Голманот на Пари Сен-Жермен,  Џанлуиџи Донарума се осврна на синоќешното реми со Ница (1:1) во 7. коло од Лига 1.

- Првото полувреме не помина добро, мораме да играме подобро. Мора да додадеме на интензитет, ова е исклучително важно. Во вториот дел одигравме подобро. Многу сум лут што повторно примивме гол. Треба да бидеме поагресивни. Критиките не ме засегаат, јас сум подготвен за тоа, изјави Донарума за „L’Equipe“.

Италијанецот изминатите неколку дена е критикуван во француските медиуми поради лошите изданија на неколку натпревари на ПСЖ. Се шпекулира дека му е загрозено и местото во почетниот состав.

По седум кола ПСЖ е на второто место во поредокот во Француското фудбалско првенство со 17 бодови

The post ПСЖ игра се послабо, Донарума прима лесни голови appeared first on Република.

Голманот на ПСЖ, Џанлуиџи Донарума ќе го пропушти првиот натпревар на францускиот клуб оваа сезона во Лигата на шампиони (ЛШ) против Жирона поради повреда на мускулот. Згора на тоа, на популарниот Џиџи вчера му се роди дете.

Како што соопшти клубот од Париз, голманот Донарума го повредил мускулот на десната нога на првенствениот натпревар против Брест (3:1), во саботата вечер.

ПСЖ објави дека италијанскиот голман ќе биде надвор од терените една недела.

Во негово отсуство шанса би можел да добие 25-годишниот руски голман Матвеј Сафонов.

Новата сезона во ЛШ францускиот првак ќе ја почне в среда од 21 часот со дуелот на домашен терен против шпанска Жирона.

The post На Донарума му се роди дете и се повреди, нема да игра против нашиот Миовски appeared first on Република.

Пари Сен-Жермен има намера да го продолжи договорот со голманот Џанлуиџи Донарума, пренесува новинарот Џанлука Ди Марцио.

Според изворот, парижаните ќе преговараат со 25-годишниот Италијанец по завршувањето на сезоната 2023/24. Управата на клубот сака да го направи голманот капитен на тимот.

Донарума игра за ПСЖ од јули 2021 година. Во сезоната 2023/24 Донарума учествуваше на 40 натпревари во сите натпреварувања, прими 36 гола и ја зачува мрежата чиста 16 пати.

Актуелниот договор на голманот со францускиот клуб е со важност до крајот на јуни 2026 година

The post ПСЖ е задоволен од Донарума, ќе му понуди нов договор appeared first on Република.

Голманот на ПСЖ, Џанлуиџи Донарума и неговата партнерка станаа плен на грабеж во нивниот стан во Париз. Европскиот шампион со тимот на Италија и неговата придружничка биле врзани од разбојниците, кои потоа зеле 500.000 евра. Француските медиуми известуваат дека биле приморани од разбојниците да се соблечат голи.

Голманот на Пари Сен Жермен и неговата девојка потоа успеале да се ослободат. Крадците среде ноќ се упатиле во луксузен хотел недалеку од нивниот дом. Персоналот на хотелот бил тој што ја алармирал полицијата.

Дваесет и четиригодишниот Италијанец и неговата партнерка се испратени на лекување во болница поради претрпен шок, а започната е истрага за откривање на сторителите и нивно апсење.

The post Заложничка драма во домот на голманот на ПСЖ: Донарума и неговата девојка соблечени голи и ограбени appeared first on Република.

Еден од најдобрите светски голмани Џанлуиџи Донарума и неговата сопруга биле мета на провалници кои од нивниот дом во Париз украле пари и предмети вредни 500.000 евра. Неколку напаѓачи упаднале во нивната куќа во центарот на Париз.

.Донарума и Алесија успеале да побегнат и да стигнат до блискиот хотел чиј персонал повикал полиција. Според извештаите од Франција, голманот е полесно повреден, додека неговата сопруга Алесија Елефанте е неповредена. Непотврдени информации велат дека е украдена стока вредна половина милион евра.

The post Oрганизирана банда го ограбила Донарума, одземени пари и предмети вредни половина милион евра appeared first on Република.

- Голманот на Пари Сен-Жермен, Џанлуиџи Донарума изрази разочарување по поразот од Марсеј со 1:2 во осминафиналето од Купот на Франција. Сепак, Италијанецот се надева на консолидирање на тимот и успешен настап против Баерн во Лигата на шампионите.

- Ја знаевме силата на Марсеј и очекувавме токму таков натпревар. Тоа е многу агресивен тим кој врши притисок. Деталите се важни. Разочарани сме и лути затоа што сакавме да го освоиме овој трофеј. Добро се подготвувавме цела недела и знаевме дека Марсеј ќе игра така. Но, сепак ни беше тешко да ја задржиме топката. Тоа е една од главните работи во кои треба да се истакнувате кога се соочувате со тим кој игра вака. Во вториот дел успеавме да одиграме подобро, но не можевме да ја промениме ситуацијата. Сега треба да ги кренеме главите и да размислиме за саботниот натпревар против Монако. Секоја натпревар има своја приказна. Во моментов треба добро да се подготвиме за натпреварот против Монако и потоа да размислуваме за Баерн, но секој натпревар има своја приказна. Знаеме дека темелно ќе се подготвиме за Лигата на шампионите. Ќе направиме сѐ за да го поминеме  Баерн и да се пласираме во четвртфиналето, го цитира „Л’Екип’ Донарума.

Првиот натпревар од осминафиналната пресметка меѓу ПСЖ и Баерн ќе се игра на 14 февруари во Париз

The post Донарума веќе мисли на мечот со Баерн на денот на вљубените appeared first on Република.

Голманот на Пари Сен-Жермен, Џанлуиџи Донарума, смета дека не е така лесно да се стане француски шампион.

– Многу луѓе мислат дека е лесно да се освои Лига 1. Но, јас знам дека тоа апсолутно не е така. Има одлични тимови во лигата. Некои стадиони се навистина тешки за играње, навивачите се непријателски расположени, а тимовите се многу конкурентни. Значи ова е тешко. Ако не одиграме 100 проценти, тешко е да се победи. Неопходно е секој пат да ја демонстрирате вашата најдобра игра, изјави Донарума за клупскиот сајт на парижаните.

ПСЖ го освои францускиот шампионат во сезоната 2021/22, пред Марсеј со 15 бодови  разлика. Тимот го освои првенството по десетти пат.

Донарума минатата сезона забележа 23 настапи за парижаните во сите натпреварувања и прими 23 гола

The post Донарума бара да не ја потценуваат француската лига appeared first on Република.

Џанлуиџи Донарума кој стана познат во Македонија откако Трајковски му даде „бомба“ во Палерм го напушта Пари Сен Жермен на крајот на сезоната. Првиот голман на италијанската репрезентација веќе подолго време е во контакт со Јувентус и со матичниот клуб Милан.

Иако италијанските медиуми пишуваа дека тоа е веќе „завршена работа“, сепак, престижниот француски весник „Л’Екип“, најавува голем пресврт.

The post Голманот на кој Трајковски му даде „бомба“ се враќа во Италија appeared first on Република.