Коалицијата ВЛЕН ја изразува својата непоколеблива посветеност да спречи секоја форма на корупција и злоупотреба на довербата на граѓаните.Тие бараат да има одговорност за случајот „Лотарија“.

Со поништувањето на договорот помеѓу компанијата „ХЕЈ ДООЕЛ“ и Државната Лотарија, се отвора пат за одговорност на сите оние кои профитирале преку оваа шема на корупција.  Им  упатуваме повик на обвинителството и другите инстанции да преземат соодветни чекори за целосно расветлување на овој срамен скандал кој нанесе големи штети врз нашето општество.

Нивната реакција доаѓа откако вчера владата го раскина договорот со фирмата „Хеј“ на Пуцко Петрол за ресторанот за свадби што го користеше Државна лотарија.

https://republika.mk/vesti/makedonija/vladata-go-raskina-dogovorot-so-restoranot-za-svadbi-na-putsko-petrol-shto-go-koristeshe-drzhavna-lotarija/?fbclid=IwY2xjawFYsOFleHRuA2FlbQIxMQABHaUsLToUQ2aLVgyOHpxyUbGhZs2o-9sBfRh5jzzlMpTYIexYhLm3RlroEA_aem_hwdwEtBvK373RyrXzgx-VQ

Од ВЛЕН потенцираат дека Артан Груби, како глава на овој распаднат систем, и Перпарим Бајрами, неговата десна рака во индустријата за коцкање, се симболи на една империја изградена врз корупција, која ги крши правата на чесните граѓани на оваа земја.

Овие индивидуи, тесно поврзани со раководството на ДУИ, проектирале иуправувале со структурирана мрежа со цел лично богатење и на нивните најблиски.  Уверени сме дека ова е само врвот на ледениот брег. Секој чекор кон уништувањето на оваа империја изградена врз коцкање и корупција, е важен чекор за правдата.

На правосудните органи и обвинителството им е отворена вратата за да ги изнесат пред правдата оние што ја изградиле оваа шема. Нема враќање!  Ќе се бориме до крај против оваа епидемија на коцкање и корумпирани шеми на политичките казиномани. Артан Груби и Перпарим Бајрами, заедно со сите оние кои профитирале преку овој валкан пат, ќе одговараат пред правдата и пред народот.

The post Артан Груби е главата во индустријата за коцкање appeared first on Република.

„Владата ја разгледа и усвои информација за преземените активности за раскинување на Договорот за закуп на административно-деловен простор склучен помеѓу Хеј ДООЕЛ Скопје и aкционерското друштво за приредување игри на среќа, Државна лотарија на Република Македонија“, соопштија од Илинденска.

Станува збор за објект со 4 ката и поткровје, лоциран на 7 километри од центарот на Скопје. Првично, друштвото „Хеј“ го купило земјиштето и објектот, а набрзо потоа склучило договор за закуп со Лотарија за 2,6 милиони евра за период од 10 години, односно за месечна кирија од околу 22.000 евра.

Моментално, сопственик на фирмата „Хеј“ е Асмир Јахоски, газда на „Пуцко Петрол“, една од водечките нафтени компании во земјава, која во значителна мера соработува и со државни органи. Тој е син на Исмаил Јахоски, актуелен пратеник на ДУИ.

Инаку, помладиот Јахоски станал сопственик на „Хеј“ лани во октомври. Претходно, компанијата била во сопственост на Армин Машовиќ, кој по промената во сопственичката структура станал управител друштвото формирано во февруари 2023 година.

За период од неколку месеци, Машовиќ ја формирал „Хеј“, ги купил деловните простории во поранешниот ресторан за свадби „Фестина“ и потоа склучил договор со Државна лотарија за закуп за сума од над 2,6 милиони евра.

Според финансискиот извештај доставен до Централниот регистар, оваа компанија ланската 2023 година ја завршила со приход од над 30 милиони денари, од кои како чиста добивка останале цели 25 милиони денари. Фирмата имала само еден вработен.

Тогаш, директор на Лотарија беше Перпарим Бајрами, кој од страна на тогашната опозиција на ВМРО-ДПМНЕ и ВЛЕН, која по последните избори стана власт, се посочуваше како близок соработник на поранешниот вицепремиер Артан Груби

The post Владата го раскина договорот со ресторанот за свадби на „Пуцко петрол“ што го користеше Државна лотарија appeared first on Република.

Проф. д-р Александар Климовски, редовен професор на Правниот факултет „Јустинијан Први” во Скопје, е нов директор на Државната лотарија на Македонија.

Професорот Климовски предава предмети како што се Право на друштва, Корпоративно управување, Корпоративна етика и Право на игрите на среќа. Тој помеѓу најпознатите и водечки правни експерти во регионот за регулирање на игрите на среќа, а неговите научни трудови се глобално цитирани во реномирани научни списанија.

Покрај тоа, Климовски е ко-автор на учебниците „Корпоративно управување” и “Право на игрите на среќа” и автор или ко-автор на над 70 научни и стручни трудови. Климовски воедно е раководител на постдипломските студии по Корпоративно право на Правниот факултет во Скопје. Неговото обемно знаење и искуство во областа на правото и корпоративното управување ќе придонесат за понатамошниот развој и унапредување на Државната лотарија.

Државна лотарија е компанијата во државна сопственост, основана според успешни примери и искуства од европските и светските државни лотарии, со цел континуиран придонес во републичкиот буџет за инвестирање во општествено корисни цели.

The post Професорот Александар Климовски на чело на Државната лотарија appeared first on Република.

Ограбена држава - СДС и ДУИ да одговорат каде завршиле парите од незаконското работење на фирмите за игри на среќа.

Во 2021 година МВР ја информираше јавноста дека е спроведена акциска контрола и од слобода лишиле 13 лица кои без лиценца приредувале игри на среќа во Тетово. Како МВР тогаш успеало да ги пронајде сторителите, а за овие две фирми да нема постапка? Дали овие лица кои биле санкционирани не ја делеле заработувачката со врвот на СДС и ДУИ па затоа биле санкционирани, додека овие другите две фирми умешно соработувале со институциите и биле под нивна закрила?

Владеењето на СДС и ДУИ преку ваква политичка контрола покрај тоа што беше секојдневие, истовремено го оштетуваше и буџетот на државата до невидени размери.

The post СДСМ и ДУИ да одговорат каде завршиле парите од незаконското работење на фирмите за игри на среќа? appeared first on Република.

Ограбена држава – Лотарија на две фирми, едната од Струмица, другата од Скопје незаконски им доделила лиценци за игри на среќа.

Дали фирмата од Струмица е директно поврзана со СДС, а фирмата од Скопје со ДУИ? Дали вака СДС и ДУИ ги книжеле милионите под закрила на институциите,oбвини Марија Митева.

Со години фирмите преку игрите на среќа се богателе и тоа прво без законски основ, а сепак со издадена лиценца и второ, без притоа да плаќаат данок. Кој се од врвот на СДС и ДУИ ги аминувал и прикривал овој криминал од милионски размери?

За споредба, во 2018 година бизнисот со игри на среќа свртел 210 милиони евра, а во 2023 година 800 милиони. Или за 5 години овој бизнис се зголемил за цели 600 милиони евра. Ова директно покажува дека во времето на владеење на СДС и ДУИ преку незаконско работење, со добиени лиценци без основ за тоа се заработувале милиони на грбот на граѓаните, а за да биде уште пострашно некој од тие фирми за тоа не плаќал данок.

И нервозата во СДС и ДУИ е голема, зошто токму овие две фирми од Струмица и Скопје кои го кршеле законот и не плаќале данок, нема да можат тоа веќе  да го прават.

Дополнително, последните констатации покажуваат дека од 2017 година „Лотарија на Македонија“, и самата не поседувала лиценца но сепак издавала лиценци за приредување на игри на среќа.

https://www.youtube.com/watch?v=gVps8MAD8Ow&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE

Со години клучен фактор за развојот на бизнисот во Македонија била политичката моќ на ДУИ и СДС.

Затоа денес секојдневно се служат со лаги и измислици, празни прес конференции и конструирани напади, надевајќи се дека така ќе го покријат сиот криминал кој се открива во институциите.

Но, на клевета ќе одговориме со вистина, СДС и ДУИ мора да знаат дека ќе има одговорност за секоја нерегуларност која ја направиле, само така ќе имаме правна држава и вистинско владеење на правото.

The post Ограбена држава: Лотарија на две фирми, едната од Струмица, другата од Скопје незаконски им доделила лиценци за игри на среќа appeared first on Република.

Полицијата ќе го проверува работењето на Државна лотарија откако во јавноста излегоа информации дека незаконски давала лиценци за приредување онлајн игри на среќа иако не смеела да го прави тоа бидејќи и била истечена лиценцата.

-Во врска со случајот со „Државна лотарија“, Ве информираме дека по добиено известување од Министерството за финансии, во ОСОСК ( оддел за сузбивање на организиран и сериозен криминал) во координација со ОКП (оддел за криминалистичка полиција) оформен е предмет и започната е постапка за проверка на информациите за незаконско издавање на лиценци за приредување игри на среќа од страна на „Лотарија на Македонија“, потврдија за МИА од МВР.

Работењето на Лотарија ќе се проверува, откако претходно по барање на Министерството за финансии Владата одзеде лиценци на две фирми за приредување игри на среќа, едната од Струмица и едната од Скопје. Лиценците, како што информираа надлежните, им биле одземени за незаконско работење и неподмирување на законските давачки.

Премиерот  Христијан Мицкоски, на 26-ти овој месец, одговарајќи на новинарско прашање за одземањето на две лиценци на компании за игри на среќа, рече дека станува збор за фирми кои работеле незаконски и не плаќале данок.

-Имаме два случаи за одземање на лиценци за игри на среќа едната е од Струмица, другата е од Скопје, не ги уплаќале даноците редовно, работеле незаконски би рекол, врз основа на мислењето коешто го добив под надлежните институции. Но ова не е сѐ. На седницата на Владата беше прифатено практично толкувањето на Законот во коешто е констатирано дека од 2017 година „Лотарија на Македонија“, без разлика што и самата не поседува лиценца самата издавала лиценци за приредување на игри на среќа, особено за онлајн обложувањето и слично“, изјави премиерот Мицкоски.

Според него, имало претходни високи функционери од Владата кои и покрај тоа што знаеле дека ова е спротивно на Закон дозволиле ваков тип на игри на среќа да се приредуваат, а со тоа ги оштетиле и граѓаните и Буџетот.

Тогаш премиерот подвлече дека документацијата е предадена на истражните органи и оти очекува надлежните институции да излезат со став. -Тоа се е предадено до истражните органи и очекувам надлежните истражни органи многу скоро да излезат со став врз основа на овие индиции коишто ги констатираше Владата, истакна премиерот Мицкоски.

The post Полицијата ќе ја проверува работата на „Државна лотарија“ appeared first on Република.

Пријателот на Артан Груби, директорот на Лотарија Перпарим Бајрами вчера ги потврди договорите на Лотарија на ДУИ тешки 12 милиони евра за апарати за коцкање.Но тоа што недостига од Лотаријата на ДУИ е одговор зошто во две недели во јануари, пред избори, се потребни договори од 12 милиони евра за машини за коцкање? прашува Наум Стоилковски.

Тоа што Артан Груби и Перпарим Бајрами го забораваат а во системот на јавни набавки стои е дека од декември 2022 до декември 2023 Лотаријата на ДУИ има склучено 9 договори за машини за коцкање, сите по 500 апарати, значи вкупно 4.500 апарати, за речиси 7 милиони евра!

Со договорите вредни 12 милиони евра од јануари годинава, тоа значи дека Лотаријата на дуото Груби- Бајрами за 13 месеци дава 19 милиони евра за апарати за коцкање. Уште колку договори и се потребни на Лотаријата на ДУИ пред избори?

https://www.youtube.com/watch?v=ou4Ar7JeuJ0&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

СДС молчи и врти глава пред се за да ги домоли ДУИ за изборна коалиција. Дуото Груби- Бајрами до сега ја скандализираа Државна Лотарија во јавноста со владини уредби, со закуп на објекти од 2.5 милиони евра, со ангажирање на фирми со членови на УО на Лотарија, сега со 12 милиони евра за машини за коцкање.

СДС молчи и врти глава пред штрајкот на ФЗОМ, пред протестот на студентите, пред барањата на земјоделците, пред колапсот на образованието и на здравството, додека Државна Лотарија на ДУИ за 13 месеци има договори за 19 милиони евра за машини за коцкање.

Никогаш не било полошо, важно е да ги поразиме.

The post Пријателот на Артан Груби ги потврди договорите на Лотаријата на ДУИ тешки 12 милиони евра appeared first on Република.

Државна лотарија водена од Перпарим Бајрами поранешен шеф на кабинет на Артан Груби набавила апарати за коцкање во висина од 12 милиони евра. oбвини ВМРО-ДПМНЕ.

Перпарим, поранешниот шеф на кабинет на Груби, на 4 јануари дава над 6 милиони евра за апарати за коцкање, на 11 јануари 2 милиони и 100 илјади евра, на 18 јануари над 3.5 милиони евра за апарати за коцкање, или вкупно 12 милиони евра од 4 јануари до 18 јануари!

Додека народот гладува, додека Македонија има најниска минимална плата, додека нема пари за лекови, Лотарија на Македонија водена од кадрите на ДУИ и Артан Груби троши 12 милиони евра за апарати за коцкање.Со СДС и ДУИ нема пари за потребите на граѓаните, но има пари за бизнисите нивни.СДС и ДУИ ја уништија Македонија. Никогаш не било полошо. Важно е да ги поразиме.

The post Кадар на Груби троши 12 милиони евра за апарати за коцкање appeared first on Република.

Бугарската полиција претресува имоти на Васил Бошков-Черепот, објави „24часа.бг“. Полицијата има сомнеж дека Черепот е поврзан со убиството на бизнисменот Алексеј Петров. Черепот моментално е во домашен притвор.

Бошков на македонската јавност и е познат по тоа што неговото име се споменува како како партнер во казино бизнисот во Македонија преку неговите фирми  666.бг и 777бг. за онлајн коцкање.

[caption id="attachment_734697" align="alignnone" width="640"] фото 24часа бг[/caption]

Кој е Васил Бошков- Черепот

Васил Божков е бугарски олигарх и главен идеолог и движечка фигура на Граѓанската платформа „Бугарско лето“. Тој најбогатиот Бугарин со богатство проценето меѓу 1 и 3 милијарди лева познат по прекарот Череп.

Божков има 63 години и неговите две приватни лотарии и обложувалници кои имаат годишен профит од над 200 милиони лева.Вози уникатен модел „Mercedes Maybach“ вреден 700.000 евра.

https://republika.mk/vesti/makedonija/dali-vlasta-ke-bide-partner-vo-kotskane-so-bugarskiot-tajkun-popoznat-kako-cherepot/

The post Претрес во куќата на бугарскиот тајкун Черепот кој сака да влезе во казино бизнисот во Македонија appeared first on Република.

Асоцијацијата на спортски обложувалници (АСОМ) итно бара да се поништи јавниот повик на Државна лотарија за основање на три трговски друштва за приредување на онлајн игри на среќа, бидејќи истиот ќе ја доведе во прашање егзистенцијата на постојните приредувачи на игри на среќа, кои веќе имаат инвестирано во кадар, опрема и простор.

„По објавените скандали во медиумите за работата на Државна лотарија и влезот на Финансиската полиција во ова акционерско друштво за приредување на игри на среќа, се потврдија нашите предупредувања, дека тендерите на Државна лотарија се незаконски и дека зад нив се кријат владини интереси.

Овој јавен повик го спориме од самиот почеток бидејќи беше донесен тајно и на мала врата, комплетно нетранспарентно и беше очигледно дека е креиран и веќе договорен за странски компании.

Во повикот на кој не учествуваше ниту една членка на АСОМ се бараше искуство во приредување интернет игри на среќа во период од најмалку 3 години од денот на поднесување на понудата, искуство од најмалку 8 години во развој, поддршка и маркетинг на интернет платформа за игри на среќа и содржини на игри во две држави во Европа од кои една на Балканот и 40 милиони евра приход само од интернет игри на среќа.

Повеќе од јасно беше дека овој повик е наменет за странски договорени компании бидејќи државата веќе десет години ги дискриминира домашните компании и не им дозволува да организираат игри на среќа на интернет, преку неносење на подзаконските акти кои ги пропишува постоечкиот закон.

Дополнително, физибилити студијата со која се правда потребата за основање на три нови друштва за приредување интернет игри на среќа беше откриено дека е потпишана од неовластен проценувач, што уште еднаш докажува дека се работи за нерелевантен документ, за кој очекуваме да реагираат надлежните институции.

Објавените информации во медиумите за наместените тендери на Државна лотарија ја потврдија нашата теза дека новиот предлог Законот за игри на среќа се турка во Собрание за да се направи обид  да се озакони незаконскиот тендер на Државна лотарија, во услови на низа неправилности во Државна Лотарија, кога Финансиската полиција го чешла нејзиното работење.

Сега веќе целосно излезе на виделина дека новиот предлог Закон за игри на среќа и незаконската владина одлука за основање на три нови друштва за приредување на интернет игри на среќа крајна цел е преземање на Владата на бизнисот со игри на среќа, а не заштита на малолетниците како што тоа се претставува во јавноста.

Токму затоа итно бараме пратениците да го отфрлат новиот предлог Закон за игри на среќа кој ќе значи крај на легалната индустрија на игри на среќа и инсистираме да се вклучат сите засегнати страни во креирање на сите следни одлуки поврзани со индустријата.

Јасно истакнуваме дека нема да дозволиме Владата да изврши упад во бизнисот со игрите на среќа и да затвори една легална индустрија, која во буџетот годишно носи прилив од 280 милиони евра и вработува над 10.000 лица.

Веруваме дека надлежните институции професионално ќе ја завршат својата работа и дека на виделина ќе излезе вистината за незаконското работење на Државна лотарија кое нанесува штета на целата држава“, се вели во соопштението на АСОМ.

The post АСОМ: Да се поништи незаконскиот јавен повик на Државна лотарија за онлајн игри на среќа appeared first on Република.

Ислам Абази и Љубомир Јовевски молчат за скандалот со  изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија  е тесно поврзана со Артан Груби и кланот Зајас.

Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, велат во ВМРО-ДПМНЕ.

Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар, обвинува партијата.

The post Joвески, Aбази се слушаме? Скандалот од 2,6 милиони евра со Лотарија кој е школски пример за корупција appeared first on Република.

Ковачевски нека не се прави домазет во својата влада, слика има тон нема. Пред носот му се случува скандал, а тој молчи затоа што не смее да му зуцне ништо на Артан Груби.Имено Груби е централниот лик во новата шема со која 2,6 милион евра народни пари ќе се одлеат во џеб на негов близок соработник,обвини денеска ВМРО-ДПМНЕ.

Државна Лотарија, водена од Перпарим Бајрами, шеф на кабинетот на Груби во министерството за политички систем, изнајмила објект во скопско Визбегово и ќе плаќа над 21 илјада евра месечна кирија за период од 10 години! Објектот пак е во сопственост на компанијата ХЕЈ ДООЕЛ на Армин Машовиќ, познат како бизнис партнер со Ерџан Сулкоски, ортакот на зетот на Али Ахмети, Куштрим Смајлај! Овој лик кој е близок до кланот Зајас во февруари го купил објектот и за чудо за неколку месеци го добил овој милионски тендер од Лотарија. Истиот овој Машовиќ е бизнис партнер и со Шабан Амзовски кој е член на Управен одбор на Државна лотарија, што целиот скандал го прави уште поголем и посомнителен.

Како црева се изврзале ликови блиски до Груби за да направат бизнис шема за добивање тендери и богатење на сметка на државниот буџет. Граѓаните гледа дека функционерите од оваа власт на ДУИ и СДС со народни пари направија бизнис империја и станаа милионери.

The post Груби во нов скандал: Tендер од 2,6 милиони на Лотарија со компаниja блиска до кланот Зајас appeared first on Република.

Се уште молчат Владата и Артан Груби, молчи и директорот на Државна Лотарија, Перпарим Бајрами, шефот на кабинет на Груби всушност за скандалот, можноста Македонија да биде 15 години партнер со најголемиот бугарски мафијаш, притворен, човек со докази за контакти со Пригожин, човекот на Путин според бугарскиот обвинител, партнер, Македонија да ја направат партнер со човек од црната листа на САД заради криминал, корупција, подмитување министри и функционери за да му минуваат законите за коцкање во Бугарија!

Ај што молчи Груби, ај што молчи ДУИ и Владата, молчат и институции како ЈО,обвини Наум Стоилковски од ВМРО-ДПМНЕ.

https://www.youtube.com/watch?v=gPszhZ0G2kU&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Фактите се следни:

По две години неуспешни обиди да го сменат законот за игри на среќа, Груби со владин потпис одобрува на Државна лотарија, каде директор е негов личен шеф на кабинет, човек од доверба, за три нови лиценци фирми за коцкање, фирми во ортаклук со Македонија.

Лотарија на Македонија објавува оглас  на 11 септември со важење до 23 октомври! И во тој оглас се прави фоторобот на посакуваната коцкарница- да е странска, присутна на Балканот, да работи 8 години, да направила огромен капитал од онлајн коцкање. Се на се убаво скоцкан оглас.

Според овој оглас, се упатува на бугарскиот коцкарски могул Васил Божков Черепот.
Тој и дури 58 негови фирми поврзани со него од 2021 година се на црната листа на САД. Како најпознати коцкарници на интернет се 7777.бг односно 8888.бг и од 2021 година одат во рацете на друг се верува близок на Божков според пишувањето на бугарските медиуми кој избега во Дубаи. Ова е информација од Декември 2021 година, додека сега годинава, летово кога се враќа назад и е во притвор во Бугарија тој ги презема повторно фирмите, ова е информација 9 Август 2023 година веројатно по системот на Ковачевски и Заев, чувари на фотелји.

Почитувани, Лотарија и институциите мора да одговорат, од јавен интерес е дали веќе е склучен договор со фирма која е поврзана со Васил Божков познат како Черепот во Бугарија?

Дали притисокот на Артан Груби и ДУИ за законот за игри на среќа, да се промени законот за игри на среќа ваквите зафати со владин потпис на Артан Груби дали зад нивната огромна заинтересираност за него постои и  можност за огромна корупција, однапред договорен влез на фирмата, легализирано со можеби формален оглас сега од Лотарија на Македонија?
Почитувани Македонија тоне во сиромаштија, а владата ја интересираат само закони за марихуана и закони за коцкање, и закон зад кои лежат огромен потенцијал за криминал и корупција!Само избори се спасот!

The post Партнер на Владата во коцкање ќе стане човек со контакти со Путин и Пригожин? appeared first on Република.

На Артан Груби му се брза да има контрола врз новата видеолотарија.АД Државна лотарија на Република Македонија вчера регистрираше уште една компанија, во која овој пат косопственик е австрискиот гигант за приредување игри на среќа ХТЛ, дознава „Фактор“.мк.

„ХТЛ Македонија“ е фирма-ќерка на Новоматик и ги поседува Мастербет и МА Гаминг во земјата. Новоматик директно го поседува гевгелиското казино коцкарница Макотен.

Новата фирма на АД Државна лотарија и „ХТЛ Македонија“ се вика Нова државна видео лотарија – Ново ВЛТ Доо Скопје и според името може да се заклучи дека дејноста ќе се концентрира на ВЛТ апарати.

Во моментов не е познато како се распоредени уделите, бидејќи станува збор за друштво со ограничена одговорност, а според регистрацијата може да се види дека вкупната основна главнина е 10 милиони евра и дека друштвото е регистрирано на адресата на седиштето на ХТЛ Македонија.

Повеќе на „Фактор.мк“

The post Aртан Груби ќе ја контролира и новата лотарија? appeared first on Република.