За кратко време си заминаа Синиша Михајловиќ и Џанлука Вијали. Двајца фудбалери кои беа легенди на италијанскиот фудбал и Серија А, за краток период починаа од рак.

Иако боледуваа од различни видови на рак, смртта на Синиша Михајловиќ и Џанлука Вијали ја крена Италија на нозе. Се отворија некои теми кои со децении се премолчуваа. За употребата на недозволени супстанци, за тоа како фудбалерите биле принудувани да пијат непроверени апчиња и разни суплементи.

Многу фудбалери по смртта на Михајловиќ и Вијали денеска се прашуваат што морале да преземат, плашејќи се за своето здравје.

- Треба да истражиме какви супстанци земавме тогаш. Треба да знаеме дали земањето разни супстанци од тој период ќе ни наштети со текот на времето. Јас сум исплашен. Секакви работи им се случуваат на многу играчи од тој период. Тогаш имаше допинг контрола, не можевме само ништо да преземеме, но сега ќе требаше да се испита дали супстанците што ги земавме тогаш останаа во нашето тело или излегоа - изјави Дино Баѓо.

Слично размислува и Романецот Флорин Радучоу, кој во Италија играше за Бари, Верона, Милан и Бреша.

- Знам дека земавме розова течност. И разни лекови. Сега сакам да му се јавам на докторот од Бреша да дознаам повеќе што земавме тогаш. Тогаш не знаевме што ни даваат, секогаш велеа дека се витамини и гликоза. Добро се сеќавам дека секогаш ја земавме таа розова течност пред игрите. Пиевме и неколку таблети во Милано. Треба да се запрашаме зошто се случуваат овие прерани смртни случаи - рече Радучоју.

The post Поранешни фудбалери во паника по смртта на Синиша и Вијали: Ни даваа да пиеме некоја розева течност и таблети appeared first on Република.

Познатиот италијански фудбалски експерт Џанлука Вијали почина на 58 годишна возраст, после долга борба со тешка болест.

Поранешниот репрезентативец на Италија претходните денови водеше жестока борба за живот, но за жал ја изгуби утакмицата.

На Вијали, кој со години се бори со рак на панкреасот, состојбата му се  влоши претхдоните денови, по што беше итно префрлен во една лондонска болница, каде што почина.

The post Италија во солзи: Почина познатиот фудбалер Џанлука Вијали, легендата на Азурите appeared first on Република.

Поранешниот италијански репрезентативец Џанлука Вијали, кој со Сампдорија ја освои титулата во Серија А во сезоната 1991/92, последните години работеше во стручниот штаб на италијанскиот тренер Роберто Манчини.

Пред тоа беше менаџер на Челзи и Ватфорд, а во 2017 година му беше дијагностициран рак на панкреасот.

По тригодишно лекување, Вијали ја доби битката, но за жал ситуацијата повторно се влоши.

Лекарите сега го советувале целосно да се фокусира на новите третмани и да престане со професионалните обврски.

Неговата мајка Тереза ​​ја напуштила Кремона и се упатила во Англија, каде што е Виали со своето семејство.

The post По Синиша уште една фудбалска легенда се бори за живот appeared first on Република.

Постарите љубители на фудбалот сигурно се сеќаваат на Џанлука Вијали. Вчера можевме да го видиме на клупата на Италија како помошник на селекторот Манчини.

Тој има 57 години и боледува од тешка болест.

Италијанецот во 2017 година објави дека му бил дијагностициран рак на панкреасот, а во 2020 година објави дека се чувствува одлично и дека ја добил борбата со страшната болест.

Тој призна дека му се вратиле здравствените проблеми и дека не му даваат мир.

„Несаканиот гостин, како што јас го нарекувам, е сè уште со мене. Туморот е сè уште таму. Некогаш забележуваш повеќе, понекогаш помалку. Ќе продолжам да се борам затоа што сакам да бидам тука уште многу години од сега..„Сила добивам од семејството, од пријателите, од сите што ми даваат храброст. Не можам доволно да им се заблагодарам“, вели Вијали.

Тој во последно време видно ослабе поради здравствени проблеми, а истакнува дека почнал да носи поширока облека за да избегне непријатни прашања.

Поранешниот ас е во брак со Кетрин, Англичанка со која има две ќерки, Оливија и Софија, кои се со него во овие тешки години.

The post Се сеќавате на Вијали: Се бореше со ракот, а сега му е помошник на Манчини appeared first on Република.