Стручна група на Светската здравствена организација (СЗО – WHO) препорача во петокот употреба на два лека, на фармацевтската компанија „Eli Lilly“ и на компаниите „GlaxoSmithKline“ и „Vir Biotechnology“, додавајќи нови опции за лекување на пациентите со ковид-19 во периодот кога омикрон варијантата на короанвирусот забрзано се шири во светот.

Податоците на СЗО покажуваат дека омикрон сојот, кој ја избегнува заштитата којашто ја пружаат многу вакцини и терапии, е идентификуван во 149 земји и региони во светот. Брзо ја заменува делта варијантата како доминантна во неколку земји, принудувајќи ги владите и научниците да ја зајакнат одбраната со зачестено тестирање, инјекции и терапии.

Комисијата во четвртокот силно го препорача летокот „барицитиниб“ на „Eli Lilly“, кој е продава под стоковата марка „Олумиант“ за пациентите со тешка форма на ковид-19 во комбинација со кортикостероиди, додека условно ја поддржа терапијата со антитела на тандемот „GlaxoSmithKline“ и „Vir Biotechnology“ за полесните пациенти со најголем ризик од хоспитализации.

Досега терапијата со моноклонските антитела на „GlaxoSmithKline“ и „Vir Biotechnology“ единствената покажа ефикасност против омукрон сојот во лабораториските тестови, додека сличните третмани на терапиите со „Eli Lilly and Co“ и на „Regeneron Pharmaceuticals“ нуделе пониска заштита во таквите тестирања.

Стручњаците на СЗО напоменаа дека ефикасноста на лекувањето со моноклонските антитела, мешавини произведени во лабораторија коишто ја имитираат прородната одбрана на организмот, против новие варијанти како што е омикронот сѐ уште е не извесна, и додадоа дека насоките за оваа класа лекови ќе бидат ажурирани кога ќе бидат достапни дополнителни податоци.

Насоките на СЗО, објевени во списаниот British Medical Journal, исто така, наведуваат дека доказите покажуваат дека „барицитиниб“ ја подобрува стапката на преживување и намалување на потребата од респиратор, без воочено зголемување на штетните ефекти.

Француската медицинска добротворна организација Лекари без граници (Médecins Sans Frontières – MSF) ги поздрави насоките на СЗО и додаде дека „барицитинибот“ може да биде потенцијална алтернатива на сегашните третмани со моноклонски антители кои се препорачани од СЗО, а кои и натаму се недостапни за многу земји со ниски и средни приходи. Од MSF, исто така, наведедуваат дека владите мора да преземат чекори за да осигурат монполите над патентите да не го спречуваат пристапот до лекувањето.

The post СЗО препорача два нови лека за ковид-19 appeared first on Република.