Сигурно многумина од вас овие денови можеа да видат голем број од нашите јавни личности, пејачи, водители и актери како на социјалните мрежи споделуваат видеа на кои пеат некоја песна. Всушност станува збор за најновиот сингл на дуото - ДНК која носи наслов „Животе брате“, а на која како гости учествува кралот на фолк-музиката Наум Петрески и светски познатиот, а сепак наш Џамбо Агушев.

По се изгледа ова е уште една песна на ДНК која има голем потенцијал да стане химна на народот, односно како што е нивната „Ако утре ме нема“.

Панчо и Андреј велат дека во „Животе брате“ метафорично преку обраќање на небото/Бога, се обраќаат на животот.

„Животе брате, брате, дај насмевни се. Животе брате, брате дај смилувај се. Животе брате да запееме, Еднаш живееме“ - се пее во рефренот на оваа песна, а тоа се зборови кои токму Андреј и Панчо ги порачуваат на сите нас.

Немаме што да ви изјавиме. Кратко и јасно, ова е песна за животот! Пресреќни сме и почестени што две големи македонски легенди ни гостуваат и воедно благодарни што прифатија да бидат дел од овој проект. Искрено веруваме дека публиката ќе ужива во неа, велат момците од ДНК.

Инаку како и за останатите „чеда“ на ДНК, така и за оваа тие снимија одличен видеоспот со многу статисти и пријатели, а како режисер на спотот се потпишува Огнен Шапковски.

Како локации се избрани Скопска Црна Гора и етно ресторанот „Рибилимус“.

Авторскиот тим е идентичен, Лазар Цветкоски се погрижи за аранжманот, текстот е на Панчо, музиката заедничка, додека делот на трубите самиот Џамбо Агушев.

https://youtu.be/o54eLt4MY9Y?si=nHQVr4KJDC90y7Gk

The post ДНК, Наум и Џамбо ја објавија „Животе брате“ appeared first on Република.

Кралот на трубата, не само кај нас туку и пошироко, Џамбо Агушев ја промовираше најновата композиција, со наслов Оро Оптимус. Композитори се Џамбо и Илија Караџов, аранжманот е на Џамбо, Шукри Џеватов и Минтас Мемедов.

Покрај Џамбо во песната учествуваат и Мустафа Зејнелов, Шукри Џеватов, Илија Караџов и други. Снимано е во студио Минти стар, видеото е на CukiRecords Production.

Исеин Озден, или познат како Џамбо Агушев е роден во Струмица и свири на труба откако знае за себе. Вниманието на јавноста го привлече по освојувањето на наградата „златна труба“ на Гуча, Србија, во 2013 година. На 11 години го снимил и својот прв самостоен носач на звук, касетата „Џамбо магична труба“, кога го добива и сегашниот прекар Џамбо, кој му го дал лично Ферус Мустафов.

Албумот „Brasses for the masses” на Џамбо Агушев Оркестрарот e награден со престижната награда „German Records Critics“ како најдобар албум во светот за 2020 година. Учествувал во изработката на музиката за филмското остварување „Окја“ на Бонг Џун Хо, режисер и на филмот „Паразит“, кој стана првиот странски филм добитник на четири Оскари, меѓу кои и за најдобар филм. Во 2022 беше прогласен за „крал на ромската музика”, на манифестацијата кога се навршија 50 години од првиот Светски конгрес на Ромите.

Претходно Џамбо заедно со Фонтата го привлекова вниманието на јавноста со преработката на Касапското оро, една од најпознатите инструментални теми во целокупната Балканска музичка традиција.

https://www.youtube.com/watch?v=Ip5Y_CGsuFA

The post „Оро Оптимус“- ново видео на Џамбо Агушев appeared first on Република.

Групата „Фонтана“, Џамбо Агушев, заедно со Камерниот Оркестар IWCONNECT и специјалните гости, ќе одржат голем концерт на 26 декември од 20 часот во Центарот за култура „Антон Панов“ во Струмица. Како специјални гости на овој концерт ќе бидат една од најпознатите балкански вокални интерпретаторки Даница Крстиќ од Србија, како и еден од најдобрите светски гитаристи Ангел Демирев од Бугарија.

Концертот со наслов „Патување“ ќе биде едно уникатно музичко доживување за публиката. Балканската музичка традиција спакувана во посебни и урбани аранжмани ќе биде главниот двигател на ова „патување“, но покрај тоа ќе допреме и до богатата европска романтичност и сето тоа ќе биде изведено од триесетина музичари на сцената. Ветуваме уште еден несекојдневен музички настан кој ќе ја одбележи оваа година на културен и уметнички план, велат Џамбо Агушев и Благојче Трајковски.

Оваа иста музичка екипа пред одржа спектакуларен концерт во рамките на „Фестивал на музика од светот“ во Битола. Тоа беше настан кој предизвика многу воодушевување и силни емоции. Сето тоа беше одличен поттик и инспирација овој концертен спектакл наречен „Патување“ да започне свое патување низ градовите во Македонија и регионов. Па оттука, со сигурност можеме да кажеме дека во понеделник на 26 декември Струмица ќе биде центарот на културата и уметноста во нашата држава.

The post Фонтана, Џамбо и пријателите го продолжуваат своето „Патување“ со концерт во Струмица appeared first on Република.

Групата Фонтана заедно со трубачот Џамбо Агушев направи урбана обработка на „Касапско оро“,  една од најпознатите инструментални теми во целокупната Балканска музичка традиција.

За потребите на документарниот филм посветен токму на „Касапско оро“, кој треба да се промовира наскоро е направена токму оваа обработка со еден современ урбан призвук, а солистичкиот дел изведен од Благојче Трајковски и Џамбо Агушев го содржи целокупниот колорит кој го има Балканската музичка традиција.

Поканата да го реализираме ова парче музика за мене, а и за останатите колеги беше чест и големо задоволство. Мене како солист ова ми е трета обработка на оваа безвременска тема и секаде каде што ми се овозможува прилика со задоволство ја изведувам. Посебно се радувам што токму со Џамбо го реализиравме овој документ. Легендарните снимки од ова оро „Касапско“ кои ги оставија Тале Огненовски и Благоја Дескоски, се еден столб во македонската традиционална музика и заслужуваат бескрајна почит. Тие изведби за мене лично претставуваат огромна инспирација. Па оттука и ми се роди желбата да дадам и јас свој придонес во оживувањето и развојот на оваа исклучителна музичка тема, вели Трајковски.

Оваа безвременска тема своевремено ја обработија и ја документираа како аудио записи легендарните инструменталисти: кларинетистот Тале Огненовски и виолинистот Благоја Дескоски, така што со нивната изведба оваа тема остана цврсто втемелена во аналите на македонската музичка историја.

https://www.youtube.com/watch?v=TwH95JkHIsg

The post Џамбо Агушев и „Фонтана“ со обработка на „Касапско оро“ appeared first on Република.

Групата „Фонтана“ заедно со трубачот Џамбо Агушев направи урбана обработка на „Касапско оро“,  една од најпознатите инструментални теми во целокупната балканска музичка традиција.

За потребите на документарниот филм посветен токму на „Касапско оро“, кој треба да се промовира наскоро е направена токму оваа обработка со еден современ урбан призвук, а солистичкиот дел изведен од Благојче Трајковски и Џамбо Агушев го содржи целокупниот колорит кој го има балканската музичка традиција.

Поканата да го реализираме ова парче музика за мене, а и за останатите колеги беше чест и големо задоволство. Мене како солист ова ми е трета обработка на оваа безвременска тема и секаде каде што ми се овозможува прилика со задоволство ја изведувам. Посебно се радувам што токму со Џамбо го реализиравме овој документ. Легендарните снимки од ова оро „Касапско“ кои ги оставија Тале Огненовски и Благоја Дескоски, се еден столб во македонската традиционална музика и заслужуваат бескрајна почит. Тие изведби за мене лично претставуваат огромна инспирација. Па оттука и ми се роди желбата да дадам и јас свој придонес во оживувањето и развојот на оваа исклучителна музичка тема, вели Трајковски.

Оваа безвременска тема своевремено ја обработија и ја документираа како аудио записи легендарните инструменталисти: кларинетистот Тале Огненовски и виолинистот Благоја Дескоски, така што со нивната изведба оваа тема остана цврсто втемелена во аналите на македонската музичка историја.

Аудио продукцијата се реализираше во студио „ПОДРУМОТ“ од Ангел Ќосев, а за видео продукцијата  беа задолжени ВЕСТА ПРОДУКЦИЈА.

https://youtu.be/TwH95JkHIsg

The post Нова обработка на „Касапско оро“ – празничен подарок од Џамбо Агушев и „Фонтана“ appeared first on Република.

„Ако утре ме нема“ на ДНК и Џамбо Агушев оркестарот доби своја српска верзија со наслов „Ако сутра ме нема“ и тоа во изведба на неверојатниот Џенан Лончаревиќ. Можеби звучи неверојатно, затоа што ретко се случува изведувачи од соседството да препеат наша тема, но кога станува збор за „стварите“ на ДНК тогаш ништо не е невозможно.

До соработката дојде случајно, благорадение на нивниот заеднички колега и големо музичко име, неверојатниот Сергеј Ќетковиќ.

Сергеј беше воодушевен од песната, ми ја пушти да ја слушнам и веќе немаше простор за дискусија зашто знаев дека морам да ја снимам. Веднаш стапив во контакт со Панчо и за кратко бев кај Лазар Цветкоски во студио. Добивме одличен финален производ за кој добивам само позитивни реакции. Им благодарам и на Панчо и на Андреј што несебично ме поддржаа во желбата да снимам своја верзија на „Ако утре ме нема, вели Лончаревиќ.

Музиката за „Ако сутра ме нема“ е на Панчо и Лазар, препевот на верзијата на Џенан е на Сергеј Ќетковиќ, а аранжманот е со потписот на Лазе во чие студио и е продуцирана и снимена. Делот со трубачите, секако, му припаѓа на Џамбо Агушев оркестарот.

https://youtu.be/jbrWpqsVNRQ

The post „Ако утре ме нема“ на ДНК и Џамбо Агушев доби српска верзија appeared first on Република.

Инструменталната композиција „Вулкан“, дело на кларинетистот Благојче Трајковски, каде што солистички заедно го изведуваат со трубачот Џамбо Агушев и светски познатиот гитарист од Бугарија Ангел Демирев беше промовирана со видеозапис.

„Вулкан“ е една многу ведра, лесна и брза композиција каде што секој од инструменталистите остава по еден свој значителен белег. Благодарен сум на Димитар Христов за посебната енергија во аранжерското обликување. Џамбо ми е брат по музика и секое музицирање со него, за мене е посебно задоволство, вели Трајковски.

Како инструменталисти во „Вулкан“ се појавуваат и Иван Кукиќ на бас, Благоја Антовски на ударни инструменти, Ратко Даутовски на перкусии и Петар Миланов на гитара.

Дел од аудио снимката се работеше во студиото на Алекс Нушев во Софија, а дел во студиото на Дејан Момироски во Скопје. Комплетната аудио продукција и мастерингот го направи Дејан Момироски, а видео записот го потпишуваат Бојан Тасетовиќ и Дејан Наумовски од Веста Продукција. 
Благојче и Џамбо, преку нивната заедничка работа во последните неколку години докажаа дека се еден од најдобрите тандеми на Балканската инструментална музичка сцена. За ова парче музика работат со вонсериска музичка екипа, па оттука можеме да кажеме дека сме повеќе од сигурни дека ќе имаме нов инструментален Балкански хит.

https://www.youtube.com/watch?v=lO2WJlZ1BZ8

The post „Вулкан“ е нов инстументален хит на Благојче Трајковски, Џамбо Агушев и Ангел Демирев appeared first on Република.