Техничкиот премиер Талат Џафери денеска изјави дека „законите се донесени и приказната е затворена“, одговарајќи на новинарско прашање во однос на препораката на Советот на Европа за отповикување на Законот за амнестија од 2011 и процесирање на четири Хашки случаи.

-Веќе дадов одговор за тоа дека е завршена работа во контекст на она што е законодавство и состојбата во државата. Завршена е таа приказна, законите се донесени, изјави кратко Џафери.

Оваа нервозна реакција на поранешниот командант на УЧК следува откако со допис до македонската влада упатен на 15 јануари 2024 година на адресата на тогашниот премиер Димитар Ковачевски, комесарката за човекови права на Советот на Европа, Дуња Мијатовиќ, побара досиејата од Хашкиот трибунал да се истражат од домашните судови.

The post Хашките случаи за Џафери биле завршена работа: Знае ли поранешниот УЧК командант дека злосторствата против човештвото не застаруваат? appeared first on Република.

Со допис до македонската влада упатен на 15 јануари 2024 година на адресата на тогашниот премиер Димитар Ковачевски, комесарката за човекови права на Советот на Европа, Дуња Мијатовиќ, бара досиејата од Хашкиот трибунал да се истражат од домашните судови.

Таа исто така испрати писма и до другите премиери на земјите-членки на Советот на Европа во регионот на поранешна Југославија, кои се објавени интегрално на интернет-страницата на Советот на Европа, во нив се препорачува да се преземат конкретни чекори за справување со насилното минато и поодлучно движење кон социјална кохезија, правда и помирување.

Мијатовиќ ги нагласува клучните чекори што треба да се преземат, а кои ќе го подобрат почитувањето на правата на жртвите и ќе промовираат инклузивен и заснован на човекови права пристап за справување со минатото во регионот, пишува „Нова Македонија“.

– Како комесар за човекови права на Советот на Европа, мојот мандат е да поттикнувам ефективно почитување на човековите права во сите 46 земји-членки на Советот на Европа, вклучително и преку дијалог со владите на земјите-членки и тематската работа. Ви пишувам денес за да ви го свртам вниманието на еден проблем – стои во писмото на Мијатовиќ до Ковечевски.

Извор Нова Македонија

The post Комесарот за човекови права на Советот на Европа бара од владата на ДУИ и СДСМ да ги истражи хашките досиеа appeared first on Република.

Неуспехот во „целосното соочување“ со воените злосторства и со основните причини за конфликтот во 1990-те продолжува да има катастрофални последици за почитувањето на човековите права, владеењето на правото и социјалната кохезија во земјите од поранешна Југославија, се вели во извештајот на Советот на Европа објавен во четврток.

„Времето истекува да се постигне ефективна правда, компензација и вистина за жртвите“, вели во извештајот Дуња Мијатовиќ, комесар за човекови права на Советот на Европа.

„Значајното назадување во процесот на справување со минатото се совпаѓа со негативните трендови во областа на човековите права“, додаде таа, наведувајќи го пред сè говорот на омраза. „Тоа на крајот го загрозува тешко стекнатиот мир“.

Во својот извештај, комесарката ги испитува недовршените судски процеси и обврски во однос на справувањето со минатото.

„Кривичното гонење за воени злосторства, потрагата по исчезнати лица и обезбедувањето компензација на жртвите неодамна забави или стагнираше главно поради недостаток на политичка волја“, вели Мијатовиќ.

Додава дека пропаднале и другите клучни мерки, како што се формирање комисии за вистина и помирување, проверка на јавните функционери, справување со основните причини за насилното минато и инклузивна меморијализација.

Исто така, ги истакнува негативните трендови кои ги поткопале обидите за справување со минатото и дава препораки како да се даде нов поттик на процесите на транзициската правда за да се создаде иднина каде што конфликтот е помалку веројатен.

Комесарката нагласува дека „етно-националистичкиот дискурс“ што „засили“ во регионот, заедно со зголемувањето на негирањето на воените злосторства и глорификацијата на воените злосторници, сериозно ги попречува напорите за помирување и загрозување на мирот. Таа ги прозва медиумите, верските водачи и јавните личности за ширење на овие „штетни наративи“, предупредувајќи на нивната одговорност да ги сменат овие негативни трендови.

„Наративите и дејствијата кои предизвикуваат поделби и омраза станаа општа политичка стратегија, вклучително и околу изборите, и опасно ги поткопуваат напорите да се спречи повторување на насилството“, наведува Мијатовиќ.

Нагласувајќи ја клучната важност на регионалната соработка во овој контекст, комесарката ги повикува државите во регионот да ги оживеат напорите во справувањето со минатото кон правда и помирување со пристап ориентиран кон жртвите и нулта толеранција за негирање геноцид и поттикнување омраза кон другите етнички групи.

Меѓугенерациската димензија на справување со минатото е важна, вели Мијатовиќ, и вклучува младинско ангажирање, интегрирано образование, часови по историја и меморијален центар заснован на човековите права.

„Од клучно значење е да се зајакне политичката и финансиската поддршка за силно и издржливо граѓанско општество кое работи на транзициската правда. Граѓанското општество во моментов е најдобрата надеж за подобра иднина заснована на човековите права и владеењето на правото“, заклучува комесаркта за човекови права на Советот на Европа.

The post Совет на Европа: Земјите од поранешна Југославија уназадуваат во справувањето со минатото appeared first on Република.