Рамо до рамо, СДС до ДУИ, за тендери, криминали и лични богатења на функционерите на власта.За криминалците на СДС и ДУИ небитно е што секој ден стопанските комори бараат помош од државата, а синдикатите бараат поголеми плати за работниците, нив им се најбитни тендерите и богатењето, обвинуваат од ВМРО-ДПМНЕ.

Додека замрзнуваат, па одмрзнуваат, па ги реведираат цените, а граѓаните не можат да си ги купат ниту основните прехранбени производи пред празниците, Владата на СДС и ДУИ само со еден потпис на Груби им го зголеми богатството на фамилија Ковачевски.

Партијата тврди дека со одлука и потпис на Артан Груби, фамилијата Ковачевски доби земјиште по цена од само 70 денари по м2.

За околу 1.300 евра фирма на фамилијата Ковачевски, каде што главен лик е госпоѓата Ковачевска добива земјиште за изградба на фотоволтаици од 1.119м2.

Една седница на Влада потпишува Ковачевски а се богати Груби, наредна седница на Влада потпишува Артан, а се богати Димитар.

Артан Груби му се одолжи на Димитар Ковачевски за целосната и безусловна одбрана на криминалот кој го прави неговиот брат со фамилијарните фирми, како и за матните тендери со надзорот на коридорите 8 и 10Д.

Потписот на Груби не го сокрива фактот, како и судирот на интереси, дека владата предводена од Ковачевски доделува земјиште на сопругата на Ковачевски.

Ваквата одлука на Владата со која и се доделува државно земјиште на сопругата на Ковачевски е само доказ за целосната одлепеност и забеганост на криминалците од СДС и ДУИ.Државната комисија за спречување на корупцијата веднаш треба да отвори случај за овој еклатантен пример за судир на интереси.

The post Рамо до рамо фамилијата Ковачевски се богати на грбот на граѓаните appeared first on Република.

Денеска, во Велес министерот за земјоделство, шумарство и водостопанство, Љупчо Николовски, ги додели договорите за давање на државно земјоделско земјиште под закуп до 3 хектари од последните два јавни повици. Со овие два јавни повици во Велес се склучија 82 договори за површина од 177 хектари.

За последните два јавни повици за доделување на државно земјоделско земјиште под закуп до 3 хектари, министерот Николовски потпиша  903 договори, со кои во 21 регион во закуп се дадоа 1.807 хектари земјоделска површина.

Министерот Николовски посочи дека политиката за ставање во функција на целокупното земјиште продолжува и во следниот период преку транспарентно и отчетно објавување на огласи за давање во закуп на државно земјоделско земјиште.

Министерството за земјоделство, шумарство и водостопанство, работи на анализи за да се отворат сите можности за распределба на државното земјоделско земјиште, врз основа на што ќе се подготвуваат нови јавни повици. Правичната и неселективна распределба на државното земјоделско земјиште кај вистинските земјоделци, значи зголемени обработливи површини и зголемено производство на квалитетни, конкурентни и безбедни земјоделски производи, порача министерот Николовски.

The post 177 хектари државно земјиште ќе го обработуваат 82 земјоделци од Велешко appeared first on Република.