Претседателот на ФИФА, Џани Инфантино, ги осуди денеска судирите меѓу навивачите што доведе до пролонгирање на почетокот на дуелот меѓу Бразил и Аргентина на стадионот „Маракана“ во Рио де Женеиро во јужноамериканските квалификациите за Мундијалот 2026.

„Апсолутно нема место за насилство во фудбалот, на теренот или надвор од него. На вакви настани не им е место во нашиот спорт или општество“, напиша Инфантино на својот Инстаграм профил на англиски, шпански и португалски јазик.

Почетокот на натпреварот на „Маракана“, на кој Аргентина му го нанесе првиот пораз на Бразил на домашен терен во историјата на јужноамериканските мундијалски квалификации, доцнеше поради физичка пресметка меѓу навивачите на двете земји на една од трибините на стадионот во Рио де Женеиро.

„Без исклучоци, сите играчи, навивачи, стручните штабови и судии мораат да бидат безбедни да играат и уживаат во фудбалот, и ги повикувам надлежните органи да обезбедат овој принцип да се почитува на сите нивоа“, порача Инфантино

The post Инфантино по инцидентите на „Маракана“: Нема место за насилство в фудбалот appeared first on Република.

Претседателот на ФИФА, Џани Инфантино, одговори на критиките откако направи селфи покрај ковчегот на Пеле.

Вознемирен сум откако ме известија дека некои луѓе ме критикуваат за правење селфи и фотографии на церемонијата. Сакам да појаснам дека за мене беше чест што соиграчите и членовите на семејството на големиот Пеле од мене побараа фотографија. Што се однесува до селфито, ме замолија да се фотографираме заедно, но не знаев како да го направам тоа. Затоа, му го зедов телефонот на еден од нив и не сликав сите за него. Доколку бидам критикуван затоа што му помогнам на блиските на Пеле, со задоволство ќе ги прифатам критиките и ќе продолжам да им помагам, на секој начин што можам, напиша Инфатино.

https://republika.mk/sport/fudbal/prviot-chovek-se-smee-i-pravi-selfi-pred-kovchegot-na-pele/

Пеле почина на 29 декември 2022 година на 82-годишна возраст поради компликации од рак на дебелото црево.

Бразилецот е единствениот трикратен светски шампион во историјата како фудбалер, а воедно и рекордер по бројот на постигнати голови во кариерата (1.279).

The post Инфантино за селфито крај ковчегот на Пеле: Членови на семејството побараа да се фотографираат со мене appeared first on Република.

Првиот човек на ФИФА, Џани Инфантино е на удар на критики поради тоа што правел селфи покрај отворениот ковчег на покојниот Пеле.

https://www.youtube.com/watch?v=i7cTXBSg9mg&feature=emb_title

Инфантино отпатува во Сао Паоло за да присуствува на погребот на легендарниот Бразилец, а неговото однесување за време на будењето ги згрози фудбалските фанови ширум светот.

Инфантино се насмевна и направи селфи со посетителите покрај отворениот ковчег во кој се наоѓа телото на славниот бразилски фудбалер.

The post Првиот човек на ФИФА се смее и прави селфи пред ковчегот на Пеле appeared first on Република.

Претседателот на Меѓународната фудбалска федерација (ФИФА), Џани Инфантино изјави дека ќе покрене иницијатива за именување на најмалку еден стадион во секоја земја по легендарниот бразилски играч.

Инфантино отпатува во Бразил за да му оддаде почит на легендарниот фудбалер.

– Ќе покренеме иницијатива сите земји во светот да имаат барем еден стадион кој го носи името на Пеле за сите деца да знаат колку тој бил важен за фудбалот – изјави Инфантино.

The post Власта на СДСМ не изгради ниту еден: Првиот човек на ФИФА ќе бара по еден стадион во секоја земја да го носи името „Пеле“ appeared first on Република.

Џани Инфантино е единствениот кој ја објави својата кандидатура за следните претседателски избори на ФИФА, објавено е на официјалната веб-страница на организацијата.

Рокот за поднесување пријави за избори истече ноќта меѓу 16 и 17 ноември.

На тој начин, Инфантино, со сигурност ќе биде реизбран на функцијата претседател на ФИФА, која ја извршува од 2016 година.

На последните избори во 2019 година, 52-годишниот функционер исто така беше единствениот кој ја истакна својата кандидатура.

Мандатот на претседателството на ФИФА е четири години.

Следните претседателски избори на ФИФА ќе се одржат на 16 март 2023 година на 73-от Конгрес на организацијата, кој ќе се одржи во Руанда.

The post Инфантино ќе биде реизбран за претседател на ФИФА, нема друг кандидат на изборите appeared first on Република.

Претседателот на ФИФА, Џани Инфантино, упати телеграма со сочувство за смртта на еден од најголемите македонски фудбалери во нашата историја, големиот Кирил Дојчиновски.

Во телеграмата до претседателот на ФФМ, Муамед Сејдини и целото македонско фудбалско семејство, првиот човек на светскиот фудбал изразува длабоко сочувство до семејството, истакнувајќи дека Кирил Дојчиновски е вистинска легенда на југословенскиот фудбал и еден од најголемите во неговата генерација.

Ќе ни недостасува неговата фудбалска големина, лидерството, но уште повеќе човечката и хуманата величина на Кирил Дојчиновски, напиша меѓу другото Инфантино.

Дојчиновски почина на 78-годишна возраст, а тој ќе остане запаметен и како прв Македонец кој заиграл на Светско првенство, во 1974 година.

The post Претседателот на ФИФА испрати телеграма со сочувство за смртта на Кирил Дојчиновски appeared first on Република.

И покрај бројните критики кои пристигнуваат од многу страни, Меѓународната фудбалска федерација (ФИФА) не се откажува од идејата за воведување Светско првенство на секои две години.

Првиот човек на ФИФА, Џани Инфантино, посочи дека тоа не е негова желба, туку заложба на огромно мнозинство од земјите членки.

Светско првенство на две години не беше мое барање, туку Конгресот (на ФИФА) побара да се подготви студија на изводливост. Направивме многу сериозна студија, која покажува дека од спортска гледна точка сè би функционирало, би имало помалку репрезентативни натпревари, но повеќе значајни мечеви - изјави Инфантино за италијанските медиуми.

Тој истакнува дека Светско првенство на четири години, како што е тоа сега случај, е застарен модел,

Многу земји во светот немаат среќа да настапуваат на Мундијалите, само 32 од 211 држави. Кога било одлучено Светското првенство да се одржува на четири години, фудбалот се играл во 40 држави во светот, а денес ги има повеќе од 200 и тоа мора да се земе предвид - изјави претседателот на ФИФА,.

The post Инфантино за Мундијал на две години: Тоа го бараат мнозинство од членките на ФИФА appeared first on Република.