јелен ја повика Европа да ја намали својата зависност од руски енергенси без „казнување на целата планета“.

Треба да бидеме внимателни со целосната европска забрана за увоз на нафта.

 

Ако можеме да најдеме начин да го направиме тоа без да ѝ наштетиме на целата планета со зголемување на цените на енергенсите (што произлегува од тоа), тоа би било идеално, тоа е прашањето за кое се обидуваме да размислуваме заедно.

 

Европските земји се обидуваат да ја намалат зависноста од увезената руска нафта и гас за да ја казнат Русија за инвазијата на Украина. Но, тоа јасно ќе ги зголеми светските цени на нафтата и тешко ќе ја погоди Европа и другите делови од светот - порача Јелен на прес-конференција во Министерството за финансии.

Сепак, таа потврди дека продажбата на нафта и гас е важен извор на приход за Русија и дека би било многу корисно да се најде начин да се намалат руските приходи.

Во случајот со нафтата и природниот гас, ситуацијата во Европа е јасно поинаква од онаа во САД. Ние го забранивме увозот на сите видови руски енергенси, но ние увезуваме многу малку од Русија. Тоа не е случај со Европа - вели Јелен, оценувајќи дека е јасно дека Европа на среден рок треба да ја намали енергетската зависност од Русија.

Во 2021 година, Русија обезбеди 30 отсто од нафтата и 15 отсто од нафтените продукти купени од ЕУ.

На 8 април ЕУ одлучи да го прекине купувањето јаглен од Русија, ембарго кое стапува во сила на почетокот на август, 120 дена по објавувањето на новиот пакет санкции во официјалниот весник на Унијата

The post Американската министерка ја предупреди Европа: Забрана на руски енергенси ќе предизвика зголемени цени во светот appeared first on Република.