Демократскиот сојуз на сите граѓани им го честита 8 Септември, денот кога пред 33 години, сите граѓани без разлика на етничката припадност плебисцитарно се одлучија да живеат и создаваат во самостојна, суверена, модерна  и независна Македонија.

Демократски сојуз, потсетува дека само со слога, сплотеност и државничко однесување, но и со многу работа и  зачувување на националниот дигнитет, можеме да чекориме напред и да го зачуваме и одржиме заветот на нашите предци и на идните генерации да им ја оставиме Македонија како парче земја во која вреди да се живее и твори!

Пред Македонија се отвораат перспективи и од сите нас зависи дали ќе направиме коренити реформи и ќе обезбедиме услови за подобар живот за сите.

Европските стандарди не се достигнуваат со декларативни заложби, со правење отстапки на штета на националните интереси и унитарниот карактер на државата, туку со работа, принципиелност, посветеност и давање шанса на сите способни и креативни кадри.

Да ја градиме и чуваме Македонија!

The post Демократски сојуз: Да ја градиме и чуваме Македонија appeared first on Република.

Демократскиот сојуз е автентична политичка партија која е препознатлива по своите политички ставови и цврсто определена за демократија, владеење на правото и севкупен развој и просперитет на Македонија, како суверена и модерна европска држава.

Евроинтеграциските процеси се „моторна сила“ кои ја движат Македонија напред и цврсто сме определени за реформи кои ќе ги отворат вратите за полноправно членство во ЕУ.

Македонија мора да продолжи и со реформите во одбраната согласно стандардите на НАТО и доследно да ги исполнува своите обврски како членка на НАТО.

Надворешна политика треба да биде во функција на нашите стратешки и национални интереси и усогласена со политиките на ЕУ и стратешките партнери.

За да се обезбеди забрзан и одржлив развој ДЕМОКРАТСКИОТ СОЈУЗ ќе дејствува на реализација на следните преоритети:

Прво, темелни уставни реформи (нов Устав), со кои ќе се етаблира функционална, современа и демократска држава, ќе се зајакне унитарниот карактер на државата, целосна департизација и деполитизација на виталните државни институции, ќе се ослободиме од решенија (Бадентер, Балансер итн.) кои го блокираат демократскиот развој и јакнење на одговорноста на секој граѓанин.

Во оваа насока ќе се направат и коренити промени на изборните правила (Македонија да биде една изборна единица), сѐ со цел да се обезбеди демократизација на државата и јакнење на одговорноста на носителите на јавни функции. Преку измената на Уставот и законите за политичко организирање и дејствување ќе се демократизираат партиите и другите облици на здружување на граѓаните.

Второ, коренити реформи на правосудниот систем, преку начинот на избор на судии и обвинители, ревизија на нивната работа, ограничување на мандатот на 5 или 7 години, со право на реизбор, уставни измени поврзани со кривична одговорност за одлуките што ги носат судиите, независен буџет, Закон за Уставниот суд, транспарентен начин на избор на судии итн.

Трето, системски промени во поставеноста на борбата против тешките облици на криминал, нивна рационализација и формирање на високопрофесионална Агенција за борба против тешките облици на криминал и висока корупција, реформи во поставеноста на службите за безбедност (разузнување и контраразузнување) и нивна целосна деполитизација, безбедносни проверки и ветинг за сите вработени, кадровско прочистување и обезбедување плати во висина на платите на обвинители, судии итн.

Четврто, посебна програма за младите, услови за да отвораат бизнис, да создаваат семејства (поволни услови за купување стан, изградба на куќа и сл.), најмалку 30% од кандидатите за советници, пратеници и други функционерски и раководни места да бидат предвидени за младите до триесетгодишна возраст.

Петто, слободна пазарна економија, Македонија да биде информатичка сила, целосна дигитализација, развивање на заштита од сајбер напади, примена на вештачката интелигенција, исфрлање на енергенси кои загадуваат, замена на возниот парк со електрични возила итн.

Шесто, бесплатно образование од (згрижување на децата во детски градинки, предучилишно образование, основно, средно и високо образование, магистериум и докторат), заострување на критериумите и контрола на приватниот образовниот процес, бесплатна здравствена заштита и дисперзија на терциерната здравствена заштита, како и создавње на услови за модернизација и повисоки плати.

Седмо, слобода на медиумите и едукација за препознавање лажни вести, формирање фонд за поддршка на медиумите, на младите таленти во уметноста, спортисти итн.

Инаку на Денешната седница на Централниот совет на ДС е донесена одлука со која е овластен претседателот на ДС да ги продолжи разговорите за заеднички настап на претстојните парламентарни избори со ВМРО -ДПМНЕ.

The post Демократски сојуз: Донесена одлука за продолжување на разговорите за заеднички настап на изборите со ВМРО -ДПМНЕ appeared first on Република.

Демократскиот сојуз предлага да се забрани наркобизнисот во Македонија.

Легализацијата на производство на канабис за медицински цели се злоупотребува, над 70 фирми произведуваат канабис без ефикасна контрола од државните институции и производството се пласира на нелегалниот пазар, со што се шири нарко бизнисот и злоупотребата на канабисот.

Присуството на експерти од странство за борба против наркобизнисот во Македонија, потврдува дека овој криминал поприма сериозни димензии и повлекува формирање на наркокартели, меѓусебни пресметки и ликвидации, како и ширење на наркоманијата во големи размери и надвор од Македонија.

Досега се откриени над 10 „кражби“ на марихуана, обиди за нелегална продажба на канабис итн.

Состојбите се загрижувачки и прашање е кога ке добиеме сериозна критика и одлука за забрана на прозводство на канабис и од Организацијата на Обединетите Нации.

Последната акција на МВР, во која се опфатени и партиски активисти укажува на примамливоста и огромните нелегални профити од овој вид на легализиран криминал.

Во овој „бизнис“ се вклучени и носители на високи државни и политички функции.

ДС по изборите ќе предложи укинување на законот за легализација на производство на канабис за натамошна продажба, стои во соопштението на партијата.

The post ДС: Да се забрани наркобизнисот во Македонија appeared first on Република.

Демократскиот сојуз предупредува на кршење на Охридскиот рамковен договор и на Амандман 6 од Уставот на Македонија, со тоа што ќе се формира техничка влада која, како што велат, дополнително ги суспендира и крши одредбите и начелата на соодветна и правична застапеност на сите етнички заедници.

-Со доминацијата на ДУИ, која има само 13 пратеници од вкупно 120 пратеници, се покажува и потврдува определбата на СДСМ по секоја цена да биде на власт, не водејќи сметка за националните и државни интереси, како и за интересите на мнозинскиот македонски народ.

Сакаме да предупредиме дека ваквата политика нема поддршка од мнозинството граѓани и не поминуваат манипулациите дека тоа е Европски фронт, итн, посочуваат од партијата на Павле Трајанов.

Според ДС, овој преседан, како што порачуваат, кој го наметна Ковачевски има силни рефлексии на меѓуетничките односи, како и на натамошна дуизација и криминализација на државата, неодговорноста и неказнивоста на политичката мафија која владее со Македонија.

-Инаку, Демократскиот сојуз е за граѓански концепт и функции да добиваат најспособните, без разлика на етничка, верска или партиска припадност. Тоа треба да важи за сите етнички заедници, без Бадентер и Балансер. Не може овие правила да се злоупотребуваат само во интерес на ДУИ.

Демократскиот сојуз не поддржува формирање на техничка Влада,а уште помалку со премиер од редовите на ДУИ, стои во партиското соопштение.

The post Се рушат начелата за правичност: ДС не поддржува техничка влада со премиер од ДУИ appeared first on Република.

Демократскиот сојуз ги повикува сите пратеници да не гласаат за законите предложени од Владата во врска со изградбата на автопатските делници на коридорите 8 и 10 д, за да се спречи криминал со огромни димензии.

Владата бара по секоја цена да бидат изгласани петте закони во парламентот и тоа со европско знаменце, со што ќе се амнестираат од кривична одговорност министрите и потписниците на договорот со БЕХТЕЛ и ЕНКА.

Потсетуваме дека за злоупотребата на европското знаменце реагираше и Делегацијата на ЕУ во Скопје, што секако негативно ќе се одрази на нашите евроинтеграции, велат од ДС.

Демократскиот сојуз алармира дека флагрантно кршење на начелото на владеењето на правото е прво да потпишете договор, а потоа врз основа на тој договор да ги менувате законите. Доколку пратениците гласаат, тогаш одговорноста паѓа врз нив, затоа што досега не го виделе договорот, а предупредени се дека договорот има коруптивни елементи, дека со решенијата во договорот можно е градбата на коридорите 8 и 10 д да поскапи и наместо 1,3 милијарди евра, да чини над 2 милијарди, пари кои треба да ги плаќаат граѓаните.

Договорот мора да биде усогласен со законите кои се на сила и за евентуалните пенали или поскапување на градбата, наводно поради можно пролонгирање на роковите, одговорност ќе сносат тие што го прифатиле и потпишале.

Инаку, Демократскиот сојуз инсистира, Договорот во интегрална форма до биде доставен до сите пратеници.

The post Демократски сојуз бара договорот во интегрална форма до биде доставен до сите пратеници appeared first on Република.

Демократскиот сојуз нема да учествува во работната група за промена на Уставот и смета дека пред да почне постапка зa внесување на Бугарите во Уставот, неопходно е од Бугарија да се обезбеди реципроцитет.

Тие бараат Македонците да бидат признаени и да можат да се организираат и здружуваат преку формирање културни центри, здруженија на граѓани, политички партии и други форми на асоцијации, заради негување и афирмација на културните, јазичните, историските и другите обележја, права кои во Македонија ги имаат сите етнички заедници, вклучително и Бугарите.

„Сѐ додека Бугарија го негира македонскиот народ, како и автентичноста на македонскиот јазик, Македонија не треба да почнува постапка за промена на Уставот. Поради тоа, Демократскиот сојуз нема да номинира свој претставник во работната група за промена на Уставот“, велат од партијата.

Демократскиот сојуз дополнително бара Владата директно, како и со помош на ЕУ и САД, да инсистира на признавање на Македонците во Бугарија.

„Признавањето на Македонците во Бугарија ќе биде мал чекор на официјална Софија, но со историски димензии и почеток на нормализација на односите помеѓу Македонците и Бугарите, како и помеѓу двете држави, Македонија и Бугарија“, се вели во соопштението од Демократскиот сојуз.

The post Демократскиот сојуз нема да учествува во работната група за промена на Уставот appeared first on Република.

Заменик-министерот за локална самоуправа Зоран Димитровски денеска си поднесе оставката на функцијата, откако вчера Демократскиот сојуз на седницата на Централниот совет донесе одлука да не ја поддржи реконструкцијата на владата најавена од премиерот Димитар Ковачевски. Оваа политичка партија беше членка на владината коалиција предводена од СДСМ и во парламентот има еден пратеник.

The post Заменик-министерот за локална самоуправа, Зоран Димитровски денеска си поднесе оставката appeared first on Република.

Се уште е под знак прашалник поддршката од лидерот и пратеник на Демократскиот сојуз Павле Трајанов, за изборот на новите министри и замениците во Владата. Партијата нема изградено став за тоа како ќе делува за време на гласањето на седницата која треба да започне попладнево. Трајанов за „Макфакс“ вели дека одлуката ќе ја донесат партиските структури.

The post ДС нема изградено став како ќе делува за време на гласањето, Трајанов вели одлуката ќе ја донесат партиските структури appeared first on Република.

Дали над 2 милиони евра пари на скопјани е штета од ослободувањето од плаќање паркинг за функционерите на СДСМ и ДУИ?!, прашуваат од ВМРО-ДПМНЕ.

400 возила 4 години не плаќале паркинг низ Скопје, прибележани во ЈП Градски паркинг со регистарски таблички, марка и модел, но сите на 3 имиња, Борче Јакимовски и Владимир Кроневски, директори од ДС во тоа претпријатие за време на СДСМ.

Дали зад овие имиња се криеле Мартин Попов, шеф на кабинет на Димитар Ковачевски, Златко Марин, Миле Зечевиќ и други високи функционери на власта?!

ДС по овој систем функционира како приврзок на СДСМ и ДУИ. ДС преку своите директори го помагаат криминалот на СДСМ и ДУИ.

Дали ова незаконско работење граѓаните на Скопје ги чинело над 2 милиони евра. Пари кои требало да легнат на име на претпријатието доколку овие функционери си го плаќале паркингот, а не да бидат ослободени?!, стои во партиското соопштение на ВМРО ДПМНЕ.

The post Скопјани го плаќале паркингот за функционерите на СДСМ и ДУИ, организиран од ДС на Трајанов appeared first on Република.

Од ВМРО-ДПМНЕ ги повикуваат малите партии што се дел од власта да престанат да ја поддржуваат кјриминалната влада предводена од СДСМи ДУИ.

Пајтон партиите ЛДП, ДС и ДОМ да престанат да бидат панцир за криминалната влада на Ковачевски водена од ДУИ.

 

Криминалната влада на Ковачевски може да постои само доколку ЛДП, ДС и ДОМ и понатаму одлучат за неколку директорски места во јавната администрација да остават со државата да владеат луѓето на Заев и да го штитат неговиот криминал.

 

Како министри остануваат Оливер Спасовски и Љупчо Николовски, двајца чинители заради кои сме на врвот на листите за криминал и корупција во светот, а државата наместо Мека за инвестиции, стана Мека на криминалци, кои од тука веднаш добиваат пасош.

 

ЛДП, ДС и ДОМ со гласање и ставање себеси во влада на Ковачевски тие ги поддржуваат криминалите на СДСМ и ДУИ и работат на нивна заштита.

 

ЛДП, ДС и ДОМ да се одважат и доколку се против криминалот и корупцијата са гласаат против владата на пиунот Ковачевски - велат од ВМРО-ДПМНЕ.

The post ВМРО-ДПМНЕ: Пајтон партиите ЛДП, ДС и ДОМ да престанат да бидат панцир за криминалната влада на Ковачевски водена од ДУИ appeared first on Република.