Државниот завод за ревизија изврши ревизија на финансиски извештаи заедно со ревизија на усогласеност на Фондот за здравствено осигурување за 2021 година.

Цел на ревизијата, како што велат од ДЗР, е да се добие разумно уверување дали финансиските извештаи се ослободени од материјално погрешни прикажувања и дали активностите и трансакциите се во согласност со законската регулатива.

Ревизорите утврдиле слабости во спроведувањето на интерните и теренските контроли при потврдувањето на објективноста на фактурираните услуги.

Ревизорите во извршената ревизија констатираат слабости во контролите при препишување и издавање лекови, непочитување на роковите при вршењето на контролите и изрекувањето на договорните казни, поради невоспоставени контроли исплатувани се надоместоци за боледување и кога осигурениците остварувале плата, како и слабости при утврдување и контрола на реализација на условен надоместок на ЈЗУ, велат од Државниот завод за ревизија.

Како клучни препораки ДЗР ги посочува воспоставувањето систем на планирање, следење и редовно вршење контрола на видот и обемот на извршените здравствени услуги и издадени рецепти.

Дел од препораките се и доуредувањето на постапката и воспоставување контроли при исплатата на надоместоците за боледување и зајакнување на контролите кај условниот надоместок.

Добиено е Известување на Нацрт извештајот при што е констатирано дека претставува известување/објаснување во однос на утврдените состојби, се наведува во соопштението.

ДЗР изразува мислење со резерва во однос на вистинитоста и објективноста на финансиските извештаи и за усогласеност на финансиските трансакции со релевантната законска регулатива за 2021 година.

Како клучни системски слабости ДЗР го посочува тоа што за три години од граѓаните во приватното здравство, само со PCR тестови, е прелеани најмалку 19,9 милиони евра. Не е ажурирана Листата на лекови кои паѓаат на товар на Фондот. Во 2021 година реализиран е значајно помал обем на услуги од договорениот надоместок, поради што 106 од вкупно 116 ЈЗУ имаат добиено статус на неодржливи, се наведува во соопштението од Државниот завод за ревизија.

The post Ревизорите пронајдоа многу слабости во работата на ФЗОМ во 2021 appeared first on Република.

Државниот завод за ревизија утврдил дека само 52 отсто од мерките за реформа во правосудството се реализирани, а искористени се и само 20 проценти од планираните буџетски средства.

Од вкупно 130 мерки, кои биле предвидени во Стратегијата а и Акцискиот план, целосно се реализирани само 52 отсто, делумно се реализирани 34, а нереализирани се 14 отсто. Ова го покажуваат анализите на Државниот завод за ревизија (ДЗР), кој утврдил дека реформата во правосудството е реализирана со 20 проценти од планираните буџетски средства.

The post Судството не знае ни да ги искористи парите од буџетот appeared first on Република.

Државниот завод за ревизија (ДЗР) денеска на својата на веб-страницата ги објави ревизорските извештаи за Собранието на РС Македонија, поточно три сметки.

Од ДЗР информираат дека за ревизорскиот извештај на Собранието, сметката за буџет на донација – Програма за поддршка на Парламентот (785- 60) изразиле мислење без резерва за вистинитоста и објективноста на финансиските извештаи и за усогласеноста со законска регулатива, упатства и воспоставени политики. Наведуваат дека не се добиени забелешки на Нацрт-извештајот на овластениот државен ревизор.

За ревизорскиот извештај на Собранието, сметка на основен буџет (637), утврдено е дека Собранието не располага со имотен лист со утврдено право на сопственост/користење на земјиштето и објектот во кој е сместено и ги извршува своите функции и воспоставена е делумна сметководствена евиденција за книгите со кои располага Собранието.

Меѓу клучните препораки е да продолжат активностите за запишување на правото на сопственост/ користење на имотот со кој располага Собранието и се препорачува целосна евиденција на книгите.

Во ревизорскиот извештај се наведува дека клучни системски слабости се доуредување на регулативата во однос на: основицата за плата на избрани и именувани лица, ангажманот на надворешни соработници, отсуствата на пратеници и надоместокот на трошоци за патарини.

Со ревизорскиот извештај на Собранието, сметката за буџет на донација од Швајцарска Конфедерација (785-40), нема утврдено препораки и системски слабости, а изразено е мислење без резерва за
вистинитоста и објективноста на финансиските извештаи и за усогласеноста со законска регулатива, упатства и воспоставени политики.

The post Собранието нема имотен лист appeared first on Република.