Државниот санитарен и здравствен инспекторат (ДСЗИ) денеска извршил инспекциски надзор на Детската клиника во Скопје, а откако биле откриени недостатоци, најавен е прекршочен платен налог.

Како што попладнево информираат од ДСЗИ, на денешниот контролен инспекциски надзор во Универзитетската клиника за детски болести, по изминати рокови за постапување по наложени мерки со издадено решение, констатирано било дека не е постапено во целост по решението.

Од вкупно 14 доктори специјализанти кои исполнуваат услов за добивање на времена лиценца од Лекарска комора на Македонија и времени факсимили за работа, само за двајца има обезбедени времени лиценци за работа и не е поднесено барање до министер за здравство за обезбедување времени факсимили за работа на Клиниката. Во ноќна смена во дежурна амбуланта, на Клиниката работат доктори специјализанти без времени факсимили за работа и доктори кои не исполнуваат услов постар специјализант. На Клиниката, од вкупно вработени 45 доктори специјалисти, дежураат само по тројца докотори, притоа ниту еден од нив не дежура во амбуланта на Клиниката, а прегледите во дежурна амбуланта се вршат од страна на специјализанти, кои издаваат медицинска документација во име на дежурните доктори специјалисти, а некогаш и документација и без потпис и печат, се наведува во соопштението на ДСЗИ.

Од страна на установата, а во однос на издаденото решение, постапено било само во делот на внесување на личните податоци и медицинските податоци на пациентите - за извршените здравствени услуги, во интегрираниот здравствен информатички систем „Мој термин“.

Врз основа на наведеното, а согласно член 31 став 1 и 3 ќе биде издаден прекршочен платен налог со предлог за порамнување и тоа: на правното лице ЈЗУ УК за детски болести - Скопје со глоба во износ од 4.000 евра во денарска противвредност и на одговорното лице во правното лице со глоба во износ од 30 отсто од одмерената глоба за правното лице односно во износ од 1.200 евра во денарска противвредност, појаснуваат од Инспекторатот.

Доколку сторителот на прекршокот е согласен на постапката за порамнување и глобите ги плати во рок од осум дена од денот на добивање на платниот налог, како што додаваат, уплаќа половина од погоренаведените износи - 2.000 евра во денари противвредност за правното лице и 600 евра во денари противвредност за одговорното лице, а за уплатата треба да достави доказ до Инспекторот.

Доколку сторителот не е согласен да ја прифати постапката за порамнување или не ги плати изречените глоби, инспекторот е должен да поднесе барање за поведување на прекршочна постапка пред надлежен суд, истакнуваат од ДСЗИ.

The post ДСЗИ ја казни со 5.200 евра Клиниката за детски болести бидејќи на ноќно дежурство прегледуваат специјализнати во име на дежурни лекари специјалисти appeared first on Република.

Вонредниот инспекциски надзор на Државниот и здравствен инспекторат не утврди пропусти во случајот со бебето старо осум дена кое почина пред неколку дена на Детската клиника, а беше донесено од Струмица.

Од Здравствениот инспекторат велат дека вонреден надзор бил направен и во Детската клиника и во струмичката болница, но и кај матичниот гинеколог на мајката. Бебето според лекарите од Детска било донесено во критична состојба и со тешка сепса.

The post ДЗСИ: Нема пропусти во случајот со бебето од Струмица appeared first on Република.

Државниот санитарен и здравствен инспекторат попладнево излезе со информација за спроведениот вонреден инспекциски надзор на Клиниката за детски болести, Клиниката за респираторни заболувања кај децата „Козле“ и приватната здравствена установа Ехолаб - ординација по општа медицина, во врска со третманот и лекувањето на починатото 14-месечно бебе од Скопје.

Во извештајот се посочува дека детето било однесено кај матичниот лекар на 30 септември со симптоми на повраќање при што е утврдено дека нема температура, а грлото му било лесно зацрвенето и аускултаторно без наод на белите дробови. Истиот ден, во попладневните часови детето е однесено на Детската клиника заради перзистирање на повраќањето каде е прегледено од дежурен лекар специјалист, кој ја потврдил дијагнозата од матичниот лекар, а во специјалистичкиот извештај било наведено да се донесе наредниот ден на контрола и по потреба во секое време.

Кај матичниот лекар, наредна посета била на 3 октомври заради, според изјава на родител, пролонгирано повраќање - најмалку два пати дневно и малаксалост. Повторно било прегледано со наод без температура, црвено грло, наод на бели дробови аускултаторно уреден. Заради перзистирање на состојбата со повраќање, истиот ден матичниот лекар креирал итен упат за Детската клиника каде е прегледано колу 15 часот и издадени се два упати за лабораторија и еден за гасни анализи.

Истиот ден по добивање на резултатите повторно било прегледано од специјалист педијатар и дополнително биле издадени упати за лабораторија и за РТГ дијагностика. При преглед наод на везикуларно дишење со пропратен наод на бронхитични хркулки обострано. РТГ наодот покажува нагласен броховаскуларен цртеж билатерално, хипобазално и корелира со аускултаторниот наод. Ординирана и терапија и пратено на домашно лекување, се наведува во извештајот на ДСЗИ.

На 4 октомври, самоиницијативно родителите го однеле детето во Клиниката за респираторни заболувања кај децата „Козле“ околу 11 часот, каде по преглед од страна на лекар специјалист педијатар, е задржано на болничко лекување заради поставена дијагноза - bronchiolitis acuta.

Во текот на хоспитализацијата направени се следните испитувања: 4 ацидобазни статуси, јонограм, CRP-2,5 хепатограм, уринарен статус- (кетони и леукоцити), брз хроматографски тест за антиген детекција, RSV (negativen) гликемија, искашлок со за дренажен бактериолошки преглед РТГ на бели дробови. Во тек на денот и покрај ординираната терапија се влошува здравствената состојба на детето заради што е префрлено на одделот за интензивна нега со зголемена кислородна поддршка. Поради прогресивно влошување на состојбата без одговор на дадената терапија, со прогресивен пад на кислородна сатурација, со клиничка и лабораториска слика на тежок респираторен дистрес, дежурните доктори стапиле во контакт со ИМП и со дежурен доктор на ЈЗУ УК детски болести и во 03.20 часот со возило на ИМП, пациентот е префрлен на ЈЗУ УК детски болести. Испис на 5 октомври со дијагноза pneumonia massiva, bronchitis obstruens во напад, се додава во извештајот.

Приемот на Детската клиника бил во 03:38 часот со Дг I 18 – pneumonia.

- Хоспитализирано во 03.47 на одделение за интензина нега и терапија. Со оглед дека било во исклучително тешка здраствена сосотојба побарано е и стварен контакт со ЈЗУ ИК ТОАРИЛУЦ -ОЕ КАРИЛ заради поставување на асистирано дишење . Од страна на анестезиолог е издаден изештај дека е пристапено кон реанимација, без успех и настапува смртен исход, Исписна дијагноза e Bronchopneumonia obstructiva, Exitus letalis во 04.20 минути, се појаснува во извештајот.

Телото било предадено на обдукција на Институт за судска медицина, криминологија и деонтологија. Од страна на ДСЗИ се иницира формирање на Комисија за стручен надзор.

The post ДСЗИ го објави извештајот за починатото 14-месечно бебе appeared first on Република.

Инспектори од Државниот здравствен и санитарен инспекторат (ДЗСИ) од утрово се на терен и вршат инспекциски надзор на Детската клиника во Скопје и на Клиниката за белодробни заболувања кај децата „Козле“, изјави денеска министерот за здравство Арбен Таравари коментирајќи го случајот со 14-месечното бебе што завчера почина на Детската клиника во Скопје, каде што било хоспитализирано со тешка респираторна инфекција.

Утрово имав состанок со директорот на Државниот здравствен и санитарен инспекторат. Нивните екипи веќе се на терен. Фирмирана е и комисија што ќе ги испита сите факти и аргументи за случајот“, рече тој во изјава за медиумите по повод Денот на органодарителството.

Министерот вчера потврди дека 14-месечното бебе претходно било одбиено да се хоспитализира, но посочи дека без разлика каков ќе биде исходот од истрагата на инспекцијата треба да има одговорност за случајот.

Бебето почина на 5 октомври на Детската клиника, а дел од медиумите пренесоа дека претходно неколкупати било одбивано да се хоспитализира иако неговите родители трипати го носеле на преглед на оваа клиника.

The post Таравари: Инспектори од ДЗСИ ги испитуваат причините за смртта на 14-месечното бебе appeared first on Република.

Државниот санитарен и здравствен инспекторат ќе иницира формирање на Комисија за стручен надзор до министерството за здравство, со цел да се утврди дали има пропусти во начинот на лекување на родилката и новороденчето од Битола, кое почина 30 часа по породувањето.

ДСЗИ констатирало дека новороденчето било со ослабен тонус, ослабени рефлекси и срцева слабост. Веднаш бил извршен транспорт со медицинско возило на новороденчето, но неговата состојба дополнително се влошила и на 15 јуни тоа починало.

The post ДСЗИ ќе иницира формирање на Комисија за стручен надзор за бебето од битолската болница appeared first on Република.

Државниот санитарен и здравствен испекторат извршил контрола на Клиниката за токсикологија во однос на договорите за работа при што констатирал дека договорите се со потпис од само еден директор.

Согласно законските одредби во однос на потпишувањето на акти, медицинскиот и организацискиот директор имаат заедничка надлежност и кај потпишувањето на договорите за вработување, отказни решенија, јавни набавки итн. Доколку овие акти се потпишани само од еден директор, согласно закон за здравствена заштита се сметаат за непотпишани, но, законодавецот не предвидел глоба по ова прашање – изјави денеска директорката на ДСЗИ Рената Младеновска.

Таа најави дека за ова ќе го информираат министерот за здравство кој треба да одлучи понатаму во однос на валидноста на договорите за работа.

Организациската директорка на Клиниката за токсикологија, Бесија Иљази во изјава за албански медиуми вчера кажа дека Клиниката има потреба од 18-те вработувања што предизвикаа превривања во јавноста.

Иљази увидела дека имаат потреба и затоа инсистирала да се направат договорите. Според неа, лицата работеле постојано и повеќе отколку што требало, дежурале, нешто што не било дозволено без договор.

Иљази вели дека се обидува максимално да го реши овој проблем.

Испратив барање до Министерството за здравство на 28 февруари, кое беше прифатено. Исто така и до Министерството за финансии. Добивме дозвола од Министерството за здравство дека слободно може да се направат договорите, вели Иљази.

Во изминатиот месец почнаа скандалите на Клиниката за токсикологија. Прво вработените преку писмо до медиумите, а потоа и на прес-конфренција укажаа дека директорка Иљази не зборува со нив на македонски јазик, не може да се разберат со неа и не дозволува да се вработат двајца дипломирани биолози и еден болничар, а е упорна да се вработат 18 лица на кои им истекоа договорите за дело на 31 декември 2023.

Министерот за здравство пред изборите најави, а одма после изборите го разреши медицинскиот директор Данил Петровски, а за организациската директорка Илјази рече дека ќе директорува сѐ додека не го прекрши законот.

The post Договорите за вработување на Токсикологија се невалидни, бидејќи се потпишани само од еден директор appeared first on Република.

Државниот санитарен и здравствен инспекторат (ДСЗИ) ќе издаде решение со кое на здравствените работници кои немаат договор за работа на Клиниката за токсикологија ќе им биде забранет пристап на Клиниката. Ваквиот чекор на ДСЗИ следува откако менаџментот на Клиниката не постапил по издаденото решение за опомена со наложени инспекциски мерки.

Како што денеска информираше директорката на ДСЗИ Рената Младеновска менаџментот на Клиниката не постапил по мерките што ги издал ДЗСИ, освен по една точка да се свика Управниот одбор.

Прашана како е можно да се појавуваат на работа лица кои немаат договор за работа, Младеновска упати одговорот да се бара кај менаџментот на Клиниката и кај Министерството за здравство.

ДСЗИ изврши контролен инспекциски надзор на Клиниката за токсикологија по издадено решение за опомена со наложени инспекциски мерки кои истото беа должни во рок од три дена да испратат писмено известување дали е постапено по истото решение, меѓутоа такво писмено известување не добивме. Со оглед на фактот дека на самиот надзор присуствуваа двајцата директори и медицинскиот и организацискиот беше доставена документација во однос на листи од електронска евиденција на работно време и контрола на пристап во просториите од истите документи ДСЗИ го констатираше следново: По точка 1 и 2 од решението издадено за опомена не се постапува, односно здравствените работници соработници коишто немаат договор за вработување, односно договорот им истекол на 31.12.2023 година истите се евидентираат и понатаму на Клиниката за токсикологија што значи дека под точка 1 и 2 не е постапено од решението, рече Младеновска.

Доколку не се постапи и по ова решение, Младеновска рече дека следуваат парични казни за организацискиот и за медицинскиот директор, како и за самата Клиника.

Единаесет здравствени работници и соработници во решението од ДСЗИ кои биле без никаков договор за вработување, откако договорите им истекле на 31 декември лани и понатаму се евидентирале во електронскиот систем за евиденција на работното време и контрола на пристап до просториите. Со евиденцијата на присуство во просториите на јавните здравствени установи не било постапено по точка 1 од решението.

Постапено било само по точка 4 - медицинскиот директор на Клиниката побарал од претседателот на УО да свика состанок, тој ги поканил членовите и денеска била закажана седница, а според добиените информации, морало да се постапува по решението издадено од страна на ДСЗИ.

Младеновска кажа дека о организациската директорка разговарале со преведувач бидејќи таа не го користи македонскиот јазик.

Вработени од Токсикологија преку писмо до медиумите реагираа за односот на в. д. организациската директорка Бесија Иљази, која меѓудругото не потпишува клучни документи. Во писмото пишуваше дека Клиниката веќе два месеца не е осигурана иако тоа е законска обврска. На прес-конфренцијата, лекари од стручниот колегиум на Токсикологија кажаа дека Иљази не дозволува да се вработат двајца дипломирани биолози и еден болничар. Но, затоа е упорна да се вработат 18 лица на кои им се истечени договорите за дело на 31 декември 2023. Тие кажаа дека Иљази не знае македонски јазик и не може да се разберат со неа и доаѓа на работа во 10 часот, а си оди во 14,30.

По прес-конфренцијата на лекарите од стручниот колегиум на Токсикологија, средба со новинарите имаше и министерот за здравство Илир Демири кој најави дека ќе го разреши медицинскиот директор на Клиниката за токсикологија д-р Данил Петровски, а за економската директорка Бесија Иљази, вели дека нема констатирано ниту едно прекршување.

Неколку дена подоцна пукна цевка од парно на Токсикологија и беа поплавени речиси сите лекарски канцеларии на вториот кат, болнички соби на првиот кат, Одделението и сметководство, ходниците на приземјето, чекалната се до амбулантата на ОРЛ и дел од подрумските простории.

https://republika.mk/zivot/zdravje/na-toksikologija-poplaveni-lekarski-kantselarii-bolnichki-sobi-smetkovodstvo-ambulanta-na-orl-shtetata-dopolnitelno-ke-se-utvrduva/

https://republika.mk/vesti/makedonija/ekonomskata-direktorka-na-toksikologija-besija-ilazi-go-zgolemi-dolgot-na-klinikata-raboti-po-4-5-chasa-ne-potpishuva-kluchni-dokumenti-i-ne-znae-makedonski/

https://republika.mk/vesti/makedonija/ministerot-za-zdravstvo-deneska-ke-go-razreshi-meditsinskiot-direktor-na-toksikologija-d-r-petrovski-a-za-ekonomskata-direktorka-ilazi-veli-nema-nitu-edno-prekrshuvane/

The post ДСЗИ ќе издаде решение за забрана за доаѓање на работа на Токсикологија за здравствените работници на кои им истекол договорот за работа пред пет месеци appeared first on Република.

Министерството за здравство попладнево информираше дека ги прифаќа препораките на Комисијата за заразни болести за спречување на ширењето на голема кашлица, но не кажа дека нема да се примаат невакцинирани деца во градинките.

Во соопштението се наведува дека министерот Илир Демири ќе донесе одлука со која на Државниот санитарен и здравствен инспекторат (ДСЗИ) ќе му наложи да постапува согласно законските надлежности предвидени со Закон за заштита на населението од заразни болести, како и да врши вонредни инспекциски надзори, односно увид во вакциналните потврди обезбедени од вакциналните пунктови за примена вакцина против голема кашлица.

Портпаролот на Комисијата, д-р Злате Мехмедовиќ вчера рече дека предлагаат да се зголеми инспекцискиот надзор на ДСЗИ во градинките со цел да се види дали се почитува препораката на Комисијата за заразни болести, да не се примаат невакцинирани и нецелосно вакцинирани деца со ДиТеПер вакцината.

Министерството за здравство апелира до родителите дека најдобар начин за превенција на голема кашлица е вакцинацијата, затоа треба да ги вакцинираат своите деца, се вели во соопштението.

Директорката на Државниот санитарен и здравствен инспекторат (ДСЗИ) Рената Младеновска денеска изјави дека ќе забранат посета во градинки на деца кои немаат примено ДТП вакцина, само доколку препораката на Комисијата за заразни болести биде прифатена и со одлука, а Министерството за здравство му наложи на Инспекторатот да врши вонредни инспекциски надзори заради увид во вакциналните потврди обезбедени од вакциналните пунктови за примена ДТП вакцина.

Вакцинацијата против голема кашлица во земјава се спроведува со комбинирани вакцини: Hexaxim (DTaP-IPV-Hib-HepB), Pentaxim (DTaP-IPV-Hib) и Tetraxim (DTaP-IPV). Според Календарот за имунизација, првата доза на вакцина се дава на деца на возраст со навршени два месеца, втората доза на возраст од четири месеци и третата доза на возраст од шест месеци. Првата ревакцинација се врши една година по комплетирањето на примарна вакцинација, на 18-месечна возраст. Втората ревакцина се дава во второ одделение, односно на 7-годишна возраст.

Првиот случај на голема кашлица беше пријавен на 5 јануари, а Центарот за јавно здравје Скопје на 8 февруари прогласи епидемија на ниво на Град Скопје, по препорака на Комисијата за заразни болести.

Според податоците од Институтот за јавно здравје, до вчера беа регистрирани 123 случаи на голема кашлица во цела Македонија, од кои 109 се во Скопје.

Од 18 јануари до 29 февруари аплицирани се 22. 395 дози вакцини.

The post Министерството за здравство ги прифати препораките од Комисијата за заразни болести за голема кашлица, но не кажа дека нема да се примаат невакцинирании деца во градинките appeared first on Република.

При вонредните инспекциски надзори не се констатирани недостатоци кои се во надлежност на Државниот санитарен и здравствен инспекторат (ДСЗИ). Инспекторатот е со иницијатива до министерот за здравство за вршење стручен надзор.

Деталниот извештај за вонредниот инспекциски надзор во Прилепската болница, ПЗУ Д-р Моника – ординација по гинекологија и акушерство – Прилеп и на Клиниката за детски болести во Скопје за починатото новороденче од Прилеп е објавена денеска на веб-страницата на ДСЗИ.

Новороденчето се роди на 27 октомври 2023 годиан здраво и без проблеми во Прилепската биолница, а по три дена во тешка состојба беше испратено на Детската клиника каде по една недела почина.

Инспекторатот е со иницијатива до министерот за здравство за вршење стручен надзор.

-Со оглед на фактот дека ДСЗИ нема надлежности во стручниот дел на работата на здравствените работници, доставена е информација до Министерот за здравство со иницијатива за вршење на стручен надзор согласно член 296 од Законот за здравствена заштита (Службен весник на Р.М. бр. 43/12, 236/23), „Надзор над стручната работа на здравствените установи и другите установи кои вршат здравствена дејност и на здравствените работници и соработници ја вршат Лекарската, Стоматолошката, односно Фармацевтската комора. Министерот за здравство по потреба може да формира комисија за вршење на надзор на стручната работа на здравствените установи и другите установи кои вршат здравствена дејност и на здравствените работници и соработници, информира ДЗСИ.

При надзорот, како што се наведува, Инспекторатот ја побара целата документација и за родилката и за бебето на двете одделенија, гинеколошкото и неонатолошкото во Болницата, од Детската клиника, како и од матичниот лекар на родилката. Извештајот е со целосни детали за случајот, откако родилката била донесена за пораѓање на 27 октомври во 6 часот, па целиот тек на состојбите.

– По извршените неопходни прегледи и подготовка родилката била породена спонтано, бидејки немало индикации за царски рез. Во 9:15 часот жив машки плод во 38 гестациска недела со тежина 2.720 гр.(апгар 8/8/10). Родилката е сместена во болничка соба на одделение за гинекологија и акушерство заедно со бебето. Во текот на престојот на оделение, биле извршени биохемиски анализи на крв на родилката во два наврати. Резултатите биле со уреден наод. На 28.10.2023 година на утринска визита била извршена лабораториска анализа на крв и кај новороденчето. Резултатите биле со уреден наод. Во текот на престојот на акушерското одделение, новороденчето било со мајката заради воспоставување на процес на доење. Од страна на мајката немало забелешки по однос на здравјето на бебето, соопштува Инспекторатот.

Жолтило кај бебето било констатирано при утринска визита, без други симптоми и било поставено на 12-часовна фототерапија. Новороденчето било во добра општа состојба, со уреден белодробен наод, добар тонус и се хранело без повраќање . Од овие причини, како што се наведува, немало сомневање за рана неонатална инфекција. Но, на 30 октомври, во раните утрински часови, бебето одбило да прими храна, а други симптоми немало. Откако повторно одбило храна, била повикана дежурна докторка – специјалист педијатар која констатирала дека бебето е млитаво и со површно дишење.

Проверена е гликемија, поради ниски вредности е дадена гликоза, кислородна поддршка и поради лоша клиничка слика и сомнеж за перинатална инфекција била дадена двојна антибиотска терапија. По консултација со доктор од Клиника за детски болести во Скопје новороденчето со мајката било трансферирано во Клиниката за детски болести во Скопје за понатамошно лекување, се вели во Извештајот.

Инспекторатот го направи надзорот и на документацијата на Клиниката за детски болести, потврдувајќи дека и во оваа инстутција била уредно водена. Бебето било примено во тешка состојба.

-При приемот, детето било во исклучително тешка општа состојба, хипотонично без реакција на длабока дразба, со ирегуларно дишење проследено со апнеи и акрилна цијаноза, па поставено на Б-ЦПАП. При прием со лабораторидска потврда за пораст на инфламаторни маркери веднаш била вклучена антибиотска терапија. Земени се стартна хемокултура и материјал од трахеален аспират – со наод за присуство на Escherichia colli во трахеален аспират, а хемокултура негативна. По добиениот позитивен наод од трахеален аспират антибиотската терапија е давана соодветно на антибиограмот. Повторно била земена хемокултура со негативни наоди. Во вечерните часови на 30 октомври поради влошување на состојбата било поставено на механичка вентилација. Третиот ден од престој се јавила олигоанурија. На 5 ноември настанал Сardiac arrest па детето е реанимирано, а во 20.15 ч. повторно настапува Cardiac arrest но без одговор и настанала смрт во 20.35 часот, стои во деталниот извештај на Државниоот здравствен и санитарен инспекторат за случајот со новороденчето.

Во прилепската болница од Центарот за јавно здравје се чекаат резултатите од земените брисеви од површините на двете одделенија и од персоналот. Во меѓувреме, прилепското Основно јавно обвинителство отвори предмет за случајот по пријавата на родителите кои бараат одговори што се случило со нивното бебе.

The post ДЗСИ утврди: Документацијата била уредно водена во случајот со починатото новороденче appeared first on Република.

Државниот санитарен и здравствен инспекторат ќе изврши вонреден инспекциски надзор во Болницата во Прилеп во врска со смртта на новороденчето кое почина од сепса, потврди денеска во изјава за новинарите министерот за здравство Фатмир Меџити.

Веднаш денеска иницирав како министер во Министерството, ќе оди Државен санитарен инспекторат и ќе има и стручна комисија. Нема отсега натаму веќе да има сомненија за ниту еден случај, се ќе решиме до крај како што треба, рече на новинарско прашање Меџити по посетата на ЈЗУ Универзитетска клиника за детски болести, по повод промоција на нови сензори за мерење гликемија.

Бебето било родено во болницата во Прилеп, а потоа префрлено на Детската клиника во Скопје, каде починало по една недела.

Тој при тоа повторно го повик Обвинителството дека е крајно време веќе да излезат со име и со презиме во однос на скандалот со Онкологија.

Нема да дозволиме да се оцрни белиот мантил повеќе, и тие излегоа со соопштение да не го користиме за политички цели. Јас не сум политичар, јаз сум доктор, и јас сум човек, пред се, и јас сум министер за здравство и затоа ќе барам отчет од сите институции. Го повикувам Обвинителството да излезе конкретно со име и со презиме. Мислам дека веќе е крајно време, предолго трае овој процес, рече Меџити.

The post ДСЗИ ќе извшри вонреден инспекицски надзор за починатото новороденче од сепса appeared first on Република.

Министерот за здравство Фатмир Меџити иницираше Државниот санитарен и здравствен инспекторат (ДСЗИ) да изврши вонреден инспекциски надзор во Клиничка болница - Битола, каде почина 24-годишно момче.

По утврдување на фактичката состојба и изготвување на извештајот од страна на ДСЗИ, јавноста навремено ќе биде информирана, соопшти Министерството за здравство.

https://republika.mk/vesti/makedonija/24-godishno-momche-pochinalo-vo-bolnitsata-vo-bitola-po-sedum-dena-visoka-temperatura/

The post ДСЗИ да изврши вонреден инспекциски надзор во болницата во Битола, побара МЗ appeared first on Република.

ГАК направиле пропуст бидејќи докрај не ја спровеле постапката за обезбедување на психијатар, констатира Државниот санитарен и здравствен инспекторат (ДСЗИ) по вонредниот инспекциски надзор во скоска гинекологија каде родилка се фрли од прозорец.

Од ДСЗИ велат дека при надзорот извршен бил увид во основната медицинска документација за пациентката (електронски медицински дневник, историја на болест), како и во Интегрираниот информатички систем Мој Термин. Побарани и добиени биле изјави од здравствени работници и соработници поврзани со лекувањето и третманот на родилката.

Од извршениот надзор во ЈЗУ УК ГАК констатиран е пропуст во делот на реализирање на конзилијарните прегледи побарани во два наврати за родилката, со оглед на тоа што истите не се реализирани. Во врска со наведеното ДСЗИ, со решение ќе наложи на одговорните лица на ЈЗУ УК ГАК спроведување на постапка за утврдување на одговорност од страна на здравствените работници кои до крај не ја спровеле постапката за обезбедување на доктор, специјалист по психијатрија, велат од Државниот санитарен и здравствен инспекторат.

По случајот со родилката од ГАК кажаа дека пациентката на Клиниката била донесена во 36. недела од бременоста во средата на 28 јуни со крвавење во последниот триместар од бременоста. Пациентката веднаш била прегледана од дежурен специјалист во амбулантата за итни случаи и било утврдено дека се работи за предвремено одлепување на постелката, состојба што витално го загрозува плодот и сериозно го загрозува здравјето на мајката. Пациентката била примена во родилна сала и по кусата предоперативна подготовка и за 14 минути од приемот е породена со царски рез во 21.30 часот, при што е добиено живо машко дете во задоволителна кондиција.

Два дена подоцна, како што информираа тогаш од ГАК, пациентката се пожалила на вознемиреност и извршен бил разговор со клинички психолог. Во понатамошниот постпородилен период пациентката била следена во согласност со дадените препораки. Следниот ден пациентката е без особени тегоби и е со уреден гинеколошко-акушерски статус.

Во неделата, повторно на утринска визита пациентката се пожалила на слична симптоматологија како и во петокот, при што дежурните лекари извршиле разговор со неа, ординирана била соодветна терапија и донесена е одлука, за подобра процена на состојбата, пред испис да се повика психијатар. Ноќта околу 21:30 часот пациентката од болничката соба се упатила кон ходникот на одделот за пуерпериум и преку прозорецот во ходникот направила обид за самоубиство фрлајќи се од првиот кат.

The post ГАК направиле пропуст бидејќи докрај не ѝ обезбедиле психијатар на родилката appeared first on Република.

На Универзитетската клиника за гинекологија и акушерство (ГАК) во тек е вонреден инспекциски надзор од страна на Државниот санитаренн и здраввствен инспекторат (ДСЗИ), соопшти Министерството за здравство.

Вонредниот инспекциски надзор е поради обидот за самоубиство на 39-годишна родилка.

Комисијата е излезена на терен и во тек е надзорот за утврдување на фактичката состојба. По изготвување на извештајот од страна на ДСЗИ, јавноста навремено ќе биде информирана, соопшти Министерството за здравство.

The post Вонреден инспекциски надзор на ДСЗИ на Клиниката за гинекологија appeared first on Република.

Во врска со случајот со починатото новороденче во Клиничка болница Битола, денеска Државниот санитарен и здравствен инспекторат врши вонреден инспекциски надзор, соопштија од Министерството за здравство.

Од МЗ додаваат дека Комисијата е излезена на терен и во тек е надзорот за утврдување на текот на лекувањето на починатото новороденче.

Истовремено е формирана и комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство.

Директорот на Клиничка болница Битола, д-р Александар Обедниковски, утрово до Министерството поднесе неотповиклива оставка од морални причини.

https://republika.mk/vesti/makedonija/pochina-novorodenche-vo-bitolskata-bolnitsa/

The post Во тек инспекцискиот надзор на ДСЗИ во КБ Битола appeared first on Република.

Државниот санитарен и здравствен инспекторат го затворил одделението за трансфузиологија во Охрид поради лоши услови.

Како што објави „Охрид1“, по Охрид, инспекторите од ДСЗИ ги проверуваат условите и во Струга.

Инаку  одделението за трансфузиологија не е под Општата болница во Охрид, туку работи под капа на институтот за трансфузиона медицина.

The post Одделението за трансфузиологија во Охрид затворено од ДСЗИ поради лоши услови appeared first on Република.

Новата в.д. директорка на Државниот санитарен и здравствен инспекторат (ДСЗИ) Рената Младеновска доаѓа на оваа позиција од Центарот за јавно здравје (ЦЈЗ) – Скопје. Таму, според биографијата што ја споделија од Владата, таа има повеќегодишно искуство како специјалист по хигиена и здравствена екологија во Одделението за хигиена со здравствена екологија.

„Младеновска воедно е асистент на Медицинскиот факултет при Универзитетот ’Свети Кирил и Методиј‘ каде што е и докторанд. Таа има специјализација по хигиена со здравствена екологија на Катедрата по хигиена со здравствена екологија при Медицинскиот факултет, и завршени постдипломски студии за здравствен менаџмент“, велат од Владата.
Оттаму додаваат дека новата директорка на ДСЗИ е и авторка на повеќе публикации и презентации од областа на јавното здравје и безбедност на храна, како и менаџмент во здравството.

„Во соработка со повеќе меѓународни институции е и активен учесник на повеќе конгреси, обуки и симпозиуми врзани со јавно-здравствена проблематика како и HACCP контролен систем за безбедност во храна“, соопштија од Владата.

Доктор Жаклина Шопова од Клиниката за инфективни болести, пак, смета дека Младеновска е нов директор со „непозната заднина“.

Ново име, нов директор, а позадина непозната!
👉 родители познати активисти на СДС, „препорака“ од Филипче која се реализира експресно и „новото име“ е поставена прво за раководител на секторот за хигиена и здравствена екологија во Центарот за јавно здравје во Скопје, со само 2 год. работно искуство!?
👉 способноста да се земаат дополнителни дневници за нереализирани прекувремени часови, и разрешување од раководител на сектор, се патоказ кон повисока функција!?
Дали можеби немање на соодветен кадар во СДС, е причина некој да се поставува над законите па може така да се однесува: разрешува една директорка која троши државни пари и се назначува друга која изнашла друг начин да троши државни пари!?
Одговор???...
сигурно НЕМА, но #одговорност мора да има, вели Шопова.

The post Шопова: Ќерка на активисти на СДС, препорака на Филипче – ете толку е ново „новото име“ на чело на ДСЗИ appeared first on Република.

Државниот санитарен и здравствен инспекторат (ДСЗИ) информира како течел вонредниот инспекциски надзор кој тие го извршиле по допрен глас за починат пациент од Берово после хируршка интервенција на заб. Според соопштението, пациентот првпат на лекар се јавил на 19 август, а починал 14 дена подоцна.

ДСЗИ изврши вонреден инспекциски надзор во сите здравствени установи каде се што јавил на преглед пациентот при што е констатирана следната фактичка состојба:

-Посета кај матичен стоматолог

-Од увид во индивидуалниот стоматолошки картон е утврдено дека од 10.08.2022 год д-р  Слободан Рушковски од ПЗУ Д-р.Рушковски - ординација по општа стоматологија во Берово е матичен стоматолог на пациентот Ј.Д., кога за прв пат е извршен стоматолошки преглед при што е утврдено присуство на огромен оток на десна страна без можност да се изврши орален преглед поради болка и присутен тризмус (вкочанетост на долната вилица). Веднаш е креиран спец.упат до спец. по орална хирургија при ПЗУ Д-р.Чавков – Д-р.Бајрактаров орална -специјалистичка ординација по орална хирургија во Струмица) во мој термин за 09.30 часот на 11.8.2022год, Од увидот во здравствената евиденција и електронскиот систем е констатирано дека упатот не е реализиран, односно пациентот не се јавил на преглед. Препишана антибиотска терапија од страна на матичниот стоматолог.

На 13.08.2022год пациентот Ј.Д. во 22.30 часот (сабота) поради болка и оток повторно се јавил на преглед при што како итен случај повторно е упатен до специјалист, но овој пат специјалист максилофацијален хирург при ЈЗУ КБ Штип .

-посета кај матичен лекар:

Истиот ден, на 10.08.2022  по препорака на матичниот стоматолог пациентот се јавил кај матичниот лекар Д-р.Ванчо Ременски при ПЗУ Поликлиника Биомедика при што од извршениот преглед било констатирано оток и болка во десна букална и субмандибуларна регија, при што од страна на матичниот лекар е ординиран друг антибиотик и остната супортивна терапија.

На ден 13.08.2022 пациентот Ј. Д. дошол на контролен преглед при што е констатирано и понатаму присуство на оток и болка, назначено да продолжи со препорачаната терапија.

На 19.08.2022 во индивидуалниот картон е заведен извештај (прилог кон отпусно писмо) од ЈЗУ КБ Штип-Максилофацијална хирургија од Д-р.Владимир Милошев со назначена терапија.

-Посета ВО ИМП-Берово

Од увид во амбулантскиот дневник на Итна медицинска помош Берово на 21.08.2022г во вечерните часови (не е прецизиран часот) заведен е преглед на пациентот Ј. Д кој побарал здравствена помош поради општа лоша состојба со постоечка инцизиона рана со дрен, извршена е тоалета и преврска на раната, ординирана амп. диазепам и.м, дадена оксигена терапија (кислород), препорачано земање на табл. парацетамол за дома, со напомена ако е потребно веднаш да се јави повторно на преглед на ИМП. На 22.08.2022 во 02.30 часот пациентот Ј.Д. со придружба од семејството повторно дошол во ИТМ-Берово каде поради влошена општа состојба му е ординирана терапија физиолошки р-р 500мл и амп. новалгетол 5 мл (и.м) и со возило на ИМП-Берово во придружба на мед. сестра е транспортиран до ЈЗУ КБ-Штип каде веднаш е примен

-лекување во ЈЗУ КБ Штип:

-Пациентот Ј.Д прв пат се јавил на преглед во ЈЗУ КБ Штип на ден 13.08.2022 во дежурна ургентна амбуланта каде дежурниот доктор д-р.Владимир Милошев спеијалист максилофацијален хирург извршил преглед. Ординирана терапија, направена РТГ на глава и запис за прием на болничко лекување.

По приемот на хирушко одделение со максилофацијална хирургија извршена е екстракција на забот и киретажа, но бидејќи не е воспоставено спонтано дренирање извршена е екстраорална длабока инцизија со поставување на лашва за пасивна дренажа.

Пациентот е задржан на болничко лекување до 19.08. 2022 год. од каде по подобрување на општата и локална здравствена состојба, по извршена контрола на медијастинумот со цел утврдување на дистално ширење на инфекцијата направен е контролен Ртг на бели дробови и добиен уреден наод, направени се контролни лабараториски испитувања, со препорачана терапија е испишан на домашно лекување. Закажана е контрола за 2 дена односно за 21.08.2022.

На 21.08.2022  пациентот се јавил на контрола во ЈЗУ КБ-Штип каде е извршена преврска на инцизионата рана и повторно му е закажана контрола за 23.08.2022.

На 22.08.2022г. во 04.40 часот поради влошена состојба (обилно крварење од инцизионата ектраорална рана, фебрилен, со отежнато дишење и намалена сатурација со возило на итна медицинска помош од Берово е донесен во ЈЗУ КБ-Штип.

По пристигнување во ЈЗУ КБ-Штип пациентот Ј. Д. веднаш е спроведен во операциона сала, извршена е интубација и со општа анестезија пристапено е кон оперативна интервенција (подлабоко отварање на инцизионата рана. Истовремено се земени се два бриса - не се најдени патогени бактерии според лабораторискот извештај додека резултатот од хемокултурата за време на инспекцискиот надзор сеуште е во тек.

Истовремено телефонски е побарана консулатација со професоре д-р.Даница Поповиќ спец. максиолофацијален хирург од ЈЗУ УК Максилофацијална хирургија во Скопје, која лично пристигнала во 08.30 часот на 23.08.2022г и дала насоки пациентот да не се транспортира во таква состојба во Скопје туку во наредните 24 часа да биде следена неговата состојба на одделението за интензивна нега со реанимација во ЈЗУ КБ-Штип .

На 23.08.2022г. поради влошување на здравствената состојба на пациентот Ј. Д., со болничко возило и во придружба на специјализант доктор по анестезија и главна мед.сестра на анестезија е пренесен на ЈЗУ УК-Карил во Скопје.

-прием на ЈЗУ УК ТОАРИЛУЦ – ОЕ за анестезиологија, реанимација и интензивно лекување

Пациентот е примен на ден 23.08.2022 год по претходно креиран упат од страна на др Владимир Милошев од ЈЗУ КБ Штип за понатамошно лекување.

Пациентот е примен во крајно тешка состојба со знаци за септичен шок . Веднаш се преземени сите мерки за интензивно лекување, мониторинг, иследувања и терапија .

Пациентот доаѓаа со веќе извршена дијгностичко иследување КТ на белодробие после кое заради итноста на ситуацијата е повикан торакален хирург кој по преглед на компјутерскиот наод поставува торакален дрен.

И покрај сите преземени мерки согласно протокол кај пациентот настапува смрт на ден 24.05,2022 год.

The post ДСЗИ информира како течел вонредниот инспекциски надзор за лекувањето на беровачанецот кој почина од операција на заб appeared first on Република.

Премиерот Димитар Ковачевски денеска соопшти дека ќе има нов директор на Државниот санитарен и здравствен инспекторат (ДСЗИ) и тоа ќе биде направено најмногу во текот на наредните 14 дена.

Одговарајќи на новинарско прашање зошто се уште не е сменета д-р Иринка Сотирова Бухова од функцијата директор на ДСЗИ, информира дека треба да има процес на селекција на кандидат за оваа позиција, кој треба да исполнува одредни услови, како академски, така и професионални критериуми за да може да може да биде именуван/а.

Штом ќе заврши тој процес, тогаш ќе биде именуван нов директор. Не се работи за никакво одложување, туку само за селекција на кандидат кој ќе биде именуван, нагласи Ковачевски.

Премиерот Ковачевски рече дека вчера не требало никој да биде разрешен бидејќи не се разгледувала таква точка на владината седница.

The post Ковачевски: Во наредните 14 дена ДСЗИ ќе има нов директор appeared first on Република.

Вонредниот инспекциски надзор на Државниот санитарен и здравствен инспекторат (ДСЗИ) уште трае во Клиничката болница во Штип, а ќе се испитуваат сите здраствени установи каде што 25-годишниот беровчанец побарал лекарска помош.

Денеска од страна на ДСЗИ е извршен вонреден инспекциски надзор во ЈЗУ КБ Штип по допрен глас за настанат смртен исход кај пациент Ј.Д од Берово по извршена хируршка интервенција на заб.

Инспекцискиот надзор во клиничката болница е сè уште во тек. Доплнително, ќе се извршат и вонредни инспекциски надзори во сите здравствени установи каде што пациентот побарал лекарска помош: матичен лекар, матичен стоматолог, итна медицинска помош Берово и ЈЗУ ТОАРИЛУЦ-ОЕ за анестезија, ренимација и интензивно лекување – Скопје при што ќе биде обезбедена медицинската документација поврзна со лекувањето на пациентот, соопштија од ДСЗИ.

По завршување на инспекцискиот надзор ќе се изготви комплетна информација за констатирана фактичка состојба.

Од ДСЗИ велат дека ќе иницираат формирање на комисија за стручен надзор до министерот за здравство.

The post Инспекцискиот надзор на ДСЗИ уште трае во Клиничката болница во Штип, ќе се испитуваат сите здраствени установи каде што 25-годишниот беровчанец побарал лекарска помош appeared first on Република.