Американскиот претседател Џозеф Бајден ќе им каже на американскиот Конгрес и на идната администрација на новоизбраниот претседател Доналд Трамп дека Вашингтон не треба да ѝ го сврти грбот на Украина бидејќи тоа може да поттикне нова нестабилност во Европа, изјави денеска американскиот советник за национална безбедност Џејк Саливан.

- Претседателот Бајден ќе даде изложи аргумент дека ни треба континуирано финансирање за Украина по завршувањето на неговиот мандат, рече Саливан во интервју за Си-Би-Ес Њуз.

Саливан рече дека Бајден ќе разговара за главните приоритети на американската внатрешна и надворешна политика со новоизбраниот претседател Доналд Трамп кога ќе се сретнат во Белата куќа в среда.

The post Саливан: Бајден ќе бара од Конгресот и Трамп да не ѝ вртат грб на Украина appeared first on Република.

Советникот за национална безбедност на Белата куќа, Џејк Саливан синоќа изјави дека САД не ја исклучуваат можноста да го нападнат Иран, што укажува дека претстојат нови напади врз исламистичките милитанти во регионот.

Ќе бидат преземени повеќе активности како одговор на трагичната смрт на тројцата храбри американски војници, истакна Саливан во емисијата „Оваа недела“ на Еј-би-си алудирајќи на нападот со беспилотно летало во Јордан кон крајот на минатиот месец, при што загинаа тројца американски војници.

Тој додаде дека САД мора да се подготвени „за какви било непредвидени ситуации“.

И само би рекол, од гледна точка на Техеран, доколку одлучат директно да одговорат на САД, ќе добијат брз и цврст одговор од нас, нагласи Саливан.

The post Саливан: САД не ја исклучуваат можност да го нападнат Иран appeared first on Република.

САД ја предупредија Русија за посетата на американскиот претседател Џо Бајден на Украина „неколку часа пред неговото заминување“ за да се избегне каков било конфликт, изјави  советникот за национална безбедност на Белата куќа, Џејк Саливан.

– Ги предупредивме Русите дека претседателот Бајден ќе отпатува во Киев. Тоа го направивме неколку часа пред неговото заминување – изјави Саливан.

Саливан, кој исто  беше  во Киев, рече дека поради „чувствителната природа на таа размена“ не сака „да навлезе како тие реагирале или што точно е“ американската порака.

https://republika.mk/vesti/svet/putin-sepak-dal-soglasnost-bajden-da-dojde-vo-ukraina/

The post Советникот во Белата куќа потврди дека Русите знаеле за посетата на Бајден на Украина appeared first on Република.

Американскиот советник за национална безбедност Џејк Саливан потврди дека каналите за комуникација меѓу Вашингтон и Москва се отворени и покрај војната во Украина.

За време на своето обраќање во Њујорк, Саливан рече дека е во интерес на САД да одржуваат контакт со Кремљ, истакнувајќи дека американските власти „се свесни со кого имаат работа“, пренесува Би-Би-Си.

Неговата изјава уследи по написот на Волстрит џурнал во кој се вели дека Саливан разговарал со руски официјални претставници за да ги намали ризиците војната во Украина да ескалира во нуклеарен конфликт. Се наведува дека Саливан бил во контакт со советникот за надворешна политика на рускиот претседател Владимир Путин, Јуриј Ушаков и секретарот на рускиот совет за безбедност Николај Патрушев, но дека темата на разговорот не биле начините за ставање крај на украинскиот конфликт.

Белата куќа не соопшти јавно за некакви разговори меѓу Саливан и висок руски функционер од март, кога американскиот советник за национална безбедност разговараше со Патрушев.

Портпаролката на Советот за национална безбедност на САД, Адриен Вотсон, одби да го потврди написот на Волстрит џурнал и рече дека „луѓето изнесуваат многу тврдења“, а портпаролот на Кремљ Дмитриј Песков не сакаше да ги коментира наводите на весникот дека Вашингтон водел доверливи разговори со највисоките руски претставници.

– Немаме што да кажеме за тие наводи. Повторувам уште еднаш дека има некои вистинити извештаи, но главно се е чиста шпекулација, рече Песков на прес-конференцијата и ги советуваше новинарите да се обратат во Белата куќа или во Волстрит џурнал за коментар.

The post Саливан: Комуникацијата со Кремљ е во интерес на САД appeared first on Република.

Ги охрбаруваме нашите пријатели од Македонија да ја искористат можноста и да го отпочнат пристапниот процес со Европската Унија, напиша денеска на Твитер Џејк Саливан, советник за национална безбедност на Белата куќа.

Откога се приклучи во НАТО, Македонија е силен сојузник. Може да има и важен придонес во ЕУ. Ги охрабруваме нашите пријатели да ја искористат можноста да го почнат пристапниот процес со ЕУ, порача тој.

По објавување на францускиот предлог, Стејт департментот за Гласот на Америка рече дека САД ги поздравуваат напорите на Франција да постигне успешно решение и остануваат подготвени да играат конструктивна улога во олеснување на компромисот.

Со оглед на значењето на овој процес за земјите од регионот и за Европа пошироко, се надеваме дека дипломатските напори ќе продолжат, и ќе продолжиме да ја нудиме нашата поддршка онаму каде што е од помош. Ја поздравуваме Франција за нејзините напори да постигне успешно решение за што побрзо започнување на официјалните преговори. Преговорите сѐ уште се во тек, а ние остануваме подготвени да играме конструктивна улога во олеснувањето на компромисoт, изјави портпарол на Стејт департментот.

Во неговата изјава се вели дека Македонија и Албанија ги поставиле темелите и оти сега е време да се придвижат напред кон следната фаза во процесот на пристапување.

САД се силен поддржувач на интеграцијата на Македонија и Албанија во ЕУ. Ние веруваме дека иднината на Западен Балкан е целосно во ЕУ. Процесот на проширување промовира долгорочен мир, стабилност и просперитет во целиот регион“, стои во изјавата, во која се наведува и дека САД ги земаат предвид „многуте изјави на лидерите на ЕУ за важноста на пристапувањето на Македонија и Албанија во ЕУ за зајакнување на безбедноста на Европа, како и за нашата колективна безбедност.

The post Саливан: Ги охрабруваме пријателите од Македонија да ги отпочнат преговорите со ЕУ appeared first on Република.

Американскиот советник за национална безбедност Џејк Саливан ја предупреди Кина дека ќе биде изолирана доколку ја поддржи Русија во нејзината агресија против Украина.

Тој му рече на високиот кинески дипломат Јанг Џичи дека Пекинг може да се соочи со економски казни и глобална изолација доколку и помогне на Русија.

На повеќечасовниот состанок во Рим, американските претставници ги информирале сојузниците на НАТО и на некои азиски земји дека Кина дала сигнал дека е подготвена да и помогне на Русија воено и економски во војната, тврдат американски дипломати.

The post Саливан се закани: Кина ќе биде изолирана доколку и помогне на Русија appeared first on Република.