Во Собранието денеска ќе биде врачена државната награда „8 Септември“ за највисоко признание за животно дело и признание за спортисти, тренери (селектори и тренери) и спортски работници за остварувања во областа на спортот за 2023 година.

Годинашен добитник на наградата за животно дело е Дејан Богданов за исклучителен придонес во развојот на спортот, афирмацијата и промоцијата на Република Македонија на меѓународен план.

Наградите со кои се оддава признание на спортисти, тренери (селектори и тренери) и спортски работници за остварувања во областа на спортот им се доделуваат на Елизабета Божиновска Вучкова, Назми Али, Златко Калински, Санде Коцев.

The post Денеска ќе бидат одликувани добитниците на државната награда „8 Септември“ appeared first on Република.

Денис Јанкуловски и Ленче Здравкин се добитници на државната награда „Мето Јовановски“ за 2022 година, која се доделува за остварувања во областа на промоцијата, заштитата и унапредувањето на човековите права.

Одлуката за добитниците на признанието за оваа година ја донесе одбор под претседателство на Уранија Пировска.

Државната награда „Мето Јовановски“ на годинашните добитници ќе им биде врачена на 10 декември 2022 во 12 часот во Собранието на Република Македонија.

The post Денис Јанкуловски и Ленче Здравкин – добитници на наградата „Мето Јовановски“ за 2022 appeared first on Република.

Легендарниот коментатор Атанас Костовски е меѓу петмината добитници на годинешната државна награда „8 Септември“, која ја доделува Агенцијата за млади и спорт (АМС) согласно Законот за државни награди на спортисти, тренери и спортски работници за остварувања во областа на спортот.

Покрај него, признанија од државата ќе добијат Зоран Карановиќ, Стојан Андриевски и Ацо Јорданов.

Наградата за животно дело, пак, за исклучителен придонес во развојот на спортот, афирмацијата и промоцијата на Македонија на меѓународен план се доделува на Чедо Николовски, поранешна боречка легенда.

The post Агенцијата за млади и за спорт ги објави имињата на добитниците на државната награда „8 Септември“ appeared first on Република.

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ во 2022 година.

Како што информира Министерството за култура, конкурсот ќе трае од 1 до 30 јуни 2022 година. Достапен е на веб-страницата на Министерството за култура.

Согласно со член 5 од Законот за државните награди и Законот за изменување и дополнување на Законот за државните награди („Службен весник на РМ“ бр. 52/06 и 54/07), со наградата „Св. Климент Охридски“ се оддава највисоко признание за долгогодишни остварувања во областа на воспитанието, образованието, културата, уметноста, здравството, спортот и заштитата и унапредувањето на човековата околина и во социјалната дејност.

Во една година можат да се доделат најмногу до пет награди.

Државната награда ја доделува Одборот за доделување на државната награда „Св.Климент Охридски“, составен од претседател и 12 члена, кој распишува конкурс и донесува одлука за доделување на наградата.

Државната награда се врачува во Собранието на 8 декември – Ден на св. Климент Охридски. Државната награда „Св. Климент Охридски“ првпат е доделена во 1969 година.

The post Објавен Конкурсот за државната награда „Св. Климент Охридски“ appeared first on Република.