Претседателот на Kомисијата за односи со верските заедници и религиозни групи Даријан Сотировски преку социјалните мрежи повика на внимателност и воздржаност од сите за ситуацијата околу Попова Шапка.

https://republika.mk/vesti/makedonija/dui-i-opshtina-tetovo-reagiraat-na-postaveniot-krst-na-popova-shapka/

На Попова Шапка со години наназад гради кој каде ќе стигне. Тоа и покрај повиците на многумина стручни лица, но и сопственици на викенд куќи и хотелиери, Општина Тетово не најде за сходно да го разреши преку усвојување на урбанистички планови и соодветно одобрување на изградба, поставување времени објекти, опрема и инсталации, но и соодветна непристрасна и неселективна надзорна и казнена поставеност. За разлика од многубројните објекти, на катови и со оградени дворови на државно земјиште, Крстот е поставен на манастирски имот и прашање е дали било каде во земјава за поставување на крст во двор на манастир некој дал дозвола. Крстот е верско обележје. Што правиме со многуте објекти профани и сакрални изградени на државно земјиште? Ете, на Попова Шапка такви има насекаде. Зошто за ниту еден од нив до сега не заседаваше вонредно Советот“, прашува Сотировски.

The post Сотировски: Крстот е поставен на манастирски имот, што правиме со многуте објекти изградени на државно земјиште? appeared first on Република.

Со измените на законот за експопријација се предвидува да се плаќаат дивоградби, односно нивното рушење онаму каде што треба да минува новиот автопат, откри вчера потпретседателот на ВМРО-ДПМНЕ Александар Николоски во емисијата „Заспиј ако можеш“.

За таа цел, како што тврди Николоски ќе бидат потрошени околу 300 милиони евра.

Тоа значи дека ако горе долу се знае каде ќе биде трасата некој утре ќе почне да си гради дивоградба или веќе почнал, ќе ја изгради за една година. Ќе стигнат до неговата дивоградба и таа ќе биде платена.Значи свесно ќе се краде државата-рече Николоски.

На вчерашниот брифинг Артан Груби истакна дека околу 55 проценти од земјиштето каде треба да поминува автопатот е државно а 45 посто приватен имот.

https://republika.mk/vesti/makedonija/tsenovnik-makedonskite-gragani-prvata-rata-od-53-milioni-za-avtopatite-ke-ja-platat-na-23-april-a-nema-da-bide-izgradeno-nitu-milimetar/

The post Сакаш пари-направи си куќичка: Власта ќе плаќа и за рушење на дивоградби онаму каде што ќе поминува новиот автопат appeared first on Република.

Премиерот Димитар Ковачевски продолжува со кавгите и обвинувањата кон новинарите.

Тој денеска беше прашан како тоа неговата сопруга добила државно земјиште за 70 денари за метар квадрати тој им се закани на новинарите и сопствениците на медиуми.

Наместо да одговори за неговата сопруга тој говореше за тоа како сопруга на сопственик на медиум добила 1,4 милиони денари за спроведување на проект за државно финансирање.

Тој вели дека досега не сакал за ова да говори бидејќи сметал дека постапката е според закон. Не објасни каква е паралелата меѓу претседател на Влада на една држава со новинар.

За неговата „мака“, пак додаде дека нема конфлит на интереси бидејќи тој не присуствувал на седницата кога се донела одлуката за Елена Ковачевска.

The post За Koвачевски нема конфликт на интереси оти не присуствувал на седницата на која Груби ѝ даде на жена му државно земјиште за 70 денари за М2 appeared first on Република.

Со потпис на Груби сопругата на Ковачевски добива државна земја за фотоволтаици, додека за болните нема лекови, а за учениците нема учебници.Артан Груби му се реваншира на Ковачевски кој го бранеше за бизнисите на брат му Ветон Груби, па наместо него ја потпишува Одлуката на влада за давање државно земјиште за фотоволтаици на неговата сопруга, oбвинува ВМРО-ДПМНЕ.

Ковачевски велеше дека излегол од бизнисот со фотоволтаици, а сега наместо него влегува неговата сопруга, и тоа ни помалку ни повеќе туку со земање на државна земја за изградба на централа.

Кога станува збор за интересите на врвот на власта, се се решава експресно.

Додека сомнителните активности на власта се како брз воз, ДКСК се однесува како парна локомотива.

The post Со потписот за сопругата на Ковачевски, Груби му се реваншира што ги бранеше бизнисите на брат му Ветон appeared first on Република.

Додека оди по маркети и замрзнува цени на јајца и зеленчук, кои никако да замрзнат, семејството Ковачевски го зголемува своето богатство преку влез во доходовни бизниси.За да се стекне со голем и вреден имот, сопругата на Ковачевски влегува во односи со Владата, со која управува нејзиниот сопруг Димитар Ковачевски,вели Миле Лефков од ВМРО-ДПМНЕ.

Со оваа одлука се отуѓува градежно земјиште сопственост на Република Македонија на друштвото за производство и продажба СОЛ ГРУП 5 ДОО Скопје. Со овие зборови почнува Одлуката со која Владата ѝ продава 1.119м2 државно земјиште на фирмата на сопругата на Ковачевски.

Оваа Одлука е објавена во Службен весник од 21 март оваа година, а донесена 7 дена претходно односно на 14 март, на седница на Влада. Еве ја Одлуката на Владата, а еве го и потписот на Артан Груби, кој се јавува како потписник во име на Владата.

https://www.youtube.com/watch?v=zGmKGcnTsPM&embeds_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Во време кога Ковачевски е претседател на Влада, неговата сопруга добива државно земјиште од истата таа влада, за бизнис за производство на струја од фотоволтаици.Токму Ковачевски е основач и на Пиксел груп, фирма за производство на фотоволтаични панели, сега во посед на неговиот кум Горан Паунов. Фирма која е основана и забрзано се шири со доаѓањето на СДС на власт.

Бизнисот од кој Ковачевски тврдеше дека излегол, сега гледаме дека влегла неговата сопруга, а за помош добива земјиште и од Владата.

 

Одлуката на Влада со која сопругата на Ковачевски добива државно земјиште додека Ковачевски е премиер е доказ колку власта е забегана и дека не ја интересира ништо освен сопствениот интерес и интересот на нивните семејства кои шират бизнис додека тие се на власт. Ова е доказ дека оваа власт на СДС и ДУИ мора да си замине, зошто државата не смее да биде алатка за богатење на неколку семејства во врвот на власта. Потребни се промени

The post Ова е документот со кој Груби ѝ продава државно земјиште на сопругата на Ковачевски за 70 денари М2 appeared first on Република.

Основното јавно обвинителство Скопје поведе постапка против 40-годишна скопјанка која е осомничена дека сторила кривично дело измама од член 247 став 3 во врска со став 1 од Кривичниот законик.

Осомничената, која претходно е осудувана и против која се водат и други постапки за слични кривични дела, соопштија од Јавното обвинителство на Република Македонија, лажно се претставувала како вработена во Министерството за земјоделство, шумарство и водостопанство, на работна позиција референт.

– Еден оштетен го довела во заблуда со тоа што му ветила дека како вработена во Министерството, со помош на својот претпоставен, ќе му помогне на легален начин да дојде до државно земјиште под закуп кое тој го користел подолг период. За услугата во повеќе наврати од август до сега му побарала и му зела парични средства на рака, во вкупен износ од 210.474 денари, појаснуваат од Јавното обвинителство на Република Македонија.

Бидејќи постојат околности кои укажуваат дека осомничената би се криела за да го избегне кривичниот прогон, се наведува во соопштението, надлежниот јавен обвинител на судијата на претходна постапка од Основниот кривичен суд Скопје му достави предлог за определување мерка притвор за осомниченото лице.​

The post Скопјанка лажела дека работи во Земјоделие, ветувала државно земјиште и земала поткуп од 3500 евра appeared first on Република.

Толку од „борците“ за здрава животна средина и од „зелената“ агенда, коментира на својот фејсбук-профил пратеничката на ВМРО-ДПМНЕ Дафина Стојаноска, откако вчера пратениците на СДСМ, ДУИ и на ЛДП гласаа против амандманот на Законот за шумите. Станува збор за предлог на ВМРО-ДПМНЕ за вметнување на став во член 75 со кој би се забранило поставување и градење на времени објекти, живеалишта, викендици во националните паркови на Македонија и неможност за каква било легализација на тие објекти кои ќе треба да биде урнати или отстранети.

За овој амандман од 110 присутни пратеници, само пратениците на ВМРО-ДПМНЕ со 31 пратеник гласаа „за“, а 47 беа пратеници против.

По нашиот предлог закон за изменување на Законот за шумите, по скратена постапка, со кој предлагавме да се допрецизираат објектите кои не може да се градат во шумите, како би се постигнале поголем увид и контрола врз градењето објекти, како приватни живеалишта и викендици, во шумските подрачја, најголемиот број на пратениците од власта денес гласаа против. Толку од „борците“ за здрава животна средина и од „зелената“ агенда, коментира Стојаноска.

The post Пратениците на СДСМ, ЛДП и ДУИ не го прифатија предлогот за забрана за градби во национални паркови appeared first on Република.

Кој и како дозволува државните земјишта да се узурпираат и на сметка на истите да се профитира, анализира ТВ24, откривајќи дека паркинг простор, кој се наоѓа на самиот влез од Старата скопска чаршија, веќе долги години успева да опстојува на државно земјиште.

Но, наместо државата, како сопственик на земјиштето, да води грижа за истото долги години дозволило физичко лице да води грижа за државното земјиште на кое пак си поставил рампа и наплаќа 50 денари од час за секој еден кој решил да го искористи просторот и да го паркира своето возило.

Покрај тоа што е државно земјиште истото се наоѓа и во зоната на заштитено подрачје со што се отвора и прашањето како државните институции долги години дозволиле пред нивни очи физичко лице да постави рампа и да профитира.

Дека се работи за државно земјиште кое се наоѓа во заштитено подрачје потврдија и од Државниот инспекторат за градежништво и урбанизам. Од таму велат дека физичко лице си дозволил да го узурпира државното земјиште и да постави рампа за паркинг простор.

Повеќе на ТВ24

The post Некој со години си наплаќа 50 денари на нелегален паркинг на заштитено државно земјиште appeared first on Република.

Претседателката на Државната комисија за спречување на корупцијата Билјана Ивановска бара веднаш да престане продажбата на државно земјиште. Според неа, најголем проблем во оваа насока е како се прават деталните урбанистички планови, бидејќи тие, како што нагласува, го отсликуваат јавниот интерес кој што општината треба да го спроведе во својот дел.

Која е целта на државата, да го испродаде цело државно земјиште, дали е тоа целта, и тоа по багателна цена? Ако државата треба да го обезбеди јавниот интерес на граѓаните, не може тоа да го направи преку приватно земјиште. Тоа е едното прашање, второ, извор на корупција е Законот за дивоградби, односно за давање на правен статус на бесправно изградените. Од самото име се гледа каков вид на закон е тоа, значи тој закон треба да се укине веднаш, рече Ивановска во гостувањето на „Топ Тема“ на ТВ Телма.

Таа смета дека доколку државата сакала да им помогне на сиромашните граѓани тоа можела да го направи на други начини, а оти носењето на овој закон во најголем дел го чекаат некои, како што вели, крупни бизнисмени кои сакаат да си ги легализираат своите дивоградби.

Решението дека со 30 отсто, 70 отсто да се докупи за да се дооформи парцела е исто така извор на корупција. Земјиштето кај „Холидеј Ин“ така беше продадено. И тоа не е само тоа парче, се увиде дека има многу, многу земјиште така продадено, вели претседателката на ДКСК, Ивановска.

The post Ивановскa: Веднаш да престане продажбата на државно земјиште appeared first on Република.

Сите државни плацеви во Скопје, па и во Македонија треба да одат на јавна меѓународна лицитација, смета Зоран Иванов.

Државното земјиште во Македонија по брза постапка завршува во раце на бизнисмени. Ова го потврдува случајот на големиот градежен играч, Фатмир Етеми. Неговата компанија „ЗСФ-КОМ“ успеа да се стекне со сопственост на атрактивни парцели во близина на поранешната зграда на НИП „Нова Македонија“. Државното земјиште било приватизирано по багателна цена, иако се работи за локација во строгиот центар на главниот град, каде што квадрат се продава и за 2.000 евра, објави „Само прашај“.

The post Зоран Иванов: Сите државни земјишта да одат на јавна меѓународна лицитација appeared first on Република.

Државното земјиште во Македонија по брза постапка завршува во раце на бизнисмени. Ова го потврдува случајот на големиот градежен играч, Фатмир Етеми. Неговата компанија „ЗСФ-КОМ“ успеа да се стекне со сопственост на атрактивни парцели во близина на поранешната зграда на НИП „Нова Македонија“, пишува Самопрашај.мк.

Државното земјиште било приватизирано по багателна цена, иако се работи за локација во строгиот центар на главниот град, каде што квадрат се продава и за 2.000 евра.

Документите до коишто дојде редакцијата на „Само прашај“, добиени од Агенцијата за катастар на недвижности по неколкумесечно истражување покажуваат дека Министерството за финансии на крајот на минатата година (29.12.2021), кога сите се подготвуваа за прославата на Нова година, донело решение со коешто се прифаќа барањето на компанијата на Етеми за приватизација на градежно земјиште во државна сопственост. Станува збор за четири парцели со вкупна површина од 663 квадратни метри, според документите, наменети за изградба на хотелски комплекс.

Сите четири парцели се запишани во еден имотен лист со број 58982 во Центар. Министерството за финансии пресметало дека за приватизацијата, компанијата „ЗСФ-КОМ“ треба да плати надомест од 290.394 денари. Ова значи дека еден квадрат чини 438 денари или само 7 евра.

The post Министерството за финансии му продало атрактивно државно земјиште во Центар за 7 евра од квадрат на градежникот Фатмир Етеми appeared first on Република.