Унгарскиот министер за надворешни работи Петер Сијарто ја обвини Европската комисија за „антиунгаризам” и двојни стандарди, поради нејзината намера да го блокира доделувањето средства на унгарските универзитети во рамките на програмата за размена на студенти Еразмус.

По средбата со турскиот министер за национално образование, Махмут Озер, Сијарто рече дека постапките на Брисел се неприфатливи и неосновани.

Мислам дека ова е ужасен показател за двојни стандарди, рече Сијарто.

Тој ги обвини европските претставници дека покажуваат „нови симптоми на унгарофобија”.

На 10 јануари, Европската комисија одлучи да го прекине финансирањето во рамките на програмите Еразмус и Хоризонт за 21 унгарски универзитет управувани од фондации поврзани со владата.

Причина за суспензијата е, како што се тврди, присуството на политички личности и блиски до партијата Фидес во управните одбори, како и нетранспарентноста во користењето на европските фондови.

The post Сијарто ја обвини Европската комисија за „антиунгаризам” и двојни стандарди appeared first on Република.

Конзулот на Народна Република Кина во Либан, Чао Ји во серија објави на Твитер објави неколку илустрации кои го покажуват, како што вели, лицемерието и двојните стандарди на Западот кога станува збор за случувањата во светто, денес изразено во однос на војната во Украина.

На една илустрација се прикажани насловните две страници на познатиот магазин „Тајм“. Првиот наслов гласи „Однесување на Србите во пеколот“ со слики од бомбардирањето на Југославија од страна на НАТО, а вториот наслов гласи „агонија во Украина“.

https://twitter.com/CaoYi_MFA/status/1510972115884912642

https://twitter.com/CaoYi_MFA/status/1510972121484247042

The post Кинески дипломат со серија илустрации го критикува лицемерието и двојните стандарди на Западот appeared first on Република.

Палестинскиот претседател Махмуд Абас предупреди на „двојните стандарди“ на западните земји, кои, повикувајќи се на меѓународното право, брзо воведоа санкции кон Русија поради инвазијата на Украина, но не и кон Израел за „злосторствата“ на палестинските територии.

Палестинската управа на Абас не ја осуди воената акција на Русија, членка на Квартетот за Блискиот Исток и земја која официјално ја признава Палестина како држава, за разлика од САД и повеќето европски земји.

Таквата воздржаност ги налути западните дипломати во Ерусалим и на палестинските територии, пренесува Хина.

Многу западни дипломатски извори, кои сакаа да останат анонимни, за француските медиуми велат дека побарале од Палестинската управа, која главно е финансирана од Европската Унија, да ја осуди инвазијата на Украина.

На прес-конференција со американскиот државен секретар Ентони Блинкен, палестинскиот претседател, кој во саботата го прослави својот 87-ми роденден, ги критикуваше „двојните стандарди“ на Западот во однос на Украина и палестинските територии.

Амнести интернешенел (АИ), Хјуман рајтс воч (ХРВ) и израелската невладина организација Б’Тселем го обвинуваат Израел за „апартхејд“ врз Палестинците.

Актуелните настани во Европа јасно покажуваат дека се применуваат двојни стандарди. И покрај злосторствата на израелската окупација, кои можат да се споредат со етничко чистење и расна дискриминација, и се признати од меѓународните организации за човекови права (…), не наоѓаме никој да бара одговорност од Израел дека дејствува како држава над законот - истакна Абас.

Палестинскиот претседател додава дека тоа што се случува во Палестина не може да се толерира.

Меѓународното право не може да се гази и се прашуваме дали надмоќта на израелската окупаторска моќ над палестинскиот народ, понижувањето на неговото достоинство и неговите легитимни права, ќе продолжи без ништо да се преземе за да му се застане на крајот на тоа - додаде Абас на арапски јазик.

The post Палестинскиот претседател со критика за двојните стандарди на западните земји кон Украина и Палестина appeared first on Република.