Екс шефот на кабинет на Груби, сега директор на Државна лотарија, на 4 јануари дава над 6 милиони евра за апарати за коцкање, на 11 јануари 11 милиони и 200 илјади евра, на 18ти јануари над 3.5 милиони евра за апарати за коцкање, или вкупно 12 милиони евра од 4 јануари до 18ти јануари! Во само две недели лотарија на пријателот на Груби дал 12 милиони евра за апарати за коцкање.

Ова е резултат на молкот на институциите, ова е резултат на наведнатата глава на СДС, ова е резултат на разузданоста, неодговорноста, замислената недопирливост на Артан Груби и на ДУИ. Половина година предупредуваме на огромни скандали поврзани со Државна лотарија, со Перпарим Бајрами, со Управниот одбор на Лотарија, и вмешаност на Артан Груби и на ДУИ во тоа.СДС и ДУИ, кратат плати под минималец во ФЗОМ, не даваат стипендии на студентите, немаат пари за земјоделците, СДС и ДУИ ги качија сметките за струја, ама затоа за две недели во јануари СДС и ДУИ имаат 12 милиони евра за апарати за коцкање, за Перпарим Бајрами и Артан Груби да се среќни!

Нема што СДС нема да голтне и пред што нема да заврти поглед само Артан Груби и ДУИ да ги направат среќни со државни пари, нема што нема да премолчат само и само во обид да ги домолат за спас од двоен изборен дебакл СДС.

The post Стоилковски: Во само две недели Државна лотарија на ДУИ дала 12 милиони евра за апарати за коцкање appeared first on Република.

Рекордни 62 000 000 денари или 1 000 000 евра носи 7-ката на играта ЛОТО 7 на Државна лотарија, што е досега најголема сума што може да се освои во нашата земја.

Инаку, Државна лотарија започна со приредување игри на среќа на 23 април 2010 година, а првото коло на играта на среќа лото под име НовоЛото 7/34 се реализираше на 5 мај 2010 година.

Првата седумка во играта НовоЛото 7/34 е постигната на 5.9.2011 година со вредност од 21.173.081,00 денари, а среќните броеви се уплатени во продажното место „Студио Гина“ во Битола. Оттогаш во лото играта, којашто во 2019 беше преименувана во ЛОТО 7, постигнати се вкупно 27 (дваесет и седум) седумки, а за седумка се славеше во различни градови: дванаесет пати во Скопје, петпати во Битола, двапати во Кичево, двапати во Куманово и по еднаш во Свети Николе, Тетово, Неготино, Струмица,  во Кавадарци и во Кочани.

Во однос на вредноста на добивките со 7 погодоци досега постигнати се 11 добивки со гарантирана вредност од 6 000 000,00 денари и една со гарантиран фонд од 7.777.777,00 денари.  Сите други седумки се добивки коишто се над гарантираниот износ од страна на Државна лотарија. Најголемата премија досега е во вредност од 41.163.771,00 денари, а среќните броеви добитникот ги уплатил во продажното место ЈМБ Компани Визбегово во Скопје.

Фондот  за  7-ката којашто сега изнесува над 1  000  000 евра започна да се собира по освојувањето на  последната седумка којашто беше исплатена во декември 2022 година во Кичево, откога фондот за 7-ка во ЛОТО 7 постојано расте.

Секое наредно коло ќе го очекуваме новиот добитник на 7-ка кого го чека премија досега највредна и најголема во државата.

Нечии 30 денари, колку што чини една лото-кобинација, може да станат влог во комплетна промена на животот. Затоа не заборавајте да ги уплатите ваши среќни броеви и да ја искористите можноста од само 30 денари да дојдете до најголемата премија вредна над 1 000 000 евра и да станете најголемиот лото милионер во нашата земја.

Комерцијален текст

The post Над 1 милион евра е премијата на Лото 7 на Државна лотарија appeared first on Република.

Државна лотарија ја привршува 2023 година како што и ја започна −бериќетно, со многу среќни приказни и насмеани добитници, со радост, возбуда и пријатни изненадувања.

Сања Симоновска од Пробиштип, среќата ја чекала во Делчево. Таа си доби роденденски, а воедно и новогодишен подарок, една од главните премии на инстант лозот 7х7, автомобил Hyundai Bayon. На 21 декември, на денот на нејзиниот роденден, се сретнавме со среќната добитничка пред салонот на „Гранд Ауто“ во Скопје, каде што Марјана ги предаде клучевите од автомобилот, а Сања ни раскажа колку е среќна за добивката.

Имено, при прошетка низ Делчево, Сања купила два инстант лоза „Фрути“ и само еден лоз „7х7“ од продажното место „Телхо Дел“ кои ги изгребала дома заедно со нејзината мајка и ќерка си. Кога ги забележале трите симболи на Hyundai Bayon, најпрво следеле „шок и неверување“, потоа на радоста ѝ немало крај. Како што ни кажа среќната добитничка, поубав роденденски подарок не можела ни да сонува.

Го завршивме разговорот со порака до играчите, да бидат упорни и истрајни во потрагата по среќата, затоа што среќата е насекаде.

Со желби за среќни празници ја испративме Сања со новото возило во Пробиштип.

Дозволете да Ве потсетиме, во најубавиот период од годината подарете на Вашите сакани инстан тлозови, подарете можност за СРЕЌА ПЛУС.

Комерцијален текст

The post Инстант лоз „7 х 7“ донесе Hyundai Bayon како роденденски подарок за Сања од Пробиштип appeared first on Република.

СЕКОЈ ДЕН НАГРАДИ СО „НОВОГОДИШЕН КАЛЕНДАР“ ЗА ПОЗАБАВНИ И ПОБОГАТИ ПРАЗНИЦИ

Од денес, сите регистрирани и нови учесници во игрите на среќа на веб-страната www.megawin.mk на Државна лотарија, имаат нова можност за уште повеќе забава и големи награди, со учество во новата наградна игра НОВОГОДИШЕН КАЛЕНДАР со награден фонд од близу 5 500 000 денари.

Во период од денес заклучно со 19 јануари 2024 година на веб-страната www.megawin.mk учесниците коишто ќе се согласат за учество во играта ќе добијат интересен НОВОГОДИШЕН КАЛЕНДАР во којшто секој ден за времетраење на играта ќе откриваат нешто ново, ќе собираат симболи и ќе се впуштаат во забавни авантури до освојување на некоја од вредните парични награди прикажани преку слики на нешта што ги посакуваме и места за коишто сонуваме.

Преку извадок од Правилата за наградната игра, ќе се обидеме да ја доближиме возбудливоста на играта: на НОВОГОДИШНИОТ КАЛЕНДАР се прикажани последователни броеви од календарски датуми во декември 2023 година и јануари 2024 година. Секој ден од 20.12.2023 заклучно со 19.1.2024 година, учесникот во  оваа наградна игра има право на едно бесплатно вртење на виртуелното тркало на среќата по што добива симболи коишто го пополнуваат „Дрвото на среќата“, но учесникот добива и дополнителни можности за вртење на тркалото на среќата по секоја успешно завршена мисија. Целта е да се пополни „Дрвото на среќата“ со потребните симболи. Секој ден е нов предизвик и нова можност за освојување парична награда прикажана со одредена слика од илустративна природа. Богатството на симболи ја поттикнува имагинацијата и внесува дополнителна празнична возбуда. Интересно е дека секој учесник кој ги исполнува условите за учество во наградната игра НОВОГОДИШЕН КАЛЕНДАР може да освои повеќе од 1 награда во рок од еден календарски ден, но исто така, доколку некоја од наградите планирани за одреден ден не биде освоена, истата ќе биде извлечена по пат на лотарија од сите учесници кои го собрале нецелосниот број на симболи за неа. Севкупно се работи за многу забавна наградна игра богата со награди којашто ќе ги збогати празниците и чувство на среќа. Повеќе детали на www.megawin.mk.

Наградната игра НОВОГОДИШЕН КАЛЕНДАР со фонд од близу 5 500 000 денари започнува непосредно по завршувањето на првата наградна игра, со фонд од награди и подароци од 12 000 000 денари, со којашто се одбележа и отворањето на интернет-платформата мегавин на Државна лотарија. „Мега адреналин со мегавин“, е слоганот којшто е веќе оправдан и потврден бидејќи за многу кратко време преку оваа своја нова веб-страна Државна лотарија понуди многу забава, награди, подароци, добивки...

Новините и нивниот интензитет ја потврдуваат и новата иновативна и инвентивна стретегија на новата позабавна и поблиску до народот Државна лотарија.

Комерцијален текст

The post Мегавин на Државна лотарија од денес со нова наградна игра appeared first on Република.

Државна лотарија го наградува рекордниот интерес за учество во игрите на среќа на својата нова интернет-платформа www.megawin.mk со кампањата „Празнично дарување“, којашто веќе започна и побуди голем интерес. Покрај забавните видови игри за љубителите на видеолотарија и спортско обложување, Државна лотарија предвиде подароци за играчите, а посебно и за секој новорегистриран играч на www.megawin.mk.

Забавата започна, а празниците се ближат, па оттаму и името на кампањата „Празнично дарување“.

Симболиката на празниците и дарувањето, на страната www.megawin.mk е претставена со отворање подароци. Играчот сам избира подарок, го отвора со клик, а добиеното е изненадување што го води понатаму во уште поголема забава до поголеми изненадувања.

Новата интернет-платформа беше промовирана со наградната игра „Биди ин регистрирај се на мегавин“, којашто траеше од 18 до 29 ноември со вкупен фонд од награди и подароци над 12 000 000 денари. Извлекувањето на наградите се одвиваше во живо на 30 ноември на мегаконцертот МЕГАСТАРС во Скопје, каде што платформата www.megawin.mk беше и официјално отворена за игра. Добитниците на вредните награди: 10 гејминг лаптопи Lenovo; 10 iPhone 14 Pro и 5 луксузни патувања за двајца во Дубаи, веќе доаѓаат во просториите на  Државна лотарија во зградата на МТВ, секој по својата награда и ги запознаваме преку објавите на официјалните социјални медиуми на Државна лотарија. Возбудени сме пред средбата со добитникот на премијата автомобил BMW, којшто ќе гостува во следното издание на нашата нова шоу-емисија СЕДМО НЕБО.

Државна лотарија − нова, свежа, динамична, позабавна, поблиску до народот, иновативна, со поголема и поразновидна понуда на игри на среќа и видови добивки, поактивен член на заедницата, поголема поддршка на општеството, цврста во ставот за промоција и заштита на одговорно и контролирано приредување игри на среќа − тоа е новата Државна лотарија, со нов слоган: СРЕЌАТА Е НАСЕКАДЕ!

Интернет-платформата www.megawin.mk ја потврди новата стратегија на Државна лотарија. Со неа ќе бидат поврзани многу нови изненадувања, подароци, награди добивки и многу забава, кампањата „Празнично дарување“ е едно од изненадувањата што ќе внесат мега адреналин и многу забава во овие празници, но и воопшто во светот на игрите на Државна лотарија.

Комерцијален текст

The post Забавата започна со кампањата „Празнично дарување“ – МЕГА интерес за игрите на интернет-платформата мегавин.мк на Државна лотарија appeared first on Република.

Државна лотарија − нова, свежа, динамична, позабавна, поблиску до народот, иновативна, со поголема и поразновидна понуда на игри на среќа и видови добивки, поактивен член на заедницата, поголема поддршка на општеството, цврста во ставот за промоција и заштита на одговорно и контролирано приредување игри на среќа − тоа е новата Државна лотарија, со нов слоган: СРЕЌАТА Е НАСЕКАДЕ!

Тому оваа слика беше претставена и преку низата активности коишто Државна лотарија ги пласираше во месец ноември, крунисани со мегаконцертот „МЕГАСТАРС“, на којшто Компанијата ги промовираше своите нови корпоративен симбол и слоган. Марјана Станојковска, Игор Џамбазов, Миа и Мартин 99, вешто нè водеа низ овој тричасовен забавен, комплесен, емотивен настан полн со содржина и изненадувања. Нурнавме во секвенции од историјата на Државна лотарија, основана точно на 17 декември 2008 година, откривме рецепти за среќа на некои од добитниците на досегашните 27 седумки на Лото и на сопствениците на дел од досега доделените над 220 возила, коишто наредени едноподруго би направиле километар долга колона од среќно „изгребани“ возила. Дознавме за историјат, но и за иднина, којашто е возбудлива, иновативна, динамична. Забавната и емотивна атмосфера ја држеа на високо ниво извонредните пејачки имиња, со коишто присутните во салата ги пееја едногласно добропознатите на многумина омилени рефрени од 90-тите. Моментот на објавување на новите лого и слоган беше симболички проследен со црвени балони што паѓаа „од небо“ и се разлетаа насекаде, по што Државна лотарија ја потврди својата мисија за општествена одговорност со донација на Црвен крст од 1 000 000 денари за помош на социјално загрозените лица од трето доба, и донација од 2 500 000 денари за Клиниката Козле за помош во справувањето со сè почестите заболувања кај децата во зимскиот период. Претставници на Црвен крст и на Клиниката Козле потврдија дека ова не е прва, но е досега најголема еднократна донација, изразувајќи благодарност за отвореноста на Компанијата за поддршка, како соработник и пријател. Во рамките на настанот беше официјално се реализираше и извлекувањето на наградите од наградната игра „Биди ин, регистрирај се на Мегавин“, по што страната www.megawin.mk беше и официјално отворена за игра.

Досетливите коментари на Миа и Мартин 99 и нивните разговори со мегаѕвездите во „зелената соба“ ја воодушевуваа публиката и му даваа една поинаква, светска „мегаѕвездена“ димензија на настанот. Четирите музички блока, блоковите со извлекување награди, водителските најави на Марјана и Игор, разговорите во „зелената соба“, сесиите на диџејот, видеоанимациите, сценографијата, светлосните и пиротехнички ефекти, големиот балон на возух пред салата и целосната сценографијата од спотот за наградната игра со заедно со возилото – премија, како и обмислените детали со коишто изобилуваше овој настан, дадоа едно комплетно уживање на публиката сочинета од дел од регистрираните учесници на новата интернет-платформа www.megawin.mk на Државна лотарија во чест на чиешто отворање беше приредена наградната игра којашто траеше од 18 до 29 ноември, во кој период сите регистрирани добија подарок и онлајн влезница за концертот „МЕГАСТАРС“. На сцената покрај којашто беше сместена четворочлената комисија, со помош на електронски генератор на броеви по случаен избор, од сериските броеви на онлајн влезниците на регистрираните учесници, се извлекоа добитниците на: 10 гејминг лаптопи Lenovo; 10 iPhone 14 Pro, 5 луксузни патувања за двајца во Дубаи и еден автомобил BMW.  Пријатно изненадување беше големиот интерес за регистрации  − од сите краишта на земјата коишто за жал заради оддалеченоста не беа во можност да присуствуваат на концертот, а што се отслика во нецелосно исполентата сала. Од друга страна, добивме извонредно богата шаренолика слика на добитници од: Демир Хисар, Штип, Тетово, Кочани, Гостивар, Берово, Куманово, Новаци, Македонски Брод, Старо Нагоричани, Кривогаштани, Битола и од скопските општини Илинден, Центар, Бутел, Кисела вода и Гази Баба. Добитникот на премијата автомобил BMW, го контактиравме телефонски од сцена и можевме да ја слушнеме неговата збунетост и неверување. Наскоро ќе го запознаеме и ќе дознаеме повеќе за среќниот сопственик на нов автомобил BMW од првата наградна игра на Мегавин.мк на Државна лотарија, а со нетрпение очекуваме да ги запознаеме и останатите 25 добитници на другите вредни награди и да ви ги претставиме. Настанот „МЕГАСТАРС“ со многубројните сегменти и полнотијата од содржина и детали беше извонредно организиран, и беше вистинско уживање и за гостите и за изведувачите и за домаќините. Ќе има недоброј прекрасни мигови за споделување до следната средба.

Новиот симбол на Државна лотарија – калинка, на овие простори е традиционален симбол за среќа и благодат; тоа е плод којшто асоцира на радост, свежина, надеж, а ако се погледне поинаку − топче е со круна. Недвојбено, ова е вистинскит симбол којшто ја одразува и дејноста на компанијата и нејзината нова стратегија којашто ќе донесе уште повеќе благодат за сите бидејќи СРЕЌАТА Е НАСЕКАДЕ!

Комерцијален текст

The post Државна лотарија одбележа 15-годишнина и најави нова стратегија – ново лого, нова веб-страница „мегавин.мк“, мегаконцерт, донации, награди и подароци appeared first on Република.

Индустриската зона Визбегово станува коцкарски центар на Македонија, обвинуваат од Албанскиот опозициски фронт составен од партиите Алтернатива, Движење Беса и Демократско движење, додавајќи дека индустриската зона, која еснафите макотрпно ја развиваа со децении, Артан Груби преку ноќ ја претвора во центар на валкани бизниси!

Лотарија на Македонија, која ја водат најблиските луѓе на Артан Груби, наскоро се очекува да се пресели во индустриската зона Визбегово во Скопје. Меѓународниот медиум Радио Слободна Европа соопштува дека Лотарија склучила договор за користење простор токму овде во зоната Визбегово каде што се наоѓаме и денес, и ќе продолжи да функсионира во овој дел од градот во наредните 10 години.
За оваа намена од буџетот веќе се издвоени 2,6 милиони евра. Всушност, во април годинава, објектот и просторот околу него беа купeни од фирмата „Хеј дооел“, основана во февруари годинава, со управител Армин Машовиќ, поранешен партнер на Ерџан Сулкоски во „Пацифик Петролеум“ , за кого во медиумите се информираше дека е близок со семејството на Али Ахмети. Така, Лотарија ќе се позиционира покрај патот Скопје - Блаце, каде веќе функционираат неколку казина, чиј број од ден на ден се зголемува. Индустриската зона Визбегово, најверојатно, ќе се претвори во Лас Вегас, а овој план го спроведуваат Артан Груби и ДУИ. Ако до вчера имаше дилеми зошто барањата на албанските бизниси од оваа зона беа тотално игнорирани од ДУИ и нејзините функционери, сега се станува јасно. Тие имаа друг план на ум за оваа зона. Да го направат центар за коцкање! Оваа зона, која чесниот албански бизнисмен, еснафите, ја градеа со децении, Артан Груби и ДУИ преку ноќ решија да ја претворат во зона на казина, брзи кредити, хотели и мотели. Оваа зона, која досега се слушаше само за позитивни вести, за успешни приказни, Артан Груби реши да ја направи зона на проблеми, убиства и валкани работи, бидејќи казината носат такви последици! Не зборуваме за гласини. Зборуваме за факти! Алчноста на Артан Груби и ДУИ за пари нема крај! Ова зло мора да заврши, а за ова ни треба вашата помош, помошта од граѓаните! Да ставиме Стоп на дегенерацијата на се што има вредност, навистина Артан Груби уништува се што ќе допре! Граѓаните веќе се свесни за ова и жестоко ќе го казнат ова зло!, велат од албанската опозиција.

The post Артан Груби го претвора Визбегово во Лас Вегас, зона на убиства и валкани бизниси, обвинува албанската опозиција appeared first on Република.

Тајно и на мала врата Владата уште пред три месеци донела одлука да овозможи почнување постапка за основање три нови друштва за приредување интернет игри на среќа, кои ќе бидат под нејзина капа, односно под капата на Државната лотарија на Македонија.

Одлуката, случајно или не, пишува „Плусинфо“ е донесена под назив кој не навестува дека содржи информација која е од круцијално значење за индустријата на игри на среќа. Под наслов „Одлука за одобрување на работењето на Управниот одбор на акционерското друштво за приредување игри на среќа, Државна Лотарија на Република Македонија“ објавен во Службен весник на РСМ, бр. 124 од 14.6.2023 година, Владата, всушност, овозможила отпочнување постапка за основање на три нови друштва за приредување интернет игри на среќа.

Во меѓувреме, Законот за игри на среќа, кој беше актуелен во последните две години и беше високо на агендата на Владата, веќе неколку месеци целосно исчезна од јавниот дискурс, а предлог законот кој требаше да се донесе со европско знаменце мистериозно заглави во некоја од фиоките во Собранието. Законот беше силно критикуван како од здруженијата на приредувачите на игри на среќа, така и од европските политичари. Покрај тоа, во јавноста се појавија сомнежи и шпекулации дека законот воопшто не е во интерес на граѓаните и заштитата на малолетните лица во игрите на среќа, туку дека тој е параван за бизнис интереси на ДУИ и на вицепремиерот Артан Груби. Со вакви наводи излегоа опозициските ВМРО-ДПМНЕ и неодамна формираната партија на Изет Меџити.

Иако настана извесно затишје во јавноста за оваа тема, „Плусинфо“ дознава дека Владата била вредна и тајно и молчешкум си работела додека граѓаните се плажирале. Во текот на летните одмори, уште пред три месеци, Владата на мала врата донела одлука која ќе има сериозни импликации врз постоечките компании кои организираат игри на среќа во земјава.

Целата сторија на „Плусинфо“

The post Со ќутенката „загрижената“ влада тајно формира 3 нови друштва за коцкање преку интернет appeared first on Република.

Потпретседателот на движењето Беса, Фатмир Лимани преку Фејсбук најави дека ќе пишува и открива „вистини и криминали за бизнисот со Лотарија и казината“.

Со наслов „Казината и молзењето на луѓето", Лимани на фејсбук Али Ахмети го именува по неговиот прекар Абаз Џука, па вели:

● Поранешниот патриот Абаз Џука, барал и добил директор на македонска ЛОТАРИЈА, за да молзе и да краде албански семејства!
● Зошто не доби ниту една дирекција, за економски развој за да ги вработи младите на државата, туку се избори да стане даночник на бенефиции од КАЗИНА!?
● Асистентот на Артан Груби станува директор на Македонска лотарија, а што добиваат, а што губат Албанците со ова!?
● Колку месечни поволности се собираат во касата на Али Ахмети од обложувалниците што ги отвори низ нашата држава?!
*ПС: Во наредните денови ќе се занимаваме со проблематиката на коцкање, казина, лотарии....

Во разговор за МКД.мк Лимани, инаку внук на Ахмети, објаснува дека целта на лидерот на ДУИ е партијата да навлезе што подлабоко и во институции кои носат „брзи" пари и каде е вносно да се има свој „удел". Лимани објаснува по барање на Ахмети за директор на Лотарија беше поставен Перпарим Бајрами, инаку близок соработник на Артан Груби.

Која е причината што влегуваат во Лотарија? Треба да се знае дека лиценците за казината ги даваат директорот на Лотарија и Министерството за финансии, каде министер е од ДУИ. Тие две институции не се случајно земени од ДУИ, нагласува Лимани.

The post Ахмети влегува во казино бизнисот, открива неговиот внук appeared first on Република.

Државна лотарија известува дека во 95. коло од играта на среќа ЛОТО 7, постигната е лото-премија во вредност од32 921 304 00 денари, (околу 535 000 евра). Извлекувањето се реализираше вчера, во среда, на 30 ноември(2022 г.), со пренос во живо на Канал 5 телевизија.

Според податоците од системот, дознаваме дека уплатата е извршена на продажното место ДЕТЕЛИНКА, во Кичево. Уплатени се 5 лото-комбинации, а добитна е 5-тата комбинација со броевите: 2, 10, 11, 12, 24, 36, и 37.

Ова е 27-ма лото-премија од почеток на приредување на игрите на среќа на Државна Лотарија (од 2010 година).

За 7-ка досега се славеше во: Свети Николе, Неготино, Тетово, Струмица, Кавадарци, Кичево, Куманово, Битола и Скопје. Рекордната премија во вредностнад 41 000 000 денари е постигната на 26 октомври 2021 во Визбегово, Скопје.

Најновата 7-ка е втора во Кичево и повеќе од двојно поголема од првата. Првата, во 2019 г., на Зоран Митаноски и неговото семејство им донесе премија од 11 966 712 денари.

Ја поздравуваме одлуката на лото-играчите коишто досега јавно го споделија своето искуство – какво е чувството кога ќе се добие 7-ка на ЛОТО 7.

Веруваме дека наскоро ќе се запознаеме и со нашиот најнов добитник и ќе ви ја пренесеме среќната приказна на најновиот лото милионер.

Во тек е уплатата за коло 96, а премијата за 7-ка изнесува 7 000 000 денари. Во претпразничниот период Ви предлагаме онлајн учество на www.loto.mk, во играта на среќа со најголема добивка во државата ̶ Играта ЛОТО 7.

The post Постигната 7-ка во Кичево, вредна над 500.000 евра appeared first on Република.

Претседателот на Алијанса за Албанците, Зијадин Села го обвини ДУИ дека се обидува да ги поткупи независните медиуми, и финансира партиски портали со пари на граѓаните. Тој рече дека активист кој доставувал пици за пратениците на ДУИ е именуван за директор на Државна лотарија и со пари од истата финансира портали во служба на партијата, објави Њуз33.тв.

Вознемирувачки се и останатите обиди на оваа партија кои ние ги гледаме од страна, кој цело време се обидува и купува медиуми преку пари на граѓаните, преку луѓе кои до вчера биле пица доставувачи на пратениците на ДУИ, а денеска се заменици директори како во државната лотарија на Македонија и гледате многу портали кои се ориентирани во напад на опозицијата, притоа правејќи им ПР на ДУИ, ќе ги најдите и одговорите за кои медиуми станува збор кои 24 часа се во служба на режимот, на партијата која ја потисна слободата на говорот, и која што продолжува уште повеќе да ја потиснува истата, рече Села.

The post Пица доставувач од ДУИ стана заменик-директор на Државна лотарија appeared first on Република.