Претседателот на Владата Христијан Мицкоски и сопственикот и менаџер на Бреинчајлд, Ралф Хенинг Гросел ќе потпишат договори за државна помош за два одделни инвестициски проекти коишто ќе бидат реализирани паралелно од два правни субјекти.

Бреинчајлд е компанија формирана како заедничко вложување на група инвеститори од Германија и Холандија кои креираат глобален производител на висококвалитетна спортска опрема за спортови на вода и ветер. Производите вклучуваат крила, едра и дополнителна опрема за летање и сурфање на вода.

Бреинчајлд е иновативна компанија која комбинира техничко знаење и практично искуство во целокупниот процес на производство, притоа посветувајќи сериозно време и фокус на одржливи производни практики и циркуларна економија во комплетниот производен циклус.

Брендот Бреинчајлд во Македонија има формирано две компании и тоа: Бреинчајлд Продукција во 2020 година и Бреинчајлд Производство во 2022 година.

Бреинчајлд Продукција е компанија која се занимава во активности за истражување и развој на новите производи, преку користење на уникатни репроматеријали, а со цел добивање на специфичен материјал кој е потребен за производство на опремата за спортови на ветер и вода. Инвестицијата е лоцирана во Битола, во постоечки објект со големина од 1500м2.

- Бреинчајлд Продукција поднесе писмо за намери и деловен план за реализација на инвестициски проект за индустриско истражување на почетокот на 2024 година. Инвестицискиот план вклучува вложувања во адаптирање на лабораторија за истражување и развој и набавка на нова современа опрема и машини. Согласно деловниот план и договорот за државна помош, предвидено е компанијата да инвестира вкупен износ од најмалку 2.500.000 евра во период од 5 години, при што се планирани околу 40-тина висококвалификувани нови работни места, информираа од Владата.

Од друга страна, Бреинчајлд Производство е компанијата која се занимава со сериското производство на опремата и елементите.

- Планот на сопствениците е да изградат целосно нов објект со големина од 3000м2 во индустриската зона Жабени кај Битола и да вработат околу 200 лица. Според инвестицискиот планови, почетокот на градбата се очекува да биде во 2025 година, а во текот на следните 5 години да се заокружи инвестициски циклус од околу 8.500.000 евра. И покрај изградбата на новиот сопствен објект, целта на компанијата е да ја зачува и надградува постоечката лабораторија за развој на нови производи и производни процеси, како и за испитување и создавање на одржливи материјали, наведуваат од Владата.

Како дел од активностите за поврзување со локалната заедница, Бреинчајлд отвори специјализирана школа за шиење на напредни материјали која служи како своевиден тренинг центар за планираните активности на компанијата, а компанијата е посветена и на одржлив и еколошки процес преку користење на рециклирани материјали како суровини и процеси кои елиминираат некои стандардни производни пракси штетни за околината.

По потпишувањето на договорите предвидена е заедничка прес- конференција за медиуми на премиерот Мицкоски и сопственикот и менаџерот на Бреинчајлд

The post Потпишување на договори за државна помош за два одделни инвестициски проекти appeared first on Република.

Министерот за економија Крешник Бектеши денеска соопшти дека ако компаниите од прехранбената индустрија одлучат да ги намалат цените повеќе од процентот предвиден со одлуката за замрзнување, ќе се разгледа опцијата да добијат поддршка од државата.

Донесовме одлука намалувањето да биде минимум 10 отсто, но ако компаниите одлучат и ги намалат цените за 20 отсто, на пример, ќе разговараме за тие дополнителни 10 проценти да им дадеме поддршка. Ако одреден сектор, наместо за 10 отсто, ги намали цените на 15 - 20 проценти, тогаш ќе разговараме за да им се излезе во пресрет. Нашата цел е грѓаните да плаќаат пониски цени“, потенцира Бектеши.

Тој информира дека за тоа разговарал вчера со премиерот Димитар Ковачевски.

Вчера со премиерот разговаравме да им излеземе во пресрет дополнително на одредени сектори во индустријата. Имаме толку голем простор преку ЕСМ зашто е зголемено производството, што за тие компании кои ќе ги намалат цените државата ќе излезе во пресрет со поддршка, а за тие што нема тоа да го направат, ќе се укинат сите поддршки“, подвлече министерот.

The post Оној кој ќе ги намали цените повеќе од предвиденото може да добие државна помош appeared first on Република.

Владата, на седницата, ја усвои и Информацијата за Предлог договор за доделување државна помош на Друштвото за производство на внатрешни компоненти КИЕЛ МАКЕДОНИЈА ДООЕЛ Желино и донесе Одлуката за давање согласност за Договорот.

Согласно деловниот план којшто се однесува на реализација на инвестициски проект во ТИРЗ Тетово за производство на седишта за автобуси и возови, како што информираше Министерството за економија, друштвото се обврзува да инвестира износ од 9.291.750 евра во денарска противредност, пришто ќе вработи најмалку 150 нови вработени, до датумот на завршување на инвестицискиот проект (31.12.2025 година).

The post Државна помош за КИЕЛ Македонија ДООЕЛ која најави над 150 нови работни места appeared first on Република.

Покривање на 50 отсто на зголемувањето на струјата за потрошувачка над 300 киловат часови за мај и јуни; вонреден надомест до 600 евра за граѓаните со годишен приход до 45.000 евра, за дополнителни направени трошоци, ретроактивно од декември до мај; одвојување на меѓународните покачувања на природниот гас од сметките за струја, односно индиректен плафон на цените на природниот гас, се дел од мерките што ги соопшти грчкиот премиер Кирјакос Мицотакис, јави дописничката на МИА од Атина.

Во телевизиската порака до граѓаните, Мицотакис ја претстави новата национална програма на грчката Влада за справување со покачувањата на цените на електричната енергија и рече дека за енергетската криза предизвикана од војната во Украина, потребно е европско решение, но „Европа, барем засега не е на ниво на задачата и за жал решението доцни“.

– Грција продолжува да бара решение, но во меѓувреме не е неактивна. Нема да чека. Затоа што прво јас чувствувам дека тешкотиите на нашите бизниси и домаќинства не можат да чекаат повеќе. Со моја одлука, започнува нова Национална програма за поддршка, со цврста ориентација кон најслабите. Но, овој пат и со мерки за значително олеснување за средната класа – рече Мицотакис.

Тој објасни дека новата програма е во четири области, ќе апсорбира 70 до 80 отсто од поскапувањето за киловат час за домаќинствата, бизнисите и земјоделците.

Рече дека со евентуален договор за европски средства ќе се намали товарот на државниот буџет, но истакна дека нема да чека „бавниот европски прекуокеански борд да го промени курсот“.

The post 600 евра надомест за струја – Помош за Грците со годишен приход до 45.000 евра appeared first on Република.