Неколку стотици муслимани во Индонезија се собраа пред шведската Амбасада во Џакарта во знак на протест против палењето на копии на Куранот во Шведска и Холандија.

По тој повод демонстрантите ги запалија портретите на данскиот антиисламски активист Расмус Палудан, како и знамињата на Шведска, Данска и Холандија.

Локалните власти ги блокираа улиците што водат до амбасадата, каде што беа распоредени повеќе од 200 полицајци и војници, а зградата беше опкружена и со бодликава жица.

На 21 јануари Палудан запали копија од Куранот за време на протестите пред турската Амбасада во Стокхолм, а потоа холандскиот лидер на екстремно десничарското движење Пегида, Едвин Вагенсвелд, искина копија од Куранот во близина на седиштето на холандската влада.

Тоа ги налути муслиманите ширум светот кои организираа протести во некои земји, вклучително и Индонезија, каде демонстрантите извикуваа „Алах е голем” и бараа затворање на шведската Амбасада во Џакарта.

Претходно индонезиската Влада остро го осуди палењето на Куранот и ја повика на разговор шведската амбасадорка Марина Берг.

The post Запалени знамиња на Шведска, Данска, Холандија пред шведската Амбасада во Џакарта appeared first on Република.

Индонезија донесе одлука новиот главен град на земјата, што ќе се наоѓа на југостиокот на островот Калимантан, да го носи името Нусантара, што значи архипелаг.

Добив директна потврда од претседателот (Џоко Видодо) кој и кажа дека новата престолнина ќе се вика Нусантара - соопшти индонезискиот министер за планирање на национланиот развој, Сухарсо Моноарфа, на седница на владата за преселување на главниот град, пренесе Си-Ен-Ен..

Според зборовите на министерот, причина за таквата одлука е што терминот Нусантара е познато долго време.

Тој поим го опишува нашиот архипелаг на Република Индонезија - додава Моноарфа.

Претседателот Видодо ги најави плановите за преселба на главниот град во 2019 година, но поради пандемијата тој проект беше ставен на чекање.

Во Нусантара ќе биде седиштето на Владата, додека Џакарта, сегашниот главен град со повеќе од 10 милиони жители, ќе остане деловен и економски центар на земјата.

Една од главните причини за преселбата на главниот град е тоа што приближно 40 отсто од Џакарта е под нивото на морето и градот продолжува да тоне.

За масовното избивање на подземни води, експертите ги обвинуваат жителите, многуте деловни згради, трговски центри и апартмани.

The post Новиот главен град на Индонезија ќе се вика Нусантара appeared first on Република.