Повеќе на ОФФ.нет

The post Капиштец стана двојазичен appeared first on Република.

Претседателот на Демократски Сојуз Павле Трајанов смета дека најавениот сојуз за Европска Унија на лидерот на ДУИ Али Ахмети е само флоскула.

Уставните промени се врзани за евроинтеграциите, сега Ахмети ќе прави сојуз, фронт итн за ЕУ… Оставете ги тие флоскули, фронт, ништо од фронтот. Ние треба да разговараме со сите парламентарни и вонпарламентарни партии, вели Трајанов.

Тој истакна дека албанскиот јазик не може да стане официјален во Европската Унија преку Македонија.

Советот на ЕУ да излезе и да рече да, македонскиот јазик ќе биде службен, официјален затоа што во тие преговори има и други работи кои што не сакам… зошто некој инсистирал да бидат два службени јазици во ЕУ што не е спорно, албанскиот јазик ќе си биде, Албанија штом влезе, исто. Но не може тоа да оди преку Македонија“, вели Трајанов.

Тој рече дека и да се отвори Уставот, односно да се внесат Бугарите, сепак тие повторно можат да не блокираат. Затоа, смета Трајанов, мора да имаме гаранции.

Нема гаранции, секоја држава може да го блокира процесот на Македонија, но ние мораме да обезбедиме некакви гаранции дека Бугарија нема да ги активира историските и образовните прашања кои се дел од францускиот предлог, вели Трајанов.

На крајот, Трајанов, кој партиципира во владината коалиција, се огради од ставовите на премиерот и некои министри кои ги делат граѓаните на про и анти ЕУ.

Апсолутно е неодговорно, неприфатливо, дури опасно да ги делите граѓаните и партиите дека едните се за Европска Унија, а другите не се. Тоа е опасна поделба, јас тоа не го поддржувам, таа реторика што ја промовира и претседателот на Влада и други министри е неприфатлива, изјави Трајанов.

The post Трајанов: Некој инсистирал албанскиот да стане службен јазик на ЕУ преку Македонија appeared first on Република.

Не му верувајте на Али, волкот во овча кожа, порачува пратеникот од Левица Борислав Крмов.

https://republika.mk/vesti/makedonija/ahmeti-ne-go-izvadi-albanskoto-zname-pred-amerikanskata-ambasadorka/

Додека Али ни мафта со македонското знаме за полесно да голтнеме отварање на Уставот, ДУИ ни воведуваат неуставна двојазичност во стопанството, па сега и дуќан во Берово или Струмица ќе мора да биде двојазичен или ќе биде казнет. Иако во моментов во општините каде раководи ДУИ, незаконски се веат само албански знамиња, таму инспекции нема, вели Крмов.

Со АНТИМАКЕДОНСКА структура нема компромис, порача Крмов.

https://republika.mk/vesti/makedonija/kazna-ako-lebot-vo-berovo-nema-i-albanska-ambalaza-po-skratena-postapka-vovedena-dvojazichnost-vo-stopanstvoto-niz-cela-makedonija/

The post Додека Али ни мафта со македонското знаме за полесно да голтнеме отварање на Уставот, ДУИ ни воведуваат неуставна двојазичност appeared first on Република.

Владејачката СДС, слугувајќи на нивниот национал-шовинистички коалиционен партнер ДУИ, продолжува со политики кои го деградираат значењето на македонскиот јазик и го загрозуваат унитарниот карактер на државата, наметнувајќи противуставна обврска трговците во нивното делување задолжително да го употребуваат и албанскиот јазик!, реагираат од Левица.

Во новиот Закон за заштита на потрошувачите, донесен во СКРАТЕНА собраниска постапка со европско знаменце, на сите трговци во државата се наметнува обврска амбалажите, налепниците, сертификатите, декларациите, гарантните листови и останатата документација на производите да ја испишуваат и на албански јазик и неговото писмо. Ова претставува непотребен и несразмерен товар и трошок за микро и малите трговци, но и противуставна обврска за задолжителна употреба на малцински јазик и на приватни субјекти!, алармираат од партијата.

За илустрација, велат од Левица - мала локална пекара во Берово која продава леб во Малешевскиот регион, согласно новиот закон може да се соочи со парична казна и времена забрана за вршење дејност доколку не ја напише амбалажата на својот производ и на албански јазик.

Ова е уште една во низата девастирачки мерки на владејачкото мнозинство, кое наместо справување со реалните економски и социјални проблеми на граѓаните, дополнително го отежнува работењето на ситните трговци и нивната борба за опстанок наспроти крупниот капитал и бизнис елитите, задоволувајќи ги единствено национал-шовинистичките хирови на ДУИ - кои никако не помагаат на сиромашниот Албанец во Македонија. Левица во наредниот период ќе иницира измени во Законот за заштита на потрошувачите со цел отстранување на овие противставни и нелогични законски обврски, кои доколку не бидат усвоени од мнозинството во Собранието, ќе бидат оспорени пред Уставниот суд!, порачаа оттаму.

The post Казна ако лебот во Берово нема и албанска амбалажа: По скратена постапка воведена двојазичност во стопанството низ цела Македонија appeared first on Република.

Шефот на пратеничката група на ДУИ, Арбер Адеми одржа денес прес конференција на која зборуваше за последните постапки на директорот на КИЦ за заобиколување на употребата на албанскиот јазик, за тенденциите и сценаријата на Алијанса, Беса, ВМРО и Левица за поттикнување на тензии и омраза.

Шефот на пратеничката група на ДУИ, Адеми истакна дека Алијанса за Албанците и Движењето Беса докажуваат политичка незрелост и го прекршуваат Законот за употреба на јазиците за да поттикнат тензии.

Овој чин на директорот на Културно-Информативниот Центар на коалицијата ВМРО, Левица, Алијанса и Беса предизвика многу реакции бидејќи со овој потег партнерите на коалицијата Алијанса за Албанците и Движењето Беса докажуваат политичка незрелост од една страна и од друга страна го прекршуваат Законот за употреба на јазиците кој е веќе во сила, со цел да ги поттикнат меѓуетничките тензии во време кога целиот континент страда поради војната во Украина. Ова може да биде само сценарио кое оди во прилог на Русија, како што беше и сценариото на мнозинството 61, истакна Адеми од ДУИ.

The post ДУИ: Коалицијата ВМРО, Левица, Алијанса и Беса ја суспендираа двојазичноста во Скопје appeared first on Република.

Општина Гази Баба станува двојазична. На таблите покрај македонскиот, ќе мора да се впише и албанскиот јазик. Ова доаѓа по резултатите од пописот, каде процентот на албанско население во оваа општина, сега е 20,3, со што според законот за употреба на јазиците, официјален јазик станува и Албанскиот.

Во единиците на локалната самоуправа јазикот и писмото што го користат најмалку 20% од граѓаните е службен јазик, покрај македонскиот јазик и неговото кирилско писмо. За употребата на јазиците и писмата на кои зборуваат помалку од 20% од граѓаните во единиците на локалната самоуправа, одлучуваат органите на единиците на локалната самоуправа, пишува во член 1 став четири од Законот за употреба на јазиците.

Најновите бројки според пописот пак покажуваат и дека албанското знаме нема повеќе да се вее во Кичево. Законот за употреба на знамињата на задниците во Македонија, пропишува дека официјално знаме на одредена локална самоуправа покрај македонското е и она на граѓаните кои се од друга националност, но се над 50 проценти. Според пописот бројот на Албанци во Кичево сега е 41,27 проценти.

Во единицата на локалната самоуправа, во која живеат граѓани припадници на заедницата и се повеќе од 50% од населението во таа единица на локалната самоуправа, согласно со членот 2 од овој закон, пред и во објектите на органите на единицата на локалната самоуправа постојано се истакнати знамето на Република Македонија и знамето на таа заедница, се вели во член 5 од Законот за употреба на знамињата на заедниците во Македонија.

Сепак законските прописи по се изгледа не се важни за градоначалникот на Кичево, кој кажа дека нема да ги тргне албанските знамиња, велејќи дека бројките од пописот не се вистински.

Албанците во Кичево биле, се и остануваат мнозинство. Над 55% обезбедуваат отпор. Знамето го кренаа неговите синови и тоа ќе се вее гордо засекогаш, вели градоначалникот на Кичево Фатмир Дехари.

Според последните бројки бројот на запишани граѓани во Кичево е 39.699, од кои Албанци се 41,27 проценти, додека пак Македонци се 40,38 проценти. Од општина Гази Баба пак засега не се произнесуваат дали ќе ги менуваат таблите.

The post Гази Баба станува двојазична по резултатите од пописот appeared first on Република.

Политичка тема која служи за деофкус од криминалот и пљачката која ја спроведува власта во Македонија, вели претседателот на ВМРО-ДПМНЕ, Христијан Мицкоски одговарајќи на новинарско прашање запрашан за двојазичноста на амблемите на полициските униформи.

Мицкоски истакна дека ова освен што е дефокус, на никој начин нема да го подобри стандардот на граѓаните на Македонија.

Нема да го намали бројот на автобуси кои ја напушттаат Македонија со млади луѓе од Тетово, Дебар, Гостивар, Струмица, Виница, Битола и тоа е уште еден обид преку поделба на народот да се сокрие пљачката која ја спроведува власта преводена од СДСМ и ДУИ, потенцира Мицкоски.

Тој нагласи дека е вчудоневиден со каква леснотија овие политичари во владата го навредуваат и потценуваат народот мислејќи дека на тој начин ќе направат нешто со кое ќе ги покријат овие неуспеси.

- Но јас не мислам така, мислам дека граѓаните гласно ќе зборуваат на следните предвремени парламентарни избори, изјави Мицкоски.

The post Мицкоски: Двојазичноста на полициските униформи е обид преку поделба на народот да се сокрие пљачката appeared first on Република.

Демократската Унија за Интеграција смета дека усвојувањето на Уредбата од страна на Владата со која се официјализира употребата на албанскиот јазик во полициските униформи е од големо значење.

ДУИ наведе дека со оваа одлука со која се овозможува полициските униформи да се и на албански јазик, е исполнета уште една обврска која произлегува од Охридскиот Рамковен Договор и која е во согласност со Законот за употреба на албанскиот јазик донесен од страна на Собранието.

„Оваа владина уредба е уште еден чекор кон исполнување на законската обврска, но и за зголемување на довербата меѓу полицијата и граѓаните, бидејќи оваа доверба ќе има уште поголемо влијание врз лојалноста на граѓаните и општествена кохезија и создавање и изградба на демократските институции во државата“, велат од ДУИ.

Демократската Унија за Интеграција констатира дека е успешно завршена уште една задача согласно Уставот и Законот, што е одраз на
принципиелното спроведување на начелата на еднаквост како гаранција за напредокот на нашата земја за еднакво општество чија цел е интеграцијата на земјата во големото европско семејство.

The post ДУИ: Албанскиот јазик во полициските униформи, одраз на принципот на рамноправност appeared first on Република.

За Апасиев е добро да си ги прошири хоризонтите, бидејќи едуцираност и култура е да познаваш други јазици. Му сугерирам да започне со курс за учење на албанскиот јазик, му порача лидерот на Алијансата на Албанците Зијадин Села на лидерот на „Левица“, Димитар Апасиев кој остро ја коментираше вчерашната одлука на владата за воведување на двојазичност на полициските униформи.

https://republika.mk/vesti/makedonija/apasiev-ne-j-at-ni-ustav-ni-zakon-dvojazichni-uniformi-vovele-so-uredba-na-vlada/

За Апасиев е добро да си ги прошири хоризонтите, бидејќи едуцираност и култура е да познаваш други јазици. Му сугерирам да започне со курс за учење на албанскиот јазик и заедно со тој курс да помине и неколку лекции со музичкиот инструмент чифтели, па заедно со Али Ахмети да загрмат со песната за Енвер Хоџа, објави информативната агенција на албански јазик ИНА.

На ова Апасиев му врати дека би било пренајјако.

Стварно бе...Колку би било пренајјако ја и командант Али, заедно да испееме една добра албанска песна за ЕНВЕР ОЏА, а у публика да седат Зијадин Села, Скендер Реџепи и Кастриот. (Само ми е страв да не налета Мендух од некоја страна, па да ни ја сјебе цела приредба), пишува тој.

The post „Колку би било пренајјако“, му врати Апасиев на Села за предлогот со Ахмети да пеат за Енвер Хоџа appeared first on Република.

Во Кичево нема проблем со двојазичност. Преминато е во еднојазичност. pic.twitter.com/eAtxoXw1V4

— Кичевчанецот🇲🇰 (@zoreski) March 15, 2022

The post Во Кичево нема проблем со двојазичност, еднојазично е appeared first on Република.

Албанскиот јaзик официјално почна да се употребува и на полициските униформи.

Првиот вицепремиер Артан Груби на социјалните мрежи објави дека ова се реализира во пракса.

„Уште една успешно извршена задача! Албанскиот јазик официјално и на полициските униформи!“ напиша Груби на својот Фејсбук-профил.

Вели дека на денешната седница на Владата е усвоена измената на Уредбата за униформите и нивните симболи со која се предвидува употреба на албанскиот јазик како службен јазик на униформите на полициските служби во согласност со законот.

Информацијата официјално е потврдена и од Владата. Во соопштението од денешната владина седница стои:

На оваа своја седница Владата ја донесе Уредбата за униформата и ознаките на униформата на полицијата.

Оваа Уредба е донесена врз основа на Законот за употреба на јазиците, каде што според член 8 став (3) е утврдено дека униформите на полицијата во Скопје и во општините во кои најмалку 20% од граѓаните зборуваат службен јазик различен од македонскиот јазик, се напишани на македонски јазик и неговото кирилско писмо, како и на јазикот што го зборуваат најмалку 20% од граѓаните во Република Македонија и неговото писмо.

Оваа Уредба влегува во сила осмиот ден од денот на објавувањето во „Службен весник на Република Македонија“, а ќе отпочне да се применува во текот на една година од денот на влегувањето во сила.

The post Полицајците во Скопје со двојазични униформи – албанскиот јазик и официјално на униформите appeared first on Република.